മലയാളം ന്യൂസ് പോർട്ടൽ
Current Affairs

അവസാനം സണ്ണി ലിയോണ്‍ ഒരു പെണ്‍കുഞ്ഞിന്റെ അമ്മയായി

സണ്ണി ലിയോണും ഭര്‍ത്താവ് ഡാനിയല്‍ വെബ്ബറും ഒരു പെൺകുഞ്ഞിന്റെ മാതാപിതാക്കളായി. നിഷ കൗര്‍ വെബ്ബര്‍ എന്ന് പേര് നല്‍കിയിരിക്കുന്ന കുഞ്ഞിനെ സണ്ണി ലിയോണും ഭര്‍ത്താവും ദത്തെടുത്തതാണ്.

ബോളിവുഡ് താരം സണ്ണി ലിയോണും ഭര്‍ത്താവ് ഡാനിയേല്‍ വെബ്ബറും പെണ്‍കുഞ്ഞിനെ ദത്തെടുത്തു. മഹാരാഷ്ട്ര ലാത്തൂരില്‍ നിന്നുള്ള നിഷ കൗര്‍ എന്ന 21 മാസം പ്രായമുള്ള കുഞ്ഞിനെയാണ് ഇരുവരും ദത്തെടുത്തത്. മൂന്ന് മാസം കൊണ്ടാണ് ദത്തെടുക്കല്‍ നടപടികള്‍ പൂര്‍ത്തിയാക്കിയത്.

നിഷയുടെ നിഷ്ങ്കളമായ മുഖം കണ്ടപ്പോള്‍ തന്നെ തനിക്ക് ഇഷ്ടമായെന്ന് സണ്ണി പ്രതികരിച്ചു. രണ്ടു വര്‍ഷം മുന്‍പ് ലാത്തൂരിലെ അനാഥാലയത്തില്‍ സന്ദര്‍ശനം നടത്തിയപ്പോഴാണ് ദത്തെടുക്കലിന് അപേക്ഷ നല്‍കിയത്. അനാഥാലയ സന്ദര്‍ശനം തങ്ങളുടെ കാഴ്ചപ്പാടുകളെ മാറ്റിമറിച്ചെന്നും സണ്ണി പറഞ്ഞു.

യഥാര്‍ത്ഥത്തില്‍ നിഷ തങ്ങളെയാണ് തെരഞ്ഞെടുത്തതെന്നും, തങ്ങള്‍ അവളെയല്ലെന്നും സണ്ണി ഹിന്ദുസ്ഥാന്‍ ടൈംസിന് നല്‍കിയ അഭിമുഖത്തില്‍ പറഞ്ഞു.