August 5, 2020, 7:11 AM
മലയാളം ന്യൂസ് പോർട്ടൽ
Malayalam Poem Malayalam WriteUps

ഊഞ്ഞാൽ

ഒത്തോരു ഊഞ്ഞാല് കെട്ടിത്തന്നമ്മിണി
മുറ്റത്തെ വരിക്ക പ്ലാവിൻകൊമ്പിൽ
അമ്മാനമാടി കളിക്കുന്നുണ്ടമ്മിണി
ചെമ്മാനമന്തിക്ക് ചായുന്നേരം
ഊഞ്ഞാൽപ്പടിയിലര്ന്നാടി വേഗേന
ആങ്ങോട്ടുമിങ്ങോട്ടും ആട്ടമാടി
പോരാ തിടുക്കത്തിലാടിപ്പറക്കണം
അമ്മിണി കൂട്ടിന്നു കൂടെവേണം
ഊഞ്ഞാൽപ്പടിയിൽ പിടിച്ചാക്കമാടി –
ചാമരക്കൊമ്പൊന്നൂലഞ്ഞാടിടുന്നു
ആക്കത്തിലാടുമ്പോളാർത്തുല്ലസിക്കുവാൻ
അയലത്തെകൂട്ടരും ഓടിയെത്തി
അന്തിക്കണയുവാൻ കൂട്ടിലെ പൈങ്കിളി
ചില്ലകൾ തോറും പറന്നിരുന്നു
ചാഞ്ചാട്ടമാടി വരിക്കക്കൊമ്പിൽ കിളി –
കൂടൊന്നുലഞ്ഞാടി വീഴുംപോലെ .
കൂട്ടിലിണക്കിളി കുഞ്ഞിനു ചൂടുംവ –
ച്ചാടിയുലയുന്ന കണ്ടനേരം
വട്ടത്തിൽ പാറിക്കൊണ്ടാകാശ വീഥിയിൽ
നൊമ്പരം കാകാ യെന്നോതിയോതി .
കണ്മിഴിച്ചമ്പാടി മേലേക്കു നോക്കുമ്പോൾ
കൺ രണ്ട് രണ്ടായിരം പോലെയായി
പാപമാണി കിളികുഞ്ഞൊന്നു വീണെന്നാൽ
ശാപ മൊഴിയില്ല മുത്തശ്ശി ചൊല്ലുപോൽ .
ഊഞ്ഞാൽ അഴിക്കുവാൻ ആജ്ഞാ പിച്ചാമ്പാടി –
അമ്മിണിപെണ്ണിൻ്റെ പിമ്പേയോടി
ഇന്നിനി വൈകേണ്ട ഊഞ്ഞാലുമാടണ്ട –
എന്റേതുമാത്രമല്ലിമരങ്ങൾ .

                             ജി .കെ പനക്കുളങ്ങര .

Related posts

പേടിച്ചുപോയോ…?,ഇത് ഗോതമ്പും തക്കാളിയും ചേര്‍ത്തുള്ള ശ്രീജിത്തിന്റെ മേക്കപ്പാണ്

WebDesk

ആത്മബന്ധം

WebDesk

കുട്ടികൾ എല്ലാം അറിയണം

WebDesk

അമ്മേ നിനക്ക് വേണ്ടി.. സമൂഹമാധ്യമങ്ങളില്‍ വൈറലാവുന്ന കണ്ണീര്‍കാഴ്ച

WebDesk

ഇതാണ് പ്രണയം; ഒരു സാധാരണ മനുഷ്യന്റെ അസാധാരണമായ പ്രണയകഥ

WebDesk

അക്രമരാഷ്ട്രീയവും, കണ്ണില്‍ തീപ്പൊരിയുള്ള യുവത്വവും..!!

WebDesk

അജ്ഞാത സുഹൃത്…

WebDesk

അവകാശികൾ…

WebDesk

മരണം

WebDesk

സീറോ സൈസ്് മാത്രമല്ല സൗന്ദര്യം; വണ്ണമുള്ളവരും സുന്ദരികളാണ്

WebDesk

എന്നിട്ടും വിവാഹ മോചനമോ ?

WebDesk

സ്വകാര്യ പ്രണയം

WebDesk
Don`t copy text!