Connect with us

Kampranthal

എഴ് വർഷമായി ഞാൻ തറവാട്ടിൽ നിന്ന് പടി ഇറങ്ങിയിട്ട്.അച്ഛൻ മരിച്ചതിന് ശേഷം തവവാട്ടിൽ പോകാൻ അമ്മ അനുവദിച്ചിട്ടില്ല.

Published

on

രചന: Ayisha Hayath Roshan
ഷോപ്പിംഗ് മാൾ മുഴുവൻ നടന്നിട്ടും കിച്ചു ഏട്ടന് വേണ്ടി ഒന്നും വാങ്ങാനായില്ല. ഒന്നും ഇഷ്ടപ്പെടാഞ്ഞിട്ടല്ല. എന്തെടുത്താലും അത് പോരാ എന്നൊരു തോന്നൽ.. ന്താടീ നന്ദൂട്ടി ഒന്നും കിട്ടിയില്ലേ നിന്റെ ഗന്ധർവ്വന്? സൽമായുടെ ചോദ്യം കേട്ട് തിരിഞ്ഞ് നോക്കുമ്പോൾ രണ്ട് കയ്യിലും എന്തൊക്കയോ സാധനങ്ങളുമായ് നിൽക്കുന്നു അവൾ എന്താടീ ഇതൊക്കെ? ബിരിയാണി വെക്കാനുള്ള അരിയാണ്. എല്ലാർക്കും എന്തേലും വാങ്ങാൻ നിന്നാ ശരിയാവില്ല. ഇതാവുമ്പോൾ എല്ലാവരും ഹാപ്പി ആവും. നിന്നെ സമ്മതിക്കണം കുട്ടി പിശാചേ.ലോകാവസാനം ആണെന്ന് അറിഞ്ഞാലും ബിരിയാണി ചെമ്പിൽ നിന്ന് തല എടുക്കരുത്. ഇത് ചുമന്ന് നാട്ടിൽ ചെല്ലുമ്പോൾ നീ എല്ലുപൊടി ആവും.ഇത് എവിടുന്ന് എടുത്തോ അവിടെ കൊണ്ട് വെച്ചിട്ട് വന്നാ മതി. നീ എന്താടീ ഒന്നും വാങ്ങാത്തത്? കിച്ചു ഏട്ടന് കിച്ചു ഏട്ടന്റെ നന്ദൂട്ടി കൊടുക്കുന്നത് വില കൊടുത്ത് വാങ്ങാൻ പറ്റുന്ന ഒന്നാവരുത്. തറവാട്ടിൽ ചെല്ലട്ടെ. വെള്ളയും ചോപ്പും കളറിലെ ചെമ്പകപ്പൂക്കൾ ഇറുത്ത് നൽകും ഞാൻ. കൂടെ എന്റെ ഹൃദയവും. ആ സുഗന്ധം മതി ഏഴു ജൻമ്മം ഏട്ടൻ എന്നെ ഓർക്കാൻ .

എഴ് വർഷമായി ഞാൻ തറവാട്ടിൽ നിന്ന് പടി ഇറങ്ങിയിട്ട്.അച്ഛൻ മരിച്ചതിന് ശേഷം തവവാട്ടിൽ പോകാൻ അമ്മ അനുവദിച്ചിട്ടില്ല. അന്ധവിശ്വാസങ്ങളും ലോകത്ത് എവിടെയും കാണാത്ത ചിട്ടകളും നിയമങ്ങളും ഉള്ള ജയിലാണ് തറവാടെന്നാണ് അമ്മയുടെ കണ്ടെത്തൽ.. ബന്ധങ്ങൾ എല്ലാം അറുത്ത് മുറിച്ച് കളഞ്ഞ പോലെയാണ് അമ്മയുടെ സംസാരവും. ഇനിയും എന്നെ അവരിൽ നിന്ന് അകറ്റിയാൽ ഞാൻ എന്റെ സ്വന്തം ഇഷ്ടത്തിന് പോകും. അതിനുള്ള പ്രായം എനിക്കായി എന്ന ഭീഷണിയിലാണ് എനിക്ക് പോകാൻ സമ്മതം കിട്ടിയത്. ഹോസ്റ്റലിൽ എത്തി ബാഗിൽ ഡ്രസ്സ് എടുത്ത് വെക്കുന്നതിനിടയിൽ സൽമാ ചോദിച്ചു. കൃഷ്ണപ്രസാദ് ഇപ്പോഴും നിന്നെ ഓർക്കുന്നുണ്ടാവോ നന്ദൂട്ടി? അറിയില്ലെടീ. പക്ഷേ ഞാൻ മറന്നിട്ടില്ല. നീ പൊട്ടി തന്നെയാണ്. കാലം ഇത്ര കഴിഞ്ഞിട്ടും ഇങ്ങനെക്കെ ചിന്തിക്കുന്നല്ലോ. അയാൾക്ക് കുടുംബവും കുട്ടികളും ആയോ, മറ്റാരേ എങ്കിലും പ്രണയിക്കുന്നുണ്ടോ എന്നെക്കെ നിനക്ക് അറിയില്ലല്ലോ. അങ്ങനെ ആയെങ്കിൽ ഞാനാ നഷ്ട പ്രണയത്തെ അവിടെ അടക്കം ചെയ്ത് വരും. ആ ഓർമ്മകൾക്ക് ചന്ദനമുട്ടികളാൽ ചിതയൊരുക്കും. ഒരു പക്ഷേ അങ്ങനെ അല്ല എങ്കിൽ നീ നിന്റെ ഇഷ്ടം തുറന്ന് പറയുമോ? സമയമായില്ല പോലും സമയമായില്ല പോലും ക്ഷമയാണ് പ്രണയത്തിൻ മരുന്ന് തോഴീ.. എന്ത് പറഞ്ഞാലും നിനക്കിപ്പൊ ഈ പൊട്ടപ്പാട്ടാണ് എന്നും പറഞ്ഞ് അവൾ ദേഷ്യത്തിൽ എഴുന്നേറ്റ് പോയി. എവിടോ കേട്ടതാണ് ഈ പാട്ട്. പിന്നെ നാവിൽന്ന് പോയിട്ടില്ല. വെറുതേ മൂളിയാലും ഇതാവും വരുക. പാലക്കാട് വരെ സൽമയും ഞാനും ഒരുമിച്ചാണ് യാത്ര.

അവിടെ അവളുടെ ഉപ്പ വരുംകൂട്ടാൻ. എന്നെ കൂട്ടിക്കൊണ്ട് പോകാൻ മുത്തശ്ശനാണ് വരുക. അമ്മ വിളിച്ച് പറഞ്ഞിട്ടുണ്ടെത്രേ. കണ്ടില്ലേൽ വിളിക്കാൻ നമ്പറും തന്നിട്ടുണ്ട്. വർഷം എത്രയായ് ,മുത്തശ്ശനും മുത്തശ്ശിക്കും ഒരുപാട് രൂപമാറ്റങ്ങൾ വന്ന് കാണും. പാലക്കാട് എത്തിയതും എന്റെ കണ്ണുകൾ മുത്തശ്ശനെ തിരഞ്ഞു. മുത്തശ്ശന്റെ മാറ്റങ്ങൾ കാണാൻ ഒരു കൗതുകം. ന്റെ ദേവീ.. ദാ മുത്തശ്ശൻ. മുത്തശ്ശന് ഒരു മാറ്റവും ഇല്ല. പക്ഷേ എന്നെ മുത്തശ്ശന് മനസ്സിലായില്ല. കാണുന്ന ഓരോരുത്തരിലും മുത്തശ്ശൻ എന്നെ തിരയുന്നുണ്ട്. ദാവണിയിൽ എന്നെ പ്രദീക്ഷിട്ടുണ്ടാവില്ല. ഇടക്കൊരു സംശയഭാവത്തിൽ എന്നെ നോക്കി. എന്റെ ചിരിയിൽ നിന്നാണ് മുത്തശ്ശൻ എന്നെ തിരിച്ചറിഞ്ഞത്. വാത്സല്യത്തോടെ എന്റെ നെറുകയിൽ തലോടുമ്പോൾ ആ കണ്ണുകൾ നിറഞ്ഞിരുന്നു. ഞാനോർത്ത് പട്ടണത്തിലെ പരിഷ്കാരങ്ങൾ എല്ലാമായി ന്റെ കുട്ടി ഒരുപാട് മാറി കാണുമെന്ന്. ഏത് പട്ടണത്തിൽ പോയാലും ന്റെ അച്ഛന്റെ പാരമ്പര്യം ഞാൻ മറക്കില്ലാട്ടോ. തറവാട് എത്തുംവരെ ഞാൻ ഒരുപാട് സംസാരിച്ചു.സർപ്പ കാവിനെപ്പറ്റിയും കുടുബ ക്ഷേത്രത്തെപ്പറ്റിയും എല്ലാം. പാടത്തിന് നടുവിലൂടെ ഉള്ള യാത്രയിൽ ആ പച്ചപ്പിൽ മനസ്സിനും ഒരു തണുപ്പും കുളിരുമെക്കെ തോന്നി തുടങ്ങി.ചെറിയ ചെറിയ കടകളും വീടുകളും എല്ലാം പിന്നിട്ട് തറവാട്ടിൽ എത്തി. തറവാട് നാലുകെട്ടാണ്. പുതുമണ്ണിന്റെ ഗന്ധത്തിനൊപ്പം അച്ഛന്റെ ഓർമ്മകളും ഉണ്ട് ഇവിടെ. വഴിക്കണ്ണ് നട്ടിരിക്കുന്നുണ്ട് മുത്തശ്ശി.കണ്ടപാടെ ചുംബനങ്ങളും കണ്ണീരും പരിഭവവും കൊണ്ടെന്നെ മൂടി. ആകെ ഉണ്ടായിരുന്നത് ഒരു മകനാണ്. അവൻ പോയി. അവന്റെ മകളെ പോലും കൊതി തീരെ കാണാൻ അവകാശമില്ലാത്ത പാഴ്ജൻന്മങ്ങൾ ആയി പോയല്ലോ ഞങ്ങൾ. മുത്തശ്ശിയെ നെഞ്ചോടടക്കി ആശ്വസിപ്പിച്ച് കുളിക്കാൻ കുളക്കടവിലേക് കൂട്ടു വിളിച്ചു കൊണ്ടുപോയി. ഇഞ്ചയും താളിയും മഞ്ഞളും തേച്ചുള്ള കുളി കഴിഞ്ഞ് മാമ്പഴ പുളിശേരിയും കണ്ണി മാങ്ങാ അച്ചാറും സാമ്പാറും കൂട്ടി മുത്തശ്ശി ചോറ് വാരി വായിൽ തന്നു.അമ്മയിൽ നിന്ന് ഇതൊന്നും കിട്ടാത്ത കൊണ്ടാവാം നല്ല സ്വാദ്.

മുത്തശ്ശിയുടെ മടിയിൽ തല ചായ്ച്ച് കിടന്ന് ഞാൻ ഇവിടുന്ന് പോയ ശേഷമുള്ള കാര്യങ്ങൾ കേട്ട് യാത്രാ ക്ഷീണം കൊണ്ട് ഉറങ്ങി പോയി. മുത്തശ്ശിയുടെ ആരോടോ ഉള്ള കുശലാന്വേഷണം കേട്ട് കൊണ്ടാണ് കണ്ണ് തുറന്നത്. എഴുന്നേറ്റ് ഉമ്മറത്ത് ചെന്നപ്പോൾ ആരോ ഒരാളോട് സംസാരിക്കുന്നു മുത്തശ്ശി. എന്നെ കണ്ടപാടെ അയാൾ ഒന്നുകൂടെ എന്നെ നോക്കി.ആ കണ്ണുകളിൽ വല്ലാത്തൊരു തിളക്കം പോലെ.. നന്ദൂട്ടി അല്ലേ ഇത്.. നിനക്ക് അവളെ മനസ്സിലായോ കിച്ചു. ഇവിടെ ഞങ്ങൾക്ക് പോലും മനസ്സിലാക്കാൻ കഴിഞ്ഞില്ല. അത്രക്ക് മാറ്റം വന്നു കുട്ടിക്ക്. നിനക്ക് എന്നെ മനസ്സിലായോ ഈർക്കിലിക്കോലെ? തേടി വന്നതാണ് കൈക്കുമ്പിളിൽ വന്നിരിക്കുന്നത്. കരയണോ ചിരിക്കണോ എന്നറിയാൻ കഴിയാത്ത അവസ്ഥ. പണ്ടത്തെ കോലം വെച്ച് ഇങ്ങനെ ഒരാൾ അല്ലായിരുന്നു എന്റെ സങ്കൽപ്പത്തിൽ. കിച്ചു ഏട്ടൻ എന്നെ ഞെട്ടിച്ചു കളഞ്ഞു എന്നുള്ളതാണ് വാസ്തവം. പെട്ടെന്നുള്ള കണ്ട് മുട്ടലിൽ ശബ്ദം പോലും വന്നില്ല. ഏട്ടന്റെ മുഖം വാടി പെട്ടെന്ന്. നമ്മളെക്കെ മറന്ന് കാണും അല്ലേ .ഞാൻ ക്യഷ്ണപ്രസാദ്.ഇവിടുന്ന് പോകും വരെ നമ്മൾ നല്ല കൂട്ടുകാർ ആയിരുന്നു നന്ദൂ.

കിച്ചു ഇപ്പോൾ കമ്യൂണിസ്റ്റ് പാർട്ടിയുടെ പ്രവർത്തകനാണ്.. ഇവിടെ എല്ലാവർക്കും എല്ലാത്തിനും ഇവനാണ് സഹായം.. യാത്ര പറഞ്ഞ് എട്ടൻ ഇറങ്ങിയപ്പോൾ മുത്തശ്ശിയോട് ഇപ്പോൾ വരാം എന്നും പറഞ്ഞ് അനുവാദം വാങ്ങി ഏട്ടന്റെ പിന്നാലെ ഓടി. സഖാവേ.. ഒന്നു നിന്നേ… തിരിഞ്ഞ് നോക്കിയിട്ട് പരിഭവം ഉള്ള പോലെ പിന്നെയും ഏട്ടൻ നടന്നു. ഓടിപ്പോയി ഏട്ടന്റെ മുൻപിൽ നിന്ന് മുൻപോട്ടുള്ള നടപ്പിനെ തടയുമ്പോൾ എന്റെ കൈ തട്ടി മാറ്റി പോവാൻ നോക്കി. ഒന്ന് നിക്ക് മാഷേ.. നിങ്ങളെ ഒരാളെ കാണാൻ വേണ്ടി മാത്രമാണ് ഞാൻ വന്നത്.ഇവിടെയല്ലേ എനിക്ക് പ്രിയപ്പെട്ടതെല്ലാം. നഷ്ടപ്പെട്ട തിളക്കം വീണ്ടും ആ കണ്ണുകളിൽ തിരികെ വന്നു. വിവാഹം ക്ഷണിക്കാൻ വന്നതാകും അല്ലേ? അല്ല സഖാവേ നഷ്ടപ്പെട്ട ചിലത് നേടി എടുക്കാനുള്ള വരവാണ്.. അതിൽ ഏറ്റവും പ്രിയപ്പെട്ടത് എന്റെ ബാല്യമാണ്. അതാണ് എന്റെ നഷ്ടവും. ഒരൽപ്പനേരം കാത്ത് നിൽക്കണേ.ഞാൻ ഇപ്പോൾ വരാം. മടങ്ങി വന്ന് ഒരു പിടി ചെമ്പകപ്പൂക്കൾ ആ കൈകളിൽ നൽകുമ്പോൾ നിനക്കൊരു മാറ്റവും ഇല്ലല്ലോ നന്ദൂട്ടീന്നും പറഞ്ഞ് പുഞ്ചിരിച്ച് കൊണ്ട് യാത്ര പറഞ്ഞു നടന്നകന്നു എന്റെ സഖാവ്. കുറച്ചങ്ങ് നടന്ന് നിന്ന് എന്നെ നോക്കി ചോദിച്ചു ‘ശരിക്കും നീ എന്നെ ഓർക്കുന്നുണ്ടായിരുന്നോ നന്ദൂട്ടി’ന്ന്. മറന്നിട്ട് വേണ്ടേ സഖാവേ ഓർക്കാൻ. മുത്തശ്ശിക്ക് നടക്കാനുള്ള പ്രയാസം കൊണ്ട് കാവിൽ വിളക്ക് വെക്കൽ എല്ലാം മുടങ്ങിയ പോലെ ആയി. എല്ലാം വീണ്ടും തുടങ്ങി ഞാൻ. എല്ലാം കണ്ട് കണ്ണീരോടെ മുത്തശ്ശി ചോദിക്കും ‘എത്ര ദിവസത്തേക്കാണ് ഈ വെളിച്ചം ഞങ്ങൾക്കെന്ന് കാവിൽ വിളക്ക് വെച്ച് തൊഴുമ്പോൾ മുൻപ് ഞാനൊരു ചെറിയ സ്വർണ്ണ നാഗത്തെ കണ്ടിട്ടുണ്ട്. അന്നത് കിച്ചു ഏട്ടനോട് പറഞ്ഞിട്ടുണ്ട്. അതിൽ പിന്നെ കാവിൽ വിളക്കുവെക്കാൻ പോകുമ്പോൾ എല്ലാം കിച്ചുവേട്ടന്റെ സാമീപ്യം ഒരു നിശ്ചിത അകലത്തിൽ കൂടെ ഉണ്ടാകും. നിഴൽ പോലെ. വർഷങ്ങൾക്കിപ്പുറം ഇന്നും കാവിൽ വിളക്ക് തെളിഞ്ഞപ്പോൾ ഞാൻ കണ്ടു പിന്നിൽ ആ നിഴൽ. കഴിഞ്ഞെങ്കിൽ പൊയ്ക്കൂടെ. ഇനി അതിന് ചുംബനവും കൊടുത്തേ പോകുകയുള്ളോ? ഓ. വലിയൊരു കമ്മ്യൂണിസ്റ്റ്കാരൻ വന്നിരിക്കുന്നു.അത് ചോദിച്ചാൽ കൊടുക്കും.

അതിന് ആവശ്യം ഉള്ള കൊണ്ടാവൂലോ ചോദിക്കുന്നേ.. അല്ലാണ്ടിപ്പോ വേണ്ടാത്തവർക്ക് നിർബദ്ധിച്ച് കൊടുക്കാൻ പറ്റില്ലല്ലോ. ഉറങ്ങാൻ കിടന്നപ്പോൾ മനസ്സിലാകെ ആശങ്ക ആയിരുന്നു സഖാവിന്റെ മനസ്സിൽ പഴയ സൗഹൃദം മാത്രമേ ഉള്ളു എങ്കിലോ എന്നോർത്ത്. പാടത്തും പുഴയോരത്തും നാട്ടുമാവിന്റെ ചുവട്ടിലും എല്ലാം കണ്ടുമുട്ടുമ്പോൾ എന്നോട് സംസാരിക്കുന്നതിൽ കൂടുതലും ചെങ്കൊടിയുടെ കാര്യമാണ്. അതിന്റെ ആദർശങ്ങളാണ്. ഇടക്കൊരു രണ്ട് ദിവസം കാണാതായി പിന്നെ കണ്ടപ്പോൾ പാർട്ടിക്കുള്ളിലും ചതിക്കാൻ ആളുണ്ടെന്നും പറഞ്ഞ് ദുഖിക്കുന്ന സഖാവിനെ അന്നു ഞാൻ കണ്ടു. നെഞ്ചുറപ്പ് നല്ലപോലെ ഉണ്ട് നന്ദൂട്ടി. അതാണല്ലോ ഞാൻ സഖാവായത്. പക്ഷേ കൂടപ്പിറപ്പിനെ പോലെ കണ്ടവർ കാലിൽ വലിച്ചിടാൻ നോക്കിയാൽ വീര്യം കെട്ടടങ്ങി ഇല്ലേലും മനസ്സ് പതറും. എന്താ കിച്ചു ഏട്ടാ കാര്യം? ഒന്നുമില്ല. അതൊന്നും പറഞ്ഞാൽ ഈ പൊട്ട തലയിൽ കേറില്ല. മറ്റന്നാൾ ഞാൻ മടങ്ങുവാണ്. ഇനി എന്നാ നമ്മൾ? കാലമിത്ര കഴിഞ്ഞിട്ടും നീ എന്നെ തേടി വന്നില്ലേ.അത് പോലെ നമ്മൾ ഇനിയും കാണും. വേനലിൻ വാക ഇല കാണാത്ത വിധം പൂത്ത് നിൽക്കുന്ന നീ കണ്ടിട്ടില്ലേ.അതി കഠിനമായ വേനലിനെ അതിജീവിച്ച് നിൽക്കുന്ന വാക പോലെയാണ് ചിലർ. കാലത്തിന് അവരിൽ മാറ്റം വരുത്താനാകില്ല. അതിന് ഉദാഹരണമാണ് ഞാനും നീയും. എനിക്കുള്ള പോലെ ഭ്രാന്തമായ പ്രണയം എന്നോടുണ്ടോ ചുവപ്പിനെ പ്രണയിക്കുന്ന സഖാവേ എന്ന് ചോദിക്കാൻ പലവുരു ഓർത്തതാണ്. ഉള്ളിലൊതുക്കി.മിണ്ടിയാൽ അപ്പോഴെ ചെങ്കൊടി നാട്ടും. പിന്നെന്താ ചെയ്യ. ആ കൊടി ആയിട്ടെങ്കിലും ജനിച്ചാൽ മതിയായിരുന്നു ദേവീ..ഇതിപ്പോ.. തിരിച്ച് പോവുന്ന അന്ന് അമ്പലത്തിൻ നിന്ന് മടങ്ങുമ്പോൾ എന്റെ സഖാവിനെ കണ്ടു. കയ്യിൽ കുറച്ച് പുസ്തകങ്ങളും ഉണ്ട്. നന്ദൂട്ടീ ഇത് നിന്നക്കാണ്. സമയം പോലെ എല്ലാം വായിക്കണം. പുസ്തകങ്ങളുടെ പുറംചട്ട കണ്ടപ്പോഴെ ചെങ്കൊടി എന്നെയും പിടിപ്പിക്കാനാണ് ഉദ്ധേശ്യം എന്ന് മനസ്സിലായി. ഉള്ളിൻ സങ്കടക്കടൽ അലയടിക്കുന്നുണ്ട്. ഇതെല്ലാം ആരറിയാൻ. പുസ്തകങ്ങളും വാങ്ങി മൗനമായ് നടന്നു തുടങ്ങിയപ്പോൾ ഏട്ടൻ വിളിച്ചു. നീയെന്തിനാ ടീ ഈർക്കിലി കോലേ കരയുന്നത്.

നീ സഖാവിന്റെ പെണ്ണല്ലേ. ആ ചങ്കുറപ്പ് നിനക്ക് വേണം കേട്ടോ. ഈശ്വരാ. ഈ ഒരു വാക്ക് മതി ഒരായുസ്സ് മുഴുവൻ ഇനിയും കാത്തിരിക്കാൻ. എല്ലാ സങ്കടങ്ങളും ആ നെഞ്ചിൽ ചേർന്ന് കരഞ്ഞ് തീർത്തു.തിരുനെറ്റിയിൽ ഒരു നുള്ളു സിന്ദൂരം പോലെ അവൻ നൽകിയ ചുംബനവും ഏറ്റുവാങ്ങി.. മടങ്ങി ഹോസ്റ്റലിൽ എത്തിയപ്പോൾ സൽമയോട് പറയാൻ ഒരുപാട് ഉണ്ടായിരുന്നു. വന്ന അന്ന് തൊട്ട് ഏട്ടൻ തന്ന നമ്പരിൽ വിളിച്ചിട്ട് കിട്ടുന്നില്ല. എന്തേലും തിരക്കാവും. വിളിക്കാതിരിക്കില്ല. ഭക്ഷണം കഴിക്കാൻ പോയ സൽമായുടെ നിലവിളി കേട്ടാണ് ഞാൻ മുറിയിൽ നിന്നിറങ്ങി ഓടി അവളുടെ അടുത്ത് എത്തിയത്.ടെലിവിഷനിലേക്ക് കൈ ചൂണ്ടി കരയുന്നു അവൾ. സംഘം ചേർന്നുള്ള ആക്രമണം. യുവാവിനെ വെട്ടേറ്റ് മരിച്ച നിലയിൽ കണ്ടെത്തി.പാലക്കാട് സ്വദേശിക്യഷ്ണപ്രസാദാണ് മരണപ്പെട്ടത്. ന്റെ ദേവീ അവൾ കരയുന്ന പോലെ എനിക്കെന്താ കരയാനാകാത്തത്. നീ ഒന്ന് കരയുക എങ്കിലും ചെയ്യ് നന്ദൂ എനിക്ക് പേടിയാകുന്നെടീ നിന്റെ അവസ്ഥ കണ്ട്.. നിറഞ്ഞ് തുളുമ്പിയ അവളുടെ കണ്ണുകൾ തുടച്ച് കൊടുത്ത് ഞാൻ പറഞ്ഞു. ഞാൻ സഖാവിന്റെ പെണ്ണാണ്. ആ ചങ്കുറപ്പ് എനിക്ക് വേണ്ടേ മോളേ. ഞാൻ കരയാൻ പാടില്ല…

Advertisement

Kampranthal

ആരും കാണാതെ കരഞ്ഞു തീർത്ത ഒരു മുഖ മുണ്ട് ജീവനേക്കാൾ ഏറെ നിന്നെ സ്നേഹിച്ച ഈ കൂടെപ്പിറപ്പിന്റെ മുഖം ഓർത്തിരുന്നോ ഏട്ടന്റെ വാവ

Published

on

By

രചന: നജീബ് കോൽപാടം

മതം നോക്കാതെ സ്നേഹിച്ചവന്റെ കൂടെ ഇറങ്ങിപ്പോയ പെങ്ങൾക്ക്. സോഷ്യൽ മീഡിയ സപ്പോട്ട് കയ്യടി അഭിനന്ദങ്ങൾ ,, കയ്യടിച്ചവർ ആരും കാണാതെ കരഞ്ഞു തീർത്ത ഒരു മുഖം ആരും കാണാതെ പോയ ഒരു മുഖമുണ്ട് ജീവനേക്കാൾ ഏറെ നിന്നെ സ്നേഹിച്ച ഈ കൂടെപ്പിറപ്പിന്റെ മുഖം ഓർത്തിരുന്നോ ഏട്ടന്റെ വാവ ,, നീ പോയതറിയാതെ ജോലി കഴിഞ്ഞു വന്ന അച്ഛന്റെ കൈയിൽ അന്നും നിനക്കുള്ള മിട്ടായി പൊതി ഉണ്ടായിരുന്നു ,, നേരം പാതിരയായിട്ടും നിന്നെ കാണാത്ത വിഷമത്തിൽ മുക്കോടി ദൈവങ്ങളെയും വിളിച്ചു എന്റെ കൊച്ചിനോന്നും വരുത്തല്ലേ എന്ന് നെഞ്ചിലടിച്ചു പ്രാർത്ഥിച്ച അമ്മയുടെ കരച്ചിൽ കണ്ടു നിൽക്കേണ്ടി വന്ന ഏട്ടൻ ,, കുടുംബവും കൂട്ടരും എല്ലാം അച്ഛനെയും അമ്മയേയും പഴിച്ചു വളർത്തു ദോഷം , വീട്ടിലേക്ക് കയറിച്ചെല്ലുമ്പോൾ ആ ഉമ്മറപ്പടിയിൽ കയ്യിലൊരു ബുക്കുമായി നീ ഉണ്ടെന്നു തോന്നും . മുറിയിലാകെ നിന്റെ ശബ്ദം . ഏട്ടാ എന്നുള്ള വിളി വീടിലാകെ നിറഞ്ഞു നിൽക്കുന്നുണ്ടായിരുന്നു ,, ഭക്ഷണത്തിന് മുന്നിൽ നിന്ന് തളർന്നു വീണ അമ്മയെയും പൊക്കിയെടുത്ത് ഹോസ്പിറ്റൽ എത്തി icu ന്റെ മുന്നിൽ ഉറക്കമില്ലാതെ കാത്തിരിന്നതും ഈ ഏട്ടൻ . നിന്റെ ആ പഴയ സൈക്കിൾ ഇന്നും ആ ചുമരിനടുത്ത് തുരുമ്പ് പിടിച്ചു കിടക്കുന്നുണ്ട് അതിനുവേണ്ടി കരഞ്ഞു കലങ്ങിയ കണ്ണുമായി ഏട്ടന്റെ മുന്നിൽ വന്നു നിന്ന ന്റെ വാവടെ മുഖം ഈ ഏട്ടനെ കൊന്നു തിന്നിട്ടുണ്ട് പല രാത്രികൾ . ആദ്യമായി മുടി മുറിച്ച അന്ന് ഏട്ടന്റെ കണ്ണ് നിറയുന്നത് കണ്ടു ഇനി എന്റെ ഏട്ടന് ഇഷ്ടമില്ലാത്തതൊന്നും ചെയ്യില്ലെന്ന് പറഞ്ഞു തന്ന ഉമ്മയുടെ ചൂട് ഇന്നുമെന്നെ ചുട്ടെരിക്കുന്നുണ്ട് , ഏട്ടാ ,, എന്താ വാവേ , ഞാനും പോന്നോട്ടെ പൂരത്തിന് .

ഏട്ടൻ കൊണ്ടുപോവാലോ ഏട്ടന്റെ കുട്ടിയെ . എന്റെ തോളിൽ ഇരിന്നല്ലേ വാവേ നീ പൂരംപറമ്പാകെ ചുറ്റി കണ്ടത് ,, ഈ ഏട്ടന്റെ നെഞ്ചിൽ കിടന്നല്ലേ നീ ഉറങ്ങിയത് . എന്നിട്ടും എങ്ങനാ വാവേ അഞ്ചു വർഷം ആരെയും കാണാതെ ആരെയും ഓർക്കാതെ .ഇത്രയും ദൂരെ. സാർ ഇതാണ് നിങ്ങൾ പറഞ്ഞ ഹോസ്പിറ്റൽ ഇവടെ ഇറങ്ങിക്കോളൂ ,, കണ്ടക്ടർ വന്നു തട്ടി വിളിച്ചപ്പോഴാണ് ഓർമകളിൽ നിന്ന് കണ്ണൻ ഉണർന്നത് ,, ബസിൽ നിന്നിറങ്ങി മുന്നിലുള്ള ഒരു കടയിൽ കയറി ഒരു വെള്ളം വാങ്ങി കുടിച്ചു വല്ലാത്ത ദാഹം . നേരെ ഹോസ്പിറ്റലിന്റെ മുന്നിൽ ഉള്ള വഴിയിലൂടെ നടന്നു കാലുകൾ വിറക്കുന്ന പോലെ ,, ഹോസ്പിറ്റലിന്റെ മുന്നിൽ നിന്നിരുന്ന ഒരു യുവാവ് എന്നെ കണ്ടതും അടുത്തേക്ക് ഓടി വന്നു . കണ്ണേട്ടനല്ലേ .? അതെ കണ്ണേട്ടനാണ് . എന്റെ പേര് റോയ് . ഓ മനസിലായി . കണ്ണേട്ടൻ വരുമെന്ന് അവൾക്ക് ഉറപോയിരുന്നു അതാ ഞാനിവിടെ മുന്നിൽ കാത്ത് നിന്നത് . മ്മ് ഞാനൊന്നു ഇരുത്തി മൂളി .

ആ ഗവണ്മെന്റ് ഹോസ്പിറ്റലിന്റെ വരാന്തയിലൂടെ റോയ് ടെ കൂടെ ഞാൻ നടന്നു . റോയ് വീട്ടിലെ ആരും വന്നില്ലേ .? ഇല്ല ഞാനും അവളും മാത്രേ ഒള്ളു ,,സഹായത്തിന് അടുത്തുള്ള ഒരു ചേച്ചി വന്നിട്ടുണ്ട് , അതെന്താ വീട്ടിലെ ആരും വരാത്തെ. കല്യാണം കഴിഞ്ഞു കുറച്ചു നാളുകൾ മാത്രേ വീട്ടിൽ നിന്നിട്ടുള്ളു പിന്നെ അവിടെ എല്ലാർക്കും ഞങ്ങളൊരു ബാധ്യത ആയെന്നു തോന്നി തുടങ്ങിയപ്പോ വേറൊരു വീട് വാടകക്ക് എടുത്തു പിനീട് വീട്ടിൽ നിന്നാരും വരാറില്ല . അന്ന് പോലീസ് സ്റ്റേഷനിൽ ഉണ്ടായിരുന്ന സുഹൃത്തുക്കളോ . അവരൊക്കെ കല്യാണം കഴിഞ്ഞു പലരും പുറത്ത് സെറ്റിലായി , ഫേസ്ബുക്കിൽ ആശംസകളും സപ്പോട്ടും തന്നവരാരും വന്നില്ലേ ,? ഏട്ടൻ കളിയാക്കാണോ .? അല്ല റോയ് ചോദിച്ചെന്നെ ഒള്ളു ,, അതാ ആ വാർഡിലാണ് അവൾ , പ്രസവ വാഡ് എന്നെഴുതിയ ആ വാതിലിനു മുന്നിൽ ഞാൻ ചെന്ന് നിന്നു ,, ഉള്ളിൽ കയറുമ്പോൾ ചങ്ക് പിടയുന്ന പോലെ അവളുടെ മുഖം കാണുമ്പോൾ ഉള്ള മാനസികാവസ്ഥ എങ്ങനെ പറയും , ആ വാർഡിലെ അറ്റത്തെ ബെഡിൽ അവൾ കിടക്കുന്നുണ്ട് എന്നെ കണ്ടതും എണീക്കാൻ ശ്രമിക്കുന്നുണ്ട് . ഒന്നും മിണ്ടാതെ അവളുടെ മുഖത്തേക്ക് കുറച്ചു നേരം ഞാൻ നോക്കി വെളുത്ത് തുടുത്ത എന്റെ വാവയുടെ മുഖം വല്ലാതെ ഇരുണ്ടപോലെ . എന്നെ കണ്ടതും ആ കണ്ണുകൾ നിറഞ്ഞു ഒഴുകാൻ തുടങ്ങി , എത്രനേരം നോക്കി നിന്ന് എന്നറിയില്ല പിടിച്ചു വെച്ച കണ്ണുനീർ എന്റെ കവിളിലൂടെ ദാരയായി ഒഴുകാൻ തുടങ്ങി ,, ഞാനവളുടെ അടുത്തേക്ക് നീങ്ങി നിന്ന് ഏട്ടാ എന്ന് വിളിച്ചവൾ എന്റെ നെഞ്ചിലേക്ക് തല ചായ്ച്ചപ്പോൾ .

സൈക്കിളിന് വേണ്ടി ഈ ഏട്ടന്റെ നെഞ്ചിൽ കിടന്നു കരഞ്ഞ എന്റെ വാവയുടെ മുഖം മുന്നിൽ കണ്ടു ,, അവളുടെ കരച്ചിൽ കണ്ടു കഴിഞ്ഞെതെല്ലാം ഞാൻ മറന്നു ആ കണ്ണുകൾ തുടച്ചു .അവളുടെ നെറ്റിയിൽ ചുംബിച്ചു . കണ്ണേട്ടാ ന്റെ കുഞ്ഞു , അവളെ കണ്ട മാത്രയിൽ കുഞ്ഞിനെ ഞാൻ നോക്കിയില്ല അവൾ കുഞ്ഞിനെ എടുത്തെന്റെ കൈയിൽ തന്നു ,, അവളെ പോലെ സുന്ദരി പെൺ കുഞ്ഞു . എന്ന വാവേ വീട്ടിൽ പോവാ , വാവേ എന്ന വിളി കേട്ടതും വീണ്ടും അവൾ കരയാൻ തുടങ്ങി . വാവേ എത്ര വലുതായാലും എത്ര കുഞ്ഞുങ്ങളുടെ അമ്മയായാലും നീ ഏട്ടന്റെ വാവ തന്ന്യാ ,,, ഹോസ്പിറ്റലിൽ നിന്ന് ഡിസ്ചാർജായി അവരേം കൂട്ടി ഞാൻ നാട്ടിലേക്ക് പോന്നു ഈ അവസ്ഥയിൽ ഒറ്റക്ക് കഴിയേണ്ട എന്നും പറഞ്ഞു , ഏഴു മണിക്കൂറുകൾ നീണ്ട യാത്ര വണ്ടി വീടിന് മുന്നിൽ ചെന്ന് നിന്നു ,, വണ്ടിയിൽ നിന്നിറങ്ങി മുറ്റത്തേക്ക് നോക്കി അവൾ ചോദിച്ചു ഏട്ടാ അച്ഛൻ വഴക്ക് പറയോ ,, ഇല്ല ഏട്ടന്റെ വാവ വായോ ആരും ഒന്നും പറയില്ല ,,

വീടിന്റെ പടികടന്നു അകത്തേക്ക് വന്നു വാതിൽ പൂട്ടി ഇട്ടിരിക്കുന്നു മുറ്റമാകെ കരിയിലകൾ വീണു കിടകുന്നു. ഏട്ടാ ഇവടെ ആരുമില്ലേ ,? ഉണ്ട് വായോ . വീടിന്റെ തെക്ക് ഭാഗത്തേക്ക് ഞാൻ നടന്നു അവരും എന്റെ കൂടെ വന്നു ,, അവിടെ അച്ഛന്റെയും അമ്മയുടെയും അസ്ഥിത്തറക്ക് മുന്നിൽ ചെന്ന് ഞാൻ അച്ഛനെ വിളിച്ചു പറഞ്ഞു ,, അച്ഛാ അച്ഛന്റെ വാവ വന്നു ഇതാ വാവടെ മോൾ . നോക്ക് അമ്മെ വാവയെ പോലെ തന്നെയല്ലേ അവളുടെ മോളും ,, തെറ്റ് ഏറ്റ് പറഞ്ഞു പൊട്ടിക്കരയാൻ തുടങ്ങിയ വാവായേം കൂട്ടി വീടിനകത്തേക്ക് നടക്കുമ്പോൾ ഇടനാഴിൽ പെയിന്റടിചു തുടച്ചു വെച്ച ആ കുഞ്ഞു സൈക്കിൾ ചിരിക്കുന്നുണ്ട് അതിന്റെ പുതിയ അവകാശിയെ നോക്കി , (ന്റെ വാവയുടെ മോളെ നോക്കി) ,

Continue Reading

Kampranthal

താടിക്കാരനെപ്പറ്റി പറയുമ്പോഴോക്കെ എനിക്ക് അതുവരെയില്ലാത്ത ദേഷ്യം വരുമായിരുന്നു..

Published

on

By

രചന: Nijila Abhina

“ഏട്ടന് വേണ്ടി പെണ്ണ് കാണാൻ പോയപ്പോഴാണ് ഞാനവനെ കണ്ടത്. ” “നാത്തൂനാകാൻ പോണ പെണ്ണിന്റെ ഒരേയൊരു ആങ്ങള ചെക്കൻ ” “വീട്ടിൽ ചെന്ന പാടെ ഏട്ടനുമായി സംസാരിക്കുന്നതിനു പകരം എന്നെയവൻ ചൂണ്ടയിടാൻ ശ്രമിച്ചു കൊണ്ടിരുന്നു ” നെറ്റിയിൽ ചന്ദനക്കുറി തൊട്ട ഒരു താടിക്കാരൻ ചെക്കൻ.. നാത്തൂനേ ഒരുപാട് ഇഷ്ടായേങ്കിലും ആ വിളഞ്ഞ വിത്തിനെ എനിക്കoഗീകരിക്കാനായില്ല….. “ആമിയേ കെട്ടിച്ചു വിടുന്നില്ലേ എന്ന ആ വീട്ടുകാരുടെ ചോദ്യത്തിനു ഏട്ടന്റെ മറുപടി അവൾ ചെറിയ കുട്ടിയാന്നാരുന്നു. എപ്പഴും കല്യാണക്കാര്യം പറഞ്ഞു ബഹളം വെക്കുന്ന ഏട്ടന്റെ മറുപടി കേട്ട് ഞാൻ അന്തിച്ചു പോയി.

“ചെറിയ കുട്ടിയാണേലും ജാടയ്ക്ക് ഒരു കുറവും ഇല്ലെന്ന താടിക്കാരന്റെ മറുപടി മറ്റാരും കേട്ടില്ലെങ്കിലും എന്നെ ചൊടിപ്പിച്ചു…… “കല്യാണം ഉറപ്പിച്ചു തിരിച്ചു വന്നെങ്കിലും താടിക്കാരനെപ്പറ്റി പറയുമ്പോഴോക്കെ എനിക്ക് അതുവരെയില്ലാത്ത ദേഷ്യം വരുമായിരുന്നു…. പിന്നീട് പലപ്പോഴും കണ്ടു ബസ്‌ സ്റ്റോപ്പിൽ വച്ചും അമ്പലത്തിൽ വച്ചും യാദൃശ്ചികമായി… പകയോടെ നോക്കുന്ന എന്നെ പുഞ്ചിരിച്ചു കാണിച്ച് അവൻ തിരിഞ്ഞ് നടക്കും… വീട്ടിൽ ഏട്ടന്റെയും അമ്മയുടെയും സംസാരത്തിൽ മുഴുവൻ അളിയൻ ചെക്കന്റെ ഗുണഗണങ്ങൾ ആരുന്നു…. ഭക്ഷണം കഴിക്കാതെ അലയുന്ന അനാഥര്ക്ക്‌ ഭക്ഷണപൊതി വാങ്ങി നല്കുന്ന…. കുട്ടികളെ കയറ്റാതെ പോകുന്ന പ്രൈവറ്റ് ബസ്‌ തടഞ്ഞു നിർത്തി അവരെ പറഞ്ഞയയ്ക്കുന്ന .. അച്ഛനെയും അമ്മേം പെങ്ങളേം പൊന്നുപോലെ സ്നേഹിക്കുന്ന താടിക്കാരന്റെ ഗുണങ്ങൾ… പതിയെ ആ പേര് എന്നിൽ പുഞ്ചിരി വിടര്ത്തി തുടങ്ങിയത് ഞാൻ അറിഞ്ഞു.. വളരെ അപ്രതീക്ഷിതമായി ആയിരുന്നു താടിക്കാരനെ ഞാൻ കോളേജിൽ വച്ചു വീണ്ടും കണ്ടത്.. പക മാറ്റി വെച്ചു മിണ്ടാൻ ചെന്ന എന്നെ മൈൻഡ് ചെയ്യാതെ അവൻ മുന്നോട്ടു പോയപ്പോൾ അറിയാതെ എന്റെ കണ്ണിൽ നിന്ന് രണ്ടു തുള്ളി കണ്ണീർ പൊഴിഞ്ഞു. അന്ന് ഞാനറിയുകയായിരുന്നു ഞാനവനെ സ്നേഹിച്ചു തുടങ്ങി എന്ന്….. തിരിച്ചു പോകാൻ നേരം താടിക്കാരൻ എന്റടുത്ത് വന്നു പറഞ്ഞു…

“അന്ന് അമ്മൂനെ കാണാൻ നിങ്ങൾ വന്നപ്പോ തന്റടുത്ത് ഒലിപ്പിച്ചോണ്ട് വന്നതൊന്നുമല്ല….. നിന്റെ ഏട്ടൻ പറഞ്ഞിട്ടാ അങ്ങനൊരു നാടകം കളിച്ചേ… വരുന്ന ആലോചനകൾ ഒക്കെ മുടക്കുന്ന നിന്നെ എന്റെ തലയിൽ കെട്ടി വെച്ചാലോ എന്നൊരു മോഹം…. ” സങ്കടവും ദേഷ്യവും ഒരുമിച്ചു വന്നെങ്കിലും ഏട്ടനോട് ചോതിച്ചില്ല… അവന്റെ വാക്കുകൾ കേട്ടെന്റെ തല മരവിച്ചു പോയിരുന്നു. പിന്നീട് പലപ്പോൾ കണ്ടപ്പോഴും അവന്റെ കൂട്ടു നേടുവാൻ ഞാൻ ശ്രമിച്ചു… ഒടുവിലവന്റെ സൗഹൃദം നേടിയെടുത്തപ്പോൾ സ്വർഗം കിട്ടിയ സന്തോഷമായിരുന്നെനിക്ക്…. എന്നുമുളള സംസാരവും ഇടയ്ക്കുള്ള കാണലും ഞങ്ങളുടെ സൗഹൃദം പ്രണയത്തിന് വഴി മാറി…. ഏട്ടന്റെ കല്യാണത്തിന് രണ്ടാഴ്ച മാത്രം ഉള്ളപ്പോഴാണ് താടിക്കാരനും അച്ഛനും അമ്മേം നാത്തൂനും കൂടി വീട്ടിലേക്ക് വന്നത്. രണ്ടു കല്യാണവും ഒരുമിച്ച് നടത്തിയാലോ എന്ന്……. എന്റെ മനസ്സിൽ നിറഞ്ഞ സന്തോഷത്തേക്കാൾ സന്തോഷം ഏട്ടനും അമ്മയ്ക്കും ആയിരുന്നു…

ഒരേ പന്തലിൽ വച്ച് താടിക്കാരൻ എന്റെ കഴുത്തിൽ താലി കെട്ടിയപ്പോൾ ഏട്ടന്റെ മനസിലും ഞാൻ നല്ലൊരുകൈകളിൽ എത്തിയ സന്തോഷം ആയിരുന്നു…. ” പോകാൻ നേരം കരഞ്ഞു കാറിവിളിച്ച് ഏട്ടനെ ചുറ്റിപ്പിടിച്ച എന്നോട് ഏട്ടൻ പതിയെ പറഞ്ഞു… “എടി കാന്താരി നിന്നെ കെട്ടിക്കാൻ ഞങ്ങൾ നടത്തിയ നാടകമാ എന്റെയി കല്യാണം വരെ.. ” വാ പൊളിച്ചു നിന്ന എന്റെ വായടച്ച് കൊണ്ട് ഏട്ടൻ പറഞ്ഞു…. “ഒന്ന് പോയേടി പെണ്ണേ എന്നിട്ട് വേണം എനിക്കിവളെം കൊണ്ടൊന്നുപോകാൻ… ” തങ്ങളുടെ പ്ളാനിംഗ് ജയിച്ച സന്തോഷത്തോടെ താടിക്കാരനെന്റെ കൈപിടിച്ചപ്പോൾ ഞാൻ പതിയെ പറഞ്ഞു.. ഈ നാടകം എനിക്കൊത്തിരി ഇഷ്ടായി എന്ന്….

Continue Reading

Kampranthal

എന്റെ കണ്ണുകൾ തിരയുന്നത് മറ്റൊരാൾക്ക്‌ വേണ്ടിയാണ്

Published

on

By

രചന: Nafiya Nafi

ഇന്നെന്റെ വിവാഹ ദിവസമാണ്.ആഭരണങ്ങളും പുതുവസ്ത്രവും അണിഞ്ഞു ചെക്കന് വേണ്ടി കാത്തു നിൽകുമ്പോഴും എന്റെ കണ്ണുകൾ തിരയുന്നത് മറ്റൊരാൾക്ക്‌ വേണ്ടിയാണ്. അഥിതികൾ ഓരോരുത്തർ വന്നും പോയി ഇരുന്നു… ഇടക്ക് പുറത്തേക്കു നോക്കിയപ്പോഴാണ് സമപ്രായക്കാരായ രണ്ടു പെൺകുട്ടികളെ കണ്ടത്… കളിച്ചും ചിരിച്ചുമുള്ള അവരുടെ സംസാരം അതെന്നെ വർഷങ്ങൾ പിന്നിലേക്ക് കൊണ്ട് പോയി. .രവി സാറിന്റെ കയ്യും പിടിച്ച് ക്ലാസ്സിലേക്ക് വന്ന അന്നാണ് ഞാൻ അവളെ ആദ്യമായി കാണുന്നത്.വിടർന്ന കണ്ണുകളും ഇടതൂർന്ന മുടിയിഴകളും വശ്യമായ പുഞ്ചിരിയുമുള്ള അവൾ സുമേയാ. പ്രായത്തിൽ കവിഞ്ഞ പക്വതയും ,മിതമായ സംസാരം രീതിയും പഠനത്തിലും പഠനേതര വിഷയങ്ങളിലും അവൾ കാണിച്ച മികവും അവളെ മറ്റുള്ളവരിൽ നിന്നും വ്യത്യസ്തയാക്കി. സ്കൂളിന് അടുത്തുള്ള വാടക വീട്ടിൽ ഉമ്മയും ഉപ്പയും അവളും അടങ്ങുന്ന ഒരു കൊച്ചു കുടുംബം.എന്റെ തൊട്ടടുത്തിരുന്ന് ഞങ്ങൾ ഉറ്റസുഹൃത്തുക്കളായി മാറിയിട്ട് കൂടി അവളുടെ നാടും വീടും ആത്മാവും എനിക്ക് അറിയില്ലായിരുന്നു.ഞാൻ ചോദിച്ചിട്ടും ഒഴിഞ്ഞു മാറ്റം മാത്രം ആയിരുന്നു മറുപടി.അറിയും തോറും അവളെനിക്ക് കൗതുകമായിരുന്നു ..

പലതവണ ഞാൻ വീട്ടിലേക്കു ക്ഷണിച്ചു എങ്കിലും അതും നിരസിച്ചു.കണ്ടില്ലെങ്കിലും അവളെന്റെ വീട്ടിൽ പരിചിതയായിരുന്നു..ഉച്ചയൂണിനു പതിവായി വീട്ടിൽ പോകാറുള്ള അവളോട്‌ കുടുംബത്തെ കാണാനുള്ള ആഗ്രഹം കൊണ്ട് പലയാവർത്തി വീട്ടിലേക്കു പോന്നോട്ടെ എന്നുള്ള എന്റെ ചോദ്യത്തിന് പുഞ്ചിരിച്ചു കൊണ്ട് പിന്നീടാകാം എന്ന് മാത്രമാണ് മറുപടി ഉണ്ടായിരുന്നത്.. പരീക്ഷയെല്ലാം കഴിഞ്ഞു സ്കൂൾ പൂട്ടുന്ന ദിവസമായിരുന്നു അന്ന്..കൈ കഴുകി ഭക്ഷണം കഴിക്കാൻ ഇരുന്ന എന്റെ അടുത്ത് വന്ന് അവൾ ചോദിച്ചു “‘നീ വരുന്നോ എന്റെ കൂടെ “‘..കേട്ടപാതി കേൾക്കാത്ത പാതി ചോറ്റുപാത്രം അടച്ചു വെച്ച് ഞാൻ അവളുടെ കൂടെ ഇറങ്ങാൻ ഒരുങ്ങിയപ്പോൾ എന്റെ ചോറ്റുപാത്രം കൂടി എടുക്കാൻ അവൾ ആവശ്യപെട്ടു. വിഭവങ്ങൾ ഒരുക്കി മകളെ കാത്തിരിക്കുന്ന ഒരു ഉമ്മയെയാണ് ഞാൻ അവിടെ പ്രതീക്ഷിച്ചത്..എന്നാൽ വീട്ടിലെത്തിയപ്പോൾ വാതിൽ അടഞ്ഞു കിടക്കുന്നു.ജനലഴിക്കുള്ളിലൂടെ താക്കോൽ എടുത്ത് വാതിലും തുറന്ന് വീട്ടിലേക്കു സലാം ചൊല്ലി പ്രവേശിച്ചപ്പോൾ തിരിച്ച് മറുപടി ഒന്നും കേട്ടതും ഇല്ല. ഒരു മുറിയും ഒരടുക്കളയും അടങ്ങുന്ന ഒരു കുഞ്ഞു വീട്..ഉമ്മയെ കാണാത്തപ്പോൾ ഞാനാ മുറിയിലേക്ക് ഒന്ന് എത്തി നോക്കി..ഒരു പ്രാവശ്യം മാത്രമേ നോക്കിയുള്ളൂ…തലകറങ്ങി ഞാനാ കസേരയിൽ ഇരുന്നു. എന്റെ പരിഭ്രാന്തി കണ്ടിട്ടാകാണo അവളെനിക്ക് വെള്ളം നീട്ടിയത്.. “‘ഉമ്മിയാണ് കുറച്ചു വർഷങ്ങൾ ആയി സുഖമില്ല “എന്നവൾ എന്നോട് പറഞ്ഞപ്പോൾ മറുപടി എന്നോണം ഉപ്പയെ ആയിരുന്നു ഞാൻ ചോദിച്ചത്.. എല്ലാം ഞാൻ പറയാം എന്നും പറഞ്ഞ് തീൻമേശയിലേക്ക് വിളിച്ചപ്പോൾ അവിടെ സമൃദ്ധമായ സദ്യക്ക് പകരം പഴംകഞ്ഞി ആയിരുന്നു..

ഞാൻ കഴിച്ചത് എന്റെ ചോറ്റു പാത്രത്തിലെ ചോറും..രുചിയോടെ അവളതു കഴിക്കുന്നത് കണ്ടപ്പോൾ എനിക്ക് കൗതുകം ആയിരുന്നു. അവളുടെ വസ്ത്രങ്ങളും പുസ്തകങ്ങളും ഓരോന്നായി കാണിച്ചു തന്നപ്പോൾ ഞാൻ ചിന്തിച്ചത് ഇഷ്ട വിഭവം ഇല്ലെന്നു പറഞ്ഞ് വഴക്കിടുന്ന..ഡ്രെസ്സിലെ പൂവിന്റെ നിറം മങ്ങിയെന്നു പറഞ്ഞ് അതൊഴിവാക്കുന്ന എന്നെ കുറിച്ചാണ്. ഉമ്മിയുടെ വായിലേക്ക് കഞ്ഞി ഒഴിച്ചു കൊടുക്കുന്നതിനു ഇടയിൽ അവൾ പറയുന്നുണ്ടായിരുന്നു.. മലപ്പുറത്തെ ഒരു നാട്ടിൻപുറത്ത് സമൂഹം കള്ളനെന്നു ഓമനപേരിട്ടു വിളിച്ച ഒരുപ്പയുടെ മകളായി ജനനം..സ്നേഹനിധിയായ ഉമ്മാക്ക് മുഖവും ശരീരവും വികൃതമായി മാറുന്ന മാറാവ്യാധി പിടിപെട്ടപ്പോൾ ജനിപ്പിച്ച അച്ഛൻ ഉപേക്ഷിച്ചു പോയി. നാട്ടുകാരുടെ സഹായത്തോടെ ആയിരുന്നു പിന്നീട് ജീവിതം.പഠിക്കാൻ മിടുക്കി.. ആ ഇടക്ക് ക്ലാസ്സിലെ ഒരു സുഹൃത്ത്‌ ഉമ്മയെ കാണാൻ വീട്ടിൽ വരികയും ക്ലാസ്സിൽ ചെന്ന് മറ്റുള്ളവരുടെ മുൻപിൽ വെച്ച് “‘അവളുടെ ഉമ്മയുടെ മുഖം ഒരു മൃഗത്തെ പോലെയാണെന്ന് പറഞ്ഞ് ആക്ഷേപിച്ചപ്പോൾ ഉണ്ടായ വേദന കൊണ്ടെത്തിച്ചത് പഠനം നിർത്തുന്നതിലേക്ക് ആയിരുന്നു. പഠനം പാതിവഴിയിൽ ഉപേക്ഷിച്ചു എന്നറിഞ്ഞ അയൽവാസിയായ രവി സാർ എന്നെയും കുടുംബത്തെയും പിന്നീട് ഇങ്ങോട്ട് കൊണ്ട് വരികയായിരുന്നു.. എന്നെ ദത്തു പുത്രിയാക്കിയതോടൊപ്പം എന്റെ ഉമ്മയുടെ ചികിത്സ ചിലവും കൂടി അദ്ദേഹം ഏറ്റെടുത്തപ്പോൾ അദ്ദേഹം എനിക്ക് ദൈവതുല്യനായ ഗുരുവായി..

ചുരുങ്ങിയ വരിയിൽ അവളുടെ വലിയ ജീവിതം എനിക്ക് മുൻപിൽ പറഞ്ഞപ്പോൾ അവളിലൂടെ ഞാൻ മറ്റൊരു ലോകത്തെത്തി. ഉമ്മയോട് സലാം ചൊല്ലി വീട്ടിൽ നിന്നിറങ്ങിയപ്പോൾ ചിന്തകൾ പലതും ആയിരുന്നു.. കർക്കഷക്കാരനായ രവി സാർ അവൾക്കു ദൈവ തുല്യൻ ആയപ്പോൾ ഞാൻ ഉൾക്കൊണ്ട പാഠം ഒരദ്യാപകൻ ആണ് ഒരു വിദ്യാർത്ഥിയുടെ ആദ്യ പാഠപുസ്തകം ആകേണ്ടതു എന്നായിരുന്നു.. ദിവസം കഴിയും തോറും അവളോടുള്ള ഇഷ്ടവും ബഹുമാനവും കൂടി.. എനിക്ക് മാത്രമല്ല എന്റെ വീട്ടുകാർക്കും…വർഷങ്ങൾ പലതും കഴിഞ്ഞു.. ഞങ്ങളുടെ സൗഹൃദത്തിന്റെ ആഴവും കൂടി..എന്റെ വീട്ടിലെ ഒരംഗമായി അവളും മാറി..ഞാൻ കഴിക്കുന്ന മിട്ടായിയുടെ പാതി അവകാശി അവൾ ആയിരുന്നു..എനിക്ക് പുതുതായി എന്തെടുത്താലും കൂടെ അവൾക്കും എടുക്കാൻ ഉപ്പ മറന്നില്ല.. എനിക്കവൾ സഹോദരിയും ഉമ്മക്കും ഉപ്പക്കും അവൾ മകളുമായി മാറിയപ്പോൾ ഇക്കാക്കയുടെ മനസ്സിൽ അവളെ നല്ലപാതി ആക്കാനുള്ള ആഗ്രഹവും ഉടലെടുത്തു. എന്റെ പിന്തുണയോടെ ഇക്ക പല തവണ ആവശ്യം പറഞ്ഞെങ്കിലും നിരാശ മാത്രം ആയിരുന്നു ഫലം.ഉമ്മയെ തനിച്ചാക്കി ഞാൻ മറ്റൊരു ജീവിതവും സുഖവും തേടിപോകില്ല എന്നായിരുന്നു അവളുടെ പക്ഷം.. പക്ഷെ ഉമ്മാക്ക് വേണ്ടിയുള്ള അവളുടെ ജീവിതം അധികം നീണ്ടു നിന്നില്ല..അസുഖം കൂടി അവർ മരണത്തിനു കീഴടങ്ങിയപ്പോൾ അനാഥ എന്നൊരു വിളിപ്പേര് കൂടി അവൾക്കു സ്വന്തമായി. ചെറുപ്രായത്തിൽ പിതാവിനാൽ ഉപേക്ഷിക്കപെട്ടവൾ..കള്ളന്റെ മകളെന്ന് പരിഹസിക്കപെട്ടവൾ. സഹതാപത്തിന്റെയും ദാരിദ്രത്തിന്റെയും രുചിയറിഞ്ഞു വളർന്നവൾ ഒടുവിൽ ഒറ്റപ്പെടലിന്റെയും അനാഥതത്തിന്റെയും വേദന കൂടി അറിഞ്ഞപ്പോൾ വിഷാദ രോഗതിന് അടിമപെടുമെന്നു ഭയന്ന് ഞാനാണ് ഇക്കാക്ക് അവളോടുള്ള താല്പര്യം വീട്ടിൽ അറിയിച്ചത്.

പക്ഷെ മക്കളുടെ കാര്യത്തിൽ മാതാപിതാക്കൾ സ്വാർത്ഥർ ആകുമെന്ന് ഇവടെയും സത്യമായി..ഒരനാഥ പെണ്ണിനെ മരുമകൾ ആക്കാൻ അവർ ഒരുക്കമല്ലായിരുന്നു.. കൈ നിറയെ സ്ത്രീധനം കൊണ്ട് വരുന്ന മരുമകളെയാണ് അവർക്കും വേണ്ടിയിരുന്നതു. എന്നാൽ സ്നേഹിച്ച പെണ്ണിനെ കൈ ഒഴിയാൻ ഇക്കാക്കയും കൂട്ടുകാരിയെ അറിഞ്ഞു കൊണ്ട് ഉപേക്ഷിക്കാൻ ഞാനും തയ്യാറായില്ല. എല്ലാം നഷ്ടപ്പെട്ട് സ്വബോധം പോലും ഇല്ലാത്ത സമയത്താണ് ഇക്കാക്ക അവൾക്കു മഹർ ചാർത്തിയത് ..മാതാപിതാക്കളുടെ സ്ഥാനത്ത്‌ രവി സാറും കൂടെപിറപ്പായ എന്റെയും സാനിധ്യം മാത്രമേ അവിടെ ഉണ്ടായിരുന്നുള്ളൂ.. പ്രതീക്ഷച്ചത് പോലെ വീട്ടിൽ അവൾക്കു സ്ഥാനം ഇല്ലായിരുന്നു.അവളുടെ കയ്യും പിടിച്ച് അന്നിറങ്ങിയതാണ് ഇക്കാക്ക.. പിന്നീട് ഒരു വിവരവും ഇല്ലായിരുന്നു.. വർഷങ്ങൾ മാറി വന്നു ഉമ്മയുടെയും ഉപ്പയുടെയും മനസ്സ് മാറി തുടങ്ങി.. അവരെ കണ്ടു പിടിക്കാനുള്ള ഓട്ടമായിരുന്നു പിന്നീട്.. അന്വേഷണം പല വഴിക്കും തിരിഞ്ഞു.എന്റെ കല്യാണം ഉറപ്പിച്ച അന്ന് മുതൽ എനിക്ക് പിന്തുണ നൽകി എന്റെ ഭർത്താവും ഏറെ സഹായിച്ചു.. രവി സാറിനെ അന്വേഷിചിറങ്ങിയപ്പോൾ ചെറിയ ഒരു പ്രതീക്ഷ ഉണ്ടായിരുന്നു..പക്ഷെ അവിടെ എത്തിയപ്പോൾ അദ്ദേഹം ഒരു യാത്രയിൽ ആണെന്ന് മാത്രം അറിഞ്ഞു.. ഇന്നിതാ കല്യാണദിവസം വന്നെത്തി..ആളും ബഹളവും കേമമായി കല്യാണം നടക്കുമ്പോഴും ഉള്ളിൽ എവിടെയോ ഒരു കുഞ്ഞു പ്രതീക്ഷയോടെ എന്റെ കണ്ണുകൾ തിരയുന്നത് അനിയത്തിയുടെ ജീവിതത്തിലെ മനോഹരമായ നിമിഷത്തിന് സാക്ഷിയാവാൻ എന്റെ ഇക്കാക്ക സുമിയുടെ കയ്യും പിടിച്ച് വരുന്നതാണ്.

പക്ഷെ പ്രതീക്ഷ അസ്തമിച്ചു നിറകണ്ണുകളോടെ മഹർ ചാർത്താൻ ഞാൻ കഴുത്ത് നീട്ടാൻ ഒരുങ്ങിയതും എന്റെ ചുമലിൽ കൈ വെച്ചാരോ പറഞ്ഞു “‘മോളെ ബിസ്മി ചൊല്ലാൻ മറക്കല്ലേ “‘ എന്റെ ചെവിയിൽ പ്രകമ്പനo കൊള്ളിച്ച ആ ശബ്ദം കേട്ട് ഞാൻ തിരിഞ്ഞു നോക്കിയതും കയ്യിൽ ഒരു കുഞ്ഞു മാലാഖയുമായി ഇക്കാക്കയുo കൈ നിറയെ സമ്മാനങ്ങളുമായി സുമിയുo രവി സാറും. എന്റെ മുൻപിൽ . “എങ്ങനെയുണ്ട് എന്റെ വിവാഹസമ്മാനം” എന്ന് ചോദിച്ചു എന്റെ ഭർത്താവ് എന്നെ ചേർത്ത് പിടിച്ചപ്പോൾ എന്റെ മുൻപിൽ ഒരായിരം ചോദ്യങ്ങൾ ആയിരുന്നു. വിവരങ്ങൾ ഞാൻ പറഞ്ഞ അന്ന് തന്നെ അന്വേഷണം ആരംഭിച്ചിരുന്നു എന്നും മാഷിന്റെ സഹായത്തോടെ ഇക്കയെ കണ്ടു പിടിച്ചു അവിടെ എത്തിയപ്പോൾ സുമിയാണ് നിന്നെ ഒന്നും അറിയിക്കരുത് എന്ന് പറഞ്ഞതും.. നനഞ്ഞ കണ്ണുകൾ കൊണ്ട് ഭർത്താവിനു നന്ദി അറിയിച്ചു സുമിയെ വാരിപുണർന്നപ്പോൾ എല്ലാം കണ്ടും കേട്ടും നിന്ന ഉപ്പയും ഉമ്മയും ഇക്കയുടെ മാലാഖകുഞ്ഞിനെ കോരിയെടുത്തു ഉമ്മ വെക്കുന്ന തിരക്കിൽ ആയിരുന്നു

Continue Reading

Film updates

Film News16 hours ago

‘തെറ്റുപറ്റി ക്ഷമിക്കണം, ബാക്കി തുക വേണ്ട’ ! മാപ്പ് പറഞ്ഞ് ഷെയ്ന്‍ നിഗം

യുവ നായകന്മാരിൽ വളരെ പെട്ടന്ന് മുൻ നിരയിലേക്ക് എത്തിച്ചേർന്ന നടനായിരുന്നു ഷൈൻ നിഗം. നടൻ അഭിയുടെ മകനാണ് ഷൈൻ. പക്ഷെ വളരെ പെട്ടന്നായിരുന്നു എല്ലാം, കരാറിൽഏർപ്പെട്ട സിനിമയുടെ...

Actor Unnikrishnan about his marriage Actor Unnikrishnan about his marriage
Film News17 hours ago

അങ്ങനെ ഒരു വിവാഹത്തിന് എനിക്ക് താല്പര്യം ഇല്ലായിരുന്നു, എല്ലാം വീട്ടുകാരുടെ ആഗ്രഹം ആയിരുന്നു!

മലയാള സിനിമ പ്രേഷകരുടെ പ്രിയ നടന്മാരിൽ ഒരാളാണ് വിഷ്ണു ഉണ്ണി കൃഷ്ണൻ. ബാലതാരമായി അഭിനയത്തിൽ തുടക്കം കുറിച്ചെങ്കിലും സിനിമയിൽ വിഷ്ണു ശ്രദ്ധിക്കപ്പെട്ടത് തിരക്കഥാകൃത്തായിട്ടാണ്. അമർ അക്ബർ അന്തോണി...

Film News20 hours ago

ഏഴാമത്തെ തവണ എന്റെ ദൈവമേ ശല്യമൊന്ന് ഒഴിഞ്ഞുകിട്ടട്ടേ എന്ന് വിചാരിച്ച്‌ യെസ് പറഞ്ഞു ! പ്രണയകഥ പറഞ്ഞ് ശ്രുതി രാമചന്ദ്രന്‍

വളരെ കുറഞ്ഞ സമയത്തിനുള്ളിൽ പ്രേക്ഷകര്‍ക്ക് പ്രിയങ്കരിയായ നായികയാണ് ശ്രുതി രാമചന്ദ്രന്‍. വളരെ കുറച്ചു സിനിമകൾ മാത്രമേ ശ്രുതി ചെയ്തിട്ടുള്ളു എങ്കിലും ചെയ്ത സിനിമകൾ എല്ലാം തന്നെ ശ്രേധിക്കപെട്ടു...

Film News3 days ago

റോണ്‍സന്റെ നല്ലപാതിയായി ഇനി ഡോക്ടര്‍ നീരജ ഉണ്ടാകും ! വിവാഹ ചിത്രങ്ങൾ കാണാം!!!

മിനിസ്ക്രീൻ സീരിയലിലൂടെ പ്രേക്ഷക ഹൃദയം കീഴടക്കിയ നായകനാണ് റോണ്‍സണ്‍ വിന്‍സെന്റ്. ഭാര്യ , സീത എന്നീ ജനപ്രിയ്യ സീരിയലുകൾ റോൻസോൺ മികച്ച അഭിപ്രായം സ്വന്തമാക്കിയിരുന്നു. റോണ്‍സന്‍ ഇപ്പോള്‍...

Film News3 days ago

ആകെ കിട്ടിയത് റിമിയുടെ മുന്‍ഭര്‍ത്താവ് എന്ന ഒരു അനാവശ്യ വിലാസം! ഇനിയും മിണ്ടാതിരിക്കാൻ എനിക്കാവില്ല! റോയ്‌സ്

മലയാളികളുടെ പ്രിയങ്കരിയായ ഗായികയാണ് റിമി ടോമി. ഒരു ഗായിക എന്നതിലുപരി നല്ലൊരു അവതാരക കൂടിയാണ് എന്ന്  റിമി തെളിച്ചതാണ്. താരം അവതാരകയായി എത്താറുള്ള പരിപാടികൾക്കെല്ലാം വളരെയധികം പ്രേക്ഷക...

Writeups

conucter-madhu-became-ias-o conucter-madhu-became-ias-o
Malayalam Article3 weeks ago

ബസ്സ് കണ്ടക്ടർ നിന്നും ഐഎഎസ് പദവിയിലേക്ക് !! മധുവിന്റെ വിജയകഥ

ജീവിത്തിലെ പല കഷ്ടപ്പാടിൽ നിന്നും ഐഎഎസ് എന്ന പദവിയിലേക്ക് എത്തിച്ചേർന്ന പലരുടെയും വിജയ കഥകൾ നമുക്ക് അറിയാം, ഒരുപാട് കഷ്ട്ടപെട്ടു ഏതാണ്ട് പദവിയാണിത്, അതിനു വേണ്ടി ധാരാളം...

nandana-and-sanjana nandana-and-sanjana
Malayalam Article3 weeks ago

അച്ഛനും അമ്മയും നഷ്ട്ടപെട്ടു, സഹായിക്കാൻ ആരുമില്ലാതെ രണ്ടു പെൺകുട്ടികൾ

അച്ഛനും അമ്മയും ഇല്ലാതെ ദുരിതത്തിൽ രണ്ടു പെൺകുട്ടികൾ , ഇപ്പോൾ മുത്തശ്ശന്റെയും മുത്തശ്ശിയുടെയും ഒപ്പമാണ് കുട്ടികൾ താമസിക്കുന്നത്, ത്രിശൂർ ചെറുവാൾ എൽ പി സ്കൂളിലെ നാലാം ക്ലാസ്...

jeena-alfonsa-facebook-post jeena-alfonsa-facebook-post
Malayalam Article4 weeks ago

ഒരു പാക്കറ്റ് മാഗി വിൽക്കുന്ന ലാഘവത്തിൽ അവർ ശരീരം വിൽക്കുന്നു!! കുറിപ്പ് വൈറൽ ആകുന്നു

ജീവിതത്തിലെ എല്ലാ സന്തോഷാങ്ങളും കാറ്റിൽ പറത്തി ജീവിക്കുന്ന ഒരു കൂട്ടം സ്ത്രീകൾ ഉണ്ട്, റെഡ് സ്ട്രീറ്റിലെ സ്ത്രീകൾ, അവരുടെ കഥകൾ കേട്ടാൽ ആരുടെയും ചങ്കു തകരും, ജീവിക്കാൻ...

Malayalam Article4 weeks ago

ജീവിതത്തിൽ ആദ്യമായി എന്റെ നേർക്ക് ഒരാൾ 500 രൂപ നീട്ടി! വൈറലായ ഒരു ഡോക്ടറുടെ കുറിപ്പ്.

ഡോ.ഷിനു ശ്യാമളൻ അവരുടെ ജീവിതത്തിൽ സംഭവിച്ച അനുഭവം ഫേസ്ബുക്കുവഴി പുറം ലോകത്തോട് പറഞ്ഞിരിക്കുകയാണ്. കുറിപ്പ് എങനെ തുടഗുന്നു. ജീവിതത്തിൽ ആദ്യമായി എന്റെ നേർക്ക് ഒരാൾ 500 രൂപ...

anu-murali-s-vetinary-docto anu-murali-s-vetinary-docto
Films1 month ago

സ്വന്തം അച്ഛന്‍ പോലും അറിയാതെ സിവില്‍ സര്‍വീസ് പരീക്ഷയില്‍ ഉന്നതവിജയം നേടി ഒരു മകള്‍

സിവിൽ സർവീസ് പരീക്ഷയിൽ ഉയര്‍ന്ന റാങ്ക് നേടിയ കൊല്ലം പോരുവഴി സ്വദേശിനി എസ്. അനുവിന്റെ ജീവിതകഥ ആറാമത്തെ വയസ്സിലാണ് അമ്മയെ ഞങ്ങൾക്കു നഷ്ടപ്പെടുന്നത്. അതുവരെ കഥ പറഞ്ഞു...

online-cheating online-cheating
Malayalam Article1 month ago

വാട്ട്സ്ആപ്പില്‍ കിട്ടിയ ലിങ്കില്‍ തിരഞ്ഞ യുവാവിന്‍റെ ഭാര്യയുടെ ചിത്രവും വിവരങ്ങളും ലൈംഗിക തൊഴിലാളി എന്ന പേരിൽ സൈറ്റില്‍

ഓൺലൈൻ മസ്സാജിനായി വാട്ട്സ്ആപ്പില്‍ കിട്ടിയ ലിങ്കില്‍ തിരഞ്ഞ യുവാവിന്‍റെ ഭാര്യയുടെ ചിത്രവും വിശദാംശങ്ങളും ‘ലൈംഗിക തൊഴിലാളിയെന്ന’ പേരില്‍ ഡേറ്റിംഗ് സൈറ്റില്‍; മുപ്പത് കാരന്റെ കുടുംബത്തിന് സംഭവിച്ച കഥ...

latha bhagavan khare latha bhagavan khare
Malayalam Article2 months ago

വാർധ്യക്യത്തിലും തളരാതെ പൊരുതി ലത ഭഗവാൻ ഖാരെ.

ഇത് ഒരു സ്ത്രീയുടെ നിശ്ചയ ദാർഢ്യത്തിന്റെ കഥയാണ്… ലത ഭഗവാൻ ഖാരെ എന്ന അറുപത്തേഴു വയസ്സുള്ള സ്ത്രീ അവരുടെ മൂന്നു പെൺമക്കളും ഭർത്താവുമൊന്നിച്ച് മഹാരാഷ്ട്രയിലെ ഭുൽധാന ജില്ലയിലെ...

sreekala unni cancer patient sreekala unni cancer patient
Health2 months ago

ഇടിത്തീ പോലെ കാൻസർ, കുഞ്ഞിനെപ്പോലെ ചേർത്ത് പിടിച്ച് പ്രിയതമൻ, കരൾ അലിയിപ്പിക്കും കഥ

ഏതു വേദനകളെയും നമുക്ക് അനായാസം മറക്കാം താങ്ങായും തണലായതും നമുക്ക് ഒരു സപ്പോർട്ട് ഉണ്ടെങ്കിൽ, മാരകരോഗമായ കാൻസർ ശരീരത്തെ കാർന്നു തിന്നുമ്പോഹും തളരാതെ പിടിച്ച് നിൽക്കുവാൻ നമ്മളെ...

mobile phone use in adults mobile phone use in adults
Malayalam Article2 months ago

മകന് ഫോൺ വാങ്ങി കൊടുത്തു, കിടപ്പാടം നഷ്ട്ടപെട്ടു കുടുംബം ഇപ്പോൾ പെരുവഴിയിൽ

ഇന്നത്തെ കാലത് സ്മാർട്ട് ഫോണിന്റെ ഉപയോഗം വളരെ കൂടി വരുന്ന കാലം ആണ്. കൊച്ചു കുട്ടികൾ മുതൽ മുതിർന്നവർ വരെ ഇന്ന് മൊബൈൽ ഫോണ് അടിമകൾ ആണ്....

solar eclipse in december 26 solar eclipse in december 26
Malayalam Article2 months ago

വലയസൂര്യഗ്രഹണം ഡിസം. 26 ന് കാലത്ത് 8.30ന് ദൃശ്യമാവുകയാണ്

വലയസൂര്യഗ്രഹണം ഡിസം. 26 ന് കാലത്ത് 8.30ന് ദൃശ്യമാവുകയാണ്. . കാസര്‍ഗോഡും വയനാട്ടിലും ഇത് പൂര്‍ണ്ണമായും കാണാന്‍ കഴിയും. നിരവധി വര്‍ഷങ്ങള്‍ കൂടുമ്പോള്‍ മാത്രമേ ‍സമ്പൂര്‍ണ്ണ സൂര്യഗ്രഹണം...

how-to-search-good-petrol how-to-search-good-petrol
Malayalam Article2 months ago

നല്ല പെട്രോൾ ലഭിക്കുന്ന പെട്രോൾ പമ്പ് എങ്ങനെ തിരിച്ചറിയാം? മാർഗ്ഗം ഇതാ

കാലാകാലങ്ങളായി ഒട്ടുമിക്ക വാഹന ഉടമകളെയും കുഴപ്പിച്ചു കൊണ്ടിരിക്കുന്ന ഒരു ചോദ്യമാണിത്. നമ്മുടെ ലൊക്കാലിറ്റിയിൽ നിന്ന് പുറത്ത് കടന്നാൽ പിന്നെ “ഏത് പമ്പിലെ പെട്രോളാണ് നല്ലത് ?” എന്നുള്ളത്...

dhanesh-mukundan-story dhanesh-mukundan-story
Malayalam Article2 months ago

രോഗകിടക്കയിലും സന്തോഷം മാത്രം പങ്കുവെക്കുന്ന ഭാര്യയെ കുറിച്ച്‌ യുവാവിന്റെ കണ്ണുനനയിക്കുന്ന കുറിപ്പ്

അര്‍ബുദം ശരീരത്തെ കാര്‍ന്നെടുക്കുമ്ബോഴും മനസിനും തെല്ലും ഉലച്ചിലില്ലാതെ സ്‌നേഹവും സന്തോഷവും മാത്രം പങ്കുവെയ്ക്കുന്ന ഭാര്യയെ കുറിച്ച്‌ യുവാവ് എഴുതിയ കുറിപ്പ് സോഷ്യല്‍മീഡിയയില്‍ വൈറലാകുന്നു. കീമോയുടെ വേദനകള്‍ക്കിടയിലും എല്ലാവരോടും...

Ziona Chana with family Ziona Chana with family
Malayalam Article2 months ago

സ്വന്തമായി 39 ഭാര്യമാർ, 94 കുട്ടികൾ, 33 കൊച്ചു മക്കൾ, ലോകത്തിലെ ഏറ്റവും വലിയ കുടുംബം

ഒരു വ്യക്തിയുടെ ഒന്നോ രണ്ടോ മൂന്നോ വിവാഹങ്ങളെക്കുറിച്ച് നിങ്ങൾ ഇതുവരെ കേട്ടിരിക്കാം, എന്നാൽ 39 വിവാഹങ്ങൾ കഴിച്ച ഒരാളെ നിങ്ങൾക്ക്‌ അറിയാമോ. ഇത് കേട്ടാൽ ആരും വിശ്വസിക്കില്ല,...

mother-with-son mother-with-son
Malayalam Article2 months ago

എന്റെ പ്രണയവും പ്രാണനും അമ്മയാണ്, യുവാവിന്റെ കുറിപ്പ് വൈറൽ ആകുന്നു

പ്രണയിക്കുവാനായി ഒരു ദിനമുണ്ടെങ്കിൽ അത് എന്റെ അമ്മയോടൊപ്പം! ജീവിതത്തിൽ സ്നേഹത്തിന്റെ അവസാന വാക്ക് അത് അമ്മ തന്നെ. നമ്മെ എത്ര സ്നേഹിച്ചാലും മിതവാരത്തത് അത് നമ്മുടെ പെറ്റമ്മയ്ക്ക്...

Malayalam Article2 months ago

അടിവസ്ത്രമിട്ട് നവവധുവിന്റെ വെഡിങ് ഫോട്ടോഗ്രാഫി !

സമൂഹ മാധ്യമങ്ങളിൽ ഇപ്പോൾ ഏറെ വൈറൽ ആകുന്ന വിഷയങ്ങളിൽ ഒന്നാണ് വെഡിങ് ഫോട്ടോഗ്രാഫിയും സേവ് ദി ഡേറ്റും എല്ലാം. ഇപ്പോൾ വിവാഹിതരാകാൻ പോകുന്ന ദമ്പതികൾ ആദ്യം ചിന്തിക്കുക...

Trending

Maternity Photoshoot Maternity Photoshoot
Current Affairs17 hours ago

ഇങ്ങനെ ഒരു മറ്റേണിറ്റി ഫോട്ടോഷൂട്ട് ആദ്യമായാണ്, അതും നമ്മുടെ ഈ കേരളത്തിൽ!

ഗർഭകാല ഫോട്ടോഷൂട്ടുകൾ ഒരുപാട് കണ്ടിട്ടുണ്ടെങ്കിലും ഇങ്ങനെ ഒരു ഫോട്ടോഷൂട് ആദ്യമായി ആണ് കാണുന്നത്. ന്യൂഡ് മറ്റേർണിറ്റി ഫോട്ടോഷൂട്. കോഴിക്കോട്ടെ കൊണ്ടച്ചേരിയിൽ വെച്ചായിരുന്നു ഫോട്ടോഷൂട്ട് നടന്നത്. 28 വയസുകാരിയായ...

home-remedies-for-cancer home-remedies-for-cancer
Current Affairs3 weeks ago

ക്യാന്സറിനെ ഓർത്ത് ഇനി പേടിക്കേണ്ട കാര്യമില്ല!! ഈ കാര്യങ്ങൾ ഒന്ന് ശ്രദ്ധിച്ചാൽ മതി

മനുഷ്യനെ കാർന്നു തിന്നുന്ന ഒരു രോഗമാണ് കാൻസർ, പണ്ട് ഇതിനു വേണ്ടി യാതൊരു പ്രതിവിധിയും ഇല്ലായിരുന്നു എന്നാൽ ഇന്ന് ആരോഗ്യ മേഖല ഒരുപാട് മെച്ചപ്പെട്ട ഈ കാലഘട്ടത്തിൽ...

seclob mobile application seclob mobile application
Current Affairs2 months ago

ദൈനംദിന ആവിശ്യങ്ങൾ നിറവേറ്റാനായി സെക് ലോബ് മൊബൈൽ ആപ്ലിക്കേഷൻ നിങ്ങൾക്ക് മുന്നിലേക്ക്

ഒരുപാട് ആവശ്യങ്ങൾ ഒരു കുടക്കീഴിൽ എന്ന ആശയവുമായി സെക് ലോബ് – എന്ന മൊബൈൽ ആപ്ലിക്കേഷൻ കോഴിക്കോട് വെച്ചു മേയർ ശ്രീ.തോട്ടത്തിൽ രവീന്ദ്രനും , പ്രശസ്ത സിനിമ...

Current Affairs2 months ago

മറ്റു സംസ്ഥാനങ്ങളിൽ പോയാൽ ഇനി പട്ടിണി കിടക്കേണ്ടി വരില്ല! കേരളത്തിനു മോദിജിയുടെ പുതുവർഷ സമ്മാനമിതാ!!

കേരളം ജനത ഒന്നാകെ പൗരത്യ ഭേദഗതി നിയമിത്തിനെതിരെ ശക്തമായി പോരാടിക്കൊണ്ടിരിക്കുന്ന ഈ അവസ്ഥയിൽ എല്ലാവരെയും ഞെട്ടിച്ചിരിക്കുകയാണ് പ്രെധാനമത്രി നരേന്ദ്ര മോദി. പ്രേത്യേക നിയമസഭാ സമ്മേളനം പോലും വിളിച്ചു...

watsap will stop in december 31 in some phones watsap will stop in december 31 in some phones
Current Affairs2 months ago

നാളെ മുതൽ വാട്സ്ആപ് ഈ ഫോണുകളിൽ പ്രവർത്തിക്കുന്നത് നിയന്ത്രിക്കും

വാട്സ്ആപ്  ഇന്ന് ലോകത്തിലെ ഏറ്റവും വലിയ തൽക്ഷണ സന്ദേശമയയ്‌ക്കൽ സേവനമായി മാറുക മാത്രമല്ല, നമ്മുടെ ദൈനംദിന ലൈവിന്റെ ഭൂരിഭാഗത്തിന്റെയും അനിവാര്യ ഘടകമായി മാറിയിരിക്കുന്നു. എൻട്രി ലെവൽ ഉപകരണങ്ങൾ...

Trending

Don`t copy text!