Featured

മരുമകളെ സ്വന്തമാക്കാന്‍ മകനെ വെട്ടികൊന്ന് സമീപത്തെ ഓടയില്‍ തള്ളി, പിതാവ് അറസ്റ്റില്‍

മരുമകളെ സ്വന്തമാക്കാനായി സ്വന്തം മകനെ വെട്ടികൊന്ന പിതാവ് അറസ്റ്റിലായി. മരുമകളോടൊപ്പം ഇനിയുള്ള കാലം ആസ്വദിച്ച് ജീവിക്കാന്‍ തീരുമാനിച്ചാണ് ഇത്തരമൊരു കാര്യം ചെയ്തതെന്ന് പ്രതി  പോലീസിനോട് വെളിപ്പെടുത്തി.  സംഭവം നടന്നത് പഞ്ചാബിലെ ഫരീദ്‌കോട്ടിലെ ഡബ്രി ഖാന ഗ്രാമത്തിലാണ്.

മകനെ വീട്ടിനുള്ളില്‍വച്ച് കൊലപ്പെടുത്തിയ ശേഷം മൃതദേഹം ഓടയില്‍ തള്ളുകയായിരുന്നു. സംഭവവുമായി ബന്ധപ്പെട്ട് അന്വേഷണത്തിന് ഒടുവില്‍ അറുപത്തിരണ്ടുകാരന്‍ അറസ്റ്റിലായി. മകളുമായുള്ള ഭര്‍തൃപിതാവിന്റെ അവിഹിതം ഒടുവില്‍ മകനെ കൊല്ലുന്നതിലേയ്ക്ക് എത്തിക്കുകയായിരുന്നു.

തന്റെ ഭാര്യയുമായി പിതാവിന് ബന്ധമുണ്ടെന്ന് സംശയം തോന്നിയതോടെ രജ്വിന്ദര്‍ സിങും ഛോട്ടാസിങും തമ്മില്‍ ഇടയ്ക്കിടെ വഴക്കുകള്‍ പതിവായിരുന്നു എന്ന് നാട്ടുകാര്‍ പറയുന്നു. ഛോട്ടാസിങ്(62)എന്നയാളെയാണ് പൊലീസ് അറസ്റ്റ് ചെയ്തത്. മകനായ രജ്വിന്ദര്‍ സിങ്(40)ആണ് അതി ദാരുണമായി കൊല്ലപ്പെട്ടത്.

സംഭവം പുറത്തറിയാതിരിക്കാന്‍ മൃതദേഹം ചെറുകഷ്ണങ്ങളാക്കി. പിന്നീട് പ്ലാസ്റ്റിക് കവറിലാക്കിയ മൃതദേഹ അവശിഷ്ടങ്ങള്‍ ഓടയില്‍ ഉപേക്ഷിക്കുകയായിരുന്നുവെന്ന് പൊലീസ് പറഞ്ഞു. വഴക്കിന് പിന്നാലെ രജ്വിന്ദര്‍ സിങ് ഉറങ്ങിക്കിടക്കുമ്പോള്‍ ഛോട്ടാസിങ് തലക്കടിച്ച് കൊലപ്പെടുത്തുകയായിരുന്നു.

പന്ത്രണ്ട് വര്‍ഷങ്ങള്‍ക്ക് മുമ്പാണ് രജ്വിന്ദര്‍ സിങ്, ജസ്വീര്‍ കൗറിനെ വിവാഹം കഴിച്ചത്. ഇരുവര്‍ക്കും രണ്ട് കുട്ടികളുമുണ്ട്. ജസ്വീറും ഛോട്ടാസിങുമായി അടുപ്പമുണ്ടായിരുന്നുവെന്നും ഇതേ ചൊല്ലി മകനുമായി നേരത്തേുയം വാക്കേറ്റമുണ്ടായതായും പൊലീസ് വെളിപ്പെടുത്തുന്നു.

Trending

To Top
Don`t copy text!