Current Affairs

മലയാളി യുവാവിന്‍റെ കൈപ്പത്തി മുറിച്ച് മാറ്റാന്‍ സൗദി കോടതി ഉത്തരവ്..!

സൗദിയിലെ ഖമീസ് മുഷൈത്തിലെ ക്രിമിനല്‍ കോടതിയാണ് മലയാളി യുവാവിന്റെ വലത് കൈപ്പത്തി മുറിച്ച് മാറ്റാന്‍ ഉത്തരവിട്ടത്. ജോലി ചെയ്യുന്ന സ്ഥാപനത്തില്‍ നിന്നും പണം മോഷ്‌ടിച്ചതാണ് യുവാവ് ചെയ്ത കുറ്റം. ആലപ്പുഴ നൂറനാട് സ്വദേശിയാണ് യുവാവ്.

റമദാന്‍ പതിനേഴിനകം കോടതി വിധിക്കെതിരെ അപ്പീലിന് പോകാന്‍ കോടതി അനുവാദം നല്‍കിയിട്ടുണ്ട്. യുവാവ് ജോലി ചെയ്‌തിരുന്നത് സൗദിയിലെ തെക്കുഭാഗത്തെ അബഹയില്‍ ഉള്ള ഭക്ഷണശാലയിലാണ്. ഇവിടെ നിന്നുമാണ് പണം മോഷണം പോയത്. പ്രതി കുറ്റം സമ്മതിച്ചിട്ടുണ്ട്.

ഒപ്പം ജോലി ചെയ്‌തിരുന്ന സുഹൃത്ത് യുവാവിന്റെ ജാമ്യത്തില്‍  നാട്ടില്‍ പോയിരുന്നു. ഇയാള്‍ മടങ്ങിവരാതിരുന്നതോടെ കടയുമടമ പ്രതിയുടെ പക്കല്‍ നിന്നും ഇരുപത്തിനാലായിരം റിയാല്‍ ഈടാക്കി. അമ്മയുടെ ചികിത്സയ്‌ക്കായി പോകുന്നു എന്നു പറഞ്ഞാണ്  യുവാവ് പോയത്.

പൊലീസ് നടത്തിയ അന്വേഷണത്തില്‍ പണം കുളിമുറിയില്‍ നിന്നും കണ്ടെത്തി.  സ്‌പോണ്‍‌സറുടെ റസ്‌റ്റോറന്റില്‍ നിന്നും പണം നഷ്‌ടമായതിന്റെ നിരാശയില്‍ യുവാവ് 24,000 റിയാല്‍ എടുക്കുകയായിരുന്നു. രണ്ടു പേര്‍ സാക്ഷി പറയുകയും ചെയ്‌തു.  യുവാവിനെതിരെ ശിക്ഷ വിധിച്ചത് ശരീഅത്ത് നിയമപ്രകാരം ആയിരുന്നു.

Trending

To Top
Don`t copy text!