Film News

വീട്ടില്‍ ആരെങ്കിലും വന്നാല്‍ കാല്‍തൊട്ട് വണങ്ങണം: അവര്‍ എന്റെ പണമെല്ലാം എടുത്തു, ദുപ്പട്ട കൊണ്ട് മുഖം മറച്ച്‌ നടക്കണം, വിവാഹത്തെക്കുറിച്ച്‌ ശ്വേത മേനോന്‍ !!

മോഡലിങ്ങിലൂടെ അഭിനയ രംഗത്തേക്ക് കടന്നുവന്ന താരമാണ് ശ്വേതാമേനോന്‍. ബോളിവുഡിലാണ് ആദ്യം ചുവടുവെച്ചത്, പിന്നീട് മലയാളത്തിലേക്കും. പഴയകാല സിനിമകള്‍ നോക്കുമ്ബോള്‍ ശ്വേതയ്ക്ക് വലിയ വേഷങ്ങളൊന്നും ലഭിച്ചിരുന്നില്ല. പിന്നീടാണ് ശ്വേത തിളങ്ങിയത്. ആദ്യ വിവാഹ ജീവിതവും പിന്നീടുള്ള വിവാദങ്ങളുമെല്ലാം വാര്‍ത്തകളില്‍ നിറഞ്ഞിരുന്നു.

തന്റെ സ്വന്തം ഗര്‍ഭ കാലവും പ്രസവ രംഗങ്ങളും സിനിമയ്ക്കുവേണ്ടി ചിത്രീകരിക്കാന്‍ തയ്യാറായ ശ്വേതയുടെ ധൈര്യം ചെറുതല്ല.

swetha menon

ആദ്യ വിവാഹത്തില്‍ ഒട്ടേറെ പ്രശ്‌നങ്ങള്‍ നേരിട്ട നടിയാണ് ശ്വേത. ഒരു ബഹുരാഷ്ട്ര കമ്ബനിയുടെ വൈസ് പ്രസിഡന്റായ ശ്രീവത്സന്‍ മേനോനാണ് താരത്തിന്റെ ഇപ്പോഴത്തെ ഭര്‍ത്താവ്. 2011 ജൂണ്‍ 18 നായിരുന്നു വിവാഹം. ഇരുവര്‍ക്കും സബൈന എന്ന മകളുമുണ്ട്.

ശ്വേതയുടെ ആദ്യ വിവാഹം ബോബി ഭോസ്ലെ എന്നായാളുമായിരുന്നു. ശ്വേത പറയുന്നതിങ്ങനെ.. ഒരു പ്രണയത്തകര്‍ച്ചയില്‍ നില്‍ക്കുന്ന എനിക്ക് ആശ്വാസവുമായി വന്നതാണ് ബോബി ഭോസ്ലെ. അത് നല്ലൊരു സൗഹൃദമായി വളര്‍ന്നു. പിന്നീടെപ്പോഴോ പ്രണയമായി. ഞങ്ങള്‍ വിവാഹിതരായി. വിവാഹം കഴിഞ്ഞ ഭര്‍തൃവീട്ടില്‍ ചെന്ന ആദ്യ ദിനം തന്നെ എന്റെ സ്വപ്നങ്ങള്‍ എല്ലാം വെറുതെ ആയിപ്പോയെന്ന് മനസ്സിലായി.

ഗ്വോളിയാറിലെ യാഥാസ്ഥിക കുടുംബാംഗമായിരുന്നു ബോബിയുടേത്. മുഖം ദുപ്പട്ട കൊണ്ട് മറച്ച്‌ മാത്രമേ ബോബിയുടെ വീട്ടില്‍ നടക്കാന്‍ അനുവദിച്ചിരുന്നുള്ളൂ. അങ്ങനെയല്ലാതെ കുടുംബാംഗങ്ങളുടെ മുന്നില്‍ എത്താന്‍ പാടില്ല. വീട്ടില്‍ ആരെങ്കിലും വന്നാല്‍ അവരുടെ കാല്‍ തൊട്ട് വണങ്ങണം. ഭര്‍ത്താവെന്ന നിലയില്‍ ബോബിക്ക് ശ്വേതയുടെ മേല്‍ ഒരു അധികാരവും ഇല്ലായിരുന്നു. ബോബിയുടെ വീട്ടുകാരാണ് എല്ലാ കാര്യങ്ങളും നിയന്ത്രിച്ചിരുന്നത്.

സാമ്ബത്തികമായി പിന്നോക്കമായ ബോബിയുടെ കുടുംബത്തിന് എന്റെ പണത്തില്‍ മാത്രമായിരുന്നു കണ്ണ്. ഓരോ ആവശ്യങ്ങള്‍ പറഞ്ഞ് എന്റെ ബാങ്ക് ബാലന്‍സ് എല്ലാം ബോബിയുടെ വീട്ടുകാര്‍ പിന്‍വലിപ്പിച്ചു.

ആയിടയ്ക്കാണ് ജോഷ് എന്ന സിനിമയില്‍ അഭിനയിക്കാന്‍ അമീര്‍ ഖാന്‍ വിളിക്കുന്നത്. എന്നാല്‍ ഈ സിനിമയില്‍ അഭിനയിക്കാന്‍ ബോബി സമ്മതിച്ചില്ല. തുടര്‍ന്നാണ് വിവാഹ ജീവിതം അവസാനിപ്പിച്ചതെന്ന് ശ്വേത പറയുന്നു.

Trending

To Top