ഞെട്ടിക്കുന്ന സംഭവം നടന്നത് വിയറ്റ്നാമിലെ ഖ്വാങ് നിമിൽ ആണ്. ലോറി ഡ്രൈവറുടെ ശ്രദ്ധ കൊണ്ട് മാത്രമാണ് വൻ ദുരന്തം ഒഴിവായത്. ചീറി പാഞ്ഞ് വരുന്ന ലോറി ഇഴഞ്ഞു നീങ്ങിയ പിഞ്ചുകുഞ്ഞിനെ ഇടിക്കാതെ രക്ഷപെട്ടത് തല നാഴിരക്ക്. ദൃശ്യങ്ങൾ സമൂഹ മാധ്യമങ്ങളിൽ വൈറലായി കഴിഞ്ഞു.
പിന്നാലെ വന്ന ഈ വാഹനവും പെട്ടെന്ന് നിര്‍ത്തിയത് ലോറി ഡ്രൈവര്‍ നല്‍കിയ മുന്നറിയിപ്പിനെത്തുടര്‍ന്നാണ്. കുട്ടി റോഡ് ക്രോസ് ചെയ്യുന്നതും ലോറി പെട്ടെന്ന് ബ്രേക്കിട്ട് നിര്‍ത്തുന്നതും പുറകെ മറ്റൊരു ലൈനിൽ വന്ന കാറിന്റെ ഡാഷ്കാമില്‍ പതിഞ്ഞ ദൃശ്യങ്ങളില്‍ കാണാൻ സാധിക്കുന്നു.
ഭാഗ്യം കൊണ്ടുമാത്രമാണ് വളവുതിരിഞ്ഞവരുമ്പോൾ കുട്ടിയെ കാണാനിടയായത്. ലോറി പെട്ടെന്നു നിർ ത്തിയതിനാലാണ് ശ്രദ്ധയില്‍പെട്ടതെന്നും കാർ ഡ്രൈവർ പറയുന്നു. റോഡിന്റെ മറുഭാഗത്തുനിന്നും ഒരു സ്ത്രീ ഓടിവരുന്നതും മീഡിയന്‍ ചാടിക്കടന്ന് കുട്ടിയെയെടുക്കുന്നതും കാണാം.
https://www.youtube.com/watch?v=klFr_edzXgA
മറ്റ് വഴിയാത്രക്കാര്‍ അവരെ സമീപിക്കുന്നതിനിടെ, റോഡ് ക്രോസ് ചെയ്ത് അവര്‍ മറയുന്നതും ദൃശ്യങ്ങളിൽ കാണാൻ സാധിക്കുന്നു. കാർ നിർത്തി യുവതി എന്തോ ആവശ്യത്തിന് റോഡ്ക്രോസ് ചെയ്ത് പോയ സമയത്ത് വാഹനത്തിലിരുന്ന കുട്ടി തുറന്നുകിടന്ന ഡോറിലൂടെ പുറത്തിറങ്ങി അമ്മ പോയവഴിയെ റോഡ് മുറിച്ച്‌ കടക്കുകയായിരുന്നു .
