പത്ത് വര്‍ഷങ്ങള്‍ക്ക് മുമ്പ് നവ വരനൊപ്പം പുതിയ വീട്ടില്‍ താമസമാരംഭിച്ചപ്പോള്‍ മുതലാണ് ആ അസാധാരണ അനുഭവം ബ്രിട്ടീഷുകാരി അമെത്യസ്റ്റ് റീലത്തെ ചൂഴ്ന്നു തുടങ്ങിയത്. ഉറങ്ങുമ്പോള്‍ ശരീരത്തേക്ക് ഒരു ഭാരം വന്നു പതിക്കുന്നതുപോലെ. ഒടുവില്‍ അസാധാരണമായ ഒരു ലൈംഗികാനുഭവവും. പിന്നീട് പങ്കാളി അകലെയായിരിക്കെ ഈ അനുഭവത്തിന് വേണ്ടി കാത്തിരിക്കുക പതിവായി. മോഹിപ്പിക്കുന്ന രീതിയില്‍ നേര്‍ത്ത സുതാര്യമായ വസ്ത്രങ്ങള്‍ അണിഞ്ഞു കിടക്കുക പോലും പതിവായി. അനേകം പ്രേതകാമുകന്മാരാണ് സുന്ദരരാവ് സമ്മാനിക്കാനെത്തുന്നത്. ഒരു ടെലിവിഷന്‍ അഭിമുഖത്തില്‍ ഈ 27 കാരി ഇത് പറയുമ്പോള്‍ അവതാരകര്‍ പോലും ഞെട്ടി.
ഐടിവിയിലെ ദിസ് മോര്‍ണിംഗിലാണ് പ്രേതകാമുകന്മാരുമായുള്ള അസാധാരണ കിടപ്പറ അനുഭവം അമെത്യാസ്റ്റ് പങ്കുവെച്ചത്. 10 വര്‍ഷമായി 20 ലധികം പ്രേതകള്‍ രാത്രി തന്റെ കിടപ്പറയ്ക്കരികില്‍ എത്തുന്നെന്നാണ് ഇവര്‍ പറയുന്നത്. ശാസ്ത്രം വളരുന്നത് അനുസരിച്ച് യുക്തിവാദികളുടെ എണ്ണം കുടിക്കൊണ്ടിരിക്കുമ്പോള്‍ അമെത്യസ്റ്റ് റീലത്തിന്റെ വെളിപ്പെടുത്തല്‍ ആള്‍ക്കാരെ ഞെട്ടിക്കുകയാണ്. പ്രേതങ്ങള്‍ നല്‍കുന്ന അസാധാരണ ലൈംഗികാനുഭൂതിയില്‍ ഇപ്പോള്‍ മനുഷ്യരുമായുള്ള പ്രണയം പങ്കുവെയ്ക്കലിനോട് പോലും താല്‍പ്പര്യമില്ലെന്ന് തുറന്നടിച്ചു. പത്തു വര്‍ഷം മുമ്പായിരുന്നു ആദ്യാനുഭവം. പ്രേതങ്ങളെ വശീകരിക്കാന്‍ തക്ക വിധത്തിലുള്ള വസ്ത്രങ്ങള്‍ ധരിക്കുകയും വിളിച്ചു വരുത്തുകയും ചെയ്തു. അമേത്യസ്റ്റിനെ പ്രാപിക്കുന്ന പ്രേതങ്ങള്‍ ആ സമയത്ത് അവിടെയുണ്ടെങ്കില്‍ കാമുകനെ ആക്രമിക്കുക പതിവായതോടെ ഈ ബന്ധം വേര്‍പെട്ടെന്നും ഇവര്‍ പറഞ്ഞു.
പ്രേതങ്ങളുമായുള്ള ഇത്തരം അസാധാരണ സഹവാസം തുടങ്ങിയതോടെ ഇവര്‍ക്ക് മനുഷ്യകുലത്തില്‍ നിന്നുള്ള പുരുഷന്മാരിലുള്ള താല്‍പ്പര്യം നശിച്ചത്രേ. കഴിഞ്ഞ പത്തു വര്‍ഷമായി അനേകം പ്രേതങ്ങളുമായി സഹവാസം തുടരുന്ന ഇവര്‍ക്ക് ഏതെങ്കിലും പ്രത്യേക പ്രേതകാമുകനുമായി ഒന്നിച്ചു ജീവിക്കാനും താല്‍പ്പര്യമുണ്ട്. ആദ്യത്തെ പ്രേതവുമായുള്ള ബന്ധം മൂന്ന് വര്‍ഷത്തോളം നീണ്ടു നിന്നെന്നും അതിന് ശേഷം 19 ലധികം പ്രേതങ്ങള്‍ ജീവിതത്തിലേക്ക് വന്നെന്നും പറഞ്ഞു.
അമെത്യസ്റ്റിന്റെ വെളിപ്പെടുത്തലിനെക്കുറിച്ചുള്ള മന:ശ്ശാസ്ത്ര വിചക്ഷണരുടെ പ്രതികരണം ഇങ്ങിനെയാണ്. പ്രേതവിശ്വാസങ്ങളും പ്രേതാനുഭവങ്ങളും മാനസീകരോഗവുമായി ഒരു ബന്ധവുമില്ലാത്തതാണ്. എന്നാല്‍ ഇത്തരത്തില്‍ ഒരു വിഭിന്ന അനുഭവം ആരെങ്കിലും പങ്കുവെച്ചാല്‍ നമ്മള്‍ അവരെ മാനസീകരോഗികളായി ചിത്രീകരിക്കുമെന്നാണ് ലണ്ടന്‍ സര്‍വകലാശാലയിലെ ഗോള്‍ഡ്‌സ്മിത്ത് കോളേജ് പ്രൊഫസറും പ്രേതാനുഭവവുമായി ബന്ധപ്പെട്ട മന:ശ്ശാസ്ത്ര വിശകലനങ്ങള്‍ നിരത്തുന്ന അനേകം പുസ്തകങ്ങളുടെ രചയിതാവുമായ ക്രിസ്റ്റഫര്‍ ഫ്രഞ്ച് പറയുന്നത്.
പ്രേതവുമായി ബന്ധപ്പെട്ട ലൈംഗികതകളിലെ മിക്ക കേസുകളും എളുപ്പത്തില്‍ തന്നെ വിശദീകരിക്കാന്‍ കഴിയുന്നതാണെന്നും ഇദ്ദേഹം പറയുന്നു. ഉറക്കത്തിനും ഉണര്‍ച്ചയ്ക്കും ഇടയില്‍ ചിലപ്പോഴെല്ലാം നിങ്ങള്‍ക്ക് ചലിക്കാന്‍ കഴിയാത്ത അവസ്ഥയെ സ്‌ളീപ്പ് പാരാലിസിസ് എന്ന് സാധാരണയായി വിളിക്കാറുണ്ട്. 20 ശതമാനം മുതല്‍ 40 ശതമാനം പേര്‍ക്ക് വരെ ഇത് അനുഭവേദ്യമാകാറുണ്ട്. ഇവരില്‍ വളരെ ചെറിയ ശതമാനത്തിന് ഇത്തരം കാര്യങ്ങള്‍ വളരെ ഭയാനകമാകാറുമുണ്ട്.
ഒരു സാന്നിദ്ധ്യം അനുഭവപ്പെടും പോലെ തോന്നുക. ആരോ എന്തോ മുറിയിലുണ്ടെന്ന് തോന്നുക. ഇത്തരം കാര്യങ്ങളാണ് സാധാരണ ആള്‍ക്കാര്‍ പറയാറ്. ആരോ ഉള്ളപോലെ തോന്നുക ഒരു നിഴലോ മുഖമോ തോന്നുക. ചിലപ്പോള്‍ അത് കാല്‍പെരുമാറ്റമോ ശബ്ദങ്ങളോ വരുന്ന ശ്രവണപരമോ മറ്റു ചിലപ്പോള്‍ അടി കിട്ടുന്നത് പോലെയുള്ള സ്പര്‍ശന സംവേദകമോ ആകാം. നിങ്ങളെ ആരോ പിടിച്ചു വലിക്കുന്നതായോ കഴുത്തിന്റെ തൊട്ടടുത്ത് ശ്വാസം വന്നിടിക്കുക കിടക്കയില്‍ നിന്നും വലിച്ചുതാഴെയ്ക്കിടുക തുടങ്ങിയ കാരങ്ങള്‍ അനുഭവപ്പെടാറുണ്ട്. ഉറക്കത്തിന്റെ അഗാധ തലത്തില്‍ ഭീതിപ്പെടുത്തുന്ന പല സ്വപ്നങ്ങള്‍ കാണുകയെല്ലാം പാരാ നോര്‍മ്മല്‍ പ്രവര്‍ത്തനങ്ങളാണെന്നാണ് ഫ്രഞ്ച് പറയുന്നത്.
കടപ്പാട്: മലയാളി വാർത്ത
