മലയാള സിനിമയും ബോക്സ് ഓഫീസില്‍ റെക്കോര്‍ഡ് തുക നേടി ഉയരത്തിലേക്ക് എത്തി കൊണ്ടിരിക്കുകയാണ്. ഒപ്പം നല്ല സിനിമകളെ പ്രോത്സാഹിപ്പിക്കുന്ന ഒരു സമൂഹമായി കേരളവും മാറിയിരിക്കുകയാണ്. അതിന് ആദ്യം കാണിച്ച് കൊടുക്കാന്‍ പറ്റുന്ന ഉദാഹരണം ദിലീപിന്റെ രാമലീലയാണ്.
ദിലീപ് നായകനായ രാമലീല ബോക്സോഫീസിൽ കുതിപ്പ് തുടരുന്നു. കേരളത്തില്‍ 129 കേന്ദ്രങ്ങളിലായി പ്രദര്‍ശനത്തിനെത്തിയ ചിത്രം ആരാധകർ ഇരുകൈയ്യും നീട്ടിയാണ് സ്വീകരിച്ചത്. വിവാദങ്ങളുടെ നടുവിലാണ് രാമലീല റിലീസിനൊരുങ്ങിയത്. എന്നാൽ ചിത്രം പ്രദർശനത്തിനെത്തിയപ്പോൾ ആരാധകർ വൻ സ്വീകാര്യതയും നൽകി. ചിത്രത്തിന്റെ ആദ്യപകുതി പൊളിറ്റിക്കല്‍ ത്രില്ലറും രണ്ടാം പകുതി ഇന്‍വെസ്റ്റിഗേറ്റീവ് ത്രില്ലറുമാണ്.
നടിയെ ആക്രമിച്ച കേസില്‍ ദിലീപ് ജയിലില്‍ പോയതോട് കൂടി അനിശ്ചിതത്വത്തിലായ സിനിമയുടെ റിലീസ് പ്രതിസന്ധിയിലായിരുന്നു. ജൂലൈയില്‍ റിലീസ് ചെയ്യാനിരുന്ന സിനിമ സെപ്റ്റംബര്‍ അവസാന ആഴ്ചയോടെയായിരുന്നു തിയറ്ററുകളിലേക്ക് എത്തിയത്. എന്നാല്‍ പ്രതീക്ഷ തെറ്റിയില്ലെന്ന് മാത്രമല്ല സൂപ്പര്‍ ഹിറ്റായി മാറുകയും ചെയ്ത രാമലീല ബോക്സ് ഓഫീസില്‍ കോടികള്‍ വാരിക്കൂട്ടി കൊണ്ടിരിക്കുകയാണ്.
ആദ്യവസാനം സസ്പെൻഡ്സ് ത്രില്ലറാണ്. നവാഗത സംവിധായകനായ അരുണ്‍ഗോപിയാണ് ചിത്രം സംവിധാനം ചെയ്തത്. 12 ദിവസം കൊണ്ട് ചിത്രം 25.11കോടി രൂപ ഗ്രോസ് നേടി. ബോക്സ് ഓഫീസില്‍ ഈ കുതിപ്പ് തുടര്‍ന്നാല്‍ 25 ദിവസത്തിനുള്ളില്‍ 50 കോടി ക്ലബ്ബില്‍ എത്തുന്ന ആദ്യ ദിലീപ് ചിത്രമായി മാറും രാമലീല. മുന്‍പ് ദിലീപിന്റെ 50കോടി ക്ലബ്ബില്‍ എത്തിയ ചിത്രം ടു കണ്‍ട്രീസ് ആണ്.
ദിലീപിന്റെ കരിയറിലെ ബിഗ് റിലീസ് സിനിമയായിരുന്നു രാമലീല. പ്രതിസന്ധികള്‍ നിലനിന്നിരുന്നെങ്കിലും രാമലീല സൂപ്പര്‍ ഹിറ്റായിരുന്നു. അതിവേഗം കേരള ബോക്സ് ഓഫീസിനെ ഞെട്ടിച്ച പ്രകടനമായിരുന്നു സിനിമ കാഴ്ചവെച്ചത്.
പൂജ അവധി ലക്ഷ്യം വെച്ചാണ് സിനിമ തിയറ്ററുകളിലേക്ക് എത്തിയത്. റിലീസ് ചെയ്ത് വെറും പതിനൊന്ന് ദിവസത്തിനുള്ളില്‍ 25 കോടിയാണ് കേരള ബോക്സ് ഓഫീസില്‍ നിന്നും രാമലീല നേടിയിരിക്കുന്നത്.
രാമലീല 50 കോടി നേടും
പതിനാല് കോടി മുതല്‍ മുടക്കിലായിരുന്നു രാമലീല നിര്‍മ്മിച്ചിരുന്നത്. സംസ്ഥാനത്തെ തിയറ്ററുകളില്‍ നിന്നും ഇനീഷ്യല്‍ കളക്ഷനിന് പുറമെ രാജ്യത്തിന് പുറത്ത് നിന്നുള്ള റിലീസിലൂടെ കുറഞ്ഞത് ഒരു അമ്പത് കോടി എങ്കിലും നേടുമെന്നാണ് ഉറപ്പാക്കി കഴിഞ്ഞിരിക്കുകയാണ്.രാമലീല നല്ലൊരു സിനിമയാണെന്ന വിലയിരുത്തല്‍ ആദ്യ ദിനം മുതല്‍ വന്നിരുന്നു. രാഷ്ട്രീയം പശ്ചാതലമാക്കി നിര്‍മ്മിച്ച സിനിമയുടെ വിജയത്തില്‍ ഏറ്റവുമധികം സന്തോഷം സിനിമയുടെ സംവിധായകനായ അരുണ്‍ ഗോപിയ്ക്കും നിര്‍മാതാവ് ടോമിച്ചന്‍ മുളകുപാടത്തിനുമാണ്.