ഇക്കഴിഞ്ഞ ഞായറാഴ്ച മുംബൈയിൽ നടന്ന പൊന്നിയിൻ സെൽവൻ 2 ന്റെ പ്രദർശനത്തിൽ പങ്കെടുത്ത സന്തോഷം പങ്കുവെച്ച് ബോളുവുഡ് നടി മനീഷ കൊയ്രാള. പൊന്നിയിൻ സെൽവൻ സിനിമയെ മനീഷ കൊയ്രാള പ്രശംസിക്കുകയും ചിത്രത്തിലെ മികച്ച പ്രവർത്തനത്തിന് മുഴുവൻ ടീമിനെയും അഭിനന്ദിക്കുകയും ചെയ്തു.തമിഴിലെ എക്കാലത്തെയും സൂപ്പർ ഹിറ്റ് ചിത്രമായ ബോംബെയിൽ സംവിധായകൻ മണിരത്നത്തിനൊപ്പം മനീഷ കൊയ്രാള പ്രവർത്തിച്ചിട്ടുണ്ട്.അദ്ദേഹത്തിനും ഭാര്യ സുഹാസിനി മണിരത്‌നം എന്നിവരുമായുള്ള അനുഭവങ്ങൾ അനുസ്മരിച്ചുകൊണ്ട് മനീഷ കൊയ്രാള മനോഹരമായ കുറിപ്പ് പങ്കുവെച്ചിരിക്കുകയാണ്.
‘ഇത്രയും വിനയാന്വിതനായ മനുഷ്യൻ മണിരത്‌നം സർ അത്രയും മികച്ച ഒരു ചലച്ചിത്ര നിർമ്മാതാവാണ് ! അദ്ദേഹത്തോടൊപ്പമുള്ള ജോലി തീവ്രവും എന്നാൽ സംതൃപ്തിദായകവുമായിരുന്നുവെന്ന് ഞാൻ ഓർക്കുകയാണ്. മണിരത്‌നം സർ എപ്പോഴും വ്യത്യസ്തമായി കാര്യങ്ങൾ ചെയ്യാൻ ശ്രമിക്കുന്നു! ബോംബെയുടെ ഷൂട്ടിംഗിന്റെ ആദ്യ ദിനം എന്റെ മനസ്സിൽ വളരെ പുതുമയുള്ളതാണ്. അദ്ദേഹത്തിന്റെ ഏറ്റവും പുതിയ ചിത്രമായ പൊന്നിയിൻ സെൽവന്റെ പ്രിവ്യൂവിനു വേണ്ടി മണിരത്‌നം സാറിനെയും സുഹാസിനി ഹാസൻജിയും കണ്ടപ്പോൾ വീട്ടിലേക്ക് മടങ്ങിയെത്തിയതുപോലെ തോന്നുന്നു.
അദ്ദേഹത്തിന്റെ സിനിമകൾ ലോകമെമ്പാടുമുള്ള ആളുകളെ വിസ്മയിപ്പിച്ചിട്ടുണ്ട്.. അദ്ദേഹത്തിന്റെ ഓരോ സിനിമയും മാസ്റ്റർപീസാണ് അഞ്ജലി ഫിലിം മുതൽ പിഎസ്2 വരെ.. അതിനാൽ തന്നെ ഞങ്ങൾ അദ്ദേഹത്തിന്റെ സിനിമകൾ ഇഷ്ടപ്പെടുന്നു ഒരിക്കൽ കൂടി..സാർ നിങ്ങൾ ഒരു നിധിയാണെന്ന പറയാതെ വയ്യ, പൊന്നിയിൻ സെൽവന്റെ മുഴുവൻ ടീമിനും എന്റെ സ്‌നേഹം.. ഈ സിനിമയിൽ മികവ് പുലർത്തിയ എല്ലാ സാങ്കേതിക പ്രവർത്തകരെയും മികച്ച രീതിയിൽ അവതരിപ്പിച്ച എല്ലാ അഭിനേതാക്കൾക്കും അഭിനന്ദനങ്ങൾ അറിയിക്കുന്നു
