സ്റ്റാന്ഡ് അപ്പ് കൊമേഡിയനായി മലയാളി കുടുംബ പ്രേക്ഷകര്ക്ക് മുന്നില് എത്തിയ കലാകാരന് ആണ് രമേശ് പിഷാരടി. കാണികളില് ചിരിമഴ തീര്ത്ത പിഷാരടിയ്ക്ക് ആരാധകര് ഏറെയാണ്. ഇപ്പോഴിതാ താരം കേന്ദ്ര കഥാപാത്രത്തെ അവതരിപ്പിച്ച് എത്തുന്ന നോ വേ ഔട്ട് എന്ന സിനിമയെ കുറിച്ചുള്ള ചില ഞെട്ടിക്കുന്ന വിവരങ്ങളാണ് പുറത്ത് വരുന്നത്. കൊറോണ പ്രതിസന്ധിയെ തുടര്ന്നുണ്ടായ ലോക്കഡൗണും അതിന്റെ ഫലമായി കടുത്ത സാമ്പത്തിക ഞെരുക്കത്തില് അകപ്പെട്ട് പോകുന്ന ഒരു വ്യക്തിയുടെ ജീവിതവും പിന്നീട് അയാള് മരണത്തിന്
കീഴടങ്ങാന് ശ്രമിക്കുന്നതുമാണ് നോ വേ ഔട്ട് എന്ന സിനിമയുടെ പ്രേമയം എന്നതാണ് ചിത്രത്തിന്റേതായി പുറത്തിറങ്ങിയ ട്രെയിലറില് നിന്നും മറ്റും മനസ്സിലാകുന്നത്. ഇപ്പോഴിതാ ചിത്രീകരണത്തിന് വേണ്ടി താന് ശരിക്കും കയറില് തൂങ്ങി എന്നാണ് രമേശ് പിഷാരടി ഒരു മാധ്യമത്തിന് നല്കിയ അഭിമുഖത്തില് വെളിപ്പെടുത്തിയിരിക്കുന്നത്. ഈ വീഡിയോയുടെ പ്രസക്ത ഭാഗം അദ്ദേഹം തന്റെ സോഷ്യല് മീഡിയ വഴി ആരാധകരുമായി പങ്കുവെച്ചിട്ടുമുണ്ട്.
റോപ്പില് തൂങ്ങുന്നത് പോലെ അഭിനയിക്കുമ്പോള് ബോഡിയിലും മാറ്റം വരുന്നുണ്ട് എന്നാല് ശരിക്കും ഒന്ന് തൂങ്ങാമോ എന്ന് ചിത്രത്തിന്റെ സംവിധായകന് രമേശ് പിഷാരടിയോട് ചോദിക്കുകയായിരുന്നുവത്രെ.. അങ്ങനെ ഷൂട്ട് ചെയ്യാം എന്ന് സമ്മതിച്ച് സംവിധായകനോട് രക്ഷിച്ചോളാന് ഞാന് പറഞ്ഞു എന്നാണ് രമേശ് പിഷാരടി പറയുന്നത്. ഞാന് തൂങ്ങിയതാണ്. കാരണം, ആ പത്ത് സെക്കന്റ് കാര്യമാണ് എന്ന് എനിക്ക് അറിയാം എന്നും താരം പറയുന്നു..
വീഡിയോയില് നടന് കയറില് കെട്ടി തൂങ്ങുന്നതും കാലില് സപ്പോര്ട്ടായി വെച്ച കസേര താഴെ വീഴുന്നതും കാണാം.. സെക്കന്റുകള്ക്കുള്ളില് തന്നെ ആ ഷോട്ട് എടുത്ത ശേഷം അണിയറ പ്രവര്ത്തകര് പിഷാരടിയുടെ അരികിലേക്ക് ഓടിപോയി കസേരയും വെച്ച് നല്കുന്നതും വീഡിയോയില് നിന്ന് വ്യക്തമാണ്.
വളരെ റിസ്ക് എടുത്ത് ആ ഷോട്ട് ചെയ്തതിലുള്ള ടെന്ഷനും അണിയറ പ്രവര്ത്തകരുടെയും മുഖത്ത് കാണാമായിരുന്നു. സിനിമയ്ക്ക് വേണ്ടി ഇത്ര സമര്പ്പണത്തോടെ അഭിനയിക്കാനുള്ള പിഷാരടിയുടെ മനസ്സിനാണ് ഇപ്പോള് ആരാധകര് കൈയ്യടിക്കുന്നത്. മാത്രമല്ല…നാടാകെ കെ.ജി.എഫ് സിനിമയുടെ തരംഗം ഉള്ളപ്പോള് തന്നെ 22-ാം തീയതി നോ വേ ഔട്ട് തീയറ്ററുകളിലേക്ക് എത്തുന്നു എന്നതും മറ്റൊരു വലിയ പ്രേത്യകതയാണ്..