നടനും സംവിധായകനുമായ ശ്രീനിവാസന് ആശുപത്രിയില്. ഹൃദയ സംബന്ധമായ അസുഖങ്ങളെ തുടര്ന്നാണ് നടനെ അങ്കമാലിയിലെ സ്വകാര്യ ആശുപത്രിയിലെ തീവ്രപരിചരണ വിഭാഗത്തില് പ്രവേശിപ്പിച്ചത്.
മാര്ച്ച് 30നാണ് നെഞ്ചുവേദനയെ തുടര്ന്ന് അദ്ദേഹത്തെ ആശുപത്രിയിലെത്തിച്ചത്. ആന്ജിയോഗ്രാം പരിശോധനയില് ട്രിപ്പിള് വെസ്സല് ഡിസീസ് (ധമനികളിലെ രക്തമൊഴുക്കിന് തടസം നേരിടല്) കണ്ടെത്തി. തുടര്ന്ന് മാര്ച്ച് 31ന് ബൈപാസ് സര്ജറിക്ക് വിധേയനാക്കി. ശസ്ത്രിക്രയയ്ക്ക് ശേഷം വെന്റിലേറ്റര് സഹായം ഘടിപ്പിക്കുകയായിരുന്നു. അണുബാധ ഉണ്ടായതിനെ വിട്ടുമാറാത്തതിനാല് തുടര്ച്ചയായി ഏഴ് ദിവസം വെന്റിലേറ്റര് സഹായം തുടരുകയാണ്.
ശ്രീനിവാസന്റെ ആരോഗ്യനിലയില് നേരിയ പുരോഗതിയുണ്ടെന്നും മരുന്നുകളോടു പ്രതികരിക്കുന്നുണ്ടെന്നും ആശുപത്രി അധികൃതര് അറിയിച്ചു.