വൈകിയാണ് സിനിമാ ലോകത്ത് എത്തപ്പെട്ടതെങ്കിലും ആദ്യ ഘട്ടങ്ങളില് തന്നെ പ്രേക്ഷക ശ്രദ്ധ പിടിച്ചു പറ്റാനും ആരാധകരെ സൃഷ്ടിക്കാനും കഴിഞ്ഞ നടനാണ് വിഷ്ണു ഉണ്ണിക്കൃഷ്ണന്. കഥാപാത്രമായി പെട്ടെന്നു തന്നെ മാറാന് കഴിഞ്ഞ താരം നിറഞ്ഞ പ്രേക്ഷക കയ്യടി നേടിയാണ് തുടക്കം കുറിച്ചതു തന്നെ.
ഇത്തരം വിജയങ്ങള്ക്കിടെയാണ് വൈപ്പിനില് സിനിമയുടെ ചിത്രീകരണത്തിനിടെ നടന് വിഷ്ണു ഉണ്ണികൃഷ്ണന് പൊള്ളലേറ്റത്.
ഷൂട്ടിംഗിനിടെ തിളച്ച എണ്ണ കയ്യിലേക്ക് മറിയുകയായിരുന്നു. കൈക്ക് ഗുരുതരമായി പൊള്ളലേറ്റ വിഷ്ണു ഉണ്ണികൃഷ്ണന് സ്വകാര്യ ആശുപത്രിയില് ചികിത്സതേടി.
വെടിക്കെട്ട് എന്ന ചിത്രത്തിനിടെയായിരുന്നു അപകടം ഉണ്ടായത്. പൊള്ളല് ഗുുതരമായതിനാല് വിഷ്ണുവിന് അടിയന്തരമായി ശസ്ത്രക്രിയ നടത്തണമെന്നും പ്ലാസ്റ്റിക് സര്ജറി നടതേണ്ടതുണ്ടെന്നും ഡോക്ടര്മാര് അറിയിച്ചു.
വിഷ്ണു ഉണ്ണികൃഷ്ണനും ബിബിന് ജോര്ജും ചേര്ന്ന് സംവിധാനം ചെയ്യുന്ന ചിത്രമാണ് വെടിക്കെട്ട്. ചിത്രത്തില് വിഷ്ണു ഉണ്ണികൃഷ്ണനും ബിബിന് ജോര്ജും തന്നെയാണ് പ്രധാന കഥാപാത്രങ്ങളെ അവതരിപ്പിക്കുന്നതും. ബാദുഷാ സിനിമാസിന്റെയും പെന് ആന്ഡ് പേപ്പറിന്റെയും ബാനറില് എന് എം ബാദുഷ, ഷിനോയ് മാത്യൂ എന്നിവര് ചേര്ന്നാണ് നിര്മാണം.
വിഷ്ണു ഉണ്ണികൃഷ്ണനും ബിബിന് ജോര്ജും ആദ്യമായി സംവിധാനം ചെയ്യുന്ന ചിത്രമാണ് വെടിക്കെട്ട്. പുതുമുഖങ്ങളായ ഐശ്യര്യ അനില്കുമാര്, ശ്രദ്ധ ജോസഫ് എന്നിവരാണ് നായികമാര്. മാത്രമല്ല ഇരുന്നൂറോളം പുതുമുഖ താരങ്ങളും ചിത്രത്തില് അഭിനയിക്കുന്നുണ്ട്.
രതീഷ് റാം ഛായാഗ്രഹണം നിര്വഹിക്കുന്ന ചിത്രത്തില് ജോണ്കുട്ടിയാണ് ചിത്രസംയോജനം. ബിബിന് ജോര്ജ്, ഷിബു പുലര്കാഴ്ച, വിപിന് ജെഫ്രിന്, ജിതിന് ദേവസി, അന്സാജ് ഗോപി എന്നിവരുടെ വരികള്ക്ക് സംഗീതം ഒരുക്കുന്നത് ശ്യാം പ്രസാദ്, ഷിബു പുലര്കാഴ്ച, അര്ജുന് വി അക്ഷയ എന്നിവരാണ്.
എന്തായാലും പ്രിയ താരത്തിന്റെ പൂര്ണ്ണ ആരോഗ്യവാനായുള്ള മടങ്ങി വരവിനായുള്ള പ്രാര്ത്ഥനയിലാണ് ആരാധകര്.