പ്രഭാസ് നായകനായി എത്തുന്ന ഓരോ സിനിമയും അദ്ദേഹത്തിന്റെ ആരാധകര്‍ക്കും സിനിമാ പ്രേമികള്‍ക്കും നല്‍കുന്ന പ്രതീക്ഷ ചെറുതല്ല.. അത്തരത്തില്‍ പ്രഖ്യാപനത്തോട് തന്നെ വലിയ രീതിയില്‍ ശ്രദ്ധ നേടിയ പ്രഭാസ് നായകനായി എത്തുന്ന സിനിമയാണ് ആദിപുരുഷ്. രാമായണത്തെ ആസ്പദമാക്കി ഒരുങ്ങുന്ന ഈ സിനിമയെ കുറിച്ച് ഏറ്റവും പുതിയ വിവരമാണ് ഇപ്പോള്‍ പുറത്ത് വന്നിരിക്കുന്നത്. ആദിപുരുഷന്റെ ടീസര്‍ ഡേറ്റ് പുറത്ത് വിട്ടിരിക്കുകയാണ് അണിയറ പ്രവര്‍ത്തകര്‍. പ്രഭാസും ഈ പോസ്റ്റര്‍ തന്റെ സോഷ്യല്‍ മീഡിയ പേജില്‍ പങ്കുവെച്ചിട്ടുണ്ട്.
2023 ജനുവരി 22ന് ആയിരിക്കും സിനിമാ പ്രേക്ഷകരിലേക്ക് എത്തുക.. ആരാധകര്‍ വളരെ ആവേശത്തോടെ കാത്തിരിക്കുന്ന സിനിമയുടെ പുതിയ പോസ്റ്റര്‍ പങ്കുവെച്ചാണ് ഈ വിവരം ഇപ്പോള്‍ പുറത്ത് വിട്ടിരിക്കുന്നത്. അതേസമയം, ടീസര്‍ റിലീസിന് ഈ മാജിക് ജേര്‍ണിയുടെ ഭാഗമാകാന്‍ ഏവരേയും ക്ഷണിക്കുക ആണ് പ്രഭാസ് പുതിയ പോസ്റ്റര്‍ പങ്കുവെച്ചുകൊണ്ട്. അയോധ്യയിലെ സരയു നദിയുടെ തീരത്ത് വെച്ച് ആയിരിക്കും ആദിപുരുഷ് ന്റെ ടീസറും പോസ്റ്ററും പുറത്ത് വിടുക..
ഒക്ടോബര്‍ രണ്ടിന് രാത്രി 7.11ന് ആണ് സിനിമയുമായി ബന്ധപ്പെട്ട് നടക്കുന്ന ഈ പരിപാടി. ‘രാഘവ’എന്ന കഥാപാത്രത്തെ അവതരിപ്പിച്ചാണ് പ്രഭാസ് സിനിമയില്‍ എത്തുക. കൃതി സനോണ്‍ ആണ് ചിത്രത്തില്‍ നായികാ വേഷത്തില്‍ എത്തുന്നത്. അഞ്ഞൂറ് കോടി ബജറ്റിലാണ് ഈ സിനിമ ഒരുക്കിയിരിക്കുന്നത്. സിനിമയുടെ ഡിജിറ്റല്‍ റൈറ്റ്‌സ് ഇതിനോടകം തന്നെ വിറ്റുപോയിട്ടുണ്ട്.
View this post on Instagram
നെറ്റ്ഫ്‌ളിക്‌സാണ് സിനിമയുടെ ഒടിടി റിലീസ് ഏറ്റെടുത്തിരിക്കുന്നത്. 250 കോടി രൂപയ്ക്കാണ് ഈ ചിത്രത്തിന്റെ ഡിജിറ്റല്‍ റൈറ്റ്‌സ് നെറ്റ്ഫ്‌ലിക്‌സ് സ്വന്തമാക്കിയിരിക്കുന്നത്. ബിഗ് ബജറ്റില്‍ ഒരുങ്ങുന്ന ഈ പ്രഭാസ് ചിത്രത്തിന് വേണ്ടി ആരാധകര്‍ അക്ഷമരായി കാത്തിരിക്കുകയാണ്.. സലാര്‍ എന്ന് പേരിട്ടിരിക്കുന്ന മറ്റൊരു ചിത്രമാണ് ഇനി പ്രഭാസിന്റേതായി വരാനിരിക്കുന്ന ചിത്രം.
