അനുഗൃഹീത ഗായികയും സംഗീതസംവിധായകയുമായ അനിത ഷെയ്ക്ക് ആലപിച്ച ഏറ്റവും പുതിയ നാടൻപാട്ട് സോഷ്യൽ മീഡിയയിൽ ചർച്ചയാകുന്നു . മലയാളം, കന്നഡ, തെലുങ്ക്, ഒറിയ, പഞ്ചാബി, തമിഴ്, തുടങ്ങി 14 വ്യത്യസ്ത ഭാഷകളിൽ ഗാനം ആലപിച്ചിട്ടുള്ള അനിത ഇന്ത്യൻ ക്ലാസിക്കൽ, സൂഫി, ഗസൽ, നാടൻപാട്ടുകൾ , പോപ്പ് സംഗീതം തുടങ്ങിയ ഗാനങ്ങൾ വളരെ അനായാസം പാടുന്ന ഗായികയാണ്. ചലച്ചിത്രമേഖലയിൽ പത്ത് വർഷത്തിനിടെ നൂറിലധികം ഗാനങ്ങൾ ചിത്രങ്ങൾക്കായി റെക്കോർഡുചെയ്‌തു. പക്ഷേ, മാധ്യമങ്ങളെ അഭിമുഖീകരിക്കാൻ അവൾ ഇഷ്ടപ്പെടുന്നില്ല എന്ന ഒറ്റ കാരണത്താൽ ഈ കലാകാരിയെ പൂരിഭാഗം ആളുകൾക്കും അറിയില്ലായിരുന്നു.
അടുത്തിടെ അനിത ആലപിച്ച ചിട്ടാ ചിട്ടാ കുരുവി എന്ന നാടൻപാട്ട് യൂട്യൂബിൽ റിലീസ് ചെയ്തിരുന്നു. ഗാനം പുറത്തിറങ്ങി ഏതാനും മിനിറ്റുകൾക്കുള്ളിൽ തന്നെ പ്രേക്ഷകരുടെ ഭാഗത്തു നിന്നുള്ള മികച്ച പ്രതികരണവുംലഭിച്ചു തുടങ്ങി. ഗാനം ഇതിനോടകം സോഷ്യൽ മീഡിയയിൽ ട്രെൻഡിങ് ലിസ്റ്റിൽ ഇടം പിടിക്കുകയും ചെയ്തു. ഗാനം ഏറ്റുപാടി യുവാക്കളും രംഗത്തെത്തി കഴിഞ്ഞു. അടുത്തിടെ പുറത്തിറങ്ങിയതിൽ വെച്ച് ഏറ്റവും മികച്ച പ്രതികരണങ്ങൾ ആണ് ഈ നാടന്പാട്ടിനു ഇപ്പോൾ ലഭിച്ചു കൊണ്ടിരിക്കുന്നത്. ഇനിയും ഇതുപോലെയുള്ള അനിതയുടെ മികച്ച ഗാനങ്ങൾക്കായി കാത്തിരിക്കുകയാണ് ആരാധകർ.
ഗാനം കാണാം
കടപ്പാട്: Mathrubhumi Kappa TV
