Film News

ദിലീപിനൊപ്പം അഭിനയിക്കാന്‍ കഴിഞ്ഞതില്‍ ഏറെ സന്തോഷമെന്ന് അനുപം ഖേര്‍!

ബോളിവുഡ് താരം അനുപം ഖേര്‍ ദീലിപിനെ ചേര്‍ത്ത് പിടിച്ച് നില്‍ക്കുന്ന ഫോട്ടോകളാണ് ഇപ്പോള്‍ ആരാധകര്‍ ആഘോഷമാക്കി മാറ്റുന്നത്. വോയിസ് ഓഫ് സത്യനാഥന്‍ എന്ന് പേരിട്ടിരിക്കുന്ന ചിത്രത്തില്‍ ദിലീപിന് ഒപ്പം അനുപം ഖേര്‍ ഒരു പ്രധാന വേഷത്തില്‍ എത്തുന്നു എന്ന വാര്‍ത്ത നേരത്തെ ആരാധകര്‍ അറിഞ്ഞിരുന്നു. ഇപ്പോഴിതാ സിനിമയുടെ ലൊക്കേഷനില്‍ ഇവര്‍ എത്തിച്ചേര്‍ന്ന ഫോട്ടോയും ആരാധകര്‍ ഏറ്റെടുത്തിരിക്കുകയാണ്.

മലയാളത്തില്‍ വീണ്ടും ഒരു സിനിമ അതും കഴിവുള്ള കലാകാരനായ ദിലീപിന് ഒപ്പം അഭിനയിക്കാന്‍ കഴിഞ്ഞതില്‍ താന്‍ ഏറെ സന്തോഷവാനാണ് എന്നാണ് അനുപം ഖേര്‍ ചിത്രങ്ങള്‍ പങ്കുവെച്ച് ഫേസ്ബുക്കില്‍ കുറിച്ചത്. അനുപം ഖേറിന്റെ കരിയറിലെ തന്നെ 531-ാമത്തെ സിനിമയാണ് വോയിസ് ഓഫ് സത്യനാഥന്‍. റാഫി സംവിധാനം ചെയ്യുന്ന ചിത്രത്തില്‍ മറ്റ് പ്രമുഖതാരങ്ങളും അണിനിരക്കുന്നുണ്ട്. ദിലീപ്, ജഗപതി ബാബു, ജോജു ജോര്‍ജ്, ജനാര്‍ദ്ദനന്‍, വീണ നന്ദകുമാര്‍ എന്നിവര്‍ക്കൊപ്പം അഭിനയിക്കാനായതില്‍ ഏറെ സന്തോഷം.

ചിത്രത്തിന്റെ കഥ ഏറെ ഇഷ്ടപ്പെട്ടു. ഉഗ്രന്‍ സിനിമ, എന്നാണ് അദ്ദേഹം ഫോട്ടോകള്‍ പങ്കുവെച്ച് കുറിച്ചത്. ചിത്രത്തില്‍ ജോയിന്‍ ചെയ്തതിന്റെ സന്തോഷം അനുപം ഖേര്‍ തന്നെയാണ് സോഷ്യല്‍ മീഡിയയിലൂടെ പങ്കുവച്ചത്. ചിത്രങ്ങള്‍ കണ്ടതോടെ ദിലീപിന്റെ ആരാധകരും ആവേശത്തിലാണ്. ഒരു ഇടവേളയ്ക്ക് ശേഷം വീണ്ടും ഒരു ദിലീപ് ചിത്രം എത്തുന്നു എന്ന സന്തോഷത്തിലാണ് ആരാധകര്‍. സിനിമ തീയറ്റര്‍ റിലീസ് തന്നെ ആയിരിക്കും എന്നാണ് പ്രൊഡക്ഷന്‍ കണ്‍ട്രോളറും നിര്‍മ്മാതാവും ആയ എന്‍. എം ബാദുഷ അറിയിച്ചിരുന്നത്.

മാത്രമല്ല ഓണത്തിന് മുന്നോടിയായി സിനിമയുടെ ടീസറോ മറ്റോ വരുമെന്നും അദ്ദേഹം ആരാധകരോടായി അറിയിച്ചിരുന്നു. റാഫി- ദിലീപ് കൂട്ടുകെട്ട് വീണ്ടും ഒന്നിക്കുന്ന ചിത്രം കൂടിയായ വോയിസ് ഓഫ് സത്യനാഥനില്‍ ജോജു ജോര്‍ജും മറ്റൊരു പ്രധാന വേഷത്തില്‍ എത്തുന്നത് പ്രേക്ഷകര്‍ക്ക് നല്‍കുന്ന പ്രതീക്ഷ ഏറെയാണ്.

Recent Posts

ഒരു സിനിമ സംവിധാനം ചെയ്യാന്‍ പോവുകയാണ് ‘പെണ്ണും പൊറാട്ടും’; പ്രഖ്യാപനവുമായി രാജേഷ് മാധവ്

ഒരു സിനിമ സംവിധാനം ചെയ്യാന്‍ പോവുകയാണെന്ന് യുവനടന്‍ രാജേഷ് മാധവന്‍. 'ന്നാ താന്‍ കേസ് കൊട് 'എന്ന ചിത്രത്തിലെ പ്രകടനത്തോടെ…

9 hours ago

‘പറന്നേ പോകുന്നേ..’ പ്രിയ വാര്യരുടെ 4 ഇയേഴ്‌സിലെ വീഡിയോ ഗാനം

രഞ്ജിത്ത് ശങ്കര്‍ ചിത്രം ഫോര്‍ ഇയേര്‍സിലെ വീഡിയോ ഗാനം പുറത്തുവിട്ടു. പ്രിയാവാര്യരും സര്‍ജാനോ ഖാലിദും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിലെ…

10 hours ago

പരമ്പരാഗത വസ്ത്രം ധരിച്ച് റോയല്‍ എന്‍ഫീല്‍ഡ് ഓടിച്ച് യുവതി; വീഡിയോ വൈറലാകുന്നു

പരമ്പരാഗത വസ്ത്രം ധരിച്ച ഒരു സ്ത്രീ റോയല്‍ എന്‍ഫീല്‍ഡ് ഓടിക്കുന്നതിന്റെ വീഡിയോ സോഷ്യല്‍ മീഡിയയില്‍ വൈറലാണ്. ട്വിറ്ററില്‍ ഷെയര്‍ ചെയ്ത…

11 hours ago