Connect with us

Malayalam Article

അറിയുമോ, ആര്‍ത്തവത്തുണി ഇല്ലാത്തതിനാല്‍ മണ്ണുപയോഗിക്കുന്ന സ്ത്രീകളെ!

Published

on

പത്തോ പന്ത്രണ്ടോ വയസില്‍ വിവാഹിതയാവുക, ഇരുപത് വയസില്‍ രണ്ടോ മൂന്നോ കുട്ടികളുടെ അമ്മയാവുക, മുപ്പത് വയസില്‍ അമ്മൂമ്മയാവുക . വര്‍ത്തമാനകാലത്തെ മലയാളിക്ക് ചിന്തിക്കാന്‍ പോലും കഴിയില്ല ഇത്. പക്ഷെ ഭൂരിഭാഗം ഇന്ത്യന്‍ ഗ്രാമങ്ങളിലേയും അവസ്ഥ ഇതാണ്. ഗ്രാമീണ മേഖലയിലെ സ്തീകള്‍ക്കും കൂട്ടികള്‍ക്കും വേണ്ടി പ്രവര്‍ത്തിക്കുന്ന സീറോ ഫൗണ്ടേഷന്റെ സ്ഥാപകനും മുഴുവന്‍ സമയ പ്രവര്‍ത്തകനുമായ നാസര്‍ ഗ്രാമീണ പെണ്‍ജീവിതങ്ങളെ പറ്റി എഴുതുന്നു. ഇപ്പോള്‍ പശ്ചിമ ബംഗാളിലെ നോര്‍ത്ത് പര്‍ഗാനസ് ജില്ലയിലെ ചക്ല എന്ന ഗ്രാമത്തിലാണ് നാസര്‍. ഈ ഗ്രാമത്തില്‍നിന്ന് നാസര്‍ അനുഭവിച്ചറിഞ്ഞ ജീവിതങ്ങളെ കുറിയ്ക്കുകയാണ് ഇവിടെ…

ഓരോ മഞ്ഞുകാലവും പലതരം അനുഭവങ്ങള്‍ സമ്മാനിച്ചാണ് കടന്നു പോവുക. പൂത്തുനില്‍ക്കുന്ന കടുകുപാടങ്ങള്‍ , മണ്‍പാതകള്‍, മാവിന്‍ തോപ്പുകള്‍ അങ്ങനെ ഭംഗിയുള്ള കാഴ്ചകളേറെയുണ്ട്. പ്രഭാത കാഴ്ചകള്‍ അതി ഗംഭീരമാണ്. പൂര്‍ണ നിലാവില്‍ കടുകുപാടങ്ങള്‍ക്ക് നടുവിലൂടെ സൈക്ലിംഗ്
ചെയ്യുന്നത് ഞാന്‍ ഏറ്റവും ആസ്വദിക്കുന്ന ഒന്നാണ്.

നിലാവില്‍ നിശബ്ദമായി സൈക്കിളില്‍ പോകുമ്ബോള്‍, ചുറ്റിലുമുള്ള കടുകുപാടങ്ങളുടെ നേരെ നോക്കി നില്‍ക്കുമ്ബോള്‍ എനിക്ക് തോന്നാറുണ്ട്, ഞാനൊരു മനുഷ്യനാണോ അതോ ഏതോ നാടോടി കഥയിലെ കഥാപാത്രമാണോ എന്ന്. ഈ ജീവിതത്തിന്നിടയിലും എന്റെ ചുറ്റുമുള്ള മനുഷ്യരുടെ ദയനീയ ജിവിതങ്ങളെ തണുപ്പുകാലം എങ്ങനെയാണ് കഷ്ടപ്പെടുത്തുന്നത് എന്നതും എന്നെ സങ്കടപ്പെടുത്താറുണ്ട്.

ഇവിടെ വന്ന കാലം മുതല്‍ മഞ്ഞുകാലത്ത് ഞങ്ങള്‍ ധാരാളം വസ്ത്രങ്ങള്‍ വിതരണം ചെയ്യാറുണ്ട്. ധാരാളം സുഹൃത്തുക്കള്‍ അതിന്റെ ഭാഗമായി ഉപയോഗിക്കാന്‍ കഴിയുന്ന പഴയ വസ്ത്രങ്ങള്‍ അയച്ചുതരികയോ പുതിയവ വാങ്ങി നല്‍കാനുള്ള പണം തരികയോ ചെയ്യാറുണ്ട്. ഇത്തവണയും ധാരാളം സുഹൃത്തുക്കള്‍ വസ്ത്രങ്ങളയച്ചു തന്നു. അതെല്ലാം വിതരണം ചെയ്യുന്നതിന്റെ ഭാഗമായി ഗ്രാമങ്ങളിലൂടെ യാത്ര ചെയ്യുമ്ബോഴാണ് അതിവിചിത്രമായ അനുഭവങ്ങള്‍ ജീവിതത്തില്‍ സംഭവിക്കുന്നത്.

ഞാനൊരാണായതു കൊണ്ടും ഗ്രാമീണ സംസ്കാരത്തിന്റെ നിശബ്ദമായ കാര്യങ്ങളില്‍പ്പെട്ടതായതുകൊണ്ടും പെണ്‍കുട്ടികളുടെ ജീവിതം, പ്രത്യേകിച്ച്‌ അവരുടെ അടിവസ്ത്രം, ആര്‍ത്തവം എന്നിവയൊക്കെപറ്റി കാര്യമായി ചിന്തിക്കാറില്ലായിരുന്നു. ഗ്രാമങ്ങളിലെ സ്ത്രീകള്‍ തീണ്ടാരി തുണി ഇല്ലാത്തതു കൊണ്ട് മണ്ണ് ഉപയോഗിക്കുന്നു എന്നൊക്കെ ചിലപ്പോഴൊക്കെ കേട്ടിട്ടുണ്ടെങ്കിലും അത്ര കാര്യമാക്കിയിരുന്നില്ല.

ഇത്തവണ വന്ന വസ്ത്രങ്ങള്‍ തരം തിരിക്കുന്നതിതിനിടയില്‍ പെണ്‍കുട്ടികള്‍ക്ക് ഉപയോഗിക്കാന്‍ കഴിയുന്ന വസ്ത്രങ്ങള്‍ മാറ്റി വയ്ക്കുമ്ബോഴാണ് പെണ്‍കുട്ടികളുടെ ഇത്തരം ജീവിതത്തെ കുറിച്ച്‌ കാര്യമായി ആലോചിച്ചത്. ആണുങ്ങള്‍ ഇത്തരം കാര്യങ്ങള്‍ ഒന്നും ശ്രദ്ധിക്കാറില്ല, അറിയാറുമില്ല. കടകളില്‍ വില്‍ക്കുന്ന സാനിറ്ററി നാപ്കിനുകള്‍ വല്ലപോഴും വാങ്ങുന്നതൊഴിവാക്കിയാല്‍ ആണുങ്ങള്‍ ഇതിനെ പറ്റി ചിന്തിക്കാറേ ഇല്ല. ഇത്തരം കാര്യങ്ങള്‍ സ്വന്തം ഭാര്യമാര്‍ പോലും വളരെ കുറച്ചുമാത്രമാണ് ഭര്‍ത്താക്കന്‍മാരോട് പറയുക.

അത്യാവശ്യ കാര്യങ്ങള്‍ പോലും പങ്കുവയ്ക്കാത്ത പെണ്ണുങ്ങളാണ് അധികവും. ചെറിയ പ്രശ്നങ്ങള്‍ പോലും ഡോക്ടറോടുപോലും പറയാതെ അതിഭീകരമായ അവസ്ഥയിലെത്തുന്ന ധാരാളം കേസുകള്‍ ഈ ഉള്ളവന്‍ കണ്ടിട്ടുണ്ട്. ഗുഹ്യ രോമം വടിച്ചു കളയണം എന്ന് സ്വന്തം ഭര്‍ത്താവിനോട് പറയാന്‍ മടിച്ച്‌ വീട് വിട്ടു പോയ ഭാര്യയെ തിരികെ കൊണ്ടുവരാന്‍ പോയ ഭര്‍ത്താവിന്റെ കൂട്ടത്തില്‍ പോയ ഒരാളുടെ ഓര്‍മകളുണ്ട്.വളരെയേറെ നീണ്ട സംഭാഷണങ്ങള്‍ക്ക് ശേഷമാണ് ഭാര്യ വീട് വിടാനുണ്ടായ കാരണം മനസിലായത്. അവളെ തിരികെ കൊണ്ടുവരും നേരം പട്ടണത്തിലെ കടയില്‍ നിന്നും മുന്തിയ ഇനം ഡ്രിമ്മര്‍ ആണ് അയാള്‍ ആ ദമ്ബതികള്‍ക്ക് സമ്മാനിച്ചത്.

അയല്‍പക്കത്തെ യുവാവിന്റെ പഴയ ജീന്‍സ് കീറി ‘തീണ്ടാരി തുണിയാക്കി, ഒടുവില്‍ പ്രണയിച്ച്‌ അയാളെ തന്നെ വിവാഹം കഴിച്ച പെണ്‍കുട്ടി

അയല്‍പക്കത്തെ യുവാവിന്റെ പഴയ ജീന്‍സ് കീറി ‘തീണ്ടാരി തുണിയാക്കി, ഒടുവില്‍ പ്രണയിച്ച്‌ അയാളെ തന്നെ വിവാഹം കഴിച്ച പെണ്‍കുട്ടി

എങ്ങനെയാണ് ആര്‍ത്തവ ദിനങ്ങളില്‍ മണ്ണ് ഉപയോഗിക്കുന്നത്…
ആര്‍ത്തവ ദിനങ്ങളില്‍ ഉപയോഗിക്കാനുള്ള തുണി കുറവായിരിക്കും . കൂടുതല്‍ ബ്ലീഡിങ് ഉള്ള പെണ്ണുങ്ങള്‍ അപ്പൊ ഉള്ള തുണിയില്‍ ഇത്തിരി മണ്ണ് ചേര്‍ത്ത് മടക്കി എടുക്കും. മണ്ണ് രക്തം വലിച്ചെടുക്കുമല്ലോ. ശ്രദ്ധയോടെ ചെയ്യെണ്ടതാണ് അല്ലെങ്കില്‍ ഉപയോഗിക്കാന്‍ ബുദ്ധിമുട്ടും. പിന്നെ ആ തുണി കഴുകി വീണ്ടും ഉപയോഗിക്കും .

അത്യാവശ്യം പഠിപ്പും വാങ്ങാന്‍ പണവും ഉള്ളവര്‍ നല്ല അടിവസ്ത്രങ്ങളും സാനിറ്ററി നാപ്കിനുകളും വാങ്ങും . അല്ലാത്തവര്‍ അടിവസ്ത്രങ്ങള്‍ ഉപയോഗിക്കാറില്ല, ആര്‍ത്തവകാലത്താകട്ടെ വെറും തുണി ഉപയോഗിക്കും. സാനിറ്ററി നാപ്കിനുകള്‍ വാങ്ങുന്ന മരുമക്കളെ പരിഷ്കാരികളും ആഢംബര ഭ്രമം ഉള്ളവരുമായി കാണുന്ന അമ്മായിഅമ്മമാരെ ഗ്രാമീണ ജീവിതത്തിലെ ഉള്ളറകളില്‍ ധാരാളം കണ്ടെത്താന്‍ കഴിയും .എന്റെ മകന്റെ എത്ര പണമാണവള്‍ തീണ്ടാരി തുണി വാങ്ങി നഷ്ടപ്പെടുത്തുന്നത് എന്ന് പറഞ്ഞു ആ സ്ത്രീകള്‍ നിശബ്ദമായും ചിലപ്പോള്‍ ഉറക്കെയും ആവലാതിപ്പെടും. അതുപോലെ വീട്ടില്‍ കുളിമുറി വേണം, കക്കൂസ് വേണം എന്നുപറയുന്ന മരുമക്കളെ കുറിച്ചും അമ്മായിഅമ്മമാര്‍ ഇത് തന്നെയാണ് പറയുക.

താന്‍ ആദ്യമായി ഋതുമതി ആയപ്പോള്‍ വീട്ടില്‍ തുണി ഇല്ലാതെ വന്നതും അയല്‍പക്കത്തെ യുവാവിന്റെ പഴയ ജീന്‍സ് കീറി ‘തീണ്ടാരി തുണി ആക്കി അമ്മ നല്‍കിയതും ഒരു യുവതി നാണത്തോടെ വെളിപ്പെടുത്തി. ആ ജീന്‍സ് തീണ്ടാരി തുണി ഒരു പ്രണയത്തിന്റെ തുടക്കമായിരുന്നു . ആ യുവാവിനെയാണ്പിന്നീട് ആ പെണ്‍കുട്ടി വിവാഹം കഴിച്ചത് . അവരിപ്പോള്‍ സന്തോഷത്തോടെ ജീവിക്കുന്നു.

കല്യാണത്തിന് കടം വാങ്ങിയ ബ്രാ ഇട്ടു പോകുന്ന പെണ്‍കുട്ടിയെ , കീറിയ പാന്റീസ് വീണ്ടും വീണ്ടും തുന്നി ഉപയോഗിക്കുന്ന പെണ്‍കുട്ടിയെ കാണാം ഈ ഗ്രാമങ്ങളില്‍

കല്യാണത്തിന് കടം വാങ്ങിയ ബ്രാ ഇട്ടു പോകുന്ന പെണ്‍കുട്ടിയെ , കീറിയ പാന്റീസ് വീണ്ടും വീണ്ടും തുന്നി ഉപയോഗിക്കുന്ന പെണ്‍കുട്ടിയെ കാണാം ഈ ഗ്രാമങ്ങളില്‍

സാനിറ്ററി നാപ്കിനും മരുന്നിനുമായൊരു പ്രണയം
മാസാമാസം ഉണ്ടാകുന്ന കഷ്ടപ്പാടിന് , ആ വേദനക്ക് , ചോരയൊലിപ്പിന് ഇത്തിരി ആശ്വാസം നല്‍കാന്‍ ഒരു സാനിറ്ററി നാപ്കിനോ, ഇത്തിരി മരുന്നോ വാങ്ങി തരാനുള്ള കഴിവുള്ളതുകൊണ്ട് മാത്രമാണ് ആ പെണ്‍കുട്ടി ഒരാളെ പ്രണയിച്ചു തുടങ്ങിയത്. തന്‍റെ സങ്കല്പത്തിലെ ആളല്ല അവളുടെ കാമുകന്‍, പക്ഷെ എല്ലാ മാസവും അവള്‍ക്കു കൃത്യമായി സാനിറ്ററി പാഡുകളും മരുന്നും നല്കുന്നതുകൊണ്ടു മാത്രം ആ പെണ്‍കുട്ടി അയാളെ പ്രണയിക്കുന്നു .

ആര്‍ത്തവ തുണികള്‍ ആരും കാണാതെ ഒളിപ്പിച്ചു വയ്ക്കും. നാണം മാത്രമല്ല ഇതിന് പിന്നില്‍, മന്ത്രവാദികളുടെ ഏറ്റവും പ്രിയപ്പെട്ട വസ്തുക്കളിലൊന്നാണ് ആര്‍ത്തവ രക്തം പറ്റിയ തുണി. ഏതെങ്കിലും വീട്ടില്‍ നിന്നും ഇത്തരം തുണികള്‍ കാണാതായാല്‍ ഉടന്‍ പ്രതിക്രിയകള്‍ ചെയ്യും. ഇല്ലെങ്കില്‍ ആ വീട്ടിലെ സ്ത്രീകള്‍ക്ക് പ്രത്യേകിച്ച്‌ കന്യകമാരായ പെണ്‍കുട്ടികള്‍ക്ക് ആപത്ത് വരുമെന്നാണ് വിശ്വാസം

പലപ്പോഴും അജ്ഞതയുടെ ആഴക്കടലുകളാണ് ഗ്രാമീണ യുവതികള്‍. എല്ലാ മാസവും ഉണ്ടാകുന്ന ആര്‍ത്തവം എന്താണെന്നറിയാതെ ആ സമയങ്ങളില്‍ ഗുഹ്യസ്ഥാനത്ത് തുണി തിരുകി വക്കുന്ന ഒരു പെണ്‍കുട്ടി. ഋതുമതി ആയതിന് ശേഷം ഏകദേശം ഒന്നര വര്‍ഷത്തിന് ശേഷമാണ് സ്ഥലത്തെ ഒരു സാമൂഹ്യ സേവിക അവളെ തിരിച്ചറിഞ്ഞതും വേണ്ട നിര്‍ദേശങ്ങള്‍ നല്‍കിയതുംസാനിറ്ററി പാഡ് എങ്ങനെ ഉപയോഗിക്കണം എന്ന് പഠിപ്പിച്ചതും.

എല്ലാ മാസവും അവള്‍ക്കു കൃത്യമായി സാനിറ്ററി പാഡുകളും മരുന്നും നല്കുന്നതുകൊണ്ടു മാത്രം ആ പെണ്‍കുട്ടി അയാളെ പ്രണയിക്കുന്നു.

എല്ലാ മാസവും അവള്‍ക്കു കൃത്യമായി സാനിറ്ററി പാഡുകളും മരുന്നും നല്കുന്നതുകൊണ്ടു മാത്രം ആ പെണ്‍കുട്ടി അയാളെ പ്രണയിക്കുന്നു.

പെണ്‍കുട്ടിയ്ക്ക് ജന്മം നല്‍കിയാല്‍…

കഴിഞ്ഞ ദിവസമാണ് ഒരു പയ്യന്‍ വന്നത്. അവന്റെ ഭാര്യ ഗര്‍ഭിണിയാണ്. ഗര്‍ഭിണികള്‍ക്ക് സര്‍ക്കാരിന്റെ ചില സഹായങ്ങള്‍ കിട്ടും പക്ഷെ, അവന്റെ ഭാര്യക്ക് 18 വയസ് ആയിട്ടില്ല. 18 വയസ് തികയാത്തതിനാല്‍ സഹായം കിട്ടില്ല. എന്തെങ്കിലും ചെയ്യാന്‍ കഴിയുമോ എന്നന്വേഷിക്കാന്‍ വന്നതാണ്. പൊതുവെ പ്രസവങ്ങള്‍ വീടുകളിലാണ് നടക്കുക . ഇനി നഗരത്തിലുള്ള ആശുപത്രികളില്‍ ചെന്നാല്‍ എപ്പോഴും ഇവര്‍ വയസ് കൂട്ടിയാണ് പറയുക . പിന്നെ ആശുപത്രിക്കാര്‍ ഇത് കാര്യമാക്കാറുമില്ല .

ഗ്രാമങ്ങളില്‍ ഏതെങ്കിലും പെണ്‍കുട്ടി അവിഹിത ഗര്‍ഭം ധരിക്കുകയോ അക്രമിക്കപ്പെടുകയോ ചെയ്താല്‍ ഉത്തരവാദി ആയ ആള്‍ അബോര്‍ഷനുള്ള പണം കൊടുത്താല്‍ തീരുന്നതേയുള്ളൂ പരാതി. പ്രശ്നം ഗുരുതരമാണെങ്കില്‍ ഇത്തിരി നഷ്ടപരിഹാരവും ആ പെണ്‍കുട്ടിയെ വിവാഹം കഴിപ്പിച്ചയക്കാനുള്ള സഹായവും നല്‍കിയാല്‍ മതി. അതോടെ എല്ലാ പരാതിയും അവസാനിക്കും.

ഇത്തരം പ്രശ്നങ്ങളില്‍ ഇടപെടാന്‍ ചെന്നാല്‍ പെണ്‍കുട്ടിയുടെ വീട്ടുകാര്‍ പറയുന്ന ഒരു ക്ലീഷേ ഡയലോഗുണ്ട്, കഴിഞ്ഞത് കഴിഞ്ഞു, ഇനി അവളുടെ ഭാവി ഓര്‍ത്ത് പ്രശ്നങ്ങള്‍ ഒന്നും ഉണ്ടാക്കാന്‍ ആഗ്രഹിക്കുന്നില്ല.

ഇവിടെ ഒരു ദമ്ബതികള്‍ക്കുണ്ടായ ആദ്യത്തെ കുഞ്ഞ് പെണ്ണായിരുന്നു. ആ കാരണം കൊണ്ട് മാത്രം ഭര്‍ത്താവിന്റെ വീട്ടില്‍ നിന്നും ഇറക്കി വിട്ട ആ പെണ്‍കുട്ടി സ്വന്തം കുഞ്ഞിനെ നോക്കി ഇപ്പോഴും ഈ ഗ്രാമത്തില്‍ ജീവിക്കുന്നു. ആ കുഞ്ഞിനിപ്പോള്‍ മൂന്ന് വയസാകുന്നു . തന്റെ മൂന്ന് പെണ്‍മക്കളില്‍ മൂത്തവള്‍ക്ക് ഈ ഗതി വന്നല്ലോ എന്നോര്‍ത്ത് സങ്കടപെടുന്ന ആ പെണ്‍കുട്ടിയുടെ പിതാവ് ഇന്ന് രാവിലെയും ചന്തയില്‍ വന്നിരുന്നു. അയാളുടെ കൂടെ പേരക്കുട്ടിയും ഉണ്ടായിരുന്നു.

ആവശ്യത്തിന് വസ്ത്രങ്ങള്‍ ഇല്ലാത്ത ഒരു പെണ്‍കുട്ടി എങ്ങനെയാണ് ജീവിക്കുക ? അവളുടെ വളര്‍ച്ചക്ക് അനുസരിച്ചു വേണ്ട വസ്ത്രങ്ങള്‍ ഇല്ല, ,അവളെന്തു ചെയ്യും ? പലപ്പോഴും തന്‍റെ പഴയ ഇറുകിയ വസ്ത്രം ധരിച്ചു പുറത്തിറങ്ങാന്‍ കഷ്ടപ്പെടുന്ന പെണ്‍കുട്ടികളുണ്ട് . ശരീര വളര്‍ച്ച ഒതുക്കിവയ്ക്കാന്‍ ആളുകളുടെ കൂര്‍ത്ത നോട്ടങ്ങളില്‍ നിന്നും രക്ഷപെടാന്‍ കഷ്ടപ്പെടുന്ന പെണ്‍കുട്ടികള്‍ ഉണ്ട് . ആണ്‍കുട്ടികള്‍ പൊതുവെ പുറത്തിറങ്ങിഎന്തെങ്കിലും ജോലി ചെയ്തോ മറ്റോ അത്യാവശ്യം സമ്ബാദിക്കുകയും വേണ്ട വസ്ത്രങ്ങള്‍ വാങ്ങുകയും ചെയ്യും , പക്ഷെ ഒരു പെണ്‍കുട്ടിയെ സംബന്ധിച്ചു ഇത് അസാധ്യമായ കാര്യമാണ് . കല്യാണത്തിന് കടം വാങ്ങിയ ബ്രാ ഇട്ടു പോകുന്ന പെണ്‍കുട്ടിയെ , കീറിയ പാന്റീസ് വീണ്ടും വീണ്ടും തുന്നി ഉപയോഗിക്കുന്ന പെണ്‍കുട്ടിയെ , എല്ലാം ഈ ജീവിതത്തില്‍ കണ്ടിരിക്കുന്നു. ഓര്‍ത്തെടുത്താല്‍ ഇനിയും ഒരുപാടുണ്ട്. ചോര പൊടിയുന്ന സങ്കടങ്ങളുടെയും വേദനകളുടെയും ജീവിതങ്ങള്‍. അയ്യോ ഇത്തിരി തുണി പോലും എടുക്കാന്‍ ഇല്ലാത്ത വീടുകളോ , നാടോ എന്നൊക്കെ ചിന്തിക്കുന്ന പലരും ഉണ്ടാകും . അവരോടൊന്നും പറയാനില്ല .

source: daily hunt

Advertisement

Malayalam Article

യുട്യൂബിൽ ലൈവ് ആയി പ്രസവിച്ചു യുവതി. ലൈവ് പ്രസവം കണ്ടത് പത്ത് ലക്ഷം പേർ

Published

on

By

സാറാ സ്റ്റീവന്‍സൺ എന്നാ 26 കാരിയാണ് തന്റെ പ്രസവം യൂട്യൂബിലൂടെ ലൈവ് ആയി കാണിച്ചത്. 13 ലക്ഷത്തോളം ഫോള്ളോവെഴ്‌സ് ഉള്ള യുവതിയുടെ യൂട്യൂബ് ചാനലിലൂടെയാണ് പ്രസവം ആളുകളുടെ മുന്നിലെത്തിച്ചത്. ബര്‍ത്ത് വ്‌ളോഗ് എന്ന തലക്കെട്ടുമായി എത്തിയ ലൈവിന്റെ ദൈർഘ്യം 29 മണിക്കൂർ ആയിരുന്നു. വേദന തുടങ്ങുന്ന സമയം മുതൽ പ്രസവിക്കുന്ന നിമിഷം വരെയുള്ള അനുഭവങ്ങളാണ് യുവതി ലൈവിലുടെ ലോകത്തിനു തുറന്നു കാട്ടിയത്. മാർച്ച് 29 നു ആയിരുന്നു ആസ്ട്രേലിയൻ സ്വദേശിയായ സാറയുടെ ആദ്യ പ്രസവം നടന്നത്. 

ഒരു ജിം ബോളിന് പുറത്തിരുന്ന് വേദനയില്‍ നിന്നും ആശ്വാസം കണ്ടെത്താന്‍ ശ്രമിക്കുന്ന ദൃശ്യങ്ങളോടെയാണ് ലൈവ് ആരംഭിച്ചത്. ഫിലിം മേക്കര്‍ കൂടിയായ കാമുകന്‍ കര്‍ട്ടും, മിഡ്‌വൈഫായ സഹോദരി എമിലി എന്നിവരെയാണ് സഹായത്തിനായി ഒപ്പം കൂട്ടിയത്. പ്രസവ വേദന കടുത്തപ്പോൾ അവർക്കൊപ്പം ആശുപത്രിയിൽ എത്തുന്നതും ഒരു ആൺകുഞ്ഞിന് ജൻമം നല്കുന്നതുമെല്ലാം ലൈവിൽ വ്യക്തമാക്കി കാണിക്കുന്നുണ്ട്. സാറയുടെ ഈ പ്രവർത്തിയിൽ നിരവധി പേരാണ് അഭിനന്ദനങ്ങൾ അറിയിച്ചത്.

കടപ്പാട്: Sarahs Day

Continue Reading

Malayalam Article

നമുക്ക് ഈ പെൺകുട്ടിയെ ജീവിതത്തിലേക്ക് തിരികെ കൊണ്ടുവരാൻ സാധിച്ചാൽ ഒരു എട്ടുവയസുകാരന് അവന്റെ അമ്മയെ കൂടെ തിരികെ കിട്ടും

Published

on

By

ഇത് സുമിത,കൊല്ലം ജില്ലയിലെ അയൂർ അമ്പലംകുന്നു സ്വദേശി ആണ്. കഴിഞ്ഞ രണ്ടര വർഷത്തിനു മുൻപ് കൊട്ടിയം ഇത്തിക്കര പാലത്തിനു സമീപം വെച്ചുണ്ടായ അക്സിഡന്റിൽ സുമിത സഞ്ചരിച്ച സ്കൂട്ടർ അപകടത്തിൽ പെടുകയുണ്ടായി.അതിന്റെ ഫലമായി ശരീരത്തിൽ 90 ശതമാനം പരിക്കുകൾ പറ്റിയിരുന്നു അന്ന് സുമിത ജോലി ചെയ്തിരുന്നത് ഒരു മൈക്രോഫൈനൻസ് കമ്പനിയിൽ ആയിരുന്നു ഡ്യൂട്ടി ടൈമിൽ ആയിരുന്നു സുമിതക്ക്‌ അക്സിഡന്റു സംഭവിച്ചത്.അന്നു മുതൽ 6 മാസത്തോളം 3 ഹോസ്പിറ്റലുകളിലായി ചികിൽസിച്ചു ഹോസ്പിറ്റൽ ചിലവുകൾ സുമിത ജോലിചെയ്തിരുന്ന മൈക്രോഫൈനൻസ് കമ്പനിയാണ് നിർവഹിച്ചത് അന്ന് ഏകദേശം13 ലക്ഷം രൂപയോളം ചെലവായി. നല്ലവരായ നാട്ടുകാരും സഹപ്രവർത്തകരും ഫേസ്ബുക്ക് ഫ്രണ്ട്സും,മുജീബ്‌പള്ളിമുറ്റം എന്ന മനുഷ്യ സ്നേഹിയും ചേർന്നും കുറെ സഹിച്ചതുകൊണ്ടാണ് ഇതുവരെസുമിതയുടെ മരുന്നും മറ്റുകാര്യൻങ്ങളും നടന്നു വന്നത്.

വളരെ നാളത്തെ ചികിത്സയുടെ ഫലമായി ഇപ്പോൾ സുമിതക്ക് കൈകാലുകൾ ചലിപ്പിക്കാനും ആൾക്കാരെ തിരിച്ചറിയാനും വായിൽ കൂടി ഭക്ഷണം കഴിക്കാനും സാധിക്കുന്നുണ്ട്. ഇപ്പോൾ ഇങ്ങനെ ഒരു പോസ്റ്റ് ഇടുന്നതിന്റെ ഉദ്യേശ്യം സുമിതക്ക് തുടർന്നുള്ള ചികിൽസക്ക് വേണ്ടിയാണ്.INDO AMERIKAN INSTITUTE OF BRAIN AND SPINE എന്ന ഹോസ്പിറ്റലിൽ ആണ് ഇനി തുടർ ചികിൽസ ക്കായി പോകാൻ തീരുമാനിച്ചിരിക്കുന്നത് 5 മാസത്തോളം വരുന്ന ചികിത്സ യിൽ പൂർണമായും സുമിതയെ സാദാരണ ജീവിത്തിലേക്ക് തിരിച്ചു കൊണ്ടുവരാൻ കഴിയുമെന്ന് ഹോസ്പിറ്റലിലെ പ്രഗല്ഭരായ ഡോക്ടർമാർ ഉറപ്പുപറഞ്ഞിട്ടുണ്ട്. എന്നാൽ 7 ലക്ഷത്തോളം രൂപ ചിലവ് വരുന്ന ചികിത്സക്ക് ഓട്ടോറിക്ഷ ഡ്രൈവർ ആയ ഭർത്താവിന് ചിന്തിക്കാൻ പോലും കഴിയാത്ത തുകയാണ്.അതിനാൽ എന്റെ നല്ലവരായ സുഹൃത്തുക്കൾ ആ കുടുംബത്തെ സഹായിക്കുക.

ഈ പോസ്റ്റ് share ചെയ്യുക മനുഷ്യസ്നേഹികളായ സാമൂഹിക പ്രവർത്തകരുടെ സ്രെദ്ദയിലേക്ക് ഈ പോസ്റ്റ് എത്തിക്കുക സുമിതയുടെ അസിസിഡന്റു നടന്ന സമയത്തുള്ള ഫോട്ടോയും ഇപ്പോഴത്തെ ഫോട്ടോയും ഭർത്താവിന്റെയും അമ്മയുടെയും ഫോൺ നമ്പരും ഇതിനോടൊപ്പം ചേർക്കുന്നു. വിളിച്ചു അന്വേഷിച്ചു ബോധ്യപ്പെട്ടത്തിനു ശേഷം മാത്രം സഹായിക്കുക. ഈ സഹായത്തോടെ ഒരു 8 വയസുകാരന് അവന്റെ അമ്മയെ തിരികെ കൊടുക്കാൻ നമുക്ക് സാധിക്കട്ടെ. പ്രാർത്ഥനകളോടെ അവളുടെ ഒരു സുഹൃത്ത് രാജീവ്‌ 9400001003,സുനിത 9961721543

സഹായിക്കാൻ കഴിയാത്തവർ ഈ വാർത്ത പരമാവധി ഗ്രൂപ്പുകളിലേക്ക് ഷെയർ ചെയ്യുക.. ഇതൊരപേക്ഷയാണ്.

Continue Reading

Malayalam Article

37കാരിയായ പ്രിയങ്കയും 27കാരനായ നിക്കും വിവാഹ മോചനത്തിലേക്ക്

Published

on

By

ബോളിവുഡ് വളരെ അധികം ആഘോഷിച്ച താര വിവാഹങ്ങളിൽ ഒന്നായിരുന്നു പ്രിയങ്കയും നിക്ക് ജോണാസും തമ്മിലുള്ള വിവാഹം. ഡിസംബറിൽ വിവാഹിതരായ ഇവർ വിവാഹ ശേഷം കടുത്ത വിമർശനങ്ങളാണ് നേരിട്ടത്. ഇവർ തമ്മിലുള്ള പ്രായവത്യാസം തന്നെയാണ് പ്രദാന വിഷയവും. നിക്കിനെക്കാൾ 10 വയസ് കൂടുതലാണ് പ്രിയങ്കയ്ക്ക്. ഇപ്പോൾ ഇതാ  വിവാഹം കഴിഞ്ഞു നാല് മാസങ്ങൾക്ക് ശേഷം പുറത്തു വന്നിരിക്കുന്ന വാർത്ത ഇരുവരും വിവാഹ മോചനം തേടുന്നു എന്നതാണ്. ഒരു മാസിക ആണ് ഈ വാർത്ത റിപ്പോർട്ട് ചെയ്തിരിക്കുന്നത്. എന്നാൽ ഇത് ശരിവക്കും വിധമുള്ള പ്രതികരണങ്ങൾ ഒന്നും താര ദമ്പതികളുടെ ഭഗത് നിന്നും ഉണ്ടായിട്ടില്ല.

എന്നാൽ നിക്കിന്റെ വീട്ടുകാരാണ് വിവാഹ മോചനത്തിന് മുൻകൈ എടുത്തിരിക്കുന്നതെന്നാണ് റിപ്പോർട്ട് പറയുന്നത്. പ്രിയങ്കയ്ക്ക് 36 വയസ് ഉണ്ടന്നും എന്നാൽ അതിന്റെ പക്വോത കാണിക്കേണ്ടതിനു പകരം 21 വയസുള്ള പെൺകുട്ടിയെ പോലെയാണ് പെരുമാറുന്നതെന്നും നിക്കിന്റെ വീട്ടുകാർ പറഞ്ഞുവെന്നും റിപ്പോർട്ടിലുണ്ട്. ഇരുവരും വിവാഹം കഴിക്കുന്നതിനായി തയാറെടുത്തില്ലായിരുന്നുവെന്നും ഇപ്പോൾ ജോലിയിലും ഒന്നിച്ചുള്ള സമയം കണ്ടെത്തുന്നതിലും എപ്പഴും അഭിപ്രായ വ്യത്യാസം ആണെന്നും ഇരുവരും ആലോചിച്ചെടുത്ത തീരുമാനം ആണ് ഇതെന്നും നിക്കിന്റെ കുടുംബം പറയുന്നു.

Continue Reading
“KeralaJobUpdates”

Writeups

Malayalam Article2 weeks ago

യുട്യൂബിൽ ലൈവ് ആയി പ്രസവിച്ചു യുവതി. ലൈവ് പ്രസവം കണ്ടത് പത്ത് ലക്ഷം പേർ

സാറാ സ്റ്റീവന്‍സൺ എന്നാ 26 കാരിയാണ് തന്റെ പ്രസവം യൂട്യൂബിലൂടെ ലൈവ് ആയി കാണിച്ചത്. 13 ലക്ഷത്തോളം ഫോള്ളോവെഴ്‌സ് ഉള്ള യുവതിയുടെ യൂട്യൂബ് ചാനലിലൂടെയാണ് പ്രസവം ആളുകളുടെ...

Malayalam Article2 weeks ago

നമുക്ക് ഈ പെൺകുട്ടിയെ ജീവിതത്തിലേക്ക് തിരികെ കൊണ്ടുവരാൻ സാധിച്ചാൽ ഒരു എട്ടുവയസുകാരന് അവന്റെ അമ്മയെ കൂടെ തിരികെ കിട്ടും

ഇത് സുമിത,കൊല്ലം ജില്ലയിലെ അയൂർ അമ്പലംകുന്നു സ്വദേശി ആണ്. കഴിഞ്ഞ രണ്ടര വർഷത്തിനു മുൻപ് കൊട്ടിയം ഇത്തിക്കര പാലത്തിനു സമീപം വെച്ചുണ്ടായ അക്സിഡന്റിൽ സുമിത സഞ്ചരിച്ച സ്കൂട്ടർ...

Malayalam Article3 weeks ago

37കാരിയായ പ്രിയങ്കയും 27കാരനായ നിക്കും വിവാഹ മോചനത്തിലേക്ക്

ബോളിവുഡ് വളരെ അധികം ആഘോഷിച്ച താര വിവാഹങ്ങളിൽ ഒന്നായിരുന്നു പ്രിയങ്കയും നിക്ക് ജോണാസും തമ്മിലുള്ള വിവാഹം. ഡിസംബറിൽ വിവാഹിതരായ ഇവർ വിവാഹ ശേഷം കടുത്ത വിമർശനങ്ങളാണ് നേരിട്ടത്....

Malayalam Article3 weeks ago

ഇനിയെങ്കിലും വലിച്ചുകീറപ്പെടണം എസ് ബി ഐ ബാങ്കിന്റെ ഈ കപട മുഖം

ഇന്ത്യയുടെ അഭിമാനമായ ബാങ്ക് എസ്. ബി. ഐ മൂന്നു മാസം കൊണ്ട് പിഴയായി ഈടാക്കിയത് എത്രയാണെന്ന് അറിയാമോ? ഏകദേശം  235 കോടി രൂപ. സംഭവം തകര്‍ത്തെന്ന് തോന്നുന്നവര്‍ക്ക്...

Malayalam Article3 weeks ago

മോട്ടോർ വാഹന വകുപ്പിന്റെ പുതിയ നിയമം വന്നു. ഇനി നിയമം തെറ്റിക്കുന്നവർ കുറച്ച് വിയർക്കും

മോട്ടോർ വാഹന വകുപ്പിന്റെ പുതിയ നിയമം വന്നു. ഇനി നിയമം തെറ്റിക്കുന്നവർ കുറച്ച് വിയർക്കും. ഫൈനുകൾ പുനഃക്രമീകരിച്ചുകൊണ്ടുള്ള നിയമമാണ് പുറത്തിറങ്ങിയിരിക്കുന്നത്. കേരളത്തിൽ അടുത്ത കാലത്തായി അപകടങ്ങളുടെ നിരക്ക്...

Malayalam Article3 weeks ago

ലൈസൻസും ഇൻഷുറൻസുമില്ലാതെ ബൈക്ക് ഓടിച്ചുള്ള അപകടം. സ്വത്ത് ജപ്‌തി ചെയ്ത് നഷ്ടപരിഹാരം നൽകാൻ കോടതി

ലൈസൻസും ഇൻഷുറൻസുമില്ലാതെ ബൈക്ക് ഓടിച്ചുണ്ടായ അപകത്തിനു നഷ്ടപരിഹാരമായി നിയമവിരുദ്ധമായി വണ്ടി ഓടിച്ചയാളുടെ സ്വത്ത് ജപ്‌തി ചെയ്ത് നഷ്ടപരിഹാരം നൽകാൻ കോടതി ഉത്തരവായി. 2011 ഏപ്രിൽ 14 നു...

Malayalam Article3 weeks ago

എന്തിനാ അച്ഛാ അവർ ലാലേട്ടനെ അറസ്റ്റ് ചെയ്‌തത്‌? സങ്കടം സഹിക്കാനാവാതെ തിയേറ്ററിൽ പൊട്ടിക്കരഞ്ഞു കുഞ്ഞു ആരാധിക

കേരളത്തിന് അകത്തും പുറത്തുമായി മോഹൻലാൽ-പൃഥ്വിരാജ് കൂട്ടുകെട്ടിൽ പിറന്ന ചിത്രം ലൂസിഫർ തരംഗമായി കൊണ്ടിരിക്കുകയാണ്. ഇത് വരെയുള്ള റെക്കോർഡുകളെല്ലാം തകർത്തെറിഞ്ഞു കൊണ്ടാണ് സിനിമയുടെ മുന്നേറ്റം.  കുട്ടികളും യുവാക്കളും  പ്രായമേറിയവരുമെല്ലാം...

Malayalam Article3 weeks ago

കൊല്ലം സ്ത്രീധന പീഡന കൊലപാതകം. പുറത്തു വരുന്നത് ഞെട്ടിപ്പിക്കുന്ന പീഡന കഥകൾ

യുവതിയെ പട്ടിണിക്കിട്ട് കൊന്ന കേസിൽ ഭർത്താവായ ഓയൂര്‍ ചെങ്കുളം കുരിശിന്‍മൂട് പറണ്ടോട് ചരുവിളവീട്ടില്‍ ചന്തുലാല്‍ (30), മാതാവ് ഗീതാലാല്‍ (55) എന്നിവരെ പോലീസ് കസ്റ്റഡിയിൽ എടുത്തു. കരുനാഗപ്പള്ളി അയണിവേലികുളങ്ങര...

Malayalam Article3 weeks ago

കോഴിക്കോട് നഗരത്തിൽ ട്രാൻസ്‌ജെൻഡർ യുവതി മരിച്ച നിലയിൽ

കോഴിക്കോട് നഗരത്തിൽ ട്രാൻസ്‌ജെൻഡർ യുവതി മരിച്ച നിലയിൽ.  കോഴിക്കോട്കെ എസ്‌ആര്‍ടിസി ബസ് സ്റ്റാന്റിന് സമീപത്തെ ശങ്കുണ്ണി നായര്‍ റോഡിനോട് ചേർന്നാണ്  മൃതദേഹം കണ്ടെത്തിയത്. ഇടുങ്ങിയ വഴി ആയത്...

Malayalam Article4 weeks ago

കേരളത്തിൽ വീണ്ടും സ്ത്രീധനത്തിന്റെ പേരിൽ കൊലപാതകം. യുവതിയെ കൊന്നത് പട്ടിണിക്കിട്ട്

യുവതിയെ പട്ടിണിക്കിട്ട് കൊന്ന കേസിൽ ഭർത്താവായ ഓയൂര്‍ ചെങ്കുളം കുരിശിന്‍മൂട് പറണ്ടോട് ചരുവിളവീട്ടില്‍ ചന്തുലാല്‍ (30), മാതാവ് ഗീതാലാല്‍ (55) എന്നിവരെ പോലീസ് കസ്റ്റഡിയിൽ എടുത്തു. കരുനാഗപ്പള്ളി അയണിവേലികുളങ്ങര...

Trending

Copyright © 2019 B4blaze Malayalam

Don`t copy text!