Connect with us

Malayalam Article

എന്താണ് ആസ്ട്രൽ പ്രോജെക്ഷൻ ? ലഹരിക്കടിമപ്പെട്ടവരേയും സാത്താൻ സേവകരേയും ഈ ചുഴിയിലേക്കു തള്ളിവിടുന്നതിനു മുൻപ് ഇത് അറിയുക

Published

on

ആത്മാവ് ശരീരത്തിൽ നിന്ന് വേർപിരിഞ്ഞുപോകുന്ന ഒരു അവസ്ഥ. മിഥ്യ ധാരണകളാൽ മൂടപെട്ട ഒരു നിഗൂഢത ആണ് ആസ്ട്രൽ പ്രോജെക്ഷൻ. ലഹരികടിമപ്പെട്ടവരേയും സാത്താൻ സേവകരേയും ചേർത്ത് ഈ ചുഴിയിലേക്ക് ഇടുന്നവർക്ക് ഇടാം. കുറച്ചൊന്നു അറിയാൻ ശ്രെമിച്ചതിന് ശേഷം മാത്രം.

മെഡിക്കൽ സയൻസ് ‘ സ്ലീപ്പിങ് ഡിസോർഡർ’ എന്നും , പൊതുജനം ‘അന്ധവിശ്വാസി’ എന്നും , ബുദ്ധിജീവികൾ ‘ ഡെല്യൂഷൻ ,’ഹാല്ലുസിനെഷൻ’ എന്നും , വിവരശൂന്യർ ഭ്രാന്തൻ എന്നും നിങ്ങളെ വിളിച്ചേക്കാം…

തിരക്കേറിയ ജീവിതത്തിൽ ലക്ഷ്യങ്ങളെ പിടിച്ചടക്കുവാൻ ശ്രമിക്കുമ്പോൾ , വെമ്പലോടെയുളള ആ ഓട്ടം നിലയ്ക്കാൻ ഒരു നിമിഷം മതി എന്നു ചിന്തിച്ചിരുനെങ്കിൽ ഒരു പക്ഷെ നിങ്ങളെയും മരണത്തിന് ശേഷമുള്ള ജീവിതത്തെ കുറിച്ചറിയാനോ , സ്ഥൂല ശരീരത്തിനുമപ്പുറം ഒരു സൂക്ഷ്മ ശരീരം ഉണ്ടെന്ന് ചിന്തിക്കാനോ നിങ്ങളെ പ്രേരിപ്പിച്ചേക്കാം.

ആസ്ട്രേൽ പ്രോജെക്ഷൻ എന്ന തീം മലയാളത്തിൽ അവതരിപ്പിച്ച ഏക സിനിമ ചിലപ്പോ വിസ്മയതുമ്പതായിരിക്കും.
പണ്ടൊക്കെ ഈ സിനിമ കാണുമ്പോൾ നയൻതാരയുടെ പ്രേതം ആണ് ഇറങ്ങി നടക്കുന്നതെന്ന് വിശ്വസിച്ചിരുന്നവളായിരുന്നു ഞാൻ. അത് പോലെതന്നെ മണിച്ചിത്രത്താഴിൽ ഗംഗയുടെ ശരീരത്തിൽ പ്രേതം ആണെന്നും വിശ്വസിച്ചിരുന്നു. മണ്ടൻ വിശ്വാസങ്ങൾ…
എന്താണ് ആസ്ട്രൽ പ്രോജെക്ഷൻ !?

ജീവൻ ഉള്ള ശരീരത്തിൽ നിന്നും ആത്മാവ് അല്ലേൽ ആസ്ട്രൽ ബോഡി പുറത്തേക്ക് വന്ന് അതിന് തോന്നിയ രീതിയിൽ ഉള്ള ഇറങ്ങി നടത്തം അതാണ് അസ്ട്രേൽ പ്രോജെക്ഷൻ കൊണ്ട് ഉദ്ദേശിക്കുന്നത് അതിനെ കണ്ട്രോൾ ചെയ്യുന്നതും നമ്മൾ തന്നെയാണ്. വയറ്റിൽ കുഞ്ഞും അമ്മയും തമ്മിൽ ഉള്ള പൊക്കിൾക്കൊടി ബന്ധം പോലെ ആസ്ട്രേൽ ബോഡിയും നമ്മുടെ ശരീരവും തമ്മിൽ ഒരു നൂൽ ബന്ധം ഉണ്ടായിരിക്കും.

ഫിസിക്കൽ ബോഡിയിൽ നിന്ന് ,കോൻഷ്യസ്നസ്/ആത്മാവ് വേർപെട്ട് ആസ്ട്രൽ ബോഡിയായി മാറുന്ന അവസ്ഥ!, ഉറക്കത്തിൽ മിക്കവരിലും ഈ പ്രതിഭാസം നടക്കുന്നുണ്ട്, പക്ഷെ അവർ അതിനെ മനസിലാക്കുന്നില്ല എന്നു മാത്രം.

കാർഡിയാക് അറസ്റ്റ് സംഭവിക്കുന്നവരിലും ,വെന്റിലേറ്ററിൽ നിന്ന് ജീവിതത്തിലേക്ക് തിരിച്ചു വന്നവരിലും ,ബ്രയിൻ ഇഞ്ചുറി അല്ലെങ്കിൽ ആക്സിഡന്റ് സംഭവിച്ചവരിലും, NDE(നിയർ ഡെത്ത് എക്സെപീര്യൻസിലും) ലേക്ക് തള്ളപ്പെട്ടവരും ആസ്ട്രൽ പ്രോജെക്ഷൻ അനുഭവപ്പെട്ടതായി പറയുന്നു…

ഉറക്കത്തിനെ 5 ഘട്ടമായി തരംതിരിച്ചിരിക്കുന്നു , അതിൽ 4 എണ്ണം NREM( നോൺ റാപ്പിഡ് ഐ മൂവമെന്റ്)
എന്നും , 1 REM (റാപ്പിഡ് ഐ മൂവമെന്റ്) എന്നുമാണ്…ലുസിഡ്‌ ഡ്രീം ഉം ആസ്ട്രൽ പ്രോജെക്ഷനും നടക്കുന്നത് ഉറക്കത്തിന്റെ REM(റാപ്പിഡ് ഐ മൂവ്മെന്റ്)എന്ന ഘട്ടത്തിൽ ആണെന്ന്‌ EEG വഴി കണ്ടെത്തിയിട്ടുണ്ട്. ഒരു സാധാരണ മനുഷ്യന്റെ ഉറക്കത്തിന്റെ ആദ്യ 90 മിനുട്ടികൾക്കുശേഷം ആ വ്യക്തി REM അവസ്ഥയിൽ എത്തുന്നു. ഈ സമയം ബ്രെയിൻ വേവ്സ് “ആൽഫ ” അല്ലെങ്കിൽ “തീറ്റ ” സ്റ്റേറ്റിൽ ആണ് ഉണ്ടാവുക. മസ്തിഷ്ക തരംഗങ്ങളെ
പ്രധാനമായും 6 ഫ്രീക്വൻസിയിൽ തരംതിരിച്ചിരിക്കുന്നു.

1)Gamma – Above 24 hz
2)Beta – 14-24 hz
3)Alpha – 7-14 hz
4)Theta – 4-7 hz
5)Delta – 0-4 hz
6)Epsilon – below 0 Hz

ആസ്ട്രൽ പ്രോജെക്ഷൻ സമയത്തും മെഡിറ്റേഷൻ അവസ്ഥയിലും തരംഗങ്ങൾ “തീറ്റ ” സ്റ്റേറ്റിൽ കാണപ്പെടുന്നു. ഇതു കൊണ്ടു തന്നെ ആസ്ട്രൽ പ്രോജെക്ഷൻ എന്ന അനുഭവം ഉണ്ടാവാൻ ,ഈയൊരു ഫ്രീക്വൻസിയിൽ എത്താൻ കഴിയണം.

സിനിമയിൽ പറയുന്നത് പോലെ മരണത്തിനും ജീവിതത്തിനും ഇടയിൽ ഉള്ള ഒരുതരം നിദ്രയിൽ ഉള്ള ശരീരമാണ് അപ്പൊ നമ്മൾക്ക്. ഇത് നമ്മുക്കും ചെയ്യാവുന്നതാണ് മെഡിറ്റേഷനും പ്രക്റ്റീസും കൊണ്ട് എന്തും നടക്കും. നമ്മുടെ മനസ് എത്രത്തോളം നമ്മുടെ വരുതിയിൽ ആകാമോ അത്രത്തോളം ഇതിൽ സാധ്യതകൾ ഉണ്ടത്രേ.
അടുത്തിടെ ആസ്ട്രൽ ബോഡി കാണാൻ വീട്ടുകാരെ മുഴുവൻ ചുട്ടു കൊന്ന ഒരു സംഭവം മന്ദൻകോട് എന്ന സ്ഥലത്ത് ഉണ്ടായിരുന്നു … പേടിക്കണ്ട, അത് അങ്ങേർക്ക് മാനസികം ആയത് കൊണ്ടാവാം … ഞാൻ വായിച്ചറിഞ്ഞ ആസ്ട്രൽ പ്രോജെക്ഷൻ അത്രക്ക് ക്രൂരത നിറഞ്ഞതല്ല അത് വളരെ ലളിതവും വളരെ നിരുപദ്രവകരവും ആയ ഒരു പ്രക്രിയ ആയാണ് എനിക്ക് അനുഭവപ്പെട്ടത്.

അത് പോലെ മറ്റൊന്നാണ് ലുസിഡ്‌ ഡ്രീം. അത് നമ്മുടേതായ നിയന്ത്രണത്തിൽ ഉള്ള ഒന്നാണ് എന്നാൽ ആസ്ട്രലിൽ അങ്ങനെ അല്ല. ലുസിഡ്‌ ഡ്രീം എന്നാൽ ഉറക്കത്തിനും ഉണർന്നിരിക്കുന്നതിനും ഇടയിൽ ഉള്ള ഒരു സ്ഥലത്ത് വച്ച് നമ്മൾ നമ്മൾക്കിഷ്ടമുള്ള പോലെ സ്വപ്നത്തെ സൃഷ്ടിക്കുകയാണ് ചെയ്യുന്നത്. സ്വപ്നം കാണൽ തന്നെ …പക്ഷെ നമ്മുടെ ഇഷ്ടത്തിന്!.
ഈ രണ്ട് കോണ്സെപ്റ്റിൽ ഇറങ്ങിയ നിരവധി ഹോളിവുഡ് സിനിമകളും ഉണ്ട്.

Astral projection :

•Incidious series
•Doctor strange

Lucid Dreams :

•Avatar
•Inception
•The matrix
•Eternal sunshine of the spotless mind
•Lucia(Kannada)
•Ennakul oruvan(Tamil remake of lucia)

ആസ്ട്രൽ പ്രോജെക്ഷൻ എങ്ങിനെ ചെയ്യാം..?

ഇൻറർനെറ്റിൽ ആസ്ട്രൽ പ്രോജെക്ഷൻ അനുഭവിച്ചറിഞ്ഞു എന്ന് പറയുന്ന ഒരാൾ
എഴുതിയ ലേഖനം ഇവിടെ കുറിക്കുന്നു, നിങ്ങളും അതൊന്ന് വായിച്ചു നോക്കൂ :

ആസ്ട്രൽ ചെയ്യാൻ താല്പര്യം ഉണ്ടേൽ പരീക്ഷിക്കാവുന്ന ഏറ്റവും എളുപ്പമുള്ള ഒരു മെത്തേഡ് ആണ് റോപ്പ് ക്ലൈമ്പിങ് ടെക്‌നിക്, ഏറ്റവും പ്രചാരമുള്ള വഴിയും ഇതു തന്നെയാണ്. ഇത് പറയുന്നതിന് മുന്നേ ഞാൻ മൂന്നു കാര്യങ്ങൾ പറയാം. ആസ്ട്രൽ ചെയ്യാൻ നല്ല മനശക്തി വേണം. അതിനു യോഗ പോലെയുള്ള മെഡിറ്റേഷൻ രീതികൾ ആശ്രയിക്കുന്നത് നല്ലതാണ്. ഇതൊക്കെ കളിപ്പീരാണ് എന്ന് ഉറച്ചു വിശ്വസിക്കുന്നവർ ഇത് ചെയ്തിട്ട് പ്രേയോജനം ഇല്ല. കാരണം അവരുടെ ഉപബോധമനസു നേരത്തെ ഇങ്ങനെ ഒന്നില്ല എന്ന് ഉറപ്പിച്ചു വെച്ചിരിക്കുകയാണ്, അത് അവരെ ഈ അനുഭവത്തിൽ നിന്ന് തടസ്സപ്പെടുത്തും. അതിനാൽ ആദ്യം വിശ്വസിക്കുക എന്നിട്ട് പരീക്ഷിക്കുക.
അവസാനമായി പറയട്ടെ ആസ്ട്രൽ പ്രോജെക്ഷൻ കുട്ടിക്കളി അല്ല . ലൂസിഡ് ഡ്രീമിൽ നമ്മൾ ആണ് പൂർണ്ണ നിയന്ത്രണവും ഏറ്റെടുക്കുക. ആസ്ട്രൽ പ്രൊജക്ഷനിൽ അങ്ങനെ അല്ല.

ശെരി… ഇനി കാര്യത്തിലേക്കു കടക്കാം … ശബ്ദകോലാഹലം ഏതും ഇല്ലാത്ത ഒരു മുറി കിടക്കാനായി തിരഞ്ഞെടുക്കുക. വെളിച്ചം ഒരുപാട് ഉണ്ടാകരുത്. മലർന്നു കിടക്കുക. മറ്റു ചിന്തകൾ ഒന്നും മനസ്സിൽ ഉണ്ടാകരുത് . ശരീരവും മനസും ലൂസാക്കി ഇടുക. പത്തു മിനിട്ടോളം ശ്വാസം ഉള്ളിലേക്കും പുറത്തേക്കും പതിയെ വിടുക. ചിന്തകളിൽ നിന്ന് മനസിനെ അഴിച്ചു വിടുക. കൈകൾ രണ്ടും കട്ടിലിൽ തന്നെ ഉറപ്പിച്ചു വെക്കുക. എന്നിട് മനസ്സിൽ നമ്മുടെ മുൻപിൽ ഒരു കയർ തൂങ്ങി നിൽക്കുന്നതായി സങ്കൽപ്പിക്കുക. നമ്മുടെ കൈകൾ ആ കയറിൽ പയ്യെ പിടിച്ചു ശരീരത്തെ ഉയർത്തുന്നതായി സങ്കൽപ്പിക്കുക.

എന്നാൽ സ്വന്ത ശരീരം അനങ്ങരുത്. സങ്കൽപ്പിക്കുക മാത്രം ചെയ്യുക. ആ കയറിന്റെ ബലവും രൂപവും ശക്തിയും എല്ലാം ഉള്ളിൽ ബോധ്യപ്പെടുത്തണം. പതിയെ പതിയെ ഓരോ പിടി വെച്ച് തൂങ്ങി മേലോട്ടു പോകുന്നതായി മനസിനെ പറഞ്ഞു മനസിലാക്കുക. ഈ സമയം ഉള്ളിൽ ചൂട് തോന്നും. ചെവിയിൽ എന്തോ ഇരമ്പുന്നതായി കേൾക്കും. ആകെ ഭയം ആകും. പക്ഷെ മേൽപറഞ്ഞ ചിന്തകളിൽ നിന്ന് വിട്ടു മാറരുത്. ഒടുവിൽ യഥാർത്ഥമായി ശരീരത്തിന് ഭാരം ഇല്ലാത്ത അവസ്‌ഥ നമ്മളിൽ തോന്നും.

അന്നേരം പയ്യെ കണ്ണ് തുറക്കുക. നിങ്ങൾ നിങ്ങളുടെ മുറി തന്നെ മറ്റു നിറങ്ങളിൽ കാണും. ഒപ്പം നിങ്ങൾ എവിടെയാണോ കിടന്നതു അവിടെ നിങ്ങളുടെ ശരീരവും. പേടിക്കരുത്… താൻ മരിച്ചു പോയി എന്ന് കരുതി പരിഭ്രമിക്കരുത് … അങ്ങനെ കരുതിയാൽ അപ്പോൾ ഉണരും… അതിനാൽ മനസ് ശാന്തമാക്കി പതിയെ സ്വന്ത ശരീരത്തിൽ നിന്ന് നീങ്ങി ചുറ്റും ഉള്ള കാര്യങ്ങളെ നിരീക്ഷിക്കുക… ഈ സമയം നിങ്ങൾ ആസ്ട്രൽ ലോകത്താണ്… അത് നമ്മുടെ ഈ ഭൗദ്ധിക ലോകമേ അല്ല എന്ന് മനസിലാക്കുക… അവിടെ നമുക് എന്തും ചെയ്യാം…

എവിടെയും പോകാം …ആരെയും കാണാം … മനസ് എത്രത്തോളം നമ്മുടെ വരുതിയിലാകുമോ അത്രത്തോളം സാദ്ധ്യതകൾ നമുക്ക് ആ ലോകത്ത് ഉണ്ട്… ഒപ്പം നമ്മുടെ വയറിന്റെ ഭാഗത്തായി ഒരു വെളുത്ത നൂല് പോലെ ഉള്ള വസ്തു കാണാം ചില നേരം അത് നീല നിറത്തിലാണ്… അതിന്റെ ഒരറ്റം നമ്മുടെ ഭൗതിക ശരീരത്തിലും മറ്റേ അറ്റം ആസ്ട്രൽ ശരീരത്തിലും ആണ്… ആസ്ട്രോ ലോകത്തിൽ എവിടെ പോയാലും ഈ വസ്തു നമ്മുടെ ശരീരത്തിൽ ഉണ്ടാകും. നിങ്ങൾക്കു വേണമെങ്കിൽ നിങ്ങളുടെ സുഹൃത്തിന്റെ വീട്ടിൽ പോകാം… അവിടെ അയാളുടെ മുറിയിൽ അയാളുടെ ആസ്ട്രോ ശരീരത്തെ കണ്ടു മുട്ടിയേക്കാം…

കാരണം നാം ഉറങ്ങുമ്പോൾ പലപ്പോഴും നമ്മുടെ ആസ്ട്രൽ ബോഡി നമ്മുടെ ശരീരത്തിൽ നിന്നും വേർപെട്ട് ഇരിക്കും… പക്ഷെ നമ്മുടെ സുഹൃത്തിന്റെ ആസ്ട്രോ ബോഡി ഒരുമാതിരി മദ്യപിച്ചപോലെ ആയിരിക്കും ഇരിക്കുക… കാരണം അയാൾക്ക് ആ ആസ്ട്രോ ബോഡിയുടെ നിയന്ത്രണം ഏറ്റെടുക്കാൻ അറിയില്ല… അതിനാൽ ഉറങ്ങുന്ന അയാളുടെ , പ്രേത്യേകിച് ഒന്നും ചെയ്യാനിലാത്ത ആസ്ട്രൽ ശരീരത്തെയാണ് നാം കാണുക… നമുക് വേണമെങ്കിൽ ആ ആസ്ട്രൽ ശരീരത്തോട് സംസാരിക്കാം… നമ്മൾ പറഞ്ഞ കാര്യങ്ങൾ ഒരു സ്വപ്നത്തിൽ എന്നപോലെ അവ്യക്തമായി അയാളിൽ ഫീഡ് ആകും…

പലപ്പോഴും നമ്മൾ നമ്മുടെ മുറിയും നമ്മുടെ വീട്ടിലെ മറ്റു മുറികളുമൊക്കെ സ്വപ്നം കാണാറില്ലേ ..? അത് സ്വപ്നമല്ല … നമ്മുടെ ആസ്ട്രൽ ശരീരം നാം അറിയാതെ നീങ്ങുന്നതാണ്… ആസ്ട്രൽ ബോഡിയും ആസ്ട്രൽ ലോകവും ഒരു സംഭവം തന്നെയാണ് … അത് അനുഭവിച്ചു തന്നെ മനസിലാക്കണം.

ആസ്ട്രൽ പ്രൊജക്ഷനും ചില മിധ്യാധാരണകളും…

ആസ്ട്രൽ പ്രൊജ്ക്ഷൻ ഒരിക്കലും വെറും സ്വപ്നം അല്ല. പക്ഷെ 90 ശതമാനം ആളുകളുടേയും ആസ്ട്രൽ പ്രോജക്ഷൻ വെറും ലൂസിഡ് ഡ്രീം മാത്രമാവാനാണ്‌ സാധ്യത. ആസ്ട്രൽ ട്രാവൽ ചെയ്യണം എന്ന് തീവ്രമായി ആഗ്രഹിച്ച് ട്രൈ ചെയ്താൽ ചില രാത്രികളിൽ നമ്മൾ ആസ്ട്രൽ വേൾഡിലേക്ക് എത്തിപ്പെട്ടത് പോലെ അനുഭവപ്പെടാറുണ്ട്. ശരീരത്തിൽ നിന്ന് ആസ്ട്രൽ ബോഡി വേർപെട്ടു പോകുന്നതായും ആത്മാക്കൾ അടുത്ത് വന്നു നിൽക്കുന്നതായും കട്ടിലിൽ നിന്ന് അനങ്ങാൻ പറ്റാത്തത് പോലേയും ഒക്കെ അനുഭവപ്പെടും. അത് സത്യത്തിൽ ആസ്ട്രൽ പ്രൊജക്ഷൻ അല്ല. വെറും ലൂസിഡ് ഡ്രീം മാത്രമാണെന്ന് സ്വപ്നം‌ കാണുന്നയാൾ തിരിച്ചറിയുന്നില്ല.

പലരും ആസ്ട്രൽ പ്രോജെക്ഷൻ ട്രൈ ചെയ്യുന്നത് ഉറങ്ങാൻ പോകുന്നതിന് മുൻപായിരിക്കും. ആസ്ട്രൽ ചെയ്യാനുള്ള തീവ്രമായ ആഗ്രഹം മൂലം ഉറക്കത്തിലേക്ക് വഴുതിവീഴുന്ന നമ്മൾ സ്ഥിരമായി ആസ്ട്രൽ ചെയ്യണം എന്ന് കരുതി ഉറങ്ങിയാൽ എന്നെങ്കിലും ഒരിക്കൽ നമ്മളെ തൃപ്തിപ്പെടുത്താൻ വേണ്ടി നമ്മുടെ അബോധ മനസ് നമ്മളെ അത്തരം സ്വപ്നങ്ങൾ കാണിക്കും.

അത് തലച്ചോറിന്റെ ഒരു കളിയാണ് . നമ്മുടെ ആഗ്രഹങ്ങൾ തീവ്രമാകുമ്പോൾ നമ്മുടെ തലച്ചോർ നമ്മളെ പറ്റിച്ചു അങ്ങനൊരു കാഴ്ച കാണിച്ചു തരും. സ്ഥിരമായി ആസ്ട്രൽ വേൾഡിലേക്ക് പോകാൻ ആഗ്രഹിക്കുന്ന ഒരു വ്യക്തിക്ക് അല്ലെങ്കിൽ ആസ്ട്രൽ ചെയ്യാൻ കഴിയും എന്ന് ഉറച്ചവിശ്വാസം ഉള്ളവർക്ക് തലച്ചോർ കാണിച്ചുതരുന്ന ഒരു കള്ളകളിയാണത്.

ചില റിയാലിറ്റി ചെക്കിങ്ങിലൂടെ നമ്മൾ‌ അത് ആസ്ട്രൽ വേൾഡിൽ അല്ല വെറും ലൂസിഡ് ഡ്രീമിൽ മാത്രമാണെന്ന് നമുക്ക് സ്വയം മനസ്സിലാക്കാൻ കഴിയും.
ചിലർക്ക് ശരീരത്തിൽ നിന്നും ആസ്ട്രൽ ബോഡി‌ എഴുന്നേറ്റ് നിന്ന് ഉറങ്ങിക്കിടക്കുന്ന ശരീരത്തേ നോക്കി നിൽക്കുന്നത് പോലെ അനുഭവപ്പെടാം. ബെഡ്ഡിൽ നിന്നും പതുക്കേയിറങ്ങി റൂമിന് വെളിയിലേക്ക് നടക്കുന്നത് പോലേയും അനുഭവപ്പെടാം.‌ അപ്പോഴും ആസ്ട്രൽ ബോഡിയും യതാർത്ഥ ശരീരവും തമ്മിൽ ഉള്ള സിൽക്ക് റൂട്ട് നേർത്ത ഒരു നൂലുപോലെ കാണാം.

റിയാലിറ്റി ചെക്കിങ്ങിന് വേണ്ടി ഹാളിലേ ക്ലോക്കിൽ നോക്കിയിട്ടും യാതൊരു പ്രയോജനവും ഇല്ല. കാരണം നമ്മുടെ മൈന്റ് ഫിക്സ് ചെയ്ത സമയം ആയിരിക്കും ക്ലോക്ക് കാണിക്കുന്നത്. ക്ലോക്കിലേക്ക് നോക്കിയാൽ നമ്മൾ യതാർത്ഥത്തിൽ ആസ്ട്രൽ പ്രൊജക്ഷൻ നടത്തി വിജയിച്ച ഒരു ഫീലിംഗ് ആണുണ്ടാവുക.

ഇനി എന്ത് കൊണ്ടാണ് ആസ്ട്രൽ പ്രൊജക്ഷൻ നടത്തുമ്പോൾ കണ്ണാടിയിൽ നോക്കരുത് എന്ന് പറയുന്നത് എന്ന് നോക്കാം. സത്യത്തിൽ ആസ്ട്രൽ പ്രൊജഷൻ എന്ന പേരിൽ നമ്മൾ കാണുന്നത് ലൂസിഡ് ഡ്രീം ആയിരിക്കും. യതാർത്ഥത്തിൽ നമ്മൾ സ്വപ്നത്തിൽ ആണെങ്കിലും നമ്മുടെ ഉപബോധമനസ്സിനുള്ളിൽ( സ്വപ്നത്തിനുള്ളിലേ നമ്മൾ) നമ്മൾ ആസ്ട്രൽ ട്രാവൽ നടത്തി കൊണ്ടിരിക്കുകയായിരിക്കും.

ആസ്ട്രൽ പ്രൊജക്ഷൻ ചെയ്യുമ്പോൾ കണ്ണാടിയിൽ നോക്കരുത് എന്നൊരു താക്കീത് നമ്മുടെ ഉപബോധമനസ്സിൽ കുരുങ്ങികിടപ്പുണ്ട്. നോക്കിയാൽ തന്നേയും വളരേ അവ്യക്തമായ ഒരു രൂപം മാത്രമേ കാണാൻ കഴിയൂ എന്നും നമ്മുടെ മനസ്സിലുണ്ട്. ഭയവും ഉത്കണ്ടയോടും കൂടി കണ്ണാടിയിലേക്ക് നോക്കുമ്പോൾ നമ്മുടെ മൈന്റ് വല്ല ഭയാനക രൂപത്തെയും കാണാനുള്ള സാധ്യത കൂടുതലാണ്. ചിലപ്പോൾ ഒരു സ്ലീപ് പാരാലിസിലേക്ക് നമ്മൾ വഴുതിപോവാനുള്ള സാധ്യയും തള്ളിക്കളയാൻ പറ്റില്ല.

ആസ്ട്രൽ വേൾഡിലാണോ അതോ ലൂസിഡ് ഡ്രീമിലാണോ എന്ന് തിരിച്ചറിയാൻ നമുക്ക് ഒരു പാട് റിയാലിറ്റി ചെക്കിങ്ങുകൾ നടത്താം. ആസ്ട്രൽ ബോഡി കാണുന്നത് മുഴുവൻ റിയൽ ആയിരിക്കും എന്നാൽ ലൂസിഡ് ഡ്രീമിൽ കാണുന്നത് മുഴുവൻ ഇമാജിനേഷെൻ ആയിരിക്കും. ഒരു ഉദാഹരണം പറയാം…നമ്മുടെ തൊട്ടപ്പുറത്തുള്ള ഒരു റൂം, അല്ലെങ്കിൽ നമ്മുടെ സുഹൃത്തിന്റെ ബെഡ്രൂം.‌ രാത്രിയിൽ നമ്മുടെ ആസ്ട്രൽ ബോഡി അവിടേക്ക് ചെല്ലുന്നു, ബെഡ്ഡിൽ ഉറങ്ങുന്ന സുഹൃത്തിനേയും അവന്റേ ഭാര്യയേയും കാണാം.

വസ്ത്രങ്ങൾ അടുക്കി വെച്ചിരിക്കുന്ന അലമാര അങ്ങിനേ കുറേ കാര്യങ്ങൾ കാണാം. അവയിൽ നമുക്ക് ഓർത്ത് വെക്കാൻ കഴിയുന്ന കുറേ വസ്തുക്കൾ നമ്മൾ ഓർത്ത് വെക്കുക. പിറ്റേ ദിവസം നേരെ സുഹൃത്തിന്റെ വീട്ടിൽ ചെല്ലുക. സൂത്രത്തിൽ അവന്റെ ബെഡ് റൂം കാണുക. കാര്യങ്ങൾ മനസ്സിലാക്കുക. അവിടേയും ചില പ്രശ്നങ്ങളുണ്ട് ചില കാര്യങ്ങളെല്ലാം ( ഓ ഞാനിന്നലേ വന്നപ്പോൾ ഇങ്ങനേ തന്നെ ആയിരുന്നല്ലോ) എന്ന് തോന്നും. ഓ…രാവിലേ തന്നെ ഇവര് കട്ടില് മാറ്റിയിട്ടോ എന്നൊക്കെ തോന്നും. അതൊക്കെ നമ്മുടെ തലച്ചോറ് നടത്തുന്ന കള്ളകളികൾ ആണ്.

നിങ്ങൾ ഈ സുഹൃത്തിന്റെ മണിയറ ഒരുക്കാനോ മറ്റോ കൂടേയുണ്ടായിരുന്ന വ്യക്തിയാണെങ്കിൽ ഒരിക്കലും റിയാലിറ്റി ചെക്കിങ്ങിന് വേണ്ടി ആസ്ട്രൽ ബോഡിയേ അങ്ങോട്ടേക്ക് അയക്കരുത് കാരണം പിന്നെ എന്തൊക്കെയാണ് തലച്ചോറ് ഭാവന ചെയ്യുക എന്ന് പറയാൻ പറ്റില്ല. ചിലപ്പോൾ സുഹൃത്തും ഭാര്യയും തമ്മിലുള്ള സ്വകാര്യനിമിഷങ്ങൾക്ക് പോലും നമ്മൾ സാക്ഷിയാവേണ്ടി വരും. അത് സ്വപ്നമാണോ? അല്ലെങ്കിൽ ആസ്ട്രൽ ട്രവൽ ആണോ എന്ന് നമുക്കൊരിക്കലും തിരിച്ചറിയാനും കഴിയില്ല. 90 ശതമാനം ആളുകളും ആസ്ട്രൽ പ്രൊജ്ക്ഷൻ നടത്തുന്നത് വെറും ലൂസിഡ് ഡ്രീമിൽ മാത്രമാവാനാണ് സാധ്യത.

Advertisement

Malayalam Article

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം.

Published

on

By

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം. 4500 രൂപ അടച്ച് സൈറ്റിൽ തത്സമയം കാണാൻ സൗകര്യം ലഭ്യമാക്കിയത് നൂറിലധികം പേര്.  കൊറിയയിൽ ഹോട്ടലുകളിൽ മുറിയെടുത്ത് താമസിച്ച 1700 ൽ അധികം പേരുടെ സ്വകാര്യ നിമിഷങ്ങളാണ് തത്സമയ സംപ്രേഷണമായി ഇന്റർനെറ്റ് സൈറ്റിൽ ചോർന്നതെന്ന പോലീസിന്റെ ഞെട്ടിപ്പിക്കുന്ന കണ്ടെത്തൽ. മുറിയെടുക്കുന്നവർ ശ്രദ്ധിക്കാത്ത തരത്തിൽ മുറിയുടെ പലഭാഗങ്ങളിലായാണ് സംഗം ഒളിക്യാമറകൾ സ്ഥാപിച്ചത്. സൈറ്റിൽ മുൻകൂറായി പണമടയ്ക്കുന്നവർക്ക് തത്സമയം രംഗങ്ങൾ കാണാനുള്ള സൗകര്യവും സംഗം ലഭ്യമാക്കിയിരുന്നു. നഗരത്തിലെ 35 ഓളം ഹോട്ടലുകളിലായി ഏകദേശം 50 ഓളം ഒളിക്യാമറകൾ ആയിരുന്നു ഇതിനായി ഉപയോഗിച്ച് പോന്നിരുന്നത്. 100 അധികം പേരാണ് മാസം 4500 രൂപ അടച്ച് സൈറ്റിൽ തത്സമയം കാഴ്ചകൾ കണ്ടുകൊണ്ടിരുന്നത്. 2018 നവംബര്‍ മുതല്‍ ഈ മാര്‍ച്ച്‌ വരെ ഏഴ് ലക്ഷത്തോളം രൂപ ഇതുവഴി സംഗം സമ്ബാദിച്ചതായും പൊലീസ് കണ്ടെത്തി. ഒളിക്യാമറകൾ വഴി നേരുത്തേ ദൃശ്യങ്ങൾ പകർത്തിയിരുന്നു സംഭവങ്ങൾ ഉണ്ടായിട്ടുണ്ടെങ്കിലും സൈറ്റിൽ തത്സമയ സംപ്രേഷണം ചെയ്യുന്നത് ആദ്യമായാണ്.

Continue Reading

Malayalam Article

കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിനക്കുണ്ടായി? നിന്നെ ഒന്നറിയാൻ, ഒന്ന് തിരുത്താൻ ആരും ഉണ്ടായില്ലല്ലോ..

Published

on

By

സാധാരണക്കാരായ മാതാപിതാക്കളെക്കാൾ ഒരുപക്ഷെ , എന്നെപോലെ കൗമാരക്കാരായ കുട്ടികളുടെ ഇടയിൽ നിൽക്കുന്ന കൗൺസിലർ കൂടി ആയ വ്യക്തികൾ കൂടുതൽ ആശങ്കപ്പെടുന്ന കാലമാണ് ഇത്… കാരണം , ഞങ്ങളുടെ കുഞ്ഞുങ്ങളെ പോലെ അനേകം കുട്ടികളെ കാണുക ആണ്.. അവരുടെ പ്രശ്നങ്ങൾ കേൾക്കുക ആണ്.. അവരുടെ മനസ്സിലെ അടിയൊഴുക്കുകൾ അറിയുക ആണ്.. എന്റെ പതിനാറു കാരിയായ മകളോട് എന്ന പോലെ അനേകം കുഞ്ഞുങ്ങളോടും പറഞ്ഞു കൊടുക്കുന്ന ഒരു കാര്യമാണ് ” അരുത് എന്ന് പറയാനുള്ള പ്രാപ്തി ഉണ്ടാക്കുക എന്നത്..’ പക്ഷെ അതങ്ങു ചുമ്മാ പറഞ്ഞാൽ പോരാ..എന്ന് ഇപ്പൊ ചൂണ്ടി കാട്ടാറുണ്ട്.. അപ്പുറത്തെ ആളെ അപമാനിക്കാതെ വേണം , അരുത് എന്ന് പറയാൻ.. വാക്കുകളെ ക്കാൾ വാക്കുകൾ കോർക്കുന്ന ഭാവത്തിനു പ്രാധാന്യം ഉണ്ട് എന്നും.. തിരുവല്ലയിൽ നടന്ന സംഭവം പോലെ എത്രയോ നടന്നിരിക്കുന്നു മുൻപും..! സോഷ്യൽ മീഡിയ യുടെ സഹായം കൊണ്ട് ഇപ്പോൾ കൂടുതൽ കാര്യങ്ങൾ അറിയുന്നു എന്ന് മാത്രം.. ആൺകുട്ടികൾ മയക്കു മരുന്ന് ഉപയോഗിക്കുന്നു , അവർ ക്രിമിനലുകൾ ആകുന്നു എന്നതാണ് വാർത്തകൾ മുഴുവൻ.. പെണ്കുട്ടികളൂം ഒപ്പം ഉണ്ട് എന്ന് സാമൂഹിക പ്രവർത്തക കൂടി ആയ ഞാൻ പറയുന്നു..!

ഈ അടുത്ത് ഒരു പ്രൊജക്റ്റ് ഇന്റെ ഭാഗമായി അറ്റൻകുളങ്ങര വനിതാ ജയിൽ സന്ദർശിച്ചു.. റിപ്പോർട്ട് പുറത്ത് വിടാൻ അനുമതി ഇല്ല.. എങ്കിലും ഒന്ന് പറയട്ടെ.. കുറ്റകൃത്യങ്ങളിൽ ആണ് പെണ്ണ് മനസ്സ് തമ്മിൽ വ്യത്യാസം ഇല്ല.. കുറ്റവാളികൾക്ക് ഒരേ ഒരു മനസ്സാണ്. ഉപേക്ഷിക്കപെടുക എന്നത് പോലെ അപമാനകരമായ ഒന്ന് മനുഷ്യജീവിതത്തിൽ നേരിടാനില്ല..അതുക്കും മേലെ ആണ്.., എന്റെ എന്ന് വിശ്വസിച്ച ഒരാൾ, അയാളുടെ ജീവിതത്തിൽ താൻ അറിയാതെ , തന്നിലും മേലെ മറ്റൊരാൾ ഉണ്ട് എന്ന ഞെട്ടിപ്പിക്കുന്ന നോവ്.. അതിന്റെ ആഴം.. മുറിവ് ക്രമേണ വൃണം ആയി, അതിൽ നിന്നും ദുർഗന്ധം വമിക്കാൻ തുടങ്ങും.. പകയുടെ വൃത്തികെട്ട മനം മടുപ്പിക്കുന്ന ഒന്ന്.. അതിന്റെ തീവ്രതയിൽ പെട്ട് കഴിഞ്ഞാൽ പിന്നെ ഇരുട്ടാണ്.. ഭ്രാന്തിന്റെ അങ്ങേ അറ്റത് മനസ്സിൽ നടക്കുന്ന വേലിയേറ്റവും വേലിയിറക്കവും ,വിഭ്രാന്തികളും ലഹരി മരുന്നിന്റെ പൈശാചിക ചിന്തകളെ വെല്ലും.. എന്നെ ചതിച്ചു..!! ഞാൻ ഉപേക്ഷിക്കപ്പെട്ടു..!!! ഇതിനെ വെല്ലാൻ മറ്റൊരു നഷ്‌ടത്തിനും സാധ്യമല്ല.. ഇര സ്വയം ആണ്.. പക്ഷെ പ്രത്യക്ഷ്യത്തിൽ വില്ലനും.. കുത്തികീറാൻ ഉള്ള വൈരാഗ്യം , കത്തിച്ചു കളയാനുള്ള പക ഒക്കെ കൊണ്ട് സൃഷ്‌ടിക്കപെടുന്ന മനസ്സിനെ നിയന്ത്രിക്കാൻ ആരെങ്കിലും തക്ക സമയത്ത് അത് തിരിച്ചറിയണം.. അല്ലേൽ , ഇനിയും എത്രയോ ദുരന്തങ്ങൾ ആവർത്തിക്കപെടും… ലഹരി മരുന്നിനു അടിമ ആയിരുന്നോ ആ പയ്യൻ എന്നറിയില്ല.. ഓരോ കുറിപ്പുകളും എഴുതുമ്പോൾ ഓർക്കാറുണ്ട്,ഇതൊക്കെ വായിച്ചിട്ടു കൗമാരക്കാർ മുഴുവൻ മയക്കു മരുന്ന് ഉപയോഗിക്കുന്നു എന്ന് ആണോ വായിക്കുന്നവർ കരുതുക എന്ന്.. അല്ല കേട്ടോ.. പക്ഷെ , നമ്മുടെ നാട്ടിൽ ടെക്നോളജി വളരും പോലെ കുത്തനെ വളരുന്ന ഒന്ന് മയക്കുമരുന്നിന്റെ മേഖല തന്നെ ആണ്.. ഇതൊക്കെ വേണ്ടപ്പെട്ട അധികാരികളുടെ ശ്രദ്ധയിൽ പെടുത്തി മടുത്തു.. ആരെയും കുറ്റം പറയാൻ വയ്യ.. സിനിമയിൽ കാണുന്ന മാഫിയ യെക്കാൾ എത്രയോ വലുതാണ് നമ്മുടെ നാട്ടിൽ .. അതിന്റെ വേരുകൾ തേടി പോകാനുളള ആർജ്ജവവും സമയവും അധികാരം ഉളള ഭരണാധികാരികൾ നേടേണ്ടതാണ്.. കുട്ടികളെ ബോധവൽക്കരിക്കുന്നതിനു പകരം മാതാപിതാക്കളെയും അധ്യാപകരെയും ചേർത്ത് ഒരു ചർച്ച സംഘടിപ്പിക്കാമോ എന്ന് ഓരോ വട്ടവും ക്ലാസ് എടുക്കാൻ വിളിക്കുന്ന സ്കൂൾ ,കോളേജ് , അധികാരികാരികളോട് പറയാറുണ്ട്.. ഫലം ഉണ്ടാകാറില്ല.. അഥവാ അവർ തയ്യാറായാൽ തന്നെ മാതാപിതാക്കൾക്ക് സമയം ഇല്ല വരാൻ..! ഒന്നേ ഉള്ളു അത്തരം ക്ലാസുകൾ കൊണ്ട് ,നേടാൻ.. നിങ്ങൾ നിങ്ങളുടെ മാത്രം കുഞ്ഞുങ്ങളെ അറിയുന്നു.. അല്ലേൽ ഇങ്ങനെ ഒരു ദുരന്തം വരുമ്പോൾ കേൾക്കുന്നു.. പൊതുവായ കാര്യങ്ങൾ ചർച്ച ചെയ്യുമ്പോൾ എങ്ങനെ കുട്ടികളെ കൈകാര്യം ചെയ്യാം എന്നതിന് ഓരോ അമ്മയ്ക്കും അച്ഛനും വ്യക്തമായ ഉത്തരം കിട്ടും.. അല്ലാതെ ഒരു പ്രശ്നം ഉണ്ടാകുമ്പോൾ , ഓടി സൈക്കോളജിസ്റ് ന്റെ അടുത്ത് കൊണ്ട് പോയിട്ട് കാര്യം ഇല്ല.. കതിരുമ്മേൽ വളം വെയ്ക്കുന്നത് കൊണ്ട് എന്ത് ഗുണം..?

നിങ്ങളുടെ മക്കളുടെ കൗൺസിലർ നിങ്ങൾ തന്നെ ആകണം..! നിങ്ങൾ ഇരുപത്തിനാലു മണികൂറു മക്കളുടെ കൂടെ ഇരിക്കേണ്ട.. പക്ഷെ ഇരിക്കുന്ന സമയം ,അവരോടു തുറന്നു ഇടപെടണം.. ചതിയിൽ പെടാതെ നോക്കാൻ മാത്രമല്ല.. ചതിക്കരുത് എന്ന് കൂടി ഉൾകാഴ്ച ഉണ്ടാക്കി കൊടുക്കണം.. സ്നേഹത്തെ ക്കാൾ വലുതാണ് വിശ്വാസം.. തലയുയർത്തി പിടിച്ചു ചങ്കുറ്റത്തോടെ മരണം വരെ ജീവിക്കാൻ, ഞാൻ ആരെയും ചതിച്ചിട്ടില്ല എന്നൊരു അഹങ്കാരം സ്വയം നേടിയെടുത്താൽ മാത്രം മതി.. എത്ര കോടി കാശിനെ ക്കാളും അതിനു മതിപ്പുണ്ട്..ഇല്ലേ..? അവൻ ശിക്ഷിക്കപ്പെടണം എന്ന് ആഗ്രഹിക്കുന്ന ഒരാളാണ് ഞാൻ..എന്നിരുന്നാലും , പെൺകുട്ടിയുടെ അമ്മയെ പോലെ അവനും ഉണ്ട് ഒരമ്മ..അച്ഛൻ..വേണ്ടപ്പെട്ടവർ.. അവരെ ഓർക്കുമ്പോൾ സഹിക്കുന്നില്ല.. കരയാൻ അവർക്കു ആയിട്ടുണ്ടാകുമോ..? നൂറായിരം വിരലുകൾ അവന്റെ കുടുംബത്തിന് നേർക്ക് നീളുക സ്വാഭാവികം.. അവന്റെ ഈ മാനസിക തകർച്ച അവരുടെ കണ്മുന്നിൽ വെച്ചാണോ എന്നറിയില്ല.. അവർ അറിഞ്ഞതാണോ അതോ അവനെ അറിയാൻ കഴിയാഞ്ഞതാണോ..? കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിന്നിൽ ഉണ്ടായി എന്ന് ഓർക്കുമ്പോൾ സങ്കടം ഉണ്ടാകുന്നു.. നിന്നെ ഒന്നറിയാൻ , ഒന്ന് തിരുത്താൻ ആരും ഉണ്ടായില്ലല്ലോ എന്നൊരു കുറ്റബോധവും..

കടപ്പാട്: Kala Shibu

Continue Reading

Malayalam Article

ആരാണ് ചരിത്രമെഴുതാൻ പോകുന്നത്? രാജയോ അതോ ലുസിഫെറോ?

Published

on

By

മലയാള സിനിമയുടെ എക്കാലത്തെയും മികച്ച സൂപ്പർ താരങ്ങളാണ് മോഹൻലാലും മമ്മൂട്ടിയും. മോഹൻലാൽ കേന്ദ്രകഥാപാത്രമായി എത്തുന്ന ലൂസിഫറിന്റെ ട്രെയ്‌ലറും മമ്മൂട്ടി കേന്ദ്ര കഥാപാത്രമായി എത്തുന്ന മധുര രാജയുടെ ടീസറും ഒരേ ദിവസമാണ് ഇറങ്ങിയത്. ഇന്നലെയാണ് രണ്ടും സിനിമകളുടെ അണിയറ പ്രവർത്തകർ പുറത്ത് വിട്ടത്. മമ്മൂട്ടിയുടെയും മോഹന്‍ലാലിന്റെയും ഫേസ്ബുക്ക് പേജുകള്‍ വഴി മുന്‍കൂട്ടി ആരാധകരെ അറിയിച്ച്‌, യുട്യൂബ് വഴി പ്രീമിയര്‍ ചെയ്യുകയായിരുന്നു ഇരുചിത്രങ്ങളുടെയും പ്രചരണ വീഡിയോകള്‍. ഇതുപ്രകാരം ആദ്യമെത്തിയത് മധുരരാജയുടെ ടീസര്‍ ആയിരുന്നു. വൈകിട്ട് ആറിന് ടീസറെത്തി. രാത്രി ഒന്‍പതിനായിരുന്നു ലൂസിഫറിന്റെ ട്രെയ്‌ലര്‍.

വന്‍ പ്രതികരണമാണ് ഇരുചിത്രങ്ങളുടെയും വീഡിയോകള്‍ക്ക് ലഭിച്ചത്. മൂന്ന് മണിക്കൂര്‍ മുന്‍പെത്തിയതിനാല്‍ മധുരരാജയുടെ ടീസറായിരുന്നു യുട്യൂബ് കാഴ്ചകാരുടെ എണ്ണത്തില്‍ രാത്രി മുന്നില്‍. എന്നാല്‍ പിന്നീട് ലൂസിഫര്‍ ഈ കണക്കുകളെ മറികടന്നു. യുട്യൂബ് പ്രീമിയറിലും ലൂസിഫര്‍ റെക്കോര്‍ഡ് സൃഷ്ടിച്ചു. 2.47 മിനിറ്റ് ദൈര്‍ഘ്യമുള്ള ട്രെയ്‌ലര്‍ പ്രീമിയര്‍ പ്രദര്‍ശനത്തിന്റെ ഒരു ഘട്ടത്തില്‍ ഒരേസമയം 57,000 പേര്‍ വരെ കണ്ടു. ഇപ്പോഴത്തെ കണക്കനുസരിച്ച്‌ 1,428,429ലധികം കാഴ്ചക്കാരാണ് മധുരരാജയുടെ ടീസറിന് ലഭിച്ചിരിക്കുന്നത്. ലൂസിഫറിന്റെ ട്രെയ്‌ലറിന് ലഭിച്ചിരിക്കുന്നത് 2,515,215 ലേറെ കാഴ്ചകാരും.

ലൂസിഫർ ട്രൈലെർ 

സോഴ്സ്:  GOODWILL ENTERTAINMENTS

മധുരരാജാ ട്രൈലെർ 

സോഴ്സ്: Vysakh Entertainments

Continue Reading
“KeralaJobUpdates”

Writeups

Malayalam Article15 hours ago

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം.

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം. 4500 രൂപ അടച്ച് സൈറ്റിൽ തത്സമയം കാണാൻ സൗകര്യം ലഭ്യമാക്കിയത് നൂറിലധികം പേര്.  കൊറിയയിൽ...

Malayalam Article2 days ago

കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിനക്കുണ്ടായി? നിന്നെ ഒന്നറിയാൻ, ഒന്ന് തിരുത്താൻ ആരും ഉണ്ടായില്ലല്ലോ..

സാധാരണക്കാരായ മാതാപിതാക്കളെക്കാൾ ഒരുപക്ഷെ , എന്നെപോലെ കൗമാരക്കാരായ കുട്ടികളുടെ ഇടയിൽ നിൽക്കുന്ന കൗൺസിലർ കൂടി ആയ വ്യക്തികൾ കൂടുതൽ ആശങ്കപ്പെടുന്ന കാലമാണ് ഇത്… കാരണം , ഞങ്ങളുടെ...

Malayalam Article2 days ago

ആരാണ് ചരിത്രമെഴുതാൻ പോകുന്നത്? രാജയോ അതോ ലുസിഫെറോ?

മലയാള സിനിമയുടെ എക്കാലത്തെയും മികച്ച സൂപ്പർ താരങ്ങളാണ് മോഹൻലാലും മമ്മൂട്ടിയും. മോഹൻലാൽ കേന്ദ്രകഥാപാത്രമായി എത്തുന്ന ലൂസിഫറിന്റെ ട്രെയ്‌ലറും മമ്മൂട്ടി കേന്ദ്ര കഥാപാത്രമായി എത്തുന്ന മധുര രാജയുടെ ടീസറും...

Malayalam Article3 days ago

ഇന്ത്യാമഹാരാജ്യത്തെ ചായക്കടക്കാരെല്ലാം ഇന്ന് ഭയത്തോടെയാണ് ജീവിക്കുന്നത്. പ്രസംഗവേദിയിൽ മോദിക്കെതിരെ തുറന്നടിച്ച് മമതാ ബാനർജി.

ഇന്ത്യൻ പ്രധാനമന്ത്രി നരേന്ദ്രമോദിക്കെതിരെ ഇത്തവണ പരിഹാസവുമായി എത്തിയിരിക്കുന്നത് മമത ബാനര്‍ജിയാണ്. കോണ്‍ഗ്രസ് സഖ്യം പൊളിഞ്ഞതോടെ ബംഗാളിലെ ഇലക്ഷൻ പോരാട്ടം തൃണമൂല്‍ കോണ്‍ഗ്രസിനും ബിജെപിക്കും ഇടയിലാവുമെന്ന ഭയത്തിലാണ് ഇന്ത്യയിലെ ചായ വില്പനക്കാരെല്ലാം ജീവിക്കുന്നതെന്നുമാണ് മമത...

Malayalam Article3 days ago

അമ്മായിഅമ്മ മരിച്ചതിന്റെ ദുഃഖം താങ്ങാനാവാതെ മരുമകളുടെ ആത്മഹത്യ. സംഭവത്തിന്റെ യഥാർത്ത ട്വിസ്റ്റ് തുറന്നുപറഞ്ഞു മകൻ.

മുംബയിൽ ഈ കഴിഞ്ഞ ശനിയാഴ്ച പ്രാദേശിക മാധ്യമങ്ങളെല്ലാം ഒരു പോലെ റിപ്പോർട്ട് ചെയ്ത ഒരു വാർത്ത ആയിരുന്നു അമ്മായി അമ്മയുടെ മരണത്തിൽ മനം നൊന്ത് മരുമകൾ ആത്മഹത്യാ...

Malayalam Article3 days ago

അമ്മയുൾപ്പെടെ പലരും എന്നോട് പറഞ്ഞിട്ടുണ്ട് “കമ്യൂണിസ്റ്റ് പാർട്ടിയെ കുറ്റം പറയരുത്. ശ്രീലക്ഷ്മിയുടെ കുറിപ്പ് വയറലാകുന്നു

അമ്മയുൾപ്പെടെ പലരും എന്നോട് പറഞ്ഞിട്ടുണ്ട് “കമ്യൂണിസ്റ്റ് പാർട്ടിയെ കുറ്റം പറയരുത്, എന്തെങ്കിലും നിനക്ക് പറയാൻ ഉണ്ടെങ്കിൽ അത് വീട്ടിൽ പറഞ്ഞ് തീർത്തോണം, അല്ലാതെ നാടുനീളെ പാർട്ടിയെ കുറ്റം...

Malayalam Article3 days ago

പ്രിത്വിരാജിന് ശേഷം കേരളത്തിലേക്കുള്ള അടുത്ത ലംബോർഗിനി കോട്ടയത്ത് എത്തി മക്കളേ..

ലംബോർഗിനി! ഏതൊരു വാഹനപ്രേമിയുടെയും സ്വപ്ന വാഹനം. രൂപത്തിലും ഭാവത്തിലും വ്യത്യസ്തത നില നിർത്തുന്ന ഈ വാഹനം സ്വന്തമാക്കാൻ ആരാണ് കൊതിക്കാത്തത്? എന്നാൽ കേരളത്തിലെ റോഡുകൾ ലംബോർഗിനിയുടെ ഘടനയ്ക്ക്...

Malayalam Article4 days ago

ബ്രെസ്റ്റ് കാൻസർ പരിശോധിക്കാൻ പോയ യുവതിക്കുണ്ടായ മനസ്സ് മരവിപ്പിക്കുന്ന ഒരു അനുഭവം.സ്ത്രീകൾ മാത്രമല്ല പുരുഷന്മാരും ഈ പോസ്റ്റ് ഒന്ന് വായിക്കുക.

ഇന്ന് സ്ത്രീകളിൽ സർവ്വ സാദാരണമായി കാണുന്ന ഒരു രോഗമാണ് ബ്രെസ്റ്റ് കാൻസർ. സിനിമ താരങ്ങൾ ഉൾപ്പടെ നിരവധി പേരെയാണ് ഈ അസുഖം കാർന്നുതിന്നത്. ചിലരൊക്കെ ജീവിതത്തിലേക്ക് തിരിച്ചു...

Malayalam Article4 days ago

“നീയൊരു വേശ്യയാണ്, വേശ്യ മാത്രം…നാസിർ ഹുസൈന്റെ പോസ്റ്റ് വൈറലാകുന്നു

“നീയൊരു വേശ്യയാണ്, വേശ്യ മാത്രം…ഞാൻ ഒരിക്കലും നിന്നെക്കുറിച്ചു ഇങ്ങനെ വിചാരിച്ചില്ല… നിന്നെ ഒരിക്കലും ഇനിയെൻറെ കൺമുമ്പിൽ കണ്ടുപോകരുത്… ” അവൾ അന്നുവരെ കാണാത്ത ഭാവമായിരുന്നു അവൻറെ മുഖത്ത്…...

Malayalam Article5 days ago

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഹൃദയ സ്പർശിയായ ഒരു വീഡിയോ.

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഇന്നത്തെ കാലത്ത് അച്ഛനെയും അമ്മയെയും ഉപേക്ഷിക്കാൻ മടിയില്ലാത്ത മക്കളാണ് ഉള്ളത്. കുറച്ച് പേർ വൃദ്ധസദനത്തിൽ കൊണ്ടാക്കുന്നു, കുറച്ചുപേർ ആൾക്കൂട്ടത്തിൽ ഉപേക്ഷിക്കുന്നു. മറ്റുചിലരാകട്ടെ...

Trending

Copyright © 2019 B4blaze Malayalam