Connect with us

Kampranthal

പതിവിലും നേരത്തെയുള്ള ഫോണിന്റെ റിങ്ട്യൂൺ കേട്ടിട്ടാണ് ദേവു കണ്ണ് തുറന്നത്

Published

on

“WatchVideo”

രചന: നാദിറ
പതിവിലും നേരത്തെയുള്ള ഫോണിന്റെ റിങ്ട്യൂൺ കേട്ടിട്ടാണ് ദേവു കണ്ണ് തുറന്നത്.. ശ്ശൊ..!!ആരാ ഇത്ര രാവിലെതന്നെ.. നാശം ഉറങ്ങാനും സമ്മതിക്കില്ല..സ്വയം ദേഷ്യം കടിച്ചമർത്തികൊണ്ട് ഫോൺ കയ്യിലെടുത്ത് നോക്കി.. അഭി..!!!! ആ പേര് സ്‌ക്രീനിൽ തെളിഞ്ഞപ്പോൾ മനസ്സിലെ ദേഷ്യം മഞ്ഞിലും വേഗത്തിൽ അലിഞ്ഞ് ഇല്ലാതെയായി.. “ഹലോ ..എന്താ അഭി ഇത്ര രാവിലെ..എന്തുപറ്റി..എവിടെയാ..???

നിനക്ക് ഉറക്കൊന്നുല്ല്യേ.. ഒറ്റശ്വാസത്തിൽ അവളുടെ ചോദ്യങ്ങൾക്ക് “വേഗം നീ പുറത്തേക്ക് വാ എന്നായിരുന്നു മറുപടി” കൂടുതൽ ചോദ്യത്തിനുള്ള അവസരം കൊടുക്കും മുൻപേ കാൾ കട്ടായി ദേവു എണീറ്റ് വേഗം ഗേറ്റ് തുറന്ന്.പുറത്തിറങ്ങി.. ശ്ശെ..ഈ ചെറുക്കൻ ഇതെവിടെ പോയി..ഇവിടൊന്നും ഇല്ല്യാലോ ഇനി എന്നെ പറ്റിച്ചതാണോ  അങ്ങനെ ആണേൽ വെച്ചിട്ടുണ്ട് അവന് ഞാൻ.. സ്വയം പറഞ്ഞ് തീരും മുൻപ് റോഡിൻറെ സൈഡിലായി ഒരു ബുള്ളെറ്റ് വന്ന് നിന്നു..ദേവൂ വേഗം വാ.. നമുക്ക് ഒരിടം വരെ പോകണം.. അഭിയായിരുന്നു അത്‌.. ദേവു: ഡാ അഭി എങ്കിൽ ഞാൻ ഫ്രഷ് ആയിട്ട് വരാം ഒരു 5 മിനിറ്റ്.. അഭി: ഓ നീ കുളിച്ചൊരുങ്ങി പെണ്ണുകാണാൻ അല്ല പോകുന്നത്..ഒന്ന് വേഗം വാ പിന്നെ പോയിട്ട് കാര്യമില്ല.. ദേവു: അഭി ഞാൻ…ന്റെ പല്ല് പോലും.. അഭി: ഡി പോത്തേ നിന്റെയൊരു പല്ല്..മരിയാതക്ക് കയറ്..അല്ലെങ്കിൽ ആ പല്ല് ഞാൻ താഴെ ഇടും  ന്നാലും ഡാ അഭി… അഭി:ഒന്ന് കയറ് വേഗം പോകുന്ന വഴി നീ ചിരിക്കാതെ ഇരുന്നാൽ മതി ആരും അറിയാനൊന്നും പോകുന്നില്ല അഭി പറഞ്ഞു തീരും മുൻപേ ബൈക്ക് സ്റ്റാർട്ട് ചെയ്തു..

നീ ന്റെ ചങ്ക് അല്ലേടാ..ഒരു വഴക്കിന് സാഹചര്യം ഒരുക്കാതെ ദേവു വണ്ടിയിൽ കയറി.. ദേവു:അഭീ..പിന്നെ ഒരു കാര്യം എന്നെ വേഗം തിരിച്ച് കൊണ്ട് വിടണേ..8മണിക്ക് മുൻപ് കോളേജിൽ പോകണം..കേട്ടല്ലോ അല്ലേ…കേട്ടല്ലോന്ന്..അഭീ.. വണ്ടിയുടെ സ്പീഡ് കൂടും തോറും ദേവു പറഞ്ഞു കൊണ്ടിരുന്നു അഭി:ഒന്ന് അടങ്ങി ഇരിക്ക് ഇനി വാ തുറന്നാൽ എടുത്ത് വല്ല ആറ്റിലും കൊണ്ടിടും…നിന്നെ വേഗം തിരിച്ചെത്തിക്കാം..കുറച്ച് നേരം മിണ്ടാതെ ഇരിക്ക് ന്റെ ദേവൂ ഏകദേശം ഒരു കിലോമീറ്ററിന് ശേഷം ബൈക്ക് നിന്നത് പഴക്കം ചെന്ന ഒരു തറവാട്ടിലോട്ടുള്ള വഴിവക്കിലാണ്… ദേവു:ഡാ അഭി ന്താ ഇവിടെ..?? നിന്റെ ആരുടെയെങ്കിലും വീടാണോ..??നമ്മൾ ന്തിനാ ഇങ്ങോട്ട് വന്നത്.. മുമ്പോട്ട് നടക്കുംതോറും ദേവൂന് ചോദ്യങ്ങൾ കൂടിവന്നു.. ഒന്ന് മിണ്ടാതെ നടക്ക് ദേവൂ ..ദേ എനിക്ക് നല്ല ദേഷ്യം വരുന്നുണ്ട്..ട്ടൊ.. നിന്നെ ഞാൻ കൊല്ലാനൊന്നും കൊണ്ടുവന്നതല്ലാ..ഒരാളെ കാണിച്ച് തരാൻ കൊണ്ടുവന്നതാ.. ഇത്രയും പറഞ്ഞ് അഭി നടത്തത്തിന്റെ വേഗത കൂട്ടി.. ആരെയാ കാണാൻ വന്നേ..??

ആരാടാ.. പറയ്.പ്ലീസ്… ദേവു പിന്നേം അനുസരണ ഇല്ലാത്ത കുട്ടിയെ പോലെ പിറകെ നടന്ന് ചോദിച്ചുകൊണ്ടേ ഇരുന്നു.. വീടിന്റെ പഠിപ്പുരയോളം എത്തിയപ്പോഴേക്കും അഭിയുടെ നടത്തത്തിന്റെ വേഗത പതുക്കെ കുറഞ്ഞു.. വീടിന്റെ മുമ്പിലായ്‌ തളിർത്ത് നിൽക്കുന്ന തുളസിയിലേക്ക് വെള്ളമൊഴിച്ച് കൊണ്ടിരിക്കുന്ന ഒരു പെൺകുട്ടി… പാട്ടുപാവാടയാണ് വേഷം..കാണുമ്പോൾ തന്നെ ഐശ്വര്യം നിറഞ്ഞ മുഖം ആരാടാ അത്..!!പിറകിൽ നിന്നും എത്തിനോക്കികൊണ്ട് ദേവു ചോദിച്ചു.. അഭി:അത്…അതാണ് ഞാൻ പറഞ്ഞ..ദേവു:ങ്ഹേ..നി എന്ത് പറഞ്ഞു..എന്നോട് പറഞ്ഞിലാലോ..ആരാ.അത്‌..വല്ല ചുറ്റിക്കളിയും ആണോടാ പറയ് അഭി:ഡീ അത്‌… ഞാൻ എന്നും ഒരു പെൺകുട്ടിയെ സ്വപ്നം കാണാറുണ്ട് എന്ന് പറഞ്ഞിട്ടില്ലേ… ദേവു: അവളാണോ ഇത്‌..പറയ്..ആണോന്ന്..എനിക്കറിയണം.. അഭി:ഒന്ന് ക്ഷമിക്ക് ഞാൻ പറയട്ടെ… ദേവു: നീ ഒന്നും പറയണ്ട എനിക്ക് കേൾക്കണ്ട..എനിക്ക് പോകണം അഭി വീട്ടിലേക്ക്..അല്ലെങ്കി നീ ഇവിടെ നിന്നോ ഞാൻ പോയിക്കോളാം..ഓട്ടോ കിട്ടും.. അഭി: ദേവൂ നീ എന്തിനാ ഇത്ര തിരക്കക്കുന്നേ..ഒന്ന് നിൽക്ക്.. ദേവു: അഭി ദേ എനിക്ക് ദേഷ്യം വരുന്നുണ്ട് ട്ടൊ ഇത്രൊയൊക്കെ ദേവു പറഞ്ഞിട്ടും ഒന്നും പറയാതെ ചിരിച്ചതെ ഉള്ളു അഭി…

ദേവു: അഭി ഞാൻ പോവ്വാ .നീയെന്താ ഞാൻ ഇത്രയൊക്കെ പറഞ്ഞിട്ടും ചിരിക്കുന്നേ.. അഭി: ശ്ശെ ന്നാലും നീ..പോവ്വല്ലേടാ..ന്റെ ബെസ്റ്റിയല്ലേ..അല്ലെടീ നിനക്ക് എന്തിനാ ദേഷ്യം വന്നേ ദേവു: അത്…അതിപ്പോ..അങ്ങനെയൊക്കെ ചോദിച്ചാ.. അഭി: ചോദിച്ചാ..പറയ്.ദേവു: പറയാൻ ന്നൂല്യ ന്തോ ദേഷ്യം വന്നു ..ന്തെ എനിക്ക് ദേഷ്യം വരാൻ പാടില്ലേ അഭി:ആ എന്തായാലും വന്നതല്ലേ നമുക്ക് അവളെ ഒന്ന് കണ്ടിട്ട് പോകാം..നീ വാ. ദേവു: ഞാനൊന്നുല്ല്യ നീ തനിച്ചു പോയ മതി..എനിക്ക് വേറെ പണിയുണ്ട് അഭി:ദേവൂ..ഡീ..പ്ലീസ് ഡീ ഞനൊന്ന് പറയട്ടെ.. അവനു പറയാൻ ഉള്ളത് കേൾക്കാതെ അവൾ തിരിച്ച് നടന്നു…തിരിച്ച് നടക്കുമ്പോൾ എന്തോ കണ്ണുകൾ അവള്പോലും അറിയാതെ നിറഞ്ഞു  “ഏട്ടാ ഇതാണോ എന്നും സ്വപ്നത്തിൽ വരാറുണ്ടെന്ന് പറഞ്ഞ കുട്ടി.. എന്താ രണ്ടുപേരും അവിടെ നിൽക്കുന്നെ..ഇങ്ങോട്ട് വാ..”അപ്രതീക്ഷിതമായ എന്തോ കേട്ട ഞെട്ടലോടെ ദേവു തിരിഞ്ഞുനോക്കി.. അഭിയും കൂടെ ആ പെൺകുട്ടിയുമുണ്ട്..രണ്ടുപേരും തന്നെ ഉറ്റുനോക്കുകയാണ്..അവൾക്ക് ഒന്നും മനസ്സിലായില്ല…അഭിയുടെ മുഖത്ത് സ്വയം ജയിച്ചതായൊരു ഭാവമുണ്ട്..ഒപ്പം ഒരു കള്ളച്ചിരിയും.. അഭി:ഡീ വാഴക്കാളി..പിശ്ശാച്ചേ..ഒന്നിങ്ങ് വാ..പറയട്ടെ.. ദേവു: എന്താ… അഭി:

ആ ജാഡ അവിടെ കളഞ്ഞിട്ട് ഇങ്ങോട്ട് വാ പോത്തേ.. ദേവു: എന്തിനാ.. അഭി:നിന്നെ പെണ്ണുകാണാൻ..അല്ല പിന്നെ ഡീ ഇതെന്റെ അനിയത്തിയാ.. അടുത്ത് നിൽക്കുന്ന കുട്ടിയെ ചൂണ്ടിക്കാണിച്ച് അവൻ പറഞ്ഞു സ്വപ്നത്തിൽ എന്നും കാണുന്ന പെൺകുട്ടിയെ കാണിച്ചു കൊടുക്കാൻ വേണ്ടിയാ ഈ വെളുപ്പിന് നിന്നേം പൊക്കി ഇങ്ങോട്ട് വന്നത്.. ദേവു ..ഹമ്.. ഞാൻ വിചാരിച്ചു..അത്..അതാ എനിക്ക് ദേഷ്യം വന്നത്..സോറി അഭി:ന്നാലും നിന്റെ ഒരു ദേഷ്യം…കാണാനും നല്ല ചന്തം ഉണ്ടായിരുന്നു…. ഇപ്പൊ കണ്ടല്ലോ അല്ലെ ന്റെ സ്വപ്നത്തിലെ പെൺകുട്ടിയെ..അഭി അനിയത്തിയോടായി പറഞ്ഞു… നിന്ന നിൽപ്പിൽ താൻ ഐസ് ആയത് പോലെ തോന്നി ദേവൂന്… അഭി…ഡാ സോറി..ട്ടോ അഭി: എന്തിനാ..എനിക്ക് നിന്നെ എന്തോ ഒരുപാട് ഇഷ്ട്ടാണ്..അത് നിന്നോട് പറഞ്ഞാൽ നിങ്ങൾ പെങ്കുട്ട്യോൾ വല്ല്യ ജാഡ കാണിക്കും..നിനക്കും എന്നെ ഇഷ്ട്ടാണെന്നൊക്കെ എനിക്കും അറിയാം പക്ഷെ ചോദിച്ചാൽ അത് അങ്ങ് സമ്മതിച്ച് തരില്ല എത്രയായാലും പെണ്ണല്ലേ.. അതുകൊണ്ടാ ഞാൻ ഇങ്ങനെ ചെയ്തത്.. കുറിച്ച് മുൻപ് എന്തായിരുന്നു ന്റെ ദേവൂന്റെ ദേഷ്യം ദേവു: അതുപിന്നെ..നിനക്ക് വേറെ ഇഷ്ട്ടം ഉണ്ടെന്ന് അറിഞ്ഞപ്പോ..ഞാൻ.

.അത്.. അഭി:ഹി ഹി എനിക്കറിയാം..അപ്പൊ എങ്ങനെയാ..വിട്ടാലോ..കോളേജിൽ പോകണ്ടേ ന്റെ കാന്താരിക്ക്.. ദേവൂ:എങ്കിൽ ഒരു ഐസ്ക്രീം മേടിച്ചുതരുവോ..അഭി.. അഭി: പല്ല്പോലും തേചില്ല അപ്പോഴാ ഒരു ഐസ്ക്രീം….നിന്നെയിന്ന്… അവൻ പറഞ്ഞു തീരും മുൻപ് അവൾ ഓടി…കൂടെ കയ്യെത്തിപ്പിടിക്കാൻ അവനും… അവൾ ഓടിമറഞ്ഞത്..ഐസ്സ്ക്രീമിലും മധുരം നിറഞ്ഞ ജീവിതത്തിലേക്കല്ല…എതിർദിശയിൽ നിന്നും ചീറിപ്പാഞ്ഞ് മരണം മുഴക്കി വന്ന ലോറിയുടെ മുമ്പിലേക്കായിരുന്നു.., ഒരു നിമിഷം ഭൂമി തലകീഴായി മറയുന്ന പോലെ തോന്നി അഭിക്ക്..തന്റെ സ്വപ്‌നങ്ങൾ…ദേവൂ…അവന് ഒരു നിമിഷം താൻ കാണുന്നത് സത്യമാവല്ലേ എന്ന് ആഗ്രഹിച്ചു… രക്തത്തിൽ കുളിച്ച് കിടക്കുന്ന അവളേം കൊണ്ട് ഹോസ്പിറ്റലിൽ എത്തുമ്പോഴും ഒന്നും സംഭവിക്കല്ലേ എന്ന് മനസ്സുരുകി അവൻ പ്രാർത്ഥിച്ചുകൊണ്ടിരുന്നു പേരുപോലും അറിയാത്ത കോടാനുകോടി ദൈവങ്ങളോട്.. വിധിയെ പഴിച്ചുകൊണ്ട് ഐ സി യുവിന് മുമ്പിൽ നിൽക്കുമ്പോഴും..

ദൈവത്തോട് ഭിക്ഷ ചോദിച്ചത് അവളുടെ ജീവനായിരുന്നു.. സമയം ഇഴഞ്ഞ് നീങ്ങുന്നത് പോലെ തോന്നി…വേദനയുടെ ദൈർഗ്യം കൂടി വന്നു..ഒന്ന് പൊട്ടിക്കരയാൻ പോലും മറന്ന വെറുമൊരു രൂപമായി കഴിഞ്ഞു അഭി.. പെട്ടന്ന് ഐ യു വിന്റെ ഡോർ തുറന്ന് ഡോക്ടർ പുറത്തു വന്നു…ഒന്നും വരല്ലെന്ന് മനസ്സിനെ പഠിപ്പിച്ചുകൊണ്ട് അഭി അടുത്തേക്ക് ചെന്നു..അവന്റെ ഹൃദയമിടിപ്പ് കൂടുന്ന പോലെ തോന്നി.. ഡോക്ടറെ..ന്റെ ദേവൂന്.. ഒന്നും പറയാറില്ല..കാഴ്ച്ചശക്തി തിരിച്ചുകിട്ടാനുള്ള സാദ്ധ്യത കുറവാണ്..ആക്‌സിഡന്റിൽ തലക്ക് നല്ല മുറിവുണ്ട്.. ഓപ്പറേഷൻ വേണം എത്രയും പെട്ടന്ന് ബി+ve ബ്ലഡ് എത്തിക്കണം.. തലയിൽ ഇരുട്ട് കയറുന്നത് പോലെ തോന്നി അഭിക്ക്..ഉറക്കെ കരയാൻ തോന്നി…പരിസരം മറന്ന്.. കാഴ്ചകളുടെ ലോകം എന്നെന്നേക്കുമായി തന്റെ ദേവുന് നഷ്ടമായിരിക്കുന്നു.. ഇനി അവൾക്ക് തന്നെ കാണാൻ സാധിക്കില്ല…ജീവനില്ലാത്ത ശരീരം പോലെ അഭി വരാന്തയിലെ ഇരുട്ടിലൂടെ നടന്നു എങ്ങിനെയെങ്കിലും ബ്ലഡ് ഒപ്പിക്കാനുള്ള ശ്രമത്തിലായിരുന്നു അവൻ, കൂട്ടുകാരേം പരിചയക്കാരേം വിളിച്ച് ബ്ലഡിനുള്ള അറെജ്മെന്റ്സ് ചെയ്തു..

ഓപ്പറേഷൻ സമയത്തിന് മുൻപ് വാതിലിന് അപ്പുറത്ത് നിന്നും അവൻ അവളെ കണ്ടു… ഒന്നും അറിയാതെ ഉറങ്ങുകയാണ് അവള്…അവളെ ആ അവസ്ഥയിൽ അധികനേരം നോക്കി നിൽക്കാൻ അവനു കഴിഞ്ഞില്ല…തന്റെ സ്വപ്‌നങ്ങൾ ആ ഹോസ്പിറ്റലിൽ ചിതറികിടക്കുന്ന പോലെ തോന്നി അവന് ഇരുൾ പതുക്കെ നീങ്ങുന്നത് പോലെ തോന്നി…ഒപ്പേറഷൻ ഓക്കേ ആയി..കുഴപ്പമൊന്നുല്ല്യ 5 മണിക്കൂർ കഴിഞ്ഞ് റൂമിലേക്ക് മാറ്റും അപ്പോൾ കയറി കാണാം..അഭിയുടെ തോളിൽ തട്ടിക്കൊണ്ട് ഡോക്ടർ പറഞ്ഞു..പക്ഷെ അവനിൽ ഒരു ഭാവമാറ്റവും ഇല്ലായിരുന്നു..ഭൂരേ ഏതോ കോണിലേക്ക് കണ്ണും നട്ട് ഇരിക്കുന്നു.. കയ്യിൽ മുറുകെ പിടിച്ച അലിഞ്ഞു തീരാറായ ഐസ്ക്രീം..ഡോക്ടർ വീണ്ടും തോളിൽ തട്ടി..

ഇല്ലാ മാറ്റമൊന്നും ഇല്ലാ..അതെ ഇരിപ്പ്…. ആരൊക്കെയോ അവന്റെ മുമ്പിലൂടെ നടന്നു നീങ്ങിഒപ്പം..സമയവും കടന്നുപോയി.. കയ്യിൽ മുറുകെ പിടിച്ചിരുന്ന ഐസ്ക്രീം അലിഞ്ഞില്ലാണ്ടായി..എന്നിട്ടും അഭി അതൊന്നും അറിഞ്ഞില്ല…അവൻ നടക്കുകയാണ്…ഒന്നും അറിയാതെ..ആ വരാന്തയിലൂടെ..എങ്ങോട്ടെന്നില്ലാതെ… മായാത്ത മുറിവുകൾ സമ്മാനിച്ച് കാലം ഓടി മറഞ്ഞു ഒരു ഐസ്ക്രീമും കയ്യിൽ പിടിച്ച്കൊണ്ട് അഭി ഇപ്പോഴും കാത്തിരിക്കുകയാണ് തന്റെ പഴയ ദേവൂനെ… വിധി അവന് സമ്മാനിച്ച കാലിലെ ചങ്ങലകൾക്ക് കാലം ഭ്രാന്ത് എന്ന് പേരവിളിച്ചു.. ആ ഭ്രാന്തിന്റെ കിലുക്കത്തിനൊപ്പം..കൂട്ടായി ഇപ്പൊ അവളും ഉണ്ട്… കാഴ്ചക്കും അപ്പുറത്തെ തന്റെ പ്രണയം സത്യമാക്കാൻ അഭിയേട്ടന്റെ സ്വന്തം ദേവൂട്ടി

Advertisement

Kampranthal

ആരും കാണാതെ കരഞ്ഞു തീർത്ത ഒരു മുഖ മുണ്ട് ജീവനേക്കാൾ ഏറെ നിന്നെ സ്നേഹിച്ച ഈ കൂടെപ്പിറപ്പിന്റെ മുഖം ഓർത്തിരുന്നോ ഏട്ടന്റെ വാവ

Published

on

By

രചന: നജീബ് കോൽപാടം

മതം നോക്കാതെ സ്നേഹിച്ചവന്റെ കൂടെ ഇറങ്ങിപ്പോയ പെങ്ങൾക്ക്. സോഷ്യൽ മീഡിയ സപ്പോട്ട് കയ്യടി അഭിനന്ദങ്ങൾ ,, കയ്യടിച്ചവർ ആരും കാണാതെ കരഞ്ഞു തീർത്ത ഒരു മുഖം ആരും കാണാതെ പോയ ഒരു മുഖമുണ്ട് ജീവനേക്കാൾ ഏറെ നിന്നെ സ്നേഹിച്ച ഈ കൂടെപ്പിറപ്പിന്റെ മുഖം ഓർത്തിരുന്നോ ഏട്ടന്റെ വാവ ,, നീ പോയതറിയാതെ ജോലി കഴിഞ്ഞു വന്ന അച്ഛന്റെ കൈയിൽ അന്നും നിനക്കുള്ള മിട്ടായി പൊതി ഉണ്ടായിരുന്നു ,, നേരം പാതിരയായിട്ടും നിന്നെ കാണാത്ത വിഷമത്തിൽ മുക്കോടി ദൈവങ്ങളെയും വിളിച്ചു എന്റെ കൊച്ചിനോന്നും വരുത്തല്ലേ എന്ന് നെഞ്ചിലടിച്ചു പ്രാർത്ഥിച്ച അമ്മയുടെ കരച്ചിൽ കണ്ടു നിൽക്കേണ്ടി വന്ന ഏട്ടൻ ,, കുടുംബവും കൂട്ടരും എല്ലാം അച്ഛനെയും അമ്മയേയും പഴിച്ചു വളർത്തു ദോഷം , വീട്ടിലേക്ക് കയറിച്ചെല്ലുമ്പോൾ ആ ഉമ്മറപ്പടിയിൽ കയ്യിലൊരു ബുക്കുമായി നീ ഉണ്ടെന്നു തോന്നും . മുറിയിലാകെ നിന്റെ ശബ്ദം . ഏട്ടാ എന്നുള്ള വിളി വീടിലാകെ നിറഞ്ഞു നിൽക്കുന്നുണ്ടായിരുന്നു ,, ഭക്ഷണത്തിന് മുന്നിൽ നിന്ന് തളർന്നു വീണ അമ്മയെയും പൊക്കിയെടുത്ത് ഹോസ്പിറ്റൽ എത്തി icu ന്റെ മുന്നിൽ ഉറക്കമില്ലാതെ കാത്തിരിന്നതും ഈ ഏട്ടൻ . നിന്റെ ആ പഴയ സൈക്കിൾ ഇന്നും ആ ചുമരിനടുത്ത് തുരുമ്പ് പിടിച്ചു കിടക്കുന്നുണ്ട് അതിനുവേണ്ടി കരഞ്ഞു കലങ്ങിയ കണ്ണുമായി ഏട്ടന്റെ മുന്നിൽ വന്നു നിന്ന ന്റെ വാവടെ മുഖം ഈ ഏട്ടനെ കൊന്നു തിന്നിട്ടുണ്ട് പല രാത്രികൾ . ആദ്യമായി മുടി മുറിച്ച അന്ന് ഏട്ടന്റെ കണ്ണ് നിറയുന്നത് കണ്ടു ഇനി എന്റെ ഏട്ടന് ഇഷ്ടമില്ലാത്തതൊന്നും ചെയ്യില്ലെന്ന് പറഞ്ഞു തന്ന ഉമ്മയുടെ ചൂട് ഇന്നുമെന്നെ ചുട്ടെരിക്കുന്നുണ്ട് , ഏട്ടാ ,, എന്താ വാവേ , ഞാനും പോന്നോട്ടെ പൂരത്തിന് .

ഏട്ടൻ കൊണ്ടുപോവാലോ ഏട്ടന്റെ കുട്ടിയെ . എന്റെ തോളിൽ ഇരിന്നല്ലേ വാവേ നീ പൂരംപറമ്പാകെ ചുറ്റി കണ്ടത് ,, ഈ ഏട്ടന്റെ നെഞ്ചിൽ കിടന്നല്ലേ നീ ഉറങ്ങിയത് . എന്നിട്ടും എങ്ങനാ വാവേ അഞ്ചു വർഷം ആരെയും കാണാതെ ആരെയും ഓർക്കാതെ .ഇത്രയും ദൂരെ. സാർ ഇതാണ് നിങ്ങൾ പറഞ്ഞ ഹോസ്പിറ്റൽ ഇവടെ ഇറങ്ങിക്കോളൂ ,, കണ്ടക്ടർ വന്നു തട്ടി വിളിച്ചപ്പോഴാണ് ഓർമകളിൽ നിന്ന് കണ്ണൻ ഉണർന്നത് ,, ബസിൽ നിന്നിറങ്ങി മുന്നിലുള്ള ഒരു കടയിൽ കയറി ഒരു വെള്ളം വാങ്ങി കുടിച്ചു വല്ലാത്ത ദാഹം . നേരെ ഹോസ്പിറ്റലിന്റെ മുന്നിൽ ഉള്ള വഴിയിലൂടെ നടന്നു കാലുകൾ വിറക്കുന്ന പോലെ ,, ഹോസ്പിറ്റലിന്റെ മുന്നിൽ നിന്നിരുന്ന ഒരു യുവാവ് എന്നെ കണ്ടതും അടുത്തേക്ക് ഓടി വന്നു . കണ്ണേട്ടനല്ലേ .? അതെ കണ്ണേട്ടനാണ് . എന്റെ പേര് റോയ് . ഓ മനസിലായി . കണ്ണേട്ടൻ വരുമെന്ന് അവൾക്ക് ഉറപോയിരുന്നു അതാ ഞാനിവിടെ മുന്നിൽ കാത്ത് നിന്നത് . മ്മ് ഞാനൊന്നു ഇരുത്തി മൂളി .

ആ ഗവണ്മെന്റ് ഹോസ്പിറ്റലിന്റെ വരാന്തയിലൂടെ റോയ് ടെ കൂടെ ഞാൻ നടന്നു . റോയ് വീട്ടിലെ ആരും വന്നില്ലേ .? ഇല്ല ഞാനും അവളും മാത്രേ ഒള്ളു ,,സഹായത്തിന് അടുത്തുള്ള ഒരു ചേച്ചി വന്നിട്ടുണ്ട് , അതെന്താ വീട്ടിലെ ആരും വരാത്തെ. കല്യാണം കഴിഞ്ഞു കുറച്ചു നാളുകൾ മാത്രേ വീട്ടിൽ നിന്നിട്ടുള്ളു പിന്നെ അവിടെ എല്ലാർക്കും ഞങ്ങളൊരു ബാധ്യത ആയെന്നു തോന്നി തുടങ്ങിയപ്പോ വേറൊരു വീട് വാടകക്ക് എടുത്തു പിനീട് വീട്ടിൽ നിന്നാരും വരാറില്ല . അന്ന് പോലീസ് സ്റ്റേഷനിൽ ഉണ്ടായിരുന്ന സുഹൃത്തുക്കളോ . അവരൊക്കെ കല്യാണം കഴിഞ്ഞു പലരും പുറത്ത് സെറ്റിലായി , ഫേസ്ബുക്കിൽ ആശംസകളും സപ്പോട്ടും തന്നവരാരും വന്നില്ലേ ,? ഏട്ടൻ കളിയാക്കാണോ .? അല്ല റോയ് ചോദിച്ചെന്നെ ഒള്ളു ,, അതാ ആ വാർഡിലാണ് അവൾ , പ്രസവ വാഡ് എന്നെഴുതിയ ആ വാതിലിനു മുന്നിൽ ഞാൻ ചെന്ന് നിന്നു ,, ഉള്ളിൽ കയറുമ്പോൾ ചങ്ക് പിടയുന്ന പോലെ അവളുടെ മുഖം കാണുമ്പോൾ ഉള്ള മാനസികാവസ്ഥ എങ്ങനെ പറയും , ആ വാർഡിലെ അറ്റത്തെ ബെഡിൽ അവൾ കിടക്കുന്നുണ്ട് എന്നെ കണ്ടതും എണീക്കാൻ ശ്രമിക്കുന്നുണ്ട് . ഒന്നും മിണ്ടാതെ അവളുടെ മുഖത്തേക്ക് കുറച്ചു നേരം ഞാൻ നോക്കി വെളുത്ത് തുടുത്ത എന്റെ വാവയുടെ മുഖം വല്ലാതെ ഇരുണ്ടപോലെ . എന്നെ കണ്ടതും ആ കണ്ണുകൾ നിറഞ്ഞു ഒഴുകാൻ തുടങ്ങി , എത്രനേരം നോക്കി നിന്ന് എന്നറിയില്ല പിടിച്ചു വെച്ച കണ്ണുനീർ എന്റെ കവിളിലൂടെ ദാരയായി ഒഴുകാൻ തുടങ്ങി ,, ഞാനവളുടെ അടുത്തേക്ക് നീങ്ങി നിന്ന് ഏട്ടാ എന്ന് വിളിച്ചവൾ എന്റെ നെഞ്ചിലേക്ക് തല ചായ്ച്ചപ്പോൾ .

സൈക്കിളിന് വേണ്ടി ഈ ഏട്ടന്റെ നെഞ്ചിൽ കിടന്നു കരഞ്ഞ എന്റെ വാവയുടെ മുഖം മുന്നിൽ കണ്ടു ,, അവളുടെ കരച്ചിൽ കണ്ടു കഴിഞ്ഞെതെല്ലാം ഞാൻ മറന്നു ആ കണ്ണുകൾ തുടച്ചു .അവളുടെ നെറ്റിയിൽ ചുംബിച്ചു . കണ്ണേട്ടാ ന്റെ കുഞ്ഞു , അവളെ കണ്ട മാത്രയിൽ കുഞ്ഞിനെ ഞാൻ നോക്കിയില്ല അവൾ കുഞ്ഞിനെ എടുത്തെന്റെ കൈയിൽ തന്നു ,, അവളെ പോലെ സുന്ദരി പെൺ കുഞ്ഞു . എന്ന വാവേ വീട്ടിൽ പോവാ , വാവേ എന്ന വിളി കേട്ടതും വീണ്ടും അവൾ കരയാൻ തുടങ്ങി . വാവേ എത്ര വലുതായാലും എത്ര കുഞ്ഞുങ്ങളുടെ അമ്മയായാലും നീ ഏട്ടന്റെ വാവ തന്ന്യാ ,,, ഹോസ്പിറ്റലിൽ നിന്ന് ഡിസ്ചാർജായി അവരേം കൂട്ടി ഞാൻ നാട്ടിലേക്ക് പോന്നു ഈ അവസ്ഥയിൽ ഒറ്റക്ക് കഴിയേണ്ട എന്നും പറഞ്ഞു , ഏഴു മണിക്കൂറുകൾ നീണ്ട യാത്ര വണ്ടി വീടിന് മുന്നിൽ ചെന്ന് നിന്നു ,, വണ്ടിയിൽ നിന്നിറങ്ങി മുറ്റത്തേക്ക് നോക്കി അവൾ ചോദിച്ചു ഏട്ടാ അച്ഛൻ വഴക്ക് പറയോ ,, ഇല്ല ഏട്ടന്റെ വാവ വായോ ആരും ഒന്നും പറയില്ല ,,

വീടിന്റെ പടികടന്നു അകത്തേക്ക് വന്നു വാതിൽ പൂട്ടി ഇട്ടിരിക്കുന്നു മുറ്റമാകെ കരിയിലകൾ വീണു കിടകുന്നു. ഏട്ടാ ഇവടെ ആരുമില്ലേ ,? ഉണ്ട് വായോ . വീടിന്റെ തെക്ക് ഭാഗത്തേക്ക് ഞാൻ നടന്നു അവരും എന്റെ കൂടെ വന്നു ,, അവിടെ അച്ഛന്റെയും അമ്മയുടെയും അസ്ഥിത്തറക്ക് മുന്നിൽ ചെന്ന് ഞാൻ അച്ഛനെ വിളിച്ചു പറഞ്ഞു ,, അച്ഛാ അച്ഛന്റെ വാവ വന്നു ഇതാ വാവടെ മോൾ . നോക്ക് അമ്മെ വാവയെ പോലെ തന്നെയല്ലേ അവളുടെ മോളും ,, തെറ്റ് ഏറ്റ് പറഞ്ഞു പൊട്ടിക്കരയാൻ തുടങ്ങിയ വാവായേം കൂട്ടി വീടിനകത്തേക്ക് നടക്കുമ്പോൾ ഇടനാഴിൽ പെയിന്റടിചു തുടച്ചു വെച്ച ആ കുഞ്ഞു സൈക്കിൾ ചിരിക്കുന്നുണ്ട് അതിന്റെ പുതിയ അവകാശിയെ നോക്കി , (ന്റെ വാവയുടെ മോളെ നോക്കി) ,

Continue Reading

Kampranthal

താടിക്കാരനെപ്പറ്റി പറയുമ്പോഴോക്കെ എനിക്ക് അതുവരെയില്ലാത്ത ദേഷ്യം വരുമായിരുന്നു..

Published

on

By

രചന: Nijila Abhina

“ഏട്ടന് വേണ്ടി പെണ്ണ് കാണാൻ പോയപ്പോഴാണ് ഞാനവനെ കണ്ടത്. ” “നാത്തൂനാകാൻ പോണ പെണ്ണിന്റെ ഒരേയൊരു ആങ്ങള ചെക്കൻ ” “വീട്ടിൽ ചെന്ന പാടെ ഏട്ടനുമായി സംസാരിക്കുന്നതിനു പകരം എന്നെയവൻ ചൂണ്ടയിടാൻ ശ്രമിച്ചു കൊണ്ടിരുന്നു ” നെറ്റിയിൽ ചന്ദനക്കുറി തൊട്ട ഒരു താടിക്കാരൻ ചെക്കൻ.. നാത്തൂനേ ഒരുപാട് ഇഷ്ടായേങ്കിലും ആ വിളഞ്ഞ വിത്തിനെ എനിക്കoഗീകരിക്കാനായില്ല….. “ആമിയേ കെട്ടിച്ചു വിടുന്നില്ലേ എന്ന ആ വീട്ടുകാരുടെ ചോദ്യത്തിനു ഏട്ടന്റെ മറുപടി അവൾ ചെറിയ കുട്ടിയാന്നാരുന്നു. എപ്പഴും കല്യാണക്കാര്യം പറഞ്ഞു ബഹളം വെക്കുന്ന ഏട്ടന്റെ മറുപടി കേട്ട് ഞാൻ അന്തിച്ചു പോയി.

“ചെറിയ കുട്ടിയാണേലും ജാടയ്ക്ക് ഒരു കുറവും ഇല്ലെന്ന താടിക്കാരന്റെ മറുപടി മറ്റാരും കേട്ടില്ലെങ്കിലും എന്നെ ചൊടിപ്പിച്ചു…… “കല്യാണം ഉറപ്പിച്ചു തിരിച്ചു വന്നെങ്കിലും താടിക്കാരനെപ്പറ്റി പറയുമ്പോഴോക്കെ എനിക്ക് അതുവരെയില്ലാത്ത ദേഷ്യം വരുമായിരുന്നു…. പിന്നീട് പലപ്പോഴും കണ്ടു ബസ്‌ സ്റ്റോപ്പിൽ വച്ചും അമ്പലത്തിൽ വച്ചും യാദൃശ്ചികമായി… പകയോടെ നോക്കുന്ന എന്നെ പുഞ്ചിരിച്ചു കാണിച്ച് അവൻ തിരിഞ്ഞ് നടക്കും… വീട്ടിൽ ഏട്ടന്റെയും അമ്മയുടെയും സംസാരത്തിൽ മുഴുവൻ അളിയൻ ചെക്കന്റെ ഗുണഗണങ്ങൾ ആരുന്നു…. ഭക്ഷണം കഴിക്കാതെ അലയുന്ന അനാഥര്ക്ക്‌ ഭക്ഷണപൊതി വാങ്ങി നല്കുന്ന…. കുട്ടികളെ കയറ്റാതെ പോകുന്ന പ്രൈവറ്റ് ബസ്‌ തടഞ്ഞു നിർത്തി അവരെ പറഞ്ഞയയ്ക്കുന്ന .. അച്ഛനെയും അമ്മേം പെങ്ങളേം പൊന്നുപോലെ സ്നേഹിക്കുന്ന താടിക്കാരന്റെ ഗുണങ്ങൾ… പതിയെ ആ പേര് എന്നിൽ പുഞ്ചിരി വിടര്ത്തി തുടങ്ങിയത് ഞാൻ അറിഞ്ഞു.. വളരെ അപ്രതീക്ഷിതമായി ആയിരുന്നു താടിക്കാരനെ ഞാൻ കോളേജിൽ വച്ചു വീണ്ടും കണ്ടത്.. പക മാറ്റി വെച്ചു മിണ്ടാൻ ചെന്ന എന്നെ മൈൻഡ് ചെയ്യാതെ അവൻ മുന്നോട്ടു പോയപ്പോൾ അറിയാതെ എന്റെ കണ്ണിൽ നിന്ന് രണ്ടു തുള്ളി കണ്ണീർ പൊഴിഞ്ഞു. അന്ന് ഞാനറിയുകയായിരുന്നു ഞാനവനെ സ്നേഹിച്ചു തുടങ്ങി എന്ന്….. തിരിച്ചു പോകാൻ നേരം താടിക്കാരൻ എന്റടുത്ത് വന്നു പറഞ്ഞു…

“അന്ന് അമ്മൂനെ കാണാൻ നിങ്ങൾ വന്നപ്പോ തന്റടുത്ത് ഒലിപ്പിച്ചോണ്ട് വന്നതൊന്നുമല്ല….. നിന്റെ ഏട്ടൻ പറഞ്ഞിട്ടാ അങ്ങനൊരു നാടകം കളിച്ചേ… വരുന്ന ആലോചനകൾ ഒക്കെ മുടക്കുന്ന നിന്നെ എന്റെ തലയിൽ കെട്ടി വെച്ചാലോ എന്നൊരു മോഹം…. ” സങ്കടവും ദേഷ്യവും ഒരുമിച്ചു വന്നെങ്കിലും ഏട്ടനോട് ചോതിച്ചില്ല… അവന്റെ വാക്കുകൾ കേട്ടെന്റെ തല മരവിച്ചു പോയിരുന്നു. പിന്നീട് പലപ്പോൾ കണ്ടപ്പോഴും അവന്റെ കൂട്ടു നേടുവാൻ ഞാൻ ശ്രമിച്ചു… ഒടുവിലവന്റെ സൗഹൃദം നേടിയെടുത്തപ്പോൾ സ്വർഗം കിട്ടിയ സന്തോഷമായിരുന്നെനിക്ക്…. എന്നുമുളള സംസാരവും ഇടയ്ക്കുള്ള കാണലും ഞങ്ങളുടെ സൗഹൃദം പ്രണയത്തിന് വഴി മാറി…. ഏട്ടന്റെ കല്യാണത്തിന് രണ്ടാഴ്ച മാത്രം ഉള്ളപ്പോഴാണ് താടിക്കാരനും അച്ഛനും അമ്മേം നാത്തൂനും കൂടി വീട്ടിലേക്ക് വന്നത്. രണ്ടു കല്യാണവും ഒരുമിച്ച് നടത്തിയാലോ എന്ന്……. എന്റെ മനസ്സിൽ നിറഞ്ഞ സന്തോഷത്തേക്കാൾ സന്തോഷം ഏട്ടനും അമ്മയ്ക്കും ആയിരുന്നു…

ഒരേ പന്തലിൽ വച്ച് താടിക്കാരൻ എന്റെ കഴുത്തിൽ താലി കെട്ടിയപ്പോൾ ഏട്ടന്റെ മനസിലും ഞാൻ നല്ലൊരുകൈകളിൽ എത്തിയ സന്തോഷം ആയിരുന്നു…. ” പോകാൻ നേരം കരഞ്ഞു കാറിവിളിച്ച് ഏട്ടനെ ചുറ്റിപ്പിടിച്ച എന്നോട് ഏട്ടൻ പതിയെ പറഞ്ഞു… “എടി കാന്താരി നിന്നെ കെട്ടിക്കാൻ ഞങ്ങൾ നടത്തിയ നാടകമാ എന്റെയി കല്യാണം വരെ.. ” വാ പൊളിച്ചു നിന്ന എന്റെ വായടച്ച് കൊണ്ട് ഏട്ടൻ പറഞ്ഞു…. “ഒന്ന് പോയേടി പെണ്ണേ എന്നിട്ട് വേണം എനിക്കിവളെം കൊണ്ടൊന്നുപോകാൻ… ” തങ്ങളുടെ പ്ളാനിംഗ് ജയിച്ച സന്തോഷത്തോടെ താടിക്കാരനെന്റെ കൈപിടിച്ചപ്പോൾ ഞാൻ പതിയെ പറഞ്ഞു.. ഈ നാടകം എനിക്കൊത്തിരി ഇഷ്ടായി എന്ന്….

Continue Reading

Kampranthal

എന്റെ കണ്ണുകൾ തിരയുന്നത് മറ്റൊരാൾക്ക്‌ വേണ്ടിയാണ്

Published

on

By

രചന: Nafiya Nafi

ഇന്നെന്റെ വിവാഹ ദിവസമാണ്.ആഭരണങ്ങളും പുതുവസ്ത്രവും അണിഞ്ഞു ചെക്കന് വേണ്ടി കാത്തു നിൽകുമ്പോഴും എന്റെ കണ്ണുകൾ തിരയുന്നത് മറ്റൊരാൾക്ക്‌ വേണ്ടിയാണ്. അഥിതികൾ ഓരോരുത്തർ വന്നും പോയി ഇരുന്നു… ഇടക്ക് പുറത്തേക്കു നോക്കിയപ്പോഴാണ് സമപ്രായക്കാരായ രണ്ടു പെൺകുട്ടികളെ കണ്ടത്… കളിച്ചും ചിരിച്ചുമുള്ള അവരുടെ സംസാരം അതെന്നെ വർഷങ്ങൾ പിന്നിലേക്ക് കൊണ്ട് പോയി. .രവി സാറിന്റെ കയ്യും പിടിച്ച് ക്ലാസ്സിലേക്ക് വന്ന അന്നാണ് ഞാൻ അവളെ ആദ്യമായി കാണുന്നത്.വിടർന്ന കണ്ണുകളും ഇടതൂർന്ന മുടിയിഴകളും വശ്യമായ പുഞ്ചിരിയുമുള്ള അവൾ സുമേയാ. പ്രായത്തിൽ കവിഞ്ഞ പക്വതയും ,മിതമായ സംസാരം രീതിയും പഠനത്തിലും പഠനേതര വിഷയങ്ങളിലും അവൾ കാണിച്ച മികവും അവളെ മറ്റുള്ളവരിൽ നിന്നും വ്യത്യസ്തയാക്കി. സ്കൂളിന് അടുത്തുള്ള വാടക വീട്ടിൽ ഉമ്മയും ഉപ്പയും അവളും അടങ്ങുന്ന ഒരു കൊച്ചു കുടുംബം.എന്റെ തൊട്ടടുത്തിരുന്ന് ഞങ്ങൾ ഉറ്റസുഹൃത്തുക്കളായി മാറിയിട്ട് കൂടി അവളുടെ നാടും വീടും ആത്മാവും എനിക്ക് അറിയില്ലായിരുന്നു.ഞാൻ ചോദിച്ചിട്ടും ഒഴിഞ്ഞു മാറ്റം മാത്രം ആയിരുന്നു മറുപടി.അറിയും തോറും അവളെനിക്ക് കൗതുകമായിരുന്നു ..

പലതവണ ഞാൻ വീട്ടിലേക്കു ക്ഷണിച്ചു എങ്കിലും അതും നിരസിച്ചു.കണ്ടില്ലെങ്കിലും അവളെന്റെ വീട്ടിൽ പരിചിതയായിരുന്നു..ഉച്ചയൂണിനു പതിവായി വീട്ടിൽ പോകാറുള്ള അവളോട്‌ കുടുംബത്തെ കാണാനുള്ള ആഗ്രഹം കൊണ്ട് പലയാവർത്തി വീട്ടിലേക്കു പോന്നോട്ടെ എന്നുള്ള എന്റെ ചോദ്യത്തിന് പുഞ്ചിരിച്ചു കൊണ്ട് പിന്നീടാകാം എന്ന് മാത്രമാണ് മറുപടി ഉണ്ടായിരുന്നത്.. പരീക്ഷയെല്ലാം കഴിഞ്ഞു സ്കൂൾ പൂട്ടുന്ന ദിവസമായിരുന്നു അന്ന്..കൈ കഴുകി ഭക്ഷണം കഴിക്കാൻ ഇരുന്ന എന്റെ അടുത്ത് വന്ന് അവൾ ചോദിച്ചു “‘നീ വരുന്നോ എന്റെ കൂടെ “‘..കേട്ടപാതി കേൾക്കാത്ത പാതി ചോറ്റുപാത്രം അടച്ചു വെച്ച് ഞാൻ അവളുടെ കൂടെ ഇറങ്ങാൻ ഒരുങ്ങിയപ്പോൾ എന്റെ ചോറ്റുപാത്രം കൂടി എടുക്കാൻ അവൾ ആവശ്യപെട്ടു. വിഭവങ്ങൾ ഒരുക്കി മകളെ കാത്തിരിക്കുന്ന ഒരു ഉമ്മയെയാണ് ഞാൻ അവിടെ പ്രതീക്ഷിച്ചത്..എന്നാൽ വീട്ടിലെത്തിയപ്പോൾ വാതിൽ അടഞ്ഞു കിടക്കുന്നു.ജനലഴിക്കുള്ളിലൂടെ താക്കോൽ എടുത്ത് വാതിലും തുറന്ന് വീട്ടിലേക്കു സലാം ചൊല്ലി പ്രവേശിച്ചപ്പോൾ തിരിച്ച് മറുപടി ഒന്നും കേട്ടതും ഇല്ല. ഒരു മുറിയും ഒരടുക്കളയും അടങ്ങുന്ന ഒരു കുഞ്ഞു വീട്..ഉമ്മയെ കാണാത്തപ്പോൾ ഞാനാ മുറിയിലേക്ക് ഒന്ന് എത്തി നോക്കി..ഒരു പ്രാവശ്യം മാത്രമേ നോക്കിയുള്ളൂ…തലകറങ്ങി ഞാനാ കസേരയിൽ ഇരുന്നു. എന്റെ പരിഭ്രാന്തി കണ്ടിട്ടാകാണo അവളെനിക്ക് വെള്ളം നീട്ടിയത്.. “‘ഉമ്മിയാണ് കുറച്ചു വർഷങ്ങൾ ആയി സുഖമില്ല “എന്നവൾ എന്നോട് പറഞ്ഞപ്പോൾ മറുപടി എന്നോണം ഉപ്പയെ ആയിരുന്നു ഞാൻ ചോദിച്ചത്.. എല്ലാം ഞാൻ പറയാം എന്നും പറഞ്ഞ് തീൻമേശയിലേക്ക് വിളിച്ചപ്പോൾ അവിടെ സമൃദ്ധമായ സദ്യക്ക് പകരം പഴംകഞ്ഞി ആയിരുന്നു..

ഞാൻ കഴിച്ചത് എന്റെ ചോറ്റു പാത്രത്തിലെ ചോറും..രുചിയോടെ അവളതു കഴിക്കുന്നത് കണ്ടപ്പോൾ എനിക്ക് കൗതുകം ആയിരുന്നു. അവളുടെ വസ്ത്രങ്ങളും പുസ്തകങ്ങളും ഓരോന്നായി കാണിച്ചു തന്നപ്പോൾ ഞാൻ ചിന്തിച്ചത് ഇഷ്ട വിഭവം ഇല്ലെന്നു പറഞ്ഞ് വഴക്കിടുന്ന..ഡ്രെസ്സിലെ പൂവിന്റെ നിറം മങ്ങിയെന്നു പറഞ്ഞ് അതൊഴിവാക്കുന്ന എന്നെ കുറിച്ചാണ്. ഉമ്മിയുടെ വായിലേക്ക് കഞ്ഞി ഒഴിച്ചു കൊടുക്കുന്നതിനു ഇടയിൽ അവൾ പറയുന്നുണ്ടായിരുന്നു.. മലപ്പുറത്തെ ഒരു നാട്ടിൻപുറത്ത് സമൂഹം കള്ളനെന്നു ഓമനപേരിട്ടു വിളിച്ച ഒരുപ്പയുടെ മകളായി ജനനം..സ്നേഹനിധിയായ ഉമ്മാക്ക് മുഖവും ശരീരവും വികൃതമായി മാറുന്ന മാറാവ്യാധി പിടിപെട്ടപ്പോൾ ജനിപ്പിച്ച അച്ഛൻ ഉപേക്ഷിച്ചു പോയി. നാട്ടുകാരുടെ സഹായത്തോടെ ആയിരുന്നു പിന്നീട് ജീവിതം.പഠിക്കാൻ മിടുക്കി.. ആ ഇടക്ക് ക്ലാസ്സിലെ ഒരു സുഹൃത്ത്‌ ഉമ്മയെ കാണാൻ വീട്ടിൽ വരികയും ക്ലാസ്സിൽ ചെന്ന് മറ്റുള്ളവരുടെ മുൻപിൽ വെച്ച് “‘അവളുടെ ഉമ്മയുടെ മുഖം ഒരു മൃഗത്തെ പോലെയാണെന്ന് പറഞ്ഞ് ആക്ഷേപിച്ചപ്പോൾ ഉണ്ടായ വേദന കൊണ്ടെത്തിച്ചത് പഠനം നിർത്തുന്നതിലേക്ക് ആയിരുന്നു. പഠനം പാതിവഴിയിൽ ഉപേക്ഷിച്ചു എന്നറിഞ്ഞ അയൽവാസിയായ രവി സാർ എന്നെയും കുടുംബത്തെയും പിന്നീട് ഇങ്ങോട്ട് കൊണ്ട് വരികയായിരുന്നു.. എന്നെ ദത്തു പുത്രിയാക്കിയതോടൊപ്പം എന്റെ ഉമ്മയുടെ ചികിത്സ ചിലവും കൂടി അദ്ദേഹം ഏറ്റെടുത്തപ്പോൾ അദ്ദേഹം എനിക്ക് ദൈവതുല്യനായ ഗുരുവായി..

ചുരുങ്ങിയ വരിയിൽ അവളുടെ വലിയ ജീവിതം എനിക്ക് മുൻപിൽ പറഞ്ഞപ്പോൾ അവളിലൂടെ ഞാൻ മറ്റൊരു ലോകത്തെത്തി. ഉമ്മയോട് സലാം ചൊല്ലി വീട്ടിൽ നിന്നിറങ്ങിയപ്പോൾ ചിന്തകൾ പലതും ആയിരുന്നു.. കർക്കഷക്കാരനായ രവി സാർ അവൾക്കു ദൈവ തുല്യൻ ആയപ്പോൾ ഞാൻ ഉൾക്കൊണ്ട പാഠം ഒരദ്യാപകൻ ആണ് ഒരു വിദ്യാർത്ഥിയുടെ ആദ്യ പാഠപുസ്തകം ആകേണ്ടതു എന്നായിരുന്നു.. ദിവസം കഴിയും തോറും അവളോടുള്ള ഇഷ്ടവും ബഹുമാനവും കൂടി.. എനിക്ക് മാത്രമല്ല എന്റെ വീട്ടുകാർക്കും…വർഷങ്ങൾ പലതും കഴിഞ്ഞു.. ഞങ്ങളുടെ സൗഹൃദത്തിന്റെ ആഴവും കൂടി..എന്റെ വീട്ടിലെ ഒരംഗമായി അവളും മാറി..ഞാൻ കഴിക്കുന്ന മിട്ടായിയുടെ പാതി അവകാശി അവൾ ആയിരുന്നു..എനിക്ക് പുതുതായി എന്തെടുത്താലും കൂടെ അവൾക്കും എടുക്കാൻ ഉപ്പ മറന്നില്ല.. എനിക്കവൾ സഹോദരിയും ഉമ്മക്കും ഉപ്പക്കും അവൾ മകളുമായി മാറിയപ്പോൾ ഇക്കാക്കയുടെ മനസ്സിൽ അവളെ നല്ലപാതി ആക്കാനുള്ള ആഗ്രഹവും ഉടലെടുത്തു. എന്റെ പിന്തുണയോടെ ഇക്ക പല തവണ ആവശ്യം പറഞ്ഞെങ്കിലും നിരാശ മാത്രം ആയിരുന്നു ഫലം.ഉമ്മയെ തനിച്ചാക്കി ഞാൻ മറ്റൊരു ജീവിതവും സുഖവും തേടിപോകില്ല എന്നായിരുന്നു അവളുടെ പക്ഷം.. പക്ഷെ ഉമ്മാക്ക് വേണ്ടിയുള്ള അവളുടെ ജീവിതം അധികം നീണ്ടു നിന്നില്ല..അസുഖം കൂടി അവർ മരണത്തിനു കീഴടങ്ങിയപ്പോൾ അനാഥ എന്നൊരു വിളിപ്പേര് കൂടി അവൾക്കു സ്വന്തമായി. ചെറുപ്രായത്തിൽ പിതാവിനാൽ ഉപേക്ഷിക്കപെട്ടവൾ..കള്ളന്റെ മകളെന്ന് പരിഹസിക്കപെട്ടവൾ. സഹതാപത്തിന്റെയും ദാരിദ്രത്തിന്റെയും രുചിയറിഞ്ഞു വളർന്നവൾ ഒടുവിൽ ഒറ്റപ്പെടലിന്റെയും അനാഥതത്തിന്റെയും വേദന കൂടി അറിഞ്ഞപ്പോൾ വിഷാദ രോഗതിന് അടിമപെടുമെന്നു ഭയന്ന് ഞാനാണ് ഇക്കാക്ക് അവളോടുള്ള താല്പര്യം വീട്ടിൽ അറിയിച്ചത്.

പക്ഷെ മക്കളുടെ കാര്യത്തിൽ മാതാപിതാക്കൾ സ്വാർത്ഥർ ആകുമെന്ന് ഇവടെയും സത്യമായി..ഒരനാഥ പെണ്ണിനെ മരുമകൾ ആക്കാൻ അവർ ഒരുക്കമല്ലായിരുന്നു.. കൈ നിറയെ സ്ത്രീധനം കൊണ്ട് വരുന്ന മരുമകളെയാണ് അവർക്കും വേണ്ടിയിരുന്നതു. എന്നാൽ സ്നേഹിച്ച പെണ്ണിനെ കൈ ഒഴിയാൻ ഇക്കാക്കയും കൂട്ടുകാരിയെ അറിഞ്ഞു കൊണ്ട് ഉപേക്ഷിക്കാൻ ഞാനും തയ്യാറായില്ല. എല്ലാം നഷ്ടപ്പെട്ട് സ്വബോധം പോലും ഇല്ലാത്ത സമയത്താണ് ഇക്കാക്ക അവൾക്കു മഹർ ചാർത്തിയത് ..മാതാപിതാക്കളുടെ സ്ഥാനത്ത്‌ രവി സാറും കൂടെപിറപ്പായ എന്റെയും സാനിധ്യം മാത്രമേ അവിടെ ഉണ്ടായിരുന്നുള്ളൂ.. പ്രതീക്ഷച്ചത് പോലെ വീട്ടിൽ അവൾക്കു സ്ഥാനം ഇല്ലായിരുന്നു.അവളുടെ കയ്യും പിടിച്ച് അന്നിറങ്ങിയതാണ് ഇക്കാക്ക.. പിന്നീട് ഒരു വിവരവും ഇല്ലായിരുന്നു.. വർഷങ്ങൾ മാറി വന്നു ഉമ്മയുടെയും ഉപ്പയുടെയും മനസ്സ് മാറി തുടങ്ങി.. അവരെ കണ്ടു പിടിക്കാനുള്ള ഓട്ടമായിരുന്നു പിന്നീട്.. അന്വേഷണം പല വഴിക്കും തിരിഞ്ഞു.എന്റെ കല്യാണം ഉറപ്പിച്ച അന്ന് മുതൽ എനിക്ക് പിന്തുണ നൽകി എന്റെ ഭർത്താവും ഏറെ സഹായിച്ചു.. രവി സാറിനെ അന്വേഷിചിറങ്ങിയപ്പോൾ ചെറിയ ഒരു പ്രതീക്ഷ ഉണ്ടായിരുന്നു..പക്ഷെ അവിടെ എത്തിയപ്പോൾ അദ്ദേഹം ഒരു യാത്രയിൽ ആണെന്ന് മാത്രം അറിഞ്ഞു.. ഇന്നിതാ കല്യാണദിവസം വന്നെത്തി..ആളും ബഹളവും കേമമായി കല്യാണം നടക്കുമ്പോഴും ഉള്ളിൽ എവിടെയോ ഒരു കുഞ്ഞു പ്രതീക്ഷയോടെ എന്റെ കണ്ണുകൾ തിരയുന്നത് അനിയത്തിയുടെ ജീവിതത്തിലെ മനോഹരമായ നിമിഷത്തിന് സാക്ഷിയാവാൻ എന്റെ ഇക്കാക്ക സുമിയുടെ കയ്യും പിടിച്ച് വരുന്നതാണ്.

പക്ഷെ പ്രതീക്ഷ അസ്തമിച്ചു നിറകണ്ണുകളോടെ മഹർ ചാർത്താൻ ഞാൻ കഴുത്ത് നീട്ടാൻ ഒരുങ്ങിയതും എന്റെ ചുമലിൽ കൈ വെച്ചാരോ പറഞ്ഞു “‘മോളെ ബിസ്മി ചൊല്ലാൻ മറക്കല്ലേ “‘ എന്റെ ചെവിയിൽ പ്രകമ്പനo കൊള്ളിച്ച ആ ശബ്ദം കേട്ട് ഞാൻ തിരിഞ്ഞു നോക്കിയതും കയ്യിൽ ഒരു കുഞ്ഞു മാലാഖയുമായി ഇക്കാക്കയുo കൈ നിറയെ സമ്മാനങ്ങളുമായി സുമിയുo രവി സാറും. എന്റെ മുൻപിൽ . “എങ്ങനെയുണ്ട് എന്റെ വിവാഹസമ്മാനം” എന്ന് ചോദിച്ചു എന്റെ ഭർത്താവ് എന്നെ ചേർത്ത് പിടിച്ചപ്പോൾ എന്റെ മുൻപിൽ ഒരായിരം ചോദ്യങ്ങൾ ആയിരുന്നു. വിവരങ്ങൾ ഞാൻ പറഞ്ഞ അന്ന് തന്നെ അന്വേഷണം ആരംഭിച്ചിരുന്നു എന്നും മാഷിന്റെ സഹായത്തോടെ ഇക്കയെ കണ്ടു പിടിച്ചു അവിടെ എത്തിയപ്പോൾ സുമിയാണ് നിന്നെ ഒന്നും അറിയിക്കരുത് എന്ന് പറഞ്ഞതും.. നനഞ്ഞ കണ്ണുകൾ കൊണ്ട് ഭർത്താവിനു നന്ദി അറിയിച്ചു സുമിയെ വാരിപുണർന്നപ്പോൾ എല്ലാം കണ്ടും കേട്ടും നിന്ന ഉപ്പയും ഉമ്മയും ഇക്കയുടെ മാലാഖകുഞ്ഞിനെ കോരിയെടുത്തു ഉമ്മ വെക്കുന്ന തിരക്കിൽ ആയിരുന്നു

Continue Reading

Writeups

Malayalam Article22 hours ago

മകൾ പ്രണയിച്ച് വിവാഹം ചെയ്തു, അമ്മയുടെ വക മകൾക്ക് ആദരാഞ്ജലികൾ

തിരുനെല്‍വേലി ജില്ലയിലെ തിശയന്‍വിളയിലാണ് സംഭവം. അമരാവതിയെന്ന വീട്ടമ്മയാണ് മകള്‍ക്ക് ആദരാഞ്ജലി അര്‍പ്പിച്ച്‌ പോസ്റ്റര്‍ പതിച്ചത്. 19 വയസുകാരിയായ മകള്‍ അഭി അയല്‍വാസിയായ യുവാവിനെ പ്രണയിച്ച്‌ വിവാഹം കഴിച്ചതാണ്...

Malayalam Article3 days ago

ക്യാന്‍സറിനെ പൊരുതി തോല്‍പ്പിച്ച നന്ദു മഹാദേവന് കല്യാണം

ക്യാന്‍സറിനെ പൊരുതി തോല്‍പ്പിച്ച നന്ദു മഹാദേവയ്ക്ക് കല്യാണം. നന്ദുവിന്റെ ഫേസ് ബുക്ക് കുറിപ്പ് ഇങ്ങനെ : ഈ വരുന്ന ബുധനാഴ്ച എന്റെ കല്യാണമാണ് !! രാവിലെ പത്ത്...

Malayalam Article4 days ago

മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് ചികിത്സയ്ക്കായി എനിക്ക് ലഭിച്ച തുകയിൽ ഒര് പങ്ക് പ്രളയദുരിതാശ്വാസത്തിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക്.. നടി ശരണ്യ

തന്റെ ചികിത്സയ്ക്കായി ദുരിതാശ്വാസനിധിയില്‍ നിന്നും അനുവദിച്ച തുകയില്‍ നിന്നും ഒരു പങ്കാണ് താരം മഴക്കെടുതി അനുഭവിക്കുന്നവര്‍ക്കായി തിരിച്ചുനല്‍കിയത്. തന്റെ ഫേസ്ബുക്ക് പേജിലൂടെയാണ് ശരണ്യ ഈ വിവരം അറിയിച്ചത്. സ്വാതന്ത്ര്യ...

Malayalam Article1 week ago

എല്ലാം നഷ്ട്ടമായവർക്ക് ഒരു കൈത്താങ്ങായി ഇനി ഈ കൊച്ചു മിടുക്കിയും

പ്രളയ ബാധിതരായ കുടുംബങ്ങൾക്ക് ഒര് കൈത്താങ്ങായി ഇനി ഞാനുമുണ്ട്. തന്റെ ചുറ്റുമുള്ളവർ ദുരിത കയത്തിൽ മുങ്ങിയപ്പോൾ അവർക്കുവേണ്ടി തനിക്ക് ഒന്നും ചെയ്യാനായില്ല. എനിക്കും എന്തെങ്കിലുമൊക്കെ ചെയ്യണം അവരെ...

Malayalam Article2 weeks ago

പോലീസുകാരിക്ക് ഗുണ്ടയോട് തോന്നിയ പ്രണയം, ഒടുവിൽ സംഭവിച്ചത് കണ്ടോ

കോടതിയില്‍ കൊണ്ടുവന്നപ്പോള്‍ ആദ്യ കാഴ്ചയില്‍ തന്നെ പോലീസുകാരിക്ക് ഗുണ്ടയോട് പ്രണയം. സിനിമാക്കഥ പോലെ തോന്നിപ്പിക്കുന്ന അസാധാരണ പ്രണയകഥ ഉത്തര്‍പ്രദേശിലെ ഗ്രേറ്റര്‍ നോയ്ഡയില്‍ നിന്നുമാണ്. മന്‍മോഹന്‍ ഗോയല്‍ എന്ന വ്യാപാരിയെ കൊലപ്പെടുത്തിയ...

Malayalam Article2 weeks ago

കനത്ത മഴയും കാലവര്‍ഷവുമാണ് കഞ്ചാവുകാരനെ പിടികൂടാന്‍ സഹായിച്ചത്

കനത്ത മഴ കാരണം കൈയിൽ ഇരിക്കുന്ന കഞ്ചാവ് നനയുമെന്ന് കരുതി കഞ്ചാവെല്ലാം വിറ്റഴിക്കാന്‍  ശ്രമിച്ചയാളെ എക്‌സൈസ് പിടികൂടി. മീൻ കച്ചവടത്തിന്റെ മറവിലാണ് ഇയാൾ കഞ്ചാവ് വിൽക്കാൻ ശ്രെമിച്ചത്. കഞ്ചാവ് കടത്താന്‍...

Malayalam Article2 weeks ago

വനിതാ പോലീസുകാർ ഉണ്ടായിട്ടും അവർ അനങ്ങിയില്ല, പുരുഷപ്പോലീസിന്റെ മർദ്ദനമേറ്റ് യുവതി ഗുരുതരാവസ്ഥയിൽ

പട്ടയമാവശ്യപ്പെട്ട് കളക്ടറുടെ ചേംബര്‍ ഉപരോധിച്ചവരെ അര്‍ധരാത്രിയില്‍ പോലീസ് ബലം പ്രയോഗിച്ച്‌ അവിടെനിന്നും മാറ്റുന്നതിനിടെ പുരുഷപോലീസിന്റെ മർദ്ദനമേറ്റ് യുവതിക്ക് ഗുരുതര പരിക്ക്. പീച്ചി പായ്ക്കണ്ടം ഇച്ചിക്കല്‍ വീട്ടില്‍ നിഷയാണ് പോലീസിന്റെ...

Malayalam Article2 weeks ago

സ്ട്രെച്ച് മാർക്കുകളുമായി നടി ആമി ജാക്‌സന്റെ നിറവയർ ചിത്രങ്ങൾ വൈറലാകുന്നു

മദ്‌റഡ് പട്ടണത്തിലൂടെ തമിഴകത്തേക്ക് എത്തിയ  താരമാണ് അമി ജാക്സൺ. തുടർന്ന് വിക്രം ചിത്രം ഐ യിലൂടെയും, രജനികാന്ത് ചിത്രം യന്തിരൻ 2 വിലൂടെയും പ്രേക്ഷക ശ്രെദ്ധ നേടിയ...

Malayalam Article2 weeks ago

കേരളത്തിലെ ആദ്യത്തെ പുരുഷ ദമ്പതികളെ നിങ്ങൾക്കറിയാമോ, അത് ഇവരാണ്

വിവാഹം കഴിക്കണം ഒരു കുഞ്ഞിനെ ദത്തെടുത്ത് സന്തോഷത്തോടെ ജീവിക്കണം. അതിനുള്ള കാത്തിരിപ്പിലാണ് ആദ്യ സുവർഗ പുരുഷ ദമ്പതികൾ. തങ്ങൾ ആദ്യ പുരുഷ ദമ്പതിമാരാണെന്ന് വെളിപ്പെടുത്തിയിരിക്കുകയാണ് നികേഷും സോനുവും....

Malayalam Article2 weeks ago

കരഞ്ഞു കലങ്ങിയ കണ്ണുമായാണ് കളക്ട്രേറ്റുകളിലെ ഓഫീസുകളിൽ കയറിയിറങ്ങിയത്, ഒടുവിൽ സങ്കടം കേട്ട ആൾ ആരാണെന്ന് അറിഞ്ഞപ്പോൾ ഞെട്ടിപ്പോയി

കരഞ്ഞു കലങ്ങിയ കണ്ണുകളുമായാണ് കളക്ട്രേറ്റിലെ ഓഫീസുകളിൽ കേറിയിറങ്ങി മടുത്ത ഫോർട്ട് കൊച്ചി സ്വദേശി വൈകുന്നേരം കളക്ട്രേറ്റിനടുത്തെ ചായ കടയിൽ എത്തിയത്. കടയിൽ എത്തി അവിടെ കണ്ട ഒരു...

Trending

Don`t copy text!