Connect with us

Malayalam Article

ഒരു പെണ്ണ് തന്റെ വിവാഹശേഷം പൂർവ്വ കാമുകനെ ഓർക്കുമോ ?

Published

on

ലോകത്തൊരു പെണ്ണുംവിവാഹശേഷം തന്റെ പൂർവ്വകാമുകനെ കാണാൻ ആഗ്രഹിക്കുകയില്ല…..,മാത്രമല്ലഇനി അഥവ യാദൃശ്ചികമായികണ്ടാൽ തന്നെ അവിടുന്ന് മെല്ലെ മാറുകയോ മറ്റെന്തെങ്കിലും മറയാക്കി മറഞ്ഞു നിൽക്കുകയോ മാത്രമേ ചെയ്യൂ.,എന്നിട്ടുംപന്ത്രണ്ടു വർഷങ്ങക്കിപ്പുറം..,
അവൾക്ക് എന്നെ ഒരിക്കൽ കൂടി കാണണമത്രെ…,ഒരേയൊരു പകൽ മാത്രം തമ്മിൽ പഴയത് പോലെ ചിലവഴിച്ചാലോ എന്നതാണ് ഓഫർ…,ഒരു രഹസ്യസമാഗമം…!
അവളുടെ ഓഫർ സ്വീകരിക്കണമോ വേണ്ടയോ എന്നൊരു സംശയം ..അത് മറ്റൊന്നും കൊണ്ടല്ല,അവൾക്ക് എന്തോ ഒരു ഉദ്ദേശ്യലക്ഷ്യം ഉണ്ട്…,

അതല്ലാതെ ഇത്രയും വർഷത്തിനിപ്പുറം വീണ്ടും ഇങ്ങനെയൊരു കൂടിക്കാഴ്ച അവൾ വെറുതെ പ്ലാൻ ചെയ്തതാവില്ല എന്നുറപ്പ്…,ഒന്നുകിൽഅവളുടെ ജീവിതം ഞാനില്ലാതെയും സുഖകരവും സന്തോഷവുമായി മുന്നോട്ടു പോകുന്നുണ്ടെന്നു കാണിക്കാൻ…
അല്ലെങ്കിൽഇതുവരെ നേടിയതും സ്വന്തമാക്കിയതുമെല്ലാം അക്കമിട്ടു നിരത്തി അന്നവൾ എന്നോട് ചെയ്തതെല്ലാം അവളുടെ ജീവിതത്തിൽ ശരിയായിരുന്നു എന്ന് കാണിക്കാൻ…കുറച്ചു നേരത്തെ ആലോചനകൾക്ക് ശേഷം ഞാനും അവളെ കാണാൻ തീരുമാനിച്ചു.അതു മറ്റൊന്നും കൊണ്ടല്ല…,

ഒരിക്കൽ കൂടി അവളെ കാണാൻഒരു മോഹം എന്തെങ്കിലും കെണിയും കൊണ്ടാവും അവൾ വരുകയെന്ന് അറിയാമായിരുന്നിട്ടും.അവളെ കാണാൻ തീരുമാനിച്ചതു മുതൽ,മനസ്സിന്റെ ഉള്ളിൽ ഉറക്കിക്കെടുത്തിയ പ്രണയത്തിന്റെ ആ പഴയ പൂക്കാലം വീണ്ടും തളിരിട്ടു.അവളുമായി പ്രണയിച്ചിരുന്ന കാലത്തു കേട്ടിരുന്ന ശ്രുതിമധുരമായ പാട്ടുകൾ ഞാൻ മൊബൈലിൽ വീണ്ടും കേട്ടു,
ആ പാട്ടുകൾക്കെല്ലാംആ കാലത്തെയും ദിവസത്തെയും പോലും അതേ ആവേശത്തോടെ തിരിച്ചു നൽകാൻ ആവുമെന്നു കാലം തെളിയിച്ചു തന്നു.

അല്ലെങ്കിലുംവേർപിരിക്കാനുംവെട്ടി മുറിക്കാനുമൊക്കെയല്ലെപലർക്കും പറ്റൂഅതല്ലാതെ അന്ന് പരസ്പരംതമ്മിൽ അനുഭവിച്ചു കൊണ്ടിരുന്നആ അനുഭൂതിയെ മാത്രം നമ്മളിൽ നിന്നടർത്തി മാറ്റാൻ ആരെ കൊണ്ടും സാധിക്കില്ലാല്ലോ…,
വീണ്ടും കണ്ടുമുട്ടാൻ പഴയ അതെ ഇടങ്ങൾ തന്നെയാണ് വീണ്ടുംഞങ്ങൾ തിരഞ്ഞെടുത്തത്.അതിൽ എന്റെതായ ഒരാഗ്രഹപൂർത്തീകരണം കൂടി ബാക്കിയുണ്ടായിരുന്നു.

ആ നാട്ടിൽ സ്റ്റീൽന്റെകപ്പും സോസറിലുമായി ബ്രൂ കോഫീ കിട്ടുന്നൊരു കടയുണ്ടായിരുന്നു.അവിടെ അവളോടൊത്തിരുന്നു ഒരു കാപ്പി കുടിക്കണം എന്നൊരാഗ്രഹം മാത്രം അന്ന് സാധിച്ചില്ല….,നടക്കില്ലെന്നു കരുതി കൈവിട്ട ആ മോഹം പിന്നെയും തന്നേ തേടിവന്നിരിക്കുന്നു….,
അങ്ങിനെ ഇന്നതും സാധ്യമായിരിക്കുന്നു..ഇന്നവളോടൊത്ത് അതെയിടത്തു നിന്ന് കാപ്പി കുടിക്കുന്നതിനിടയിലും ഞാനവളെ ശ്രദ്ധിക്കുകയായിരുന്നു…ആ പതിനെട്ടു വയസ്സുക്കാരിയിൽ നിന്ന് ഇപ്പോഴത്തെ മുപ്പതു വയസ്സുക്കാരിയിലേക്കു എത്തിയപ്പോൾ അവളുടെ കുട്ടിത്വമെല്ലാം നഷ്ടമായിരിക്കുന്നു..

ഇപ്പോഴവളെ ഒരു സ്ത്രീ എന്ന് പറയുന്നതായിരിക്കും ശരി. ..എനിക്ക് അംഗീകരിക്കാൻ എന്തോ ആവുന്നില്ല ഇത് പഴയ അവൾ തന്നെയാണെന്ന്….,അതിനിടയിലും ഞാൻ അവളോടു ചോദിച്ചു.ഇത്ര വർഷങ്ങൾക്കു ശേഷം ഇപ്പോൾ വീണ്ടും എന്താ എന്നെ കാണണമെന്ന് ഒരു മോഹമെന്ന്..?അതിനു അവൾ പറഞ്ഞ മറുപടിഇന്നു ഉച്ചക്ക് മൂന്നുമണി വരെ നമുക്ക് സമയമുണ്ടാലോ സാവധാനം പറയാമെന്ന്…,
പിന്നെ ഞാനൊന്നും ചോദിച്ചില്ല.പഴയ വഴികളിലൂടെയെല്ലാം വീണ്ടും ഞങ്ങൾ നടന്നു.ആർക്കും ലഭിക്കാത്ത ഒരു അപ്പൂർവ്വതയായിട്ടാണ് എനിക്ക് ഇതെല്ലാം തോന്നിയത്സമയം മെല്ലെ കടന്നു പോയി.സംസാരിച്ചതെല്ലാം വിവാഹശേഷം നടന്ന അവളുടെ കാര്യങ്ങൾ മാത്രമായിരുന്നു.

ഉച്ചയോടെ ഞങ്ങൾ പോയത് ഒരു ഉഡുപ്പി ഹോട്ടലിലേക്കായിരുന്നു.ഊണിനൊപ്പം സ്പെഷ്യൽ ആയി തൈര് കൊണ്ട് വെച്ചപ്പോൾ തന്നെ അവൾ അത്ഭുതം കൂറി.അത് കണ്ടപ്പോൾ പോക്കറ്റിൽ ഞാൻ കരുതിയ അവൾക്ക് ഏറ്റവും ഇഷ്ടപ്പെട്ട കടുമാങ്ങ അച്ചാറിന്റെ പാക്കറ്റ് പൊട്ടിച്ചു അവളുടെ പ്ലേറ്റിൽ ഒഴിച്ച് കൊടുത്തപ്പോൾ അവളൊന്നു ഞെട്ടി.,

അവൾക്ക് ഏറ്റവും പ്രിയമുള്ളതായിരുന്നു അതെല്ലാംപിന്നെ ഹോട്ടലുകളിൽ കടുമാങ്ങ അച്ചാർ പൊതുവേ കിട്ടാറില്ലലോ…അതാ ഞാനത് പുറത്തു നിന്നു വാങ്ങി കൈയിൽ വെച്ചത്..,അവളുടെ ഇഷ്ടങ്ങളായ ചോറും തൈരും കടുമാങ്ങ അച്ചാറും ഒന്നും ഞാൻ മറന്നിട്ടില്ല എന്നതായിരുന്നു അവളുടെ കണ്ണിലെ വലിയ അത്ഭുതം.
അവൾ എന്നോട് പറഞ്ഞുഎന്റെ ഇഷ്ടങ്ങൾ എല്ലാം ഞാൻ തന്നെ മറന്നിട്ടു വളരെയധികം കാലമായെന്ന്..,ഇപ്പോൾ എല്ലാംഭർത്താവിന്റെയും കുഞ്ഞുങ്ങളുടെയും ഇഷ്ടങ്ങൾ മാത്രമാണെന്ന്.,അതിനു മറുപടിയായി ഞാൻ ചോദിച്ചു അതിൽ ഞാനും പെടില്ലേയെന്ന്….?

ആ ചോദ്യം അവൾ ഒട്ടും പ്രതീക്ഷിച്ചതല്ലായിരുന്നു.അതു കേട്ട് ഒന്നു മൗനമായെങ്കിലും അവൾ എന്തോ ഓർത്തെടുത്ത പോലെ അവളെന്നെ നോക്കി പുഞ്ചിരിച്ചു.കുറച്ചു നേരത്തെ ആലോചനക്കു ശേഷം അവളെന്നോടു ചോദിച്ചു….കുറച്ചുകാലമായി ഒരു ചോദ്യം എന്നെ വല്ലാതെ അലട്ടുന്നുഞാനത് ചോദിച്ചാൽ നീ സത്യം പറയുമോയെന്ന് ?
ഞാനവളെ തന്നെ നോക്കി എന്നിട്ടവളോട് ഞാൻ പറഞ്ഞുനിന്നോട് സത്യസന്ധമായിരിക്കാനാണ് ഞാൻ എന്നും ശ്രമിച്ചിട്ടുള്ളതെന്ന്…!അതുകേട്ടതും അവൾ എന്നോട് ചോദിച്ചു.നിന്റെയുള്ളിൽ എന്നോടുള്ളആ പഴയ ഇഷ്ടം ഇപ്പോഴും അതേപ്പടി നിന്നിലുണ്ടോയെന്ന്…?അപ്പോൾ അതാണ് കാരണംഅവൾക്കറിയേണ്ടതും അതാണ്…..!അല്ലെങ്കിലും ഈ ഒരു സംശയം എല്ലവരിലും ഉള്ളതാണ്…,

തങ്ങൾ തന്നെ സ്വയം വലിച്ചെറിഞ്ഞു കളയുന്നതാണെങ്കിലും അവർക്കുള്ളിൽ ഇപ്പോഴും താനുണ്ടോ എന്നറിയാനുള്ള ഒരു അടങ്ങാത്ത വെമ്പൽ…,കാലം കൂടും തോറും അതറിയാനുള്ള ആകാംക്ഷയും അവരിൽ പതിൻമടങ്ങായി വർദ്ധിക്കും….!
അവർക്ക് തന്നെയറിയാം,നമ്മുടെ മറുപടി എന്തായിരിക്കുമെന്നും, അവരെ മറന്നോ മറികടന്നോ മറ്റൊരാൾ നമ്മുക്കുള്ളിൽ ആ സ്ഥാനം സ്ഥാപിക്കില്ലായെന്നും,എന്നാലും നമ്മുടെ നാവിൻ തുമ്പിൽ നിന്നു തന്നെ അവർക്ക് അത് കേൾക്കണം.

എന്റെ മറുപടിക്കായി കാത്തു നിൽക്കുന്ന അവളെ നോക്കി ഞാൻ പറഞ്ഞു പുറത്തിറങ്ങിയതിന് ശേഷം ഒരു മറുപടി തരാമെന്ന്.അത് സമ്മതമായി തലയാട്ടി കൊണ്ട് അവൾ ആഹാരം കഴിക്കാൻ ആരംഭിച്ചുഓരോ മണിയും വളരെ ആസ്വദിച്ചാണ് അവൾ കഴിക്കുന്നത്,
ഭക്ഷണശേഷം ഞങ്ങൾ അവിടെ നിന്നും ഇറങ്ങിഇനിയും ഒരു മണിക്കൂർ കൂടി ബാക്കിയുണ്ട്.അവിടെ നിന്ന് ഞാനവളെ നേരെ കൊണ്ടുപോയത് ഒരു ഐസ്ക്രീം പാർലറിലേക്കാണ്.അവിടെ വെച്ചു അവളെ ഒന്നു നോക്കി കൊണ്ട്‌ ഞാൻ ഫലൂദ ഓർഡർ കൊടുത്തപ്പോൾ അവളുടെ മുഖത്തു ഒരു ചിരി തട്ടി കളിച്ചു.

ആ പുഞ്ചിരിയുടെ അർത്ഥം പഴയതൊന്നുംമറന്നിട്ടില്ലാല്ലെ…?എന്നായിരുന്നുഅവശേഷിക്കുന്ന സമയം അത്രയും അവൾ കഴിക്കുന്നത് നോക്കി ഞാനും ഞാൻ കഴിക്കുന്നത് നോക്കി അവളും വെറുതെ പുഞ്ചിരിതൂകി ഇരിക്കുകയായിരുന്നു.സംസാരങ്ങളെല്ലാം പാതി വഴിയിൽ മുറിഞ്ഞു കൊണ്ടേയിരുന്നു.
എങ്കിലും സമയം വളരെ പെട്ടന്നു കടന്നു പോയി സമയം മൂന്നുമണിയായി അതോടെ പറഞ്ഞ സമയം അവസാന നിമിഷങ്ങളിലെക്കെത്തി വീണ്ടും തമ്മിൽ പിരിയാനായിഞങ്ങൾ അവിടെ നിന്നിറങ്ങി.ഐസ്ക്രീം പാർലറിന് പുറത്തിറങ്ങിയതോടെഅവൾ വീണ്ടും ആ ചോദ്യം ആവർത്തിച്ചു.

അപ്പോൾ ഞാൻ അവളോടു പറഞ്ഞുഞാനൊരു കഥ പറയാം…അത് കേട്ടത് ശേഷം നിനക്ക് തീരുമാനിക്കാം പോരെ….?അവൾ തലയാട്ടി അതിന് സമ്മതം അറിയിച്ചു….തുടർന്നവളോട് ഞാൻ പറയാനാരംഭിച്ചു..നീ പോയതിനു ശേഷമുള്ള രണ്ടു വർഷം എനിക്ക് എല്ലാറ്റിനോടും വെറുപ്പായിരുന്നു,മാത്രമല്ല ലോകത്തുള്ള ഒരു പെണ്ണിനെയും വിശ്വാസവും ഇല്ലാതായി.
അവസാനം എല്ലാം തൽക്കാലത്തേക്ക് മറക്കാനും നിന്റെ ഓർമകളിൽ നിന്ന് രക്ഷ നേടാനും വേണ്ടിയാണ് കോഴിക്കോട് നിന്നും കൊച്ചിയിലേക്ക് വണ്ടി കയറിയത്.,പറയത്തക്ക വല്യ ജോലിയൊന്നും ഇല്ല. എന്നാലും ഭക്ഷണത്തിനും താമസത്തിനും പിന്നെ അല്ലറ ചില്ലറ ചിലവുകൾക്കുമുള്ള നല്ലൊരു ജോലിയായിരുന്നു അത്..
മൂന്നുമാസം അതു വെച്ചു പിടിച്ചു നിന്നതോടെ പതിയെ പതിയെആ മണ്ണിൽ എന്റെ വേരുറക്കുകയായിരുന്നു…ഒരു ദിവസം കൂട്ടുകാരനോടൊത്ത് ഒരു ഹോസ്‌പിറ്റലിൽ ബ്ലഡ്‌ കൊടുക്കാൻ പോയപ്പോൾ അവിടെ ഉള്ള ഒരു സിസ്റ്റർ കൂടെയുള്ള കൂട്ടുകാരന്റെ നമ്പർ വാങ്ങി. ആവശ്യം വരുമ്പോൾ വീണ്ടും വിളിക്കാനായിരുന്നു അത്……!

കുറച്ച് ദിവസങ്ങൾക്കു ശേഷം മറ്റൊരാൾക്ക് ബ്ലഡിനു വേണ്ടി വിളിച്ചപ്പോൾ അവൻ എത്തിപ്പെടാനാവാത്ത വിധം കുറച്ചു ദൂരെയായിരുന്നു അവനതു പറഞ്ഞെങ്കിലും വളരെ അത്യാവശ്യമാണെന്നും ഒരു ജീവന്റെ പ്രശ്നമാണെന്നും പറഞ്ഞ് സിസ്റ്റർ നിർബദ്ധിച്ചതോടെ പണി പാതിവഴിയിലിട്ട് അവൻ വന്നു
ആ സംഭവം ഒരു വഴിത്തിരിവായി…, തുടർന്ന് അവർ തമ്മിൽ വലിയ കമ്പിനി ആയി.പിന്നെ വിളികളും ചാറ്റിങ്ങുമായി ആ ബന്ധം ആഴമേറിയതായി.സ്വന്തം കഥകൾ പരസ്പരം പറഞ്ഞു പറഞ്ഞു തീർന്നതോടെ അവർക്കിടയിൽ പിന്നെ പറയാൻ ചുറ്റുമുള്ള വിഷയങ്ങൾ കടന്നു വന്നു അതോടെ അവൻ എന്റെ കഥയെടുത്ത് ചില പൊടിപ്പും തൊങ്ങലും വെച്ച് പല പല പാർട്ടുകളാക്കി അവൾക്ക് പറഞ്ഞു കൊടുത്തു.

കുറച്ചു ദിവസങ്ങൾക്ക് ശേഷംഒരു ഒഴിവു ദിവസം അവർ തമ്മിൽ കാണാമെന്നു അവർ തീരുമാനിച്ചു…!അവൻ എന്നോട് ഒന്നും പറഞ്ഞില്ല ഒരാളെ കാണാനുണ്ടെന്നും പറഞ്ഞ് എന്നെയും കൂട്ടി പോയി.അവിടെ ചെന്നപ്പോൾ ആണ് സംഗതി ഞാനറിയുന്നത്….,

അവൻ അവളുടെ കൂടെ അവൾക്കു കൂട്ടു വന്ന അവളുടെ കൂട്ടുകാരിയെ എന്റെയടുത്തേൽപ്പിച്ച് അവർ തമ്മിൽ സൊള്ളാൻ പോയി.കുരങ്ങന്റെ കൈയ്യിൽ മുഴുത്തേങ്ങ കിട്ടിയ കണക്കെ ഞാനവൾക്കു കാവലിരുന്നു തമ്മിൽ സംസാരിക്കാൻ ഒന്നുമില്ലാതെ ഇടക്കിടെ ഞങ്ങൾ പരസ്പരം നോക്കി ചിരിച്ചു.കുറച്ചു നേരം നിന്ന് കാലു കുഴഞ്ഞപ്പോൾ ഞാൻ അവളെയും വിളിച്ചു ഒരിടത്തു ചെന്നിരുന്നു…,

അവർ അത്ര പെട്ടന്നൊന്നും വരില്ലെന്നു മനസ്സിലായതോടെ ഞാൻ പോയി മിൽമാ ബൂത്തിൽ നിന്ന് രണ്ട് കാപ്പി വാങ്ങി കൊണ്ടുവന്നു ഒന്നവൾക്കു കൊടുത്തു.അവൾ ചിരിച്ചു കൊണ്ട് അത് വാങ്ങുകയും കുടിക്കുകയും ചെയ്തു..,രണ്ട് മണിക്കൂറോളം പരസ്പര ബന്ധമില്ലാത്ത എന്തൊക്കയോ ഞങ്ങളും സംസാരിച്ചു.
കൂടുതലും പുഞ്ചിരിയിലൂടെയുള്ള ഉത്തരങ്ങളാണു അവളെനിക്കു നൽകിയത്..,ആകെ ഓർമയുള്ളത് അവളുടെ പേര് മാത്രമായിരുന്നുദുർഗ്ഗാ ലക്ഷ്മി ”

എന്നാൽ കഥയിലെ യഥാർത്ഥ ട്വിസ്റ്റ്അന്ന് തിരിച്ചു റൂമിൽ എത്തിയ ശേഷമാണ് അവൻ പറഞ്ഞത്….!അവൻ അവന്റെ അവളോടു പറഞ്ഞ കാര്യങ്ങൾ അവൻ പറഞ്ഞതിനേക്കാൾ കുറച്ചുക്കൂടി പൊടിപ്പും തൊങ്ങലും വയ്ച്ചു അവൾ അതെപടി ദുർഗ്ഗയോട് പറഞ്ഞു..

എന്റെ കഥകളറിഞ്ഞ ദുർഗ്ഗക്ക് എന്നോട് ഒരു സോഫ്റ്റ്‌ കോണർ വളർന്നു….!എന്നെ കാണാതെയും അവളിൽ ഞാൻ നിറഞ്ഞു….,അവൾ എന്നെ രഹസ്യമായി പ്രണയിക്കാൻ തുടങ്ങി…,എന്റ കാര്യങ്ങളെ കൂടുതലായി അറിയാൻ അവൾ താൽപ്പര്യം കാണിച്ചതോടെ ഇവർക്കു മനസ്സിലായി ദുർഗ്ഗയിൽ ഞാൻ വളരെ ആഴത്തിലാണ് പതിഞ്ഞിട്ടുള്ളതെന്ന്…,

അതൊടെ ദുർഗ്ഗക്ക് എന്നെ കാണാൻ വേണ്ടി അവർ മനഃപൂർവം സൃഷ്‌ടിച്ചതായിരുന്നു ആ കൂടിക്കാഴ്ച എന്നറിഞ്ഞതോടെ.,എനിക്കമ്പരപ്പായിരുന്നു.എന്തു ചെയ്യണം എന്നറിയാതൊ നിൽക്കുകയായിരുന്നഅന്ന് രാത്രി എന്റെ മൊബൈലിലേക്ക്I AM DURGA ” എന്നൊരു മെസ്സേജ് വന്നു.

തുടർന്ന് രണ്ടും മൂന്നും മെസ്സേജ് വേറെയും വന്നു…!ഒരു പെണ്ണ് ചതിച്ചു എന്ന് വെച്ച് ലോകത്തുള്ള സകല പെണ്ണുങ്ങളും അങ്ങനെയല്ല…..!ഒരു പ്രണയം ജനിക്കുമ്പോൾ അതിന്റെ കൂടെ ഒരു ഭയവും കൂടി ജനിക്കുന്നു.ഇവ രണ്ടും നേർക്കു നേർ വരുമ്പോൾ ജയം പലപ്പോഴും ഭയത്തോടൊപ്പം ആയിരിക്കുകയും ചെയ്യും….!
അത് മറ്റൊന്നും കൊണ്ടല്ല,ഏതൊരു പെണ്ണിന്റേയും ഹൃദയത്തിൽ പ്രണയം തളിരിടുമ്പോൾ തന്നെ വീട്ടുകാർ സമ്മതിക്കില്ലായെന്ന ഉൾഭയം കൊണ്ട്സ്വന്തം ഇഷ്ടങ്ങൾ നടക്കുമോ ഇല്ലയോയെന്നപാതി മനസ്സുമായാണ് അവൾ തന്റെ പ്രണയം തുടങ്ങുന്നതു തന്നെ അതു കൊണ്ടു തന്നെ പാതി മനസ്സു കൊണ്ടു സൃഷ്ടിക്കപ്പെടുന്ന സ്നേഹം പാതി വഴിയിൽ തന്നെ അവസാനിക്കുന്നു….!

ഒരു കണക്കിന് അങ്ങിനെയുള്ളവർ അർഹിക്കുന്നത്തും അതാണ്..അതു കൊണ്ടാണ്അങ്ങിനെ വിട്ടു പോകുന്നവർഅവൻ ഇപ്പോഴും തന്നെ ആലോചിച്ചിരിക്കുന്നുണ്ടാവുമോ…? എന്നോർത്ത് തന്റെ സ്വകാര്യ വേളകളിൽ തുറന്നിട്ട ജനല്പാളിയിലൂടെ പുറം കാഴ്ച്ചകളിലേക്ക് നോക്കി അവനേയോർത്ത് കണ്ണീർ പൊഴിച്ചുകൊണ്ടിരിക്കേണ്ടിവരുന്നത്….,

ഒരു പെണ്ണ് അവളുടെ മുലപ്പാൽ നിങ്ങളുടെ കുഞ്ഞിനു മാത്രമേ കൊടുക്കുകയുള്ളൂയെന്ന് ദൃഢതയോടെ മനസ്സിൽ ഉറപ്പിച്ചിട്ടുണ്ടെങ്കിൽആ അവൾ നിങ്ങളെ ചതിക്കില്ല “എത്ര അടിയും പിടിയും തൊഴിയും ഏൽക്കേണ്ടി വന്നാലും എത്ര തന്നെ ക്രൂരമായി അപമാനിക്കപ്പെട്ടാലും ജീവന്റെ ഒരു കണികയെങ്കിലും അവളിൽ അവശേഷിക്കുന്നുണ്ടെങ്കിൽ അത് നിങ്ങൾക്കു മാത്രമുള്ളതായിരിക്കും…!

അതാണ് യഥാർത്ഥ പെണ്ണ്……!വാക്കിന് ഉരുക്കിന്റെ ശക്തിയുള്ള പെണ്ണ്….!എനിക്ക് നിങ്ങളെ ഇഷ്ടമാണ് അത് മറ്റെല്ലാവരും വിചാരിക്കും പോലെ സഹതാപം കൊണ്ടൊന്നുമല്ല…..,സ്വന്തം കാമുകി തന്നെക്കാൾ പണവും പത്രാസുമുള്ള മറ്റൊരുത്തന്റെ കല്ല്യാണാലോചനക്ക് സമ്മതം മൂളി അയാളെ വിവാഹം കഴിക്കാൻ തയ്യാറായപ്പോൾ…,

ആ വിഷമം സഹിക്കാനാവാതെ അതെ കല്യാണത്തിന്റെ മുഹൂർത്തസമയത്ത് തന്നെ ഒരു മുഴം കയറിൽ ജീവിതം അവസാനിപ്പിച്ച ഒരേട്ടന്റെ അനിയത്തിക്കുട്ടി കൂടിയാണ് ഞാൻ…!മറ്റാരെക്കാളും ആ വേദനയും മനസ്സും എനിക്ക് നന്നായി മനസ്സിലാവും എന്ന്.!ഞാൻ കഥ പറഞ്ഞു നിർത്തി………!!!!!
പതിയെ അവളെ ഒന്നു നോക്കി വീണ്ടും തുടർന്നു..,അവൾ കാൺകേ ഞാൻ മുന്നിലേക്ക് ചൂണ്ടിക്കാട്ടി അവിടെ ഒരു കാറിന്റെ അടുത്തു സാരിയുടുത്തു നിൽക്കുന്ന ഒരു പെൺകുട്ടിയെ കാണിച്ചു കൊണ്ടു ഞാൻ അവളോടു പറഞ്ഞു” ഞാൻ കെട്ടിയ താലിയാണ് അവളുടെ കഴുത്തിൽ കിടക്കുന്നതെന്നും “അവളെന്നെ കൂട്ടി കൊണ്ടു പോകാൻ വന്നതാണെന്നും….,

അത് കേട്ടതുംഅവൾ എന്നോട് ചോദിച്ചുദുർഗ്ഗ……?അതെ എന്ന് ഞാൻ തലയാട്ടി സമ്മതിച്ചു കൊണ്ട് ഞാനവളിൽ നിന്നറങ്ങിദുർഗ്ഗയിലേക്ക് നടന്നുഞങ്ങൾ പോകുന്നതും നോക്കി അവൾ അവിടെ തന്നെ നിന്നു…,
എന്തായാലുംഅവളുടെ ചോദ്യങ്ങൾക്കുള്ളഉത്തരം അവൾക്കു കിട്ടിയാലും ഇല്ലെങ്കിലും ഒന്നുറപ്പാണ്‌.,അവൾ വന്നത് ഭർത്താവറിയാതെ ആണെങ്കിൽ.,ഞങ്ങൾക്കിടയിൽ രഹസ്യങ്ങളൊന്നുമില്ലെന്ന്അവൾ തീർച്ചയായും മനസ്സിലാക്കിയിരിക്കും…!

കാരണം…,” കാമുകി ഒരു കളവാണ്.., ഭാര്യ ഒരു സത്യവും….!!!.#Pratheesh

Advertisement

Malayalam Article

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം.

Published

on

By

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം. 4500 രൂപ അടച്ച് സൈറ്റിൽ തത്സമയം കാണാൻ സൗകര്യം ലഭ്യമാക്കിയത് നൂറിലധികം പേര്.  കൊറിയയിൽ ഹോട്ടലുകളിൽ മുറിയെടുത്ത് താമസിച്ച 1700 ൽ അധികം പേരുടെ സ്വകാര്യ നിമിഷങ്ങളാണ് തത്സമയ സംപ്രേഷണമായി ഇന്റർനെറ്റ് സൈറ്റിൽ ചോർന്നതെന്ന പോലീസിന്റെ ഞെട്ടിപ്പിക്കുന്ന കണ്ടെത്തൽ. മുറിയെടുക്കുന്നവർ ശ്രദ്ധിക്കാത്ത തരത്തിൽ മുറിയുടെ പലഭാഗങ്ങളിലായാണ് സംഗം ഒളിക്യാമറകൾ സ്ഥാപിച്ചത്. സൈറ്റിൽ മുൻകൂറായി പണമടയ്ക്കുന്നവർക്ക് തത്സമയം രംഗങ്ങൾ കാണാനുള്ള സൗകര്യവും സംഗം ലഭ്യമാക്കിയിരുന്നു. നഗരത്തിലെ 35 ഓളം ഹോട്ടലുകളിലായി ഏകദേശം 50 ഓളം ഒളിക്യാമറകൾ ആയിരുന്നു ഇതിനായി ഉപയോഗിച്ച് പോന്നിരുന്നത്. 100 അധികം പേരാണ് മാസം 4500 രൂപ അടച്ച് സൈറ്റിൽ തത്സമയം കാഴ്ചകൾ കണ്ടുകൊണ്ടിരുന്നത്. 2018 നവംബര്‍ മുതല്‍ ഈ മാര്‍ച്ച്‌ വരെ ഏഴ് ലക്ഷത്തോളം രൂപ ഇതുവഴി സംഗം സമ്ബാദിച്ചതായും പൊലീസ് കണ്ടെത്തി. ഒളിക്യാമറകൾ വഴി നേരുത്തേ ദൃശ്യങ്ങൾ പകർത്തിയിരുന്നു സംഭവങ്ങൾ ഉണ്ടായിട്ടുണ്ടെങ്കിലും സൈറ്റിൽ തത്സമയ സംപ്രേഷണം ചെയ്യുന്നത് ആദ്യമായാണ്.

Continue Reading

Malayalam Article

കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിനക്കുണ്ടായി? നിന്നെ ഒന്നറിയാൻ, ഒന്ന് തിരുത്താൻ ആരും ഉണ്ടായില്ലല്ലോ..

Published

on

By

സാധാരണക്കാരായ മാതാപിതാക്കളെക്കാൾ ഒരുപക്ഷെ , എന്നെപോലെ കൗമാരക്കാരായ കുട്ടികളുടെ ഇടയിൽ നിൽക്കുന്ന കൗൺസിലർ കൂടി ആയ വ്യക്തികൾ കൂടുതൽ ആശങ്കപ്പെടുന്ന കാലമാണ് ഇത്… കാരണം , ഞങ്ങളുടെ കുഞ്ഞുങ്ങളെ പോലെ അനേകം കുട്ടികളെ കാണുക ആണ്.. അവരുടെ പ്രശ്നങ്ങൾ കേൾക്കുക ആണ്.. അവരുടെ മനസ്സിലെ അടിയൊഴുക്കുകൾ അറിയുക ആണ്.. എന്റെ പതിനാറു കാരിയായ മകളോട് എന്ന പോലെ അനേകം കുഞ്ഞുങ്ങളോടും പറഞ്ഞു കൊടുക്കുന്ന ഒരു കാര്യമാണ് ” അരുത് എന്ന് പറയാനുള്ള പ്രാപ്തി ഉണ്ടാക്കുക എന്നത്..’ പക്ഷെ അതങ്ങു ചുമ്മാ പറഞ്ഞാൽ പോരാ..എന്ന് ഇപ്പൊ ചൂണ്ടി കാട്ടാറുണ്ട്.. അപ്പുറത്തെ ആളെ അപമാനിക്കാതെ വേണം , അരുത് എന്ന് പറയാൻ.. വാക്കുകളെ ക്കാൾ വാക്കുകൾ കോർക്കുന്ന ഭാവത്തിനു പ്രാധാന്യം ഉണ്ട് എന്നും.. തിരുവല്ലയിൽ നടന്ന സംഭവം പോലെ എത്രയോ നടന്നിരിക്കുന്നു മുൻപും..! സോഷ്യൽ മീഡിയ യുടെ സഹായം കൊണ്ട് ഇപ്പോൾ കൂടുതൽ കാര്യങ്ങൾ അറിയുന്നു എന്ന് മാത്രം.. ആൺകുട്ടികൾ മയക്കു മരുന്ന് ഉപയോഗിക്കുന്നു , അവർ ക്രിമിനലുകൾ ആകുന്നു എന്നതാണ് വാർത്തകൾ മുഴുവൻ.. പെണ്കുട്ടികളൂം ഒപ്പം ഉണ്ട് എന്ന് സാമൂഹിക പ്രവർത്തക കൂടി ആയ ഞാൻ പറയുന്നു..!

ഈ അടുത്ത് ഒരു പ്രൊജക്റ്റ് ഇന്റെ ഭാഗമായി അറ്റൻകുളങ്ങര വനിതാ ജയിൽ സന്ദർശിച്ചു.. റിപ്പോർട്ട് പുറത്ത് വിടാൻ അനുമതി ഇല്ല.. എങ്കിലും ഒന്ന് പറയട്ടെ.. കുറ്റകൃത്യങ്ങളിൽ ആണ് പെണ്ണ് മനസ്സ് തമ്മിൽ വ്യത്യാസം ഇല്ല.. കുറ്റവാളികൾക്ക് ഒരേ ഒരു മനസ്സാണ്. ഉപേക്ഷിക്കപെടുക എന്നത് പോലെ അപമാനകരമായ ഒന്ന് മനുഷ്യജീവിതത്തിൽ നേരിടാനില്ല..അതുക്കും മേലെ ആണ്.., എന്റെ എന്ന് വിശ്വസിച്ച ഒരാൾ, അയാളുടെ ജീവിതത്തിൽ താൻ അറിയാതെ , തന്നിലും മേലെ മറ്റൊരാൾ ഉണ്ട് എന്ന ഞെട്ടിപ്പിക്കുന്ന നോവ്.. അതിന്റെ ആഴം.. മുറിവ് ക്രമേണ വൃണം ആയി, അതിൽ നിന്നും ദുർഗന്ധം വമിക്കാൻ തുടങ്ങും.. പകയുടെ വൃത്തികെട്ട മനം മടുപ്പിക്കുന്ന ഒന്ന്.. അതിന്റെ തീവ്രതയിൽ പെട്ട് കഴിഞ്ഞാൽ പിന്നെ ഇരുട്ടാണ്.. ഭ്രാന്തിന്റെ അങ്ങേ അറ്റത് മനസ്സിൽ നടക്കുന്ന വേലിയേറ്റവും വേലിയിറക്കവും ,വിഭ്രാന്തികളും ലഹരി മരുന്നിന്റെ പൈശാചിക ചിന്തകളെ വെല്ലും.. എന്നെ ചതിച്ചു..!! ഞാൻ ഉപേക്ഷിക്കപ്പെട്ടു..!!! ഇതിനെ വെല്ലാൻ മറ്റൊരു നഷ്‌ടത്തിനും സാധ്യമല്ല.. ഇര സ്വയം ആണ്.. പക്ഷെ പ്രത്യക്ഷ്യത്തിൽ വില്ലനും.. കുത്തികീറാൻ ഉള്ള വൈരാഗ്യം , കത്തിച്ചു കളയാനുള്ള പക ഒക്കെ കൊണ്ട് സൃഷ്‌ടിക്കപെടുന്ന മനസ്സിനെ നിയന്ത്രിക്കാൻ ആരെങ്കിലും തക്ക സമയത്ത് അത് തിരിച്ചറിയണം.. അല്ലേൽ , ഇനിയും എത്രയോ ദുരന്തങ്ങൾ ആവർത്തിക്കപെടും… ലഹരി മരുന്നിനു അടിമ ആയിരുന്നോ ആ പയ്യൻ എന്നറിയില്ല.. ഓരോ കുറിപ്പുകളും എഴുതുമ്പോൾ ഓർക്കാറുണ്ട്,ഇതൊക്കെ വായിച്ചിട്ടു കൗമാരക്കാർ മുഴുവൻ മയക്കു മരുന്ന് ഉപയോഗിക്കുന്നു എന്ന് ആണോ വായിക്കുന്നവർ കരുതുക എന്ന്.. അല്ല കേട്ടോ.. പക്ഷെ , നമ്മുടെ നാട്ടിൽ ടെക്നോളജി വളരും പോലെ കുത്തനെ വളരുന്ന ഒന്ന് മയക്കുമരുന്നിന്റെ മേഖല തന്നെ ആണ്.. ഇതൊക്കെ വേണ്ടപ്പെട്ട അധികാരികളുടെ ശ്രദ്ധയിൽ പെടുത്തി മടുത്തു.. ആരെയും കുറ്റം പറയാൻ വയ്യ.. സിനിമയിൽ കാണുന്ന മാഫിയ യെക്കാൾ എത്രയോ വലുതാണ് നമ്മുടെ നാട്ടിൽ .. അതിന്റെ വേരുകൾ തേടി പോകാനുളള ആർജ്ജവവും സമയവും അധികാരം ഉളള ഭരണാധികാരികൾ നേടേണ്ടതാണ്.. കുട്ടികളെ ബോധവൽക്കരിക്കുന്നതിനു പകരം മാതാപിതാക്കളെയും അധ്യാപകരെയും ചേർത്ത് ഒരു ചർച്ച സംഘടിപ്പിക്കാമോ എന്ന് ഓരോ വട്ടവും ക്ലാസ് എടുക്കാൻ വിളിക്കുന്ന സ്കൂൾ ,കോളേജ് , അധികാരികാരികളോട് പറയാറുണ്ട്.. ഫലം ഉണ്ടാകാറില്ല.. അഥവാ അവർ തയ്യാറായാൽ തന്നെ മാതാപിതാക്കൾക്ക് സമയം ഇല്ല വരാൻ..! ഒന്നേ ഉള്ളു അത്തരം ക്ലാസുകൾ കൊണ്ട് ,നേടാൻ.. നിങ്ങൾ നിങ്ങളുടെ മാത്രം കുഞ്ഞുങ്ങളെ അറിയുന്നു.. അല്ലേൽ ഇങ്ങനെ ഒരു ദുരന്തം വരുമ്പോൾ കേൾക്കുന്നു.. പൊതുവായ കാര്യങ്ങൾ ചർച്ച ചെയ്യുമ്പോൾ എങ്ങനെ കുട്ടികളെ കൈകാര്യം ചെയ്യാം എന്നതിന് ഓരോ അമ്മയ്ക്കും അച്ഛനും വ്യക്തമായ ഉത്തരം കിട്ടും.. അല്ലാതെ ഒരു പ്രശ്നം ഉണ്ടാകുമ്പോൾ , ഓടി സൈക്കോളജിസ്റ് ന്റെ അടുത്ത് കൊണ്ട് പോയിട്ട് കാര്യം ഇല്ല.. കതിരുമ്മേൽ വളം വെയ്ക്കുന്നത് കൊണ്ട് എന്ത് ഗുണം..?

നിങ്ങളുടെ മക്കളുടെ കൗൺസിലർ നിങ്ങൾ തന്നെ ആകണം..! നിങ്ങൾ ഇരുപത്തിനാലു മണികൂറു മക്കളുടെ കൂടെ ഇരിക്കേണ്ട.. പക്ഷെ ഇരിക്കുന്ന സമയം ,അവരോടു തുറന്നു ഇടപെടണം.. ചതിയിൽ പെടാതെ നോക്കാൻ മാത്രമല്ല.. ചതിക്കരുത് എന്ന് കൂടി ഉൾകാഴ്ച ഉണ്ടാക്കി കൊടുക്കണം.. സ്നേഹത്തെ ക്കാൾ വലുതാണ് വിശ്വാസം.. തലയുയർത്തി പിടിച്ചു ചങ്കുറ്റത്തോടെ മരണം വരെ ജീവിക്കാൻ, ഞാൻ ആരെയും ചതിച്ചിട്ടില്ല എന്നൊരു അഹങ്കാരം സ്വയം നേടിയെടുത്താൽ മാത്രം മതി.. എത്ര കോടി കാശിനെ ക്കാളും അതിനു മതിപ്പുണ്ട്..ഇല്ലേ..? അവൻ ശിക്ഷിക്കപ്പെടണം എന്ന് ആഗ്രഹിക്കുന്ന ഒരാളാണ് ഞാൻ..എന്നിരുന്നാലും , പെൺകുട്ടിയുടെ അമ്മയെ പോലെ അവനും ഉണ്ട് ഒരമ്മ..അച്ഛൻ..വേണ്ടപ്പെട്ടവർ.. അവരെ ഓർക്കുമ്പോൾ സഹിക്കുന്നില്ല.. കരയാൻ അവർക്കു ആയിട്ടുണ്ടാകുമോ..? നൂറായിരം വിരലുകൾ അവന്റെ കുടുംബത്തിന് നേർക്ക് നീളുക സ്വാഭാവികം.. അവന്റെ ഈ മാനസിക തകർച്ച അവരുടെ കണ്മുന്നിൽ വെച്ചാണോ എന്നറിയില്ല.. അവർ അറിഞ്ഞതാണോ അതോ അവനെ അറിയാൻ കഴിയാഞ്ഞതാണോ..? കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിന്നിൽ ഉണ്ടായി എന്ന് ഓർക്കുമ്പോൾ സങ്കടം ഉണ്ടാകുന്നു.. നിന്നെ ഒന്നറിയാൻ , ഒന്ന് തിരുത്താൻ ആരും ഉണ്ടായില്ലല്ലോ എന്നൊരു കുറ്റബോധവും..

കടപ്പാട്: Kala Shibu

Continue Reading

Malayalam Article

ആരാണ് ചരിത്രമെഴുതാൻ പോകുന്നത്? രാജയോ അതോ ലുസിഫെറോ?

Published

on

By

മലയാള സിനിമയുടെ എക്കാലത്തെയും മികച്ച സൂപ്പർ താരങ്ങളാണ് മോഹൻലാലും മമ്മൂട്ടിയും. മോഹൻലാൽ കേന്ദ്രകഥാപാത്രമായി എത്തുന്ന ലൂസിഫറിന്റെ ട്രെയ്‌ലറും മമ്മൂട്ടി കേന്ദ്ര കഥാപാത്രമായി എത്തുന്ന മധുര രാജയുടെ ടീസറും ഒരേ ദിവസമാണ് ഇറങ്ങിയത്. ഇന്നലെയാണ് രണ്ടും സിനിമകളുടെ അണിയറ പ്രവർത്തകർ പുറത്ത് വിട്ടത്. മമ്മൂട്ടിയുടെയും മോഹന്‍ലാലിന്റെയും ഫേസ്ബുക്ക് പേജുകള്‍ വഴി മുന്‍കൂട്ടി ആരാധകരെ അറിയിച്ച്‌, യുട്യൂബ് വഴി പ്രീമിയര്‍ ചെയ്യുകയായിരുന്നു ഇരുചിത്രങ്ങളുടെയും പ്രചരണ വീഡിയോകള്‍. ഇതുപ്രകാരം ആദ്യമെത്തിയത് മധുരരാജയുടെ ടീസര്‍ ആയിരുന്നു. വൈകിട്ട് ആറിന് ടീസറെത്തി. രാത്രി ഒന്‍പതിനായിരുന്നു ലൂസിഫറിന്റെ ട്രെയ്‌ലര്‍.

വന്‍ പ്രതികരണമാണ് ഇരുചിത്രങ്ങളുടെയും വീഡിയോകള്‍ക്ക് ലഭിച്ചത്. മൂന്ന് മണിക്കൂര്‍ മുന്‍പെത്തിയതിനാല്‍ മധുരരാജയുടെ ടീസറായിരുന്നു യുട്യൂബ് കാഴ്ചകാരുടെ എണ്ണത്തില്‍ രാത്രി മുന്നില്‍. എന്നാല്‍ പിന്നീട് ലൂസിഫര്‍ ഈ കണക്കുകളെ മറികടന്നു. യുട്യൂബ് പ്രീമിയറിലും ലൂസിഫര്‍ റെക്കോര്‍ഡ് സൃഷ്ടിച്ചു. 2.47 മിനിറ്റ് ദൈര്‍ഘ്യമുള്ള ട്രെയ്‌ലര്‍ പ്രീമിയര്‍ പ്രദര്‍ശനത്തിന്റെ ഒരു ഘട്ടത്തില്‍ ഒരേസമയം 57,000 പേര്‍ വരെ കണ്ടു. ഇപ്പോഴത്തെ കണക്കനുസരിച്ച്‌ 1,428,429ലധികം കാഴ്ചക്കാരാണ് മധുരരാജയുടെ ടീസറിന് ലഭിച്ചിരിക്കുന്നത്. ലൂസിഫറിന്റെ ട്രെയ്‌ലറിന് ലഭിച്ചിരിക്കുന്നത് 2,515,215 ലേറെ കാഴ്ചകാരും.

ലൂസിഫർ ട്രൈലെർ 

സോഴ്സ്:  GOODWILL ENTERTAINMENTS

മധുരരാജാ ട്രൈലെർ 

സോഴ്സ്: Vysakh Entertainments

Continue Reading
“KeralaJobUpdates”

Writeups

Malayalam Article15 hours ago

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം.

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം. 4500 രൂപ അടച്ച് സൈറ്റിൽ തത്സമയം കാണാൻ സൗകര്യം ലഭ്യമാക്കിയത് നൂറിലധികം പേര്.  കൊറിയയിൽ...

Malayalam Article2 days ago

കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിനക്കുണ്ടായി? നിന്നെ ഒന്നറിയാൻ, ഒന്ന് തിരുത്താൻ ആരും ഉണ്ടായില്ലല്ലോ..

സാധാരണക്കാരായ മാതാപിതാക്കളെക്കാൾ ഒരുപക്ഷെ , എന്നെപോലെ കൗമാരക്കാരായ കുട്ടികളുടെ ഇടയിൽ നിൽക്കുന്ന കൗൺസിലർ കൂടി ആയ വ്യക്തികൾ കൂടുതൽ ആശങ്കപ്പെടുന്ന കാലമാണ് ഇത്… കാരണം , ഞങ്ങളുടെ...

Malayalam Article2 days ago

ആരാണ് ചരിത്രമെഴുതാൻ പോകുന്നത്? രാജയോ അതോ ലുസിഫെറോ?

മലയാള സിനിമയുടെ എക്കാലത്തെയും മികച്ച സൂപ്പർ താരങ്ങളാണ് മോഹൻലാലും മമ്മൂട്ടിയും. മോഹൻലാൽ കേന്ദ്രകഥാപാത്രമായി എത്തുന്ന ലൂസിഫറിന്റെ ട്രെയ്‌ലറും മമ്മൂട്ടി കേന്ദ്ര കഥാപാത്രമായി എത്തുന്ന മധുര രാജയുടെ ടീസറും...

Malayalam Article3 days ago

ഇന്ത്യാമഹാരാജ്യത്തെ ചായക്കടക്കാരെല്ലാം ഇന്ന് ഭയത്തോടെയാണ് ജീവിക്കുന്നത്. പ്രസംഗവേദിയിൽ മോദിക്കെതിരെ തുറന്നടിച്ച് മമതാ ബാനർജി.

ഇന്ത്യൻ പ്രധാനമന്ത്രി നരേന്ദ്രമോദിക്കെതിരെ ഇത്തവണ പരിഹാസവുമായി എത്തിയിരിക്കുന്നത് മമത ബാനര്‍ജിയാണ്. കോണ്‍ഗ്രസ് സഖ്യം പൊളിഞ്ഞതോടെ ബംഗാളിലെ ഇലക്ഷൻ പോരാട്ടം തൃണമൂല്‍ കോണ്‍ഗ്രസിനും ബിജെപിക്കും ഇടയിലാവുമെന്ന ഭയത്തിലാണ് ഇന്ത്യയിലെ ചായ വില്പനക്കാരെല്ലാം ജീവിക്കുന്നതെന്നുമാണ് മമത...

Malayalam Article3 days ago

അമ്മായിഅമ്മ മരിച്ചതിന്റെ ദുഃഖം താങ്ങാനാവാതെ മരുമകളുടെ ആത്മഹത്യ. സംഭവത്തിന്റെ യഥാർത്ത ട്വിസ്റ്റ് തുറന്നുപറഞ്ഞു മകൻ.

മുംബയിൽ ഈ കഴിഞ്ഞ ശനിയാഴ്ച പ്രാദേശിക മാധ്യമങ്ങളെല്ലാം ഒരു പോലെ റിപ്പോർട്ട് ചെയ്ത ഒരു വാർത്ത ആയിരുന്നു അമ്മായി അമ്മയുടെ മരണത്തിൽ മനം നൊന്ത് മരുമകൾ ആത്മഹത്യാ...

Malayalam Article3 days ago

അമ്മയുൾപ്പെടെ പലരും എന്നോട് പറഞ്ഞിട്ടുണ്ട് “കമ്യൂണിസ്റ്റ് പാർട്ടിയെ കുറ്റം പറയരുത്. ശ്രീലക്ഷ്മിയുടെ കുറിപ്പ് വയറലാകുന്നു

അമ്മയുൾപ്പെടെ പലരും എന്നോട് പറഞ്ഞിട്ടുണ്ട് “കമ്യൂണിസ്റ്റ് പാർട്ടിയെ കുറ്റം പറയരുത്, എന്തെങ്കിലും നിനക്ക് പറയാൻ ഉണ്ടെങ്കിൽ അത് വീട്ടിൽ പറഞ്ഞ് തീർത്തോണം, അല്ലാതെ നാടുനീളെ പാർട്ടിയെ കുറ്റം...

Malayalam Article4 days ago

പ്രിത്വിരാജിന് ശേഷം കേരളത്തിലേക്കുള്ള അടുത്ത ലംബോർഗിനി കോട്ടയത്ത് എത്തി മക്കളേ..

ലംബോർഗിനി! ഏതൊരു വാഹനപ്രേമിയുടെയും സ്വപ്ന വാഹനം. രൂപത്തിലും ഭാവത്തിലും വ്യത്യസ്തത നില നിർത്തുന്ന ഈ വാഹനം സ്വന്തമാക്കാൻ ആരാണ് കൊതിക്കാത്തത്? എന്നാൽ കേരളത്തിലെ റോഡുകൾ ലംബോർഗിനിയുടെ ഘടനയ്ക്ക്...

Malayalam Article4 days ago

ബ്രെസ്റ്റ് കാൻസർ പരിശോധിക്കാൻ പോയ യുവതിക്കുണ്ടായ മനസ്സ് മരവിപ്പിക്കുന്ന ഒരു അനുഭവം.സ്ത്രീകൾ മാത്രമല്ല പുരുഷന്മാരും ഈ പോസ്റ്റ് ഒന്ന് വായിക്കുക.

ഇന്ന് സ്ത്രീകളിൽ സർവ്വ സാദാരണമായി കാണുന്ന ഒരു രോഗമാണ് ബ്രെസ്റ്റ് കാൻസർ. സിനിമ താരങ്ങൾ ഉൾപ്പടെ നിരവധി പേരെയാണ് ഈ അസുഖം കാർന്നുതിന്നത്. ചിലരൊക്കെ ജീവിതത്തിലേക്ക് തിരിച്ചു...

Malayalam Article5 days ago

“നീയൊരു വേശ്യയാണ്, വേശ്യ മാത്രം…നാസിർ ഹുസൈന്റെ പോസ്റ്റ് വൈറലാകുന്നു

“നീയൊരു വേശ്യയാണ്, വേശ്യ മാത്രം…ഞാൻ ഒരിക്കലും നിന്നെക്കുറിച്ചു ഇങ്ങനെ വിചാരിച്ചില്ല… നിന്നെ ഒരിക്കലും ഇനിയെൻറെ കൺമുമ്പിൽ കണ്ടുപോകരുത്… ” അവൾ അന്നുവരെ കാണാത്ത ഭാവമായിരുന്നു അവൻറെ മുഖത്ത്…...

Malayalam Article5 days ago

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഹൃദയ സ്പർശിയായ ഒരു വീഡിയോ.

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഇന്നത്തെ കാലത്ത് അച്ഛനെയും അമ്മയെയും ഉപേക്ഷിക്കാൻ മടിയില്ലാത്ത മക്കളാണ് ഉള്ളത്. കുറച്ച് പേർ വൃദ്ധസദനത്തിൽ കൊണ്ടാക്കുന്നു, കുറച്ചുപേർ ആൾക്കൂട്ടത്തിൽ ഉപേക്ഷിക്കുന്നു. മറ്റുചിലരാകട്ടെ...

Trending

Copyright © 2019 B4blaze Malayalam