Connect with us

Malayalam Article

വളരെ പഴക്കമുള്ള ഒരു വാഗ്ദാനത്തിന്റെയും., അത്രതന്നെ പഴക്കമുള്ള ഒരു സ്വപ്നത്തിന്റെയും കഥയാണിത്….!

Published

on

വളരെ പഴക്കമുള്ള ഒരു വാഗ്ദാനത്തിന്റെയും., അത്രതന്നെ പഴക്കമുള്ള ഒരു സ്വപ്നത്തിന്റെയും കഥയാണിത്….! കുറച്ചു ദിവസങ്ങളായി അവളവനെ ശ്രദ്ധിക്കുന്നു…., കഴിഞ്ഞ കുറച്ചു ദിവസങ്ങളായി അമ്പലനടയിലെക്കവൾ കടന്നു വരുമ്പോൾ അവിടെ തൊഴുകൈയോടെ അവനുണ്ട്…, കാഴ്ച്ച പതിവായതോടെ അവൾ തന്നെ ചിന്തിക്കാൻ തുടങ്ങി…., ഇവനെന്താണാവോ ദിവസവും ഇത്രമാത്രം പ്രാർത്ഥിക്കാനുള്ളത്….? ഞങ്ങൾക്കൊന്നുമില്ലല്ലൊ ദിവസവും ഇത്രമാത്രം പ്രാർത്ഥിക്കാൻ…., പെട്ടന്നവൾക്കൊരു കുസൃതി തോന്നി.., അവൾ മെല്ലെ അവനു പുറകിലൂടെ വന്ന് നിന്ന് അവന്റെ കഴുത്തിനിടയിലൂടെ മുഖമുയർത്തി ശ്രീ കോവിലിനകത്തേക്ക് എത്തി നോക്കി കൊണ്ടവൾ പറഞ്ഞു…..,

” കണ്ണാ…? ന്റെ പ്രാർത്ഥന കേട്ടിട്ട് അവന്റെത് കേട്ടാമതിട്ടോ.,…” പ്രാർത്ഥന കഴിഞ്ഞു കൺ തുറന്നത് തിരിഞ്ഞു നിൽക്കുന്ന അവന്റെയും കണ്ണന്റെയും മുഖത്തേക്ക് ഒരുമിച്ചായിരുന്നു…, ഇടം കണ്ണിൽ അവനും…, വലം കണ്ണിൽ കണ്ണനും.., ഒന്നു പരിഭ്രമിച്ചു പോയ നേരം ഉടനെ മഞ്ചുവാര്യരേ പോലെ “ഞാന്നൊന്നുമറിഞ്ഞില്ല രാമനാരായണ എന്ന ഭാവത്തോടെ അവളവനെ ശ്രദ്ധിച്ചിട്ടേയില്ല ” എന്ന മനോഭാവത്തോടെ തിരിഞ്ഞു കണ്ണിറുക്കി ഒറ്റ നടത്തം…., തുടർന്ന് അവനിൽ നിന്ന് ഒാരോ അടി മുന്നോട്ടു വെക്കുന്തോറും അവൾ പൂക്കാൻ തുടങ്ങി മരമായും,ചെടിയായും ഒരു പൂക്കാലമായ്…, അവൾ പെയ്യാൻ തുടങ്ങി മഴയും, മഞ്ഞും, വസന്തങ്ങളും, സുഗന്ധങ്ങളും ഒത്തു ചേർന്ന പ്രണയമഴയായ്…, ഇടം കണ്ണിൽ അവനെയും, വലം കണ്ണിൽ കണ്ണനെയും കണ്ട ആ നിമിഷം അവൾ അത് തിരിച്ചറിഞ്ഞിരുന്നു…, അതായിരുന്നു എല്ലാറ്റിന്റെയും തുടക്കം…, പിന്നെ പിന്നെ അവന്റെ പ്രാർത്ഥനയെ നോക്കി നിൽക്കുന്നതും പെട്ടന്നവൻ തിരിയുമ്പോൾ…. അവനെയല്ല അവൾ നോക്കുന്നത് എന്നു കാണിക്കാനുള്ള അവളുടെ തന്ത്രപ്പാടുകളും ദിനം പ്രതി അരങ്ങേറി കൊണ്ടേയിരുന്നു….,

അവൾ കുറച്ചു വൈകിയെത്തിയ ഒരു ദിവസം ശ്രീ കോവിലിനു മുന്നിലെത്തുമ്പോഴെക്കും അന്ന് നടയടച്ചിരുന്നു…., അതൊടെ അവളുടെ മുഖം മ്ലാനമായി…, ആ സമയം അവൻ അവൾക്കരികിലെക്കു നടന്നു വന്നു കൊണ്ട് നേരം വൈകുന്നതു കണ്ട് ഞാൻ തന്റെ പേരിൽ ഒരു പുഷ്പാഞ്ചലി കഴിപ്പിച്ചിരുന്നു എന്ന് അവളോട് പറഞ്ഞു കൊണ്ട് കൈയ്യിലെ പുഷ്പാഞ്ചലി അവൾക്കു നേരെ നീട്ടി…, ആദ്യം ഒന്നു മടിച്ചെങ്കിലും പിന്നെ അവളതു സ്വീകരിച്ചു അതിൽ നിന്നും ചന്ദനം എടുത്ത് നെറ്റിയിൽ തൊട്ടതും പെട്ടന്നാണ് അവളതോർത്തത്, തന്റെ പേരിലോ ? അപ്പോൾ തന്റെ പേരും നാളും ? ഉടനെ അവളവനോട് ചോദിച്ചു എന്റെ പേരും നാളും…? ” എന്നും കേൾക്കുന്നതല്ലെ ” അശ്വതി….! കാർത്തിക നക്ഷത്രം ” എന്നൊക്കെ അതു കേട്ടതും അവൾ ചിരിച്ചു…., കൂടെ മറ്റൊന്നു കൂടി അവൻ പറഞ്ഞു കാണാതായപ്പോൾ ഒന്നു പേടിച്ചുട്ടോയെന്ന്…” അതു കേട്ടതും അവളുടെ കണ്ണുകൾ പൂർണ്ണപ്രഭയോടെ അവന്റെ കണ്ണുകളിലെക്കു വിടർന്നു…., അവളുടെ കണ്ണുകൾ നൽകിയ പ്രഭ അതെ തിളക്കത്തോടെ അവന്റെ പുഞ്ചിരികൾ ഏറ്റു വാങ്ങി…. അതോടെ കാഴ്ച്ചകളും സംശയങ്ങളും വഴിമാറി പ്രണയം ജനിച്ചു….!! പിന്നെ ഇരുഹൃദയങ്ങളിലും പ്രണയം പ്രളയമായ് പെയ്തിറങ്ങി….,

ദിനവും ഒരു നോക്കു കാണുവാൻ നേരം വെളുത്തു കിട്ടാനായി സമയമെണ്ണിയവർ പരസ്പരം കാത്തിരുന്നു…, പ്രണയം കൊടുമ്പിരി കൊണ്ട ഒരു രാത്രിയിൽ അവൾ അവനോടു ചോദിച്ചു ദിവസവും ഇത്രമാത്രം പ്രാർത്ഥിക്കാൻ എന്താ ഉള്ളതെന്ന്….? അതിനു മറുപടിയായി അവനൊന്ന് ചിരിക്കുക മാത്രമാണ് ചെയ്തത് …, പക്ഷെ അവൾ അതറിയാതെ അവനെ വിടുന്ന ലക്ഷണമില്ലയെന്നു മനസ്സിലായതോടെ അവൻ പറഞ്ഞു…, എന്റെ കൈകൊണ്ട് നിന്റ നെറുകയിൽ സിന്ദൂരവും കഴുത്തിൽ താലിയും ചേർന്നണിഞ്ഞ നാളിലെ രാത്രി ചന്ദ്രനെ സാക്ഷിയാക്കി പറഞ്ഞു തരാമെന്ന്…, അതു കേട്ടപ്പോൾ തന്നെ അവൾക്കു മനസ്സിലായി തൽക്കാല രക്ഷക്കുള്ള ശ്രമമാണെന്ന്.., എന്തോ അവൾ പിന്നെ അതെപ്പറ്റി ചോദിച്ചില്ല…., പ്രണയം ഏറ്റവും ശക്തമായ ആഴത്തിൽ അവരിൽ വേരോടി…, മലവെള്ളം പോലെ എല്ലാം തകർത്തെറിഞ്ഞ് കടലിനെ ലക്ഷ്യം വെച്ചവ കുതിച്ചു…, അങ്ങിനെയിരിക്കെ ഒരു ദിവസം മറ്റൊരു രഹസ്യം അവൻ അവൾക്കു മുന്നിൽ വെളിപ്പെടുത്തി…, കൂട്ടുക്കാരന്റ വീട്ടിൽ ഉൽസവം കൂടാൻ വന്നപ്പോഴാണ് അവളെ ആദ്യമായി കണ്ടതെന്നും…,

ഉൽസവം കണ്ടു മടങ്ങുമ്പോൾ തന്റെ മനസ്സിവിടെ ഈ അമ്പലമുറ്റത്ത് വെച്ച് നഷ്ടമായെന്നും അതു ഇവിടെ വെച്ച് നിന്റെ മനസ്സിലായിരുന്നു വീണു പോയതെന്നും പക്ഷേ അത് വീണ്ടെടുക്കാനായിരുന്നില്ല തിരിച്ചു വന്നത് അത് നെഞ്ചിൽ പേറുന്ന ആ ഹൃദയത്തെ സ്വന്തമാക്കാനാണ് അവളെയും തിരഞ്ഞ് പിന്നെയും ആ അമ്പലനടയിൽ വന്നതെന്നു കൂടി അവളോട് പറഞ്ഞപ്പോൾ…., അവൾ കോരിത്തരിപ്പിന്റെ അഗ്രതയിലും.., നിർവൃതിയുടെ പാരമ്യത്തിലുമെത്തിയിരുന്നു…, ആ നിമിഷം അവൾക്കു മനസിലായി മരണം കൊണ്ടു മാത്രമേ ഇനി തങ്ങളെ പിരിക്കാനാവൂയെന്ന്…., തുടർന്ന് അവനെയും വിട്ട് തിരിഞ്ഞു നടക്കുമ്പോൾ അവനെ എത്ര പ്രാവശ്യം തിരിഞ്ഞു നോക്കിയിട്ടും അന്നവൾക്കു മതി വന്നില്ല…, പക്ഷെ സന്തോഷങ്ങൾക്കെല്ലാം അൽപ്പായുസ്സായിരുന്നു…., പ്രണയ പ്രളയത്തിനു മേൽ ബന്ധബന്ധനങ്ങളുടെ അഗ്നിപ്പർവ്വതം പൊട്ടിച്ചിതറി…, അതുവരെ തീറ്റിപ്പോറ്റിയതിന്റെ വിലയായ് വീട്ടുക്കാർ അവളുടെ ജീവിതം ഇഷ്ടദാനം ചോദിച്ചപ്പോൾ…, മരണം കൊണ്ടെ അവസാനിക്കു എന്നു കരുതിയത് വെറും മണിക്കൂറുകൾ കൊണ്ടവസാനിക്കുന്ന അവസ്ഥയിലായി കാര്യങ്ങൾ എല്ലാം അവസാനിക്കുകയാണെന്ന് മനസ്സു പറഞ്ഞു…,

കാരണം അവളെ പോലൊരു പെണ്ണിന് വീട്ടുക്കാരുടെ കുറ്റപ്പെടുത്തലുകൾക്കും ശാസനകൾക്കും മുന്നിൽ പിടിച്ചു നിൽക്കുക അത്ര എളുപ്പമാവില്ലായെന്ന് ഇരുവർക്കും നല്ലപ്പോലെ അറിയാം…,, അടുത്തടുത്ത ഒന്നു രണ്ടു ദിവസങ്ങളിലായി അവളെക്കാൾ അവളുടെ കണ്ണീരായിരുന്നു അവനു കണി…, അവനെചതിക്കേണ്ടി വരുമോ ? എന്ന ഭയമാണവൾക്ക്…, അതൊക്കെ കണ്ടതോടെ അവളുടെ അവസ്ഥയോർത്ത് അവനു തന്നെ പാവം തോന്നി…., കാൻസറിനേക്കാൾ വേഗത്തിൽ അവളുടെ മനസ്സിനേയും ശരീരത്തേയും വേദനകൾ കാർന്നു തിന്നാൻ തുടങ്ങിയിരിക്കുന്നു എന്നു മനസ്സിലായതോടെ…., ഇനി മറ്റൊന്നും ഒാർക്കേണ്ടെന്നും.., തന്നെ വിട്ടു പൊയ്ക്കൊള്ളാനും അവനവളോട് തീർത്തു പറഞ്ഞു…., അതു കേട്ട് അവൾ കുറച്ചു നേരം അവന്റെ കണ്ണുകളിലെക്കു തന്നെ നോക്കി…, അവന്റെ കണ്ണുകളിൽ അവന്റെ ചങ്കു പിടയുന്നത് അവൾക്കു മാത്രം കാണാനാവും എന്നറിയാവുന്നതു കൊണ്ട് നോട്ടം പിൻവലിച്ച് അവൻ താഴോട്ടു നോക്കി…., തുടർന്നവനെ നോക്കി അവൾ പറഞ്ഞു…, ശരി നമ്മുക്ക് പിരിയാം….!

അതു കേട്ടതും നിസഹായതയോടെ അവനവളെ നോക്കി തലയാട്ടി…, തുടർന്നവൾ പറഞ്ഞു എനിക്കൊരു താലി വേണം ഈ കാലത്തിന്റെ ഒാർമ്മക്കായ്….! അതിനും സമ്മതമായി തലയാട്ടി അമ്പലത്തിൽ കയറി തൊഴുത് അവനും അവിടുന്ന് പോന്നു…., പിറ്റേന്നു തന്നെ അവൾ ആവശ്യപ്പെട്ട പ്രകാരം ഒരു ചെറിയ താലിയുമായി അമ്പലനടയിൽ അവനവളെയും കാത്തു നിന്നു.., അവളെ മാത്രം കാണുന്നില്ല…., പക്ഷെ പഴയതിനേക്കാൾ ഇന്നതിൽ സങ്കടം തോന്നിയില്ല കാരണം എത്ര വൈകിയാലും അത്രയും നേരം കൂടി അവനവളുടെ ഉള്ളിൽ ജീവിക്കാലോ…., എന്നാൽ വളരെയൊന്നും കാത്തു നിൽക്കേണ്ടി വന്നില്ല അവളും എത്തി…, അവർക്കിടയിൽ യാതൊരു മുഖവുരയുടെയും ആവശ്യവും ഉണ്ടായിരുന്നുമില്ല…, മുൻകൂട്ടി തീരുമാനിച്ച പ്രകാരം അവളുമായുള്ള അവസാന സമാഗമത്തിനു അവനും തയ്യാറായി…, ഇനി കൈയ്യിലുള്ള താലി കൈമാറുന്നതോടെ എല്ലാം അവൻ മറന്നു തുടങ്ങണം…., ഇനിയുള്ള ഒരു യാത്രയിലും അവൾ കൂടെയില്ല…, ഇന്നു മുതൽ കഴിഞ്ഞതെല്ലാം പഴങ്കഥകളാണ്…, കൂടെ ഈ കാലത്തെ വെറും ഒാർമ്മകൾ മാത്രമായി സൂക്ഷിക്കാൻ അവൾക്കു വിട്ടു കൊടുക്കണം…., പിന്നെ പുതിയ ഒരു കൂട്ടിനു വേണ്ടി പുതിയ ചായ ഗ്ലാസ്സുകളും തേടി വീണ്ടും ഒാരോ വീട്ടിലും കയറി ഇറങ്ങണം.,., അത്ര എളുപ്പമല്ലെങ്കിലും എല്ലാം ഇനി ഒന്നേന്നു തുടങ്ങണം…,

സ്നേഹം പോലും…! അവളവന്റെ മുന്നിലെത്തിയതോടെ അവന്റെ ഊഴമായി താലി വിരലുകൾ കൊണ്ട് മുറുക്കി പിടിച്ച് അവന്റെ വലതു കൈ അവനവൾക്കു മുന്നിലേക്കു നീട്ടി…, എന്നിട്ട് പതിയെ അതു വരെയും മുറുക്കി പിടിച്ച കൈവിരലുകൾ അവൾക്കു മുന്നിൽ നീവരാൻ തുടങ്ങിയതോടെ അതവളെടുക്കുന്നതു കാണാനുള്ള ശക്തിയില്ലാതെ…, അവളിൽ നിന്നു മുഖം തിരിച്ച് അവനവന്റെ കണ്ണുകൾ മുറുക്കി അടച്ചു…., കുറച്ചു നേരം കഴിഞ്ഞിട്ടും അവളതെടുത്തില്ലന്നു മനസ്സിലായതോടെ അവൾക്കെതിരെ തിരിച്ചു പിടിച്ച മുഖം വീണ്ടും അവളിലെക്കു തന്നെ തിരികെ കെണ്ടു വന്ന് അവളെ നോക്കവേ…., ദൃഷ്ടി അവളിൽ പതിഞ്ഞതും അവൾക്കു മുന്നിലെക്കു നിവർത്തിയ അവന്റെ കൈയ്യിലെ താലിക്കു മേലെ അവളൊരു കറുത്ത ചരടു വെച്ചു കൊടുത്തു…., ഒരു നിമിഷം അതിശയപ്പെട്ടു നിൽക്കവേ…, അവൾ പറഞ്ഞു.., എനിക്കു ചുറ്റും ഒരുപാട് പ്രശ്നങ്ങൾ ഉണ്ടായേക്കാം…., തളർന്നു പോയേക്കാവുന്ന ഒരുപാട് നിമിഷങ്ങളും….,

വേണമോ വേണ്ടയോ എന്നു തീരുമാനിക്കേണ്ട പല ഘട്ടങ്ങളും…., അവയുടെ എല്ലാം മുന്നിൽ എന്റെ എല്ലാ പ്രശ്നങ്ങൾക്കിടയിലും എനിക്ക് സ്വയം പിടിച്ചു നിൽക്കാൻ ” എന്റെ കഴുത്തിൽ ഉറപ്പുള്ള ഒരു താലിയുടെ ബലം വേണം…” ” എതു പ്രശ്നത്തിലും കൈവിടാതെ കൂടെയുണ്ടാവുമെന്നുറപ്പുണ്ടെങ്കിൽ…, ഈ താലി എന്റെ കഴുത്തിൽ കെട്ടി തരണം…! ഒരു നിമിഷം അമ്പരന്നു പോയങ്കിലും…, ഹൃദയം നിറഞ്ഞ സന്തോഷത്തോടെ അവനവളുടെ കഴുത്തിൽ താലി ചാർത്തി…, അതിനു ശേഷം അവന്നെ വിട്ടകലുമ്പോൾ അവളവനോടായ് പറഞ്ഞു എത്രനാൾ എന്നൊന്നും എനിക്കറിയില്ല എത്ര നാളായാലും എനിക്കു വേണ്ടി കാത്തിരിക്കണം എത്ര വൈകിയാലും അവസാനം ഞാൻ നിനിലേക്കു തന്നെ മടങ്ങി വരും….!

തുടർന്നവൾ ശ്രീകോവിലിലേക്കു നോക്കി തൊഴുത് തന്റെ താലിയും അണിഞ്ഞ് പോകുന്നതും നോക്കി അവൻ നിന്നു…, അവൾ കണ്ണിൽ നിന്നു മറഞ്ഞതോടെ അവൻ നേരെ അമ്പലനടയിലെക്കു തന്നെ നടന്ന് ശ്രീ കോവിലിനു മുന്നിൽ കൈകൂപ്പി നിന്ന് എന്നും ചെല്ലാറുള്ള ആ പ്രാർത്ഥന ചൊല്ലി…, കണ്ണാ… അവളെ പോലെ എനിക്കു സ്നേഹം തോന്നിയേക്കാവുന്ന ഒരു പെണ്ണിനെ ഇനി ഒരിക്കലും കണ്ടുമുട്ടാൻ ഇട വരുത്തരുതേയെന്ന്….” !!!!

അപ്പോൾ സ്വാഭാവികമായും നിങ്ങൾക്കു ഒരു സംശയം തോന്നും പിന്നീട് അവർക്കെന്തു സംഭവിച്ചു എന്ന്….? അതിനുള്ള ഉത്തരം ഇത്രയെ ഉള്ളൂ…., ഈ കഥ എനിക്കു പറഞ്ഞു തന്നത് എന്റെ അച്ഛനാണ്…., മറ്റാരും കാണാതിരിക്കാൻ ഉള്ളു പൊള്ളയായ മറ്റൊരു ലോക്കറ്റിനുള്ളിലാണ് ആ പരീക്ഷണക്കാലം അത്രയും മറ്റാരും കാണാതെ എന്റെ അമ്മ ആ താലി സൂക്ഷിച്ചതെന്നും പറഞ്ഞു…..,!!!! . .Written By Pratheesh

Advertisement

Malayalam Article

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം.

Published

on

By

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം. 4500 രൂപ അടച്ച് സൈറ്റിൽ തത്സമയം കാണാൻ സൗകര്യം ലഭ്യമാക്കിയത് നൂറിലധികം പേര്.  കൊറിയയിൽ ഹോട്ടലുകളിൽ മുറിയെടുത്ത് താമസിച്ച 1700 ൽ അധികം പേരുടെ സ്വകാര്യ നിമിഷങ്ങളാണ് തത്സമയ സംപ്രേഷണമായി ഇന്റർനെറ്റ് സൈറ്റിൽ ചോർന്നതെന്ന പോലീസിന്റെ ഞെട്ടിപ്പിക്കുന്ന കണ്ടെത്തൽ. മുറിയെടുക്കുന്നവർ ശ്രദ്ധിക്കാത്ത തരത്തിൽ മുറിയുടെ പലഭാഗങ്ങളിലായാണ് സംഗം ഒളിക്യാമറകൾ സ്ഥാപിച്ചത്. സൈറ്റിൽ മുൻകൂറായി പണമടയ്ക്കുന്നവർക്ക് തത്സമയം രംഗങ്ങൾ കാണാനുള്ള സൗകര്യവും സംഗം ലഭ്യമാക്കിയിരുന്നു. നഗരത്തിലെ 35 ഓളം ഹോട്ടലുകളിലായി ഏകദേശം 50 ഓളം ഒളിക്യാമറകൾ ആയിരുന്നു ഇതിനായി ഉപയോഗിച്ച് പോന്നിരുന്നത്. 100 അധികം പേരാണ് മാസം 4500 രൂപ അടച്ച് സൈറ്റിൽ തത്സമയം കാഴ്ചകൾ കണ്ടുകൊണ്ടിരുന്നത്. 2018 നവംബര്‍ മുതല്‍ ഈ മാര്‍ച്ച്‌ വരെ ഏഴ് ലക്ഷത്തോളം രൂപ ഇതുവഴി സംഗം സമ്ബാദിച്ചതായും പൊലീസ് കണ്ടെത്തി. ഒളിക്യാമറകൾ വഴി നേരുത്തേ ദൃശ്യങ്ങൾ പകർത്തിയിരുന്നു സംഭവങ്ങൾ ഉണ്ടായിട്ടുണ്ടെങ്കിലും സൈറ്റിൽ തത്സമയ സംപ്രേഷണം ചെയ്യുന്നത് ആദ്യമായാണ്.

Continue Reading

Malayalam Article

കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിനക്കുണ്ടായി? നിന്നെ ഒന്നറിയാൻ, ഒന്ന് തിരുത്താൻ ആരും ഉണ്ടായില്ലല്ലോ..

Published

on

By

സാധാരണക്കാരായ മാതാപിതാക്കളെക്കാൾ ഒരുപക്ഷെ , എന്നെപോലെ കൗമാരക്കാരായ കുട്ടികളുടെ ഇടയിൽ നിൽക്കുന്ന കൗൺസിലർ കൂടി ആയ വ്യക്തികൾ കൂടുതൽ ആശങ്കപ്പെടുന്ന കാലമാണ് ഇത്… കാരണം , ഞങ്ങളുടെ കുഞ്ഞുങ്ങളെ പോലെ അനേകം കുട്ടികളെ കാണുക ആണ്.. അവരുടെ പ്രശ്നങ്ങൾ കേൾക്കുക ആണ്.. അവരുടെ മനസ്സിലെ അടിയൊഴുക്കുകൾ അറിയുക ആണ്.. എന്റെ പതിനാറു കാരിയായ മകളോട് എന്ന പോലെ അനേകം കുഞ്ഞുങ്ങളോടും പറഞ്ഞു കൊടുക്കുന്ന ഒരു കാര്യമാണ് ” അരുത് എന്ന് പറയാനുള്ള പ്രാപ്തി ഉണ്ടാക്കുക എന്നത്..’ പക്ഷെ അതങ്ങു ചുമ്മാ പറഞ്ഞാൽ പോരാ..എന്ന് ഇപ്പൊ ചൂണ്ടി കാട്ടാറുണ്ട്.. അപ്പുറത്തെ ആളെ അപമാനിക്കാതെ വേണം , അരുത് എന്ന് പറയാൻ.. വാക്കുകളെ ക്കാൾ വാക്കുകൾ കോർക്കുന്ന ഭാവത്തിനു പ്രാധാന്യം ഉണ്ട് എന്നും.. തിരുവല്ലയിൽ നടന്ന സംഭവം പോലെ എത്രയോ നടന്നിരിക്കുന്നു മുൻപും..! സോഷ്യൽ മീഡിയ യുടെ സഹായം കൊണ്ട് ഇപ്പോൾ കൂടുതൽ കാര്യങ്ങൾ അറിയുന്നു എന്ന് മാത്രം.. ആൺകുട്ടികൾ മയക്കു മരുന്ന് ഉപയോഗിക്കുന്നു , അവർ ക്രിമിനലുകൾ ആകുന്നു എന്നതാണ് വാർത്തകൾ മുഴുവൻ.. പെണ്കുട്ടികളൂം ഒപ്പം ഉണ്ട് എന്ന് സാമൂഹിക പ്രവർത്തക കൂടി ആയ ഞാൻ പറയുന്നു..!

ഈ അടുത്ത് ഒരു പ്രൊജക്റ്റ് ഇന്റെ ഭാഗമായി അറ്റൻകുളങ്ങര വനിതാ ജയിൽ സന്ദർശിച്ചു.. റിപ്പോർട്ട് പുറത്ത് വിടാൻ അനുമതി ഇല്ല.. എങ്കിലും ഒന്ന് പറയട്ടെ.. കുറ്റകൃത്യങ്ങളിൽ ആണ് പെണ്ണ് മനസ്സ് തമ്മിൽ വ്യത്യാസം ഇല്ല.. കുറ്റവാളികൾക്ക് ഒരേ ഒരു മനസ്സാണ്. ഉപേക്ഷിക്കപെടുക എന്നത് പോലെ അപമാനകരമായ ഒന്ന് മനുഷ്യജീവിതത്തിൽ നേരിടാനില്ല..അതുക്കും മേലെ ആണ്.., എന്റെ എന്ന് വിശ്വസിച്ച ഒരാൾ, അയാളുടെ ജീവിതത്തിൽ താൻ അറിയാതെ , തന്നിലും മേലെ മറ്റൊരാൾ ഉണ്ട് എന്ന ഞെട്ടിപ്പിക്കുന്ന നോവ്.. അതിന്റെ ആഴം.. മുറിവ് ക്രമേണ വൃണം ആയി, അതിൽ നിന്നും ദുർഗന്ധം വമിക്കാൻ തുടങ്ങും.. പകയുടെ വൃത്തികെട്ട മനം മടുപ്പിക്കുന്ന ഒന്ന്.. അതിന്റെ തീവ്രതയിൽ പെട്ട് കഴിഞ്ഞാൽ പിന്നെ ഇരുട്ടാണ്.. ഭ്രാന്തിന്റെ അങ്ങേ അറ്റത് മനസ്സിൽ നടക്കുന്ന വേലിയേറ്റവും വേലിയിറക്കവും ,വിഭ്രാന്തികളും ലഹരി മരുന്നിന്റെ പൈശാചിക ചിന്തകളെ വെല്ലും.. എന്നെ ചതിച്ചു..!! ഞാൻ ഉപേക്ഷിക്കപ്പെട്ടു..!!! ഇതിനെ വെല്ലാൻ മറ്റൊരു നഷ്‌ടത്തിനും സാധ്യമല്ല.. ഇര സ്വയം ആണ്.. പക്ഷെ പ്രത്യക്ഷ്യത്തിൽ വില്ലനും.. കുത്തികീറാൻ ഉള്ള വൈരാഗ്യം , കത്തിച്ചു കളയാനുള്ള പക ഒക്കെ കൊണ്ട് സൃഷ്‌ടിക്കപെടുന്ന മനസ്സിനെ നിയന്ത്രിക്കാൻ ആരെങ്കിലും തക്ക സമയത്ത് അത് തിരിച്ചറിയണം.. അല്ലേൽ , ഇനിയും എത്രയോ ദുരന്തങ്ങൾ ആവർത്തിക്കപെടും… ലഹരി മരുന്നിനു അടിമ ആയിരുന്നോ ആ പയ്യൻ എന്നറിയില്ല.. ഓരോ കുറിപ്പുകളും എഴുതുമ്പോൾ ഓർക്കാറുണ്ട്,ഇതൊക്കെ വായിച്ചിട്ടു കൗമാരക്കാർ മുഴുവൻ മയക്കു മരുന്ന് ഉപയോഗിക്കുന്നു എന്ന് ആണോ വായിക്കുന്നവർ കരുതുക എന്ന്.. അല്ല കേട്ടോ.. പക്ഷെ , നമ്മുടെ നാട്ടിൽ ടെക്നോളജി വളരും പോലെ കുത്തനെ വളരുന്ന ഒന്ന് മയക്കുമരുന്നിന്റെ മേഖല തന്നെ ആണ്.. ഇതൊക്കെ വേണ്ടപ്പെട്ട അധികാരികളുടെ ശ്രദ്ധയിൽ പെടുത്തി മടുത്തു.. ആരെയും കുറ്റം പറയാൻ വയ്യ.. സിനിമയിൽ കാണുന്ന മാഫിയ യെക്കാൾ എത്രയോ വലുതാണ് നമ്മുടെ നാട്ടിൽ .. അതിന്റെ വേരുകൾ തേടി പോകാനുളള ആർജ്ജവവും സമയവും അധികാരം ഉളള ഭരണാധികാരികൾ നേടേണ്ടതാണ്.. കുട്ടികളെ ബോധവൽക്കരിക്കുന്നതിനു പകരം മാതാപിതാക്കളെയും അധ്യാപകരെയും ചേർത്ത് ഒരു ചർച്ച സംഘടിപ്പിക്കാമോ എന്ന് ഓരോ വട്ടവും ക്ലാസ് എടുക്കാൻ വിളിക്കുന്ന സ്കൂൾ ,കോളേജ് , അധികാരികാരികളോട് പറയാറുണ്ട്.. ഫലം ഉണ്ടാകാറില്ല.. അഥവാ അവർ തയ്യാറായാൽ തന്നെ മാതാപിതാക്കൾക്ക് സമയം ഇല്ല വരാൻ..! ഒന്നേ ഉള്ളു അത്തരം ക്ലാസുകൾ കൊണ്ട് ,നേടാൻ.. നിങ്ങൾ നിങ്ങളുടെ മാത്രം കുഞ്ഞുങ്ങളെ അറിയുന്നു.. അല്ലേൽ ഇങ്ങനെ ഒരു ദുരന്തം വരുമ്പോൾ കേൾക്കുന്നു.. പൊതുവായ കാര്യങ്ങൾ ചർച്ച ചെയ്യുമ്പോൾ എങ്ങനെ കുട്ടികളെ കൈകാര്യം ചെയ്യാം എന്നതിന് ഓരോ അമ്മയ്ക്കും അച്ഛനും വ്യക്തമായ ഉത്തരം കിട്ടും.. അല്ലാതെ ഒരു പ്രശ്നം ഉണ്ടാകുമ്പോൾ , ഓടി സൈക്കോളജിസ്റ് ന്റെ അടുത്ത് കൊണ്ട് പോയിട്ട് കാര്യം ഇല്ല.. കതിരുമ്മേൽ വളം വെയ്ക്കുന്നത് കൊണ്ട് എന്ത് ഗുണം..?

നിങ്ങളുടെ മക്കളുടെ കൗൺസിലർ നിങ്ങൾ തന്നെ ആകണം..! നിങ്ങൾ ഇരുപത്തിനാലു മണികൂറു മക്കളുടെ കൂടെ ഇരിക്കേണ്ട.. പക്ഷെ ഇരിക്കുന്ന സമയം ,അവരോടു തുറന്നു ഇടപെടണം.. ചതിയിൽ പെടാതെ നോക്കാൻ മാത്രമല്ല.. ചതിക്കരുത് എന്ന് കൂടി ഉൾകാഴ്ച ഉണ്ടാക്കി കൊടുക്കണം.. സ്നേഹത്തെ ക്കാൾ വലുതാണ് വിശ്വാസം.. തലയുയർത്തി പിടിച്ചു ചങ്കുറ്റത്തോടെ മരണം വരെ ജീവിക്കാൻ, ഞാൻ ആരെയും ചതിച്ചിട്ടില്ല എന്നൊരു അഹങ്കാരം സ്വയം നേടിയെടുത്താൽ മാത്രം മതി.. എത്ര കോടി കാശിനെ ക്കാളും അതിനു മതിപ്പുണ്ട്..ഇല്ലേ..? അവൻ ശിക്ഷിക്കപ്പെടണം എന്ന് ആഗ്രഹിക്കുന്ന ഒരാളാണ് ഞാൻ..എന്നിരുന്നാലും , പെൺകുട്ടിയുടെ അമ്മയെ പോലെ അവനും ഉണ്ട് ഒരമ്മ..അച്ഛൻ..വേണ്ടപ്പെട്ടവർ.. അവരെ ഓർക്കുമ്പോൾ സഹിക്കുന്നില്ല.. കരയാൻ അവർക്കു ആയിട്ടുണ്ടാകുമോ..? നൂറായിരം വിരലുകൾ അവന്റെ കുടുംബത്തിന് നേർക്ക് നീളുക സ്വാഭാവികം.. അവന്റെ ഈ മാനസിക തകർച്ച അവരുടെ കണ്മുന്നിൽ വെച്ചാണോ എന്നറിയില്ല.. അവർ അറിഞ്ഞതാണോ അതോ അവനെ അറിയാൻ കഴിയാഞ്ഞതാണോ..? കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിന്നിൽ ഉണ്ടായി എന്ന് ഓർക്കുമ്പോൾ സങ്കടം ഉണ്ടാകുന്നു.. നിന്നെ ഒന്നറിയാൻ , ഒന്ന് തിരുത്താൻ ആരും ഉണ്ടായില്ലല്ലോ എന്നൊരു കുറ്റബോധവും..

കടപ്പാട്: Kala Shibu

Continue Reading

Malayalam Article

ആരാണ് ചരിത്രമെഴുതാൻ പോകുന്നത്? രാജയോ അതോ ലുസിഫെറോ?

Published

on

By

മലയാള സിനിമയുടെ എക്കാലത്തെയും മികച്ച സൂപ്പർ താരങ്ങളാണ് മോഹൻലാലും മമ്മൂട്ടിയും. മോഹൻലാൽ കേന്ദ്രകഥാപാത്രമായി എത്തുന്ന ലൂസിഫറിന്റെ ട്രെയ്‌ലറും മമ്മൂട്ടി കേന്ദ്ര കഥാപാത്രമായി എത്തുന്ന മധുര രാജയുടെ ടീസറും ഒരേ ദിവസമാണ് ഇറങ്ങിയത്. ഇന്നലെയാണ് രണ്ടും സിനിമകളുടെ അണിയറ പ്രവർത്തകർ പുറത്ത് വിട്ടത്. മമ്മൂട്ടിയുടെയും മോഹന്‍ലാലിന്റെയും ഫേസ്ബുക്ക് പേജുകള്‍ വഴി മുന്‍കൂട്ടി ആരാധകരെ അറിയിച്ച്‌, യുട്യൂബ് വഴി പ്രീമിയര്‍ ചെയ്യുകയായിരുന്നു ഇരുചിത്രങ്ങളുടെയും പ്രചരണ വീഡിയോകള്‍. ഇതുപ്രകാരം ആദ്യമെത്തിയത് മധുരരാജയുടെ ടീസര്‍ ആയിരുന്നു. വൈകിട്ട് ആറിന് ടീസറെത്തി. രാത്രി ഒന്‍പതിനായിരുന്നു ലൂസിഫറിന്റെ ട്രെയ്‌ലര്‍.

വന്‍ പ്രതികരണമാണ് ഇരുചിത്രങ്ങളുടെയും വീഡിയോകള്‍ക്ക് ലഭിച്ചത്. മൂന്ന് മണിക്കൂര്‍ മുന്‍പെത്തിയതിനാല്‍ മധുരരാജയുടെ ടീസറായിരുന്നു യുട്യൂബ് കാഴ്ചകാരുടെ എണ്ണത്തില്‍ രാത്രി മുന്നില്‍. എന്നാല്‍ പിന്നീട് ലൂസിഫര്‍ ഈ കണക്കുകളെ മറികടന്നു. യുട്യൂബ് പ്രീമിയറിലും ലൂസിഫര്‍ റെക്കോര്‍ഡ് സൃഷ്ടിച്ചു. 2.47 മിനിറ്റ് ദൈര്‍ഘ്യമുള്ള ട്രെയ്‌ലര്‍ പ്രീമിയര്‍ പ്രദര്‍ശനത്തിന്റെ ഒരു ഘട്ടത്തില്‍ ഒരേസമയം 57,000 പേര്‍ വരെ കണ്ടു. ഇപ്പോഴത്തെ കണക്കനുസരിച്ച്‌ 1,428,429ലധികം കാഴ്ചക്കാരാണ് മധുരരാജയുടെ ടീസറിന് ലഭിച്ചിരിക്കുന്നത്. ലൂസിഫറിന്റെ ട്രെയ്‌ലറിന് ലഭിച്ചിരിക്കുന്നത് 2,515,215 ലേറെ കാഴ്ചകാരും.

ലൂസിഫർ ട്രൈലെർ 

സോഴ്സ്:  GOODWILL ENTERTAINMENTS

മധുരരാജാ ട്രൈലെർ 

സോഴ്സ്: Vysakh Entertainments

Continue Reading
“KeralaJobUpdates”

Writeups

Malayalam Article15 hours ago

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം.

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം. 4500 രൂപ അടച്ച് സൈറ്റിൽ തത്സമയം കാണാൻ സൗകര്യം ലഭ്യമാക്കിയത് നൂറിലധികം പേര്.  കൊറിയയിൽ...

Malayalam Article2 days ago

കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിനക്കുണ്ടായി? നിന്നെ ഒന്നറിയാൻ, ഒന്ന് തിരുത്താൻ ആരും ഉണ്ടായില്ലല്ലോ..

സാധാരണക്കാരായ മാതാപിതാക്കളെക്കാൾ ഒരുപക്ഷെ , എന്നെപോലെ കൗമാരക്കാരായ കുട്ടികളുടെ ഇടയിൽ നിൽക്കുന്ന കൗൺസിലർ കൂടി ആയ വ്യക്തികൾ കൂടുതൽ ആശങ്കപ്പെടുന്ന കാലമാണ് ഇത്… കാരണം , ഞങ്ങളുടെ...

Malayalam Article2 days ago

ആരാണ് ചരിത്രമെഴുതാൻ പോകുന്നത്? രാജയോ അതോ ലുസിഫെറോ?

മലയാള സിനിമയുടെ എക്കാലത്തെയും മികച്ച സൂപ്പർ താരങ്ങളാണ് മോഹൻലാലും മമ്മൂട്ടിയും. മോഹൻലാൽ കേന്ദ്രകഥാപാത്രമായി എത്തുന്ന ലൂസിഫറിന്റെ ട്രെയ്‌ലറും മമ്മൂട്ടി കേന്ദ്ര കഥാപാത്രമായി എത്തുന്ന മധുര രാജയുടെ ടീസറും...

Malayalam Article3 days ago

ഇന്ത്യാമഹാരാജ്യത്തെ ചായക്കടക്കാരെല്ലാം ഇന്ന് ഭയത്തോടെയാണ് ജീവിക്കുന്നത്. പ്രസംഗവേദിയിൽ മോദിക്കെതിരെ തുറന്നടിച്ച് മമതാ ബാനർജി.

ഇന്ത്യൻ പ്രധാനമന്ത്രി നരേന്ദ്രമോദിക്കെതിരെ ഇത്തവണ പരിഹാസവുമായി എത്തിയിരിക്കുന്നത് മമത ബാനര്‍ജിയാണ്. കോണ്‍ഗ്രസ് സഖ്യം പൊളിഞ്ഞതോടെ ബംഗാളിലെ ഇലക്ഷൻ പോരാട്ടം തൃണമൂല്‍ കോണ്‍ഗ്രസിനും ബിജെപിക്കും ഇടയിലാവുമെന്ന ഭയത്തിലാണ് ഇന്ത്യയിലെ ചായ വില്പനക്കാരെല്ലാം ജീവിക്കുന്നതെന്നുമാണ് മമത...

Malayalam Article3 days ago

അമ്മായിഅമ്മ മരിച്ചതിന്റെ ദുഃഖം താങ്ങാനാവാതെ മരുമകളുടെ ആത്മഹത്യ. സംഭവത്തിന്റെ യഥാർത്ത ട്വിസ്റ്റ് തുറന്നുപറഞ്ഞു മകൻ.

മുംബയിൽ ഈ കഴിഞ്ഞ ശനിയാഴ്ച പ്രാദേശിക മാധ്യമങ്ങളെല്ലാം ഒരു പോലെ റിപ്പോർട്ട് ചെയ്ത ഒരു വാർത്ത ആയിരുന്നു അമ്മായി അമ്മയുടെ മരണത്തിൽ മനം നൊന്ത് മരുമകൾ ആത്മഹത്യാ...

Malayalam Article3 days ago

അമ്മയുൾപ്പെടെ പലരും എന്നോട് പറഞ്ഞിട്ടുണ്ട് “കമ്യൂണിസ്റ്റ് പാർട്ടിയെ കുറ്റം പറയരുത്. ശ്രീലക്ഷ്മിയുടെ കുറിപ്പ് വയറലാകുന്നു

അമ്മയുൾപ്പെടെ പലരും എന്നോട് പറഞ്ഞിട്ടുണ്ട് “കമ്യൂണിസ്റ്റ് പാർട്ടിയെ കുറ്റം പറയരുത്, എന്തെങ്കിലും നിനക്ക് പറയാൻ ഉണ്ടെങ്കിൽ അത് വീട്ടിൽ പറഞ്ഞ് തീർത്തോണം, അല്ലാതെ നാടുനീളെ പാർട്ടിയെ കുറ്റം...

Malayalam Article4 days ago

പ്രിത്വിരാജിന് ശേഷം കേരളത്തിലേക്കുള്ള അടുത്ത ലംബോർഗിനി കോട്ടയത്ത് എത്തി മക്കളേ..

ലംബോർഗിനി! ഏതൊരു വാഹനപ്രേമിയുടെയും സ്വപ്ന വാഹനം. രൂപത്തിലും ഭാവത്തിലും വ്യത്യസ്തത നില നിർത്തുന്ന ഈ വാഹനം സ്വന്തമാക്കാൻ ആരാണ് കൊതിക്കാത്തത്? എന്നാൽ കേരളത്തിലെ റോഡുകൾ ലംബോർഗിനിയുടെ ഘടനയ്ക്ക്...

Malayalam Article4 days ago

ബ്രെസ്റ്റ് കാൻസർ പരിശോധിക്കാൻ പോയ യുവതിക്കുണ്ടായ മനസ്സ് മരവിപ്പിക്കുന്ന ഒരു അനുഭവം.സ്ത്രീകൾ മാത്രമല്ല പുരുഷന്മാരും ഈ പോസ്റ്റ് ഒന്ന് വായിക്കുക.

ഇന്ന് സ്ത്രീകളിൽ സർവ്വ സാദാരണമായി കാണുന്ന ഒരു രോഗമാണ് ബ്രെസ്റ്റ് കാൻസർ. സിനിമ താരങ്ങൾ ഉൾപ്പടെ നിരവധി പേരെയാണ് ഈ അസുഖം കാർന്നുതിന്നത്. ചിലരൊക്കെ ജീവിതത്തിലേക്ക് തിരിച്ചു...

Malayalam Article5 days ago

“നീയൊരു വേശ്യയാണ്, വേശ്യ മാത്രം…നാസിർ ഹുസൈന്റെ പോസ്റ്റ് വൈറലാകുന്നു

“നീയൊരു വേശ്യയാണ്, വേശ്യ മാത്രം…ഞാൻ ഒരിക്കലും നിന്നെക്കുറിച്ചു ഇങ്ങനെ വിചാരിച്ചില്ല… നിന്നെ ഒരിക്കലും ഇനിയെൻറെ കൺമുമ്പിൽ കണ്ടുപോകരുത്… ” അവൾ അന്നുവരെ കാണാത്ത ഭാവമായിരുന്നു അവൻറെ മുഖത്ത്…...

Malayalam Article5 days ago

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഹൃദയ സ്പർശിയായ ഒരു വീഡിയോ.

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഇന്നത്തെ കാലത്ത് അച്ഛനെയും അമ്മയെയും ഉപേക്ഷിക്കാൻ മടിയില്ലാത്ത മക്കളാണ് ഉള്ളത്. കുറച്ച് പേർ വൃദ്ധസദനത്തിൽ കൊണ്ടാക്കുന്നു, കുറച്ചുപേർ ആൾക്കൂട്ടത്തിൽ ഉപേക്ഷിക്കുന്നു. മറ്റുചിലരാകട്ടെ...

Trending

Copyright © 2019 B4blaze Malayalam