Connect with us

Malayalam Article

എന്റെ അടിവയറിന്റെ നിഗൂഢമായ ഉള്ളറകളിൽ നീ സമ്മാനിച്ച പ്രണയം തുടിച്ച് തുടങ്ങിയിരിക്കുന്നു. പ്രജീഷ് കോട്ടക്കലിന്റെ ഫേസ്ബുക് പോസ്റ്റ് വൈറലാകുന്നു.

Published

on

സമൂഹത്തിൽ  നടന്നുകൊണ്ടിരിക്കുന്ന സംഭവങ്ങളുടെ നേർകാഴ്ചകളാണ് പ്രജീഷ് കോട്ടക്കൽ തന്നെ ഫേസ്ബുക് പേജിൽ കുറിക്കുന്നത്.  അതിൽ ഒന്നാണ് വിരൽ ആയിക്കൊണ്ടിരിക്കുന്ന ഈ പോസ്റ്റ്. ഒരുപാട് അർഥങ്ങൾ നിറഞ്ഞ ഈ പോസ്റ്റ് ഇന്ന് ഓരോ മനുഷ്യനും വായിക്കേണ്ടത് അത്യന്താപേക്ഷിതമാണ്.

പണ്ട് പണ്ട് ഒരിടത്ത് ഒരു കുഞ്ഞു കാടുണ്ടായിരുന്നു. അവിടെയൊരു മരമുണ്ടായിരുന്നു. ആ മരത്തിൽ ആൺകിളി ഉപേക്ഷിച്ച ഒരു മരച്ചില്ലയുണ്ടായിരുന്നു. ആ ചില്ലയിൽ ഒരു കുഞ്ഞു കൂടുണ്ടായിരുന്നു. ആ കൂട്ടിൽ ആൺകിളിയുടെ പെൺകിളിയുണ്ടായിരുന്നു. ഒരിക്കൽ ദൂരെ ദൂരെ ദിക്കിൽ നിന്നും ആ കാട്ടിലേക്ക് കുറച്ച് ദേശാടനക്കിളികൾ വിരുന്നുവന്നു. കിളിക്കൂട്ടത്തിലെ ചില സുന്ദരി പെൺകിളികളുടെ അംഗലാവണ്യത്തിൽ മതിമറന്ന ആൺകിളി ഒരു നിലാവുള്ള രാത്രിയിൽ തന്റെ കൂടെ പൊറുത്ത പെൺകിളിയെ മറന്ന് അവളെത്തനിച്ചാക്കി ആ വിരുന്നുകാരായ കിളിക്കൂട്ടത്തിന്റെ കൂടെ പറന്ന് പറന്ന് പറന്ന് എങ്ങോപോയി….! തന്നെ തനിച്ചാക്കി ആൺകിളി പോയതറിയാതെ ആ നിലാവുള്ള രാത്രിയിൽ അവളാ കൂട്ടിൽ അവന്റെ സുന്ദര സ്വപ്നങ്ങളെ താലോലിച്ച് ഉറങ്ങുകയായിരുന്നു….. അവന്റെ കൊക്കുകളുടെ വിശുദ്ധ ചുംബനങ്ങളാൽ തൂവലുകൾക്കുള്ളിലൂടെ പാഞ്ഞുകയറിയ ഉൾപ്പുളകങ്ങളും, നിറുകിലും കഴുത്തിലും അവന്റെ ചുംബനങ്ങളേറ്റ് പിടഞ്ഞ നിമിഷങ്ങളും, അവന്റെ ചേർത്തുപിടിച്ച ചിറകിനുതാഴെ ലോകത്തെ ചുരുക്കിയതും അങ്ങിനെയങ്ങിനെ സ്വപ്നത്തിന്റെ തീഷ്ണ ഭാവങ്ങൾ. തമ്മിൽ കൊക്കുരുമ്മി നിലാവിലേക്ക് നോക്കിക്കണ്ണടച്ച് പുണർന്നു കിടക്കുമ്പോൾ പലപ്പോഴും ആ കൂട്ടിലേക്ക് മഞ്ഞു പൊഴിയുമായിരുന്നു. അതു മനസ്സിലാക്കിയായിരിക്കണം മരം അപ്പൊഴൊക്കെ അവർക്കു മുകളിൽ തണുക്കാതിരിക്കാൻ ഇലപൊഴിക്കുമായിരുന്നു.

അത് അവർക്കുള്ള പ്രകൃതിയുടെ സമ്മാനമായിരുന്നു. മഴയത്ത് മരവും, ഇലയും തടുത്തിട്ടും കൂട്ടിലേക്ക് വീണുടയുന്ന മഴത്തുള്ളികളിൽ നനഞ്ഞ ചിറകുമായി തണുത്തു തണുത്ത് കൊക്കുകൾ കൂട്ടിയിടിക്കുമ്പോൾ അവർ കൊക്കുരുമി കലപില ശബ്ദമുണ്ടാക്കുമായിരുന്നു. ഇടിവെട്ടുമ്പോൾ തമ്മിൽ മുറുകെ പുണരുമായിരുന്നു, മിന്നലടിക്കുമ്പോൾ അവന്റെ കഴുത്തിലൊളിപ്പിച്ച അവളുടെ കുനിഞ്ഞമുഖം വെട്ടിച്ചവൾ ഓട്ടക്കണ്ണിട്ട് മിന്നലിന്റെ വ്യാപ്തിയളക്കും. “ആ മരം അവരുടെ ലോകമായിരുന്നു അതിലെ കൂട് അവരുടെ സ്വർഗ്ഗമായിരുന്നു ” പതിവില്ലാതെ എന്തോ കണ്ടവൾ ആ സ്വപ്നങ്ങളിൽ നിന്നും ഞെട്ടിയുണർന്നു. നിലാവെട്ടത്തിൽ നിറയെ നിഴലുകൾ. കൊറ്റി മരത്തിലിരുന്ന് മുതുമുതുക്കൻ മൂങ്ങ മൂളുന്നു. കൂട്ടിൽ ഒഴിഞ്ഞുകിടക്കുന്ന തന്റെ ഇണക്കിളിയുടെ ഇടം. ഈ നേരത്ത തന്റെ ഇണ എവിടെപ്പോയി….? അവൾ കൂട്ടിൽനിന്നും പുറത്തിറങ്ങി ചില്ലയിൽ വന്നിരുന്ന് ചിലച്ചു വീണ്ടും വീണ്ടും ചിലച്ചു. മറുപടിയില്ല….! ചില്ലകളിലൂടെ ചാടി നടന്നും പാറിപ്പറന്നും അവൾ ചിലച്ച് ചിലച്ച് വയ്യാതായി. മേലാകെ ഒരു കോരിത്തരിപ്പ്, ശബ്ദത്തിന് വല്ലാത്ത ഒരു മൃദുഭാവം, അടിവയറിൽ ഒരു സുഖമുള്ള ഭാരം. എന്തു പറ്റി അവൾ ചിറകു കൊണ്ട് അടിവയറ്റിലൂടെ തഴുകി. “ദൈവമേ ഞാൻ അമ്മയാകാൻ പോകുന്നു” അവളുടെ നെഞ്ചിൽ കുളിരു പെയ്തു. അവൾ രണ്ടു ചിറകും വയറിലേക്കമർത്തി ആകാശത്തേക്ക് നോക്കി ചിലച്ചു. മരം അവളുടെ മുകളിലേക്കാ നിമിഷം ഇല മഴ പൊഴിച്ചു. പെൺകിളിയിൽ നിന്നും അമ്മയിലേക്കാണ് ഇനിയവൾ പിച്ചവെക്കുന്നത്. അവൾ സന്തോഷം കൊണ്ട് മരത്തിനു ചുറ്റും പറന്നു. ആ മരത്തിലെ മിന്നാമിന്നികൾ അവൾക്കു ചുറ്റിലും വെളക്കു തെളിയിച്ച് പാറിക്കൊണ്ടിരുന്നു. തന്റെ ആൺക്കിളിയോട് ഈ സന്തോഷം പറയാൻ അവൾ വെമ്പി. അന്നാദ്യമായി അവളാ നിലാവിനെയും അവനില്ലാത്ത കനത്ത നിശബ്ദതയേയും ഭയപ്പെട്ടു.

വല്ലാത്ത ഒരൊറ്റപ്പെടൽ നിമിഷങ്ങൾ നീങ്ങിമാറാതെ അവളെ നോക്കി വീർപ്പുമുട്ടിക്കുന്നു. ഉപേക്ഷിച്ചു പോയ അവനെക്കാത്തവൾ ഉറങ്ങാതെ പറന്ന് പറന്ന് നേരം വെളുപ്പിച്ചു. ദിവസങ്ങൾ കടന്നു പോയി ഓരോ രാവും, പകലും അവളും, ഉദരത്തിലെ പാകമായ പുതുജീവനുകളും അവനുവേണ്ടി കാത്തിരുന്നു .പക്ഷെ അവൻ വന്നില്ല. ദേശാടനക്കിളികളോടൊത്ത് പറന്ന് പറന്ന് അവൻ നന്നേ തളർന്നു പോയിരുന്നു. പാതി വഴിയിൽ അവനെയവർ കൊത്തിയകറ്റി. തിരിച്ചു പറക്കാനും തന്റെ പെൺകിളിയെ കാണാനും ആഗ്രഹിച്ചെങ്കിലും ശക്തിയില്ലാത്തവനായി ചിറകൊടിഞ്ഞ് എവിടെയോ ഇsറിവീണ് ആൺകിളി തിരിച്ചു വരാത്ത ലോകത്തേക്ക് പറന്നു പോയി. ഇന്നുമവൾ കാത്തിരിക്കുന്നു കൂട്ടിൽ കൊഴിഞ്ഞു വീണ ആൺകിളിയുടെ ഇളം മഞ്ഞ തൂവലും വയറിൽ ചേർത്തണച്ച് അവന്റെ സ്വപ്നങ്ങളെ പുതച്ചവൾ കാത്തിരിക്കുന്നു. തിരിച്ചുവരാത്ത അവന്നും കാത്തിരിക്കുന്ന അവളും…..! (ഉപേക്ഷിക്കപ്പെട്ട പെൺകിളികൾക്ക് സ്നേഹപൂർവ്വം സമർപ്പിക്കുന്നു.)

കടപ്പാട്: പ്രജീഷ് കോട്ടക്കൽ

Advertisement

Malayalam Article

യുട്യൂബിൽ ലൈവ് ആയി പ്രസവിച്ചു യുവതി. ലൈവ് പ്രസവം കണ്ടത് പത്ത് ലക്ഷം പേർ

Published

on

By

സാറാ സ്റ്റീവന്‍സൺ എന്നാ 26 കാരിയാണ് തന്റെ പ്രസവം യൂട്യൂബിലൂടെ ലൈവ് ആയി കാണിച്ചത്. 13 ലക്ഷത്തോളം ഫോള്ളോവെഴ്‌സ് ഉള്ള യുവതിയുടെ യൂട്യൂബ് ചാനലിലൂടെയാണ് പ്രസവം ആളുകളുടെ മുന്നിലെത്തിച്ചത്. ബര്‍ത്ത് വ്‌ളോഗ് എന്ന തലക്കെട്ടുമായി എത്തിയ ലൈവിന്റെ ദൈർഘ്യം 29 മണിക്കൂർ ആയിരുന്നു. വേദന തുടങ്ങുന്ന സമയം മുതൽ പ്രസവിക്കുന്ന നിമിഷം വരെയുള്ള അനുഭവങ്ങളാണ് യുവതി ലൈവിലുടെ ലോകത്തിനു തുറന്നു കാട്ടിയത്. മാർച്ച് 29 നു ആയിരുന്നു ആസ്ട്രേലിയൻ സ്വദേശിയായ സാറയുടെ ആദ്യ പ്രസവം നടന്നത്. 

ഒരു ജിം ബോളിന് പുറത്തിരുന്ന് വേദനയില്‍ നിന്നും ആശ്വാസം കണ്ടെത്താന്‍ ശ്രമിക്കുന്ന ദൃശ്യങ്ങളോടെയാണ് ലൈവ് ആരംഭിച്ചത്. ഫിലിം മേക്കര്‍ കൂടിയായ കാമുകന്‍ കര്‍ട്ടും, മിഡ്‌വൈഫായ സഹോദരി എമിലി എന്നിവരെയാണ് സഹായത്തിനായി ഒപ്പം കൂട്ടിയത്. പ്രസവ വേദന കടുത്തപ്പോൾ അവർക്കൊപ്പം ആശുപത്രിയിൽ എത്തുന്നതും ഒരു ആൺകുഞ്ഞിന് ജൻമം നല്കുന്നതുമെല്ലാം ലൈവിൽ വ്യക്തമാക്കി കാണിക്കുന്നുണ്ട്. സാറയുടെ ഈ പ്രവർത്തിയിൽ നിരവധി പേരാണ് അഭിനന്ദനങ്ങൾ അറിയിച്ചത്.

കടപ്പാട്: Sarahs Day

Continue Reading

Malayalam Article

നമുക്ക് ഈ പെൺകുട്ടിയെ ജീവിതത്തിലേക്ക് തിരികെ കൊണ്ടുവരാൻ സാധിച്ചാൽ ഒരു എട്ടുവയസുകാരന് അവന്റെ അമ്മയെ കൂടെ തിരികെ കിട്ടും

Published

on

By

ഇത് സുമിത,കൊല്ലം ജില്ലയിലെ അയൂർ അമ്പലംകുന്നു സ്വദേശി ആണ്. കഴിഞ്ഞ രണ്ടര വർഷത്തിനു മുൻപ് കൊട്ടിയം ഇത്തിക്കര പാലത്തിനു സമീപം വെച്ചുണ്ടായ അക്സിഡന്റിൽ സുമിത സഞ്ചരിച്ച സ്കൂട്ടർ അപകടത്തിൽ പെടുകയുണ്ടായി.അതിന്റെ ഫലമായി ശരീരത്തിൽ 90 ശതമാനം പരിക്കുകൾ പറ്റിയിരുന്നു അന്ന് സുമിത ജോലി ചെയ്തിരുന്നത് ഒരു മൈക്രോഫൈനൻസ് കമ്പനിയിൽ ആയിരുന്നു ഡ്യൂട്ടി ടൈമിൽ ആയിരുന്നു സുമിതക്ക്‌ അക്സിഡന്റു സംഭവിച്ചത്.അന്നു മുതൽ 6 മാസത്തോളം 3 ഹോസ്പിറ്റലുകളിലായി ചികിൽസിച്ചു ഹോസ്പിറ്റൽ ചിലവുകൾ സുമിത ജോലിചെയ്തിരുന്ന മൈക്രോഫൈനൻസ് കമ്പനിയാണ് നിർവഹിച്ചത് അന്ന് ഏകദേശം13 ലക്ഷം രൂപയോളം ചെലവായി. നല്ലവരായ നാട്ടുകാരും സഹപ്രവർത്തകരും ഫേസ്ബുക്ക് ഫ്രണ്ട്സും,മുജീബ്‌പള്ളിമുറ്റം എന്ന മനുഷ്യ സ്നേഹിയും ചേർന്നും കുറെ സഹിച്ചതുകൊണ്ടാണ് ഇതുവരെസുമിതയുടെ മരുന്നും മറ്റുകാര്യൻങ്ങളും നടന്നു വന്നത്.

വളരെ നാളത്തെ ചികിത്സയുടെ ഫലമായി ഇപ്പോൾ സുമിതക്ക് കൈകാലുകൾ ചലിപ്പിക്കാനും ആൾക്കാരെ തിരിച്ചറിയാനും വായിൽ കൂടി ഭക്ഷണം കഴിക്കാനും സാധിക്കുന്നുണ്ട്. ഇപ്പോൾ ഇങ്ങനെ ഒരു പോസ്റ്റ് ഇടുന്നതിന്റെ ഉദ്യേശ്യം സുമിതക്ക് തുടർന്നുള്ള ചികിൽസക്ക് വേണ്ടിയാണ്.INDO AMERIKAN INSTITUTE OF BRAIN AND SPINE എന്ന ഹോസ്പിറ്റലിൽ ആണ് ഇനി തുടർ ചികിൽസ ക്കായി പോകാൻ തീരുമാനിച്ചിരിക്കുന്നത് 5 മാസത്തോളം വരുന്ന ചികിത്സ യിൽ പൂർണമായും സുമിതയെ സാദാരണ ജീവിത്തിലേക്ക് തിരിച്ചു കൊണ്ടുവരാൻ കഴിയുമെന്ന് ഹോസ്പിറ്റലിലെ പ്രഗല്ഭരായ ഡോക്ടർമാർ ഉറപ്പുപറഞ്ഞിട്ടുണ്ട്. എന്നാൽ 7 ലക്ഷത്തോളം രൂപ ചിലവ് വരുന്ന ചികിത്സക്ക് ഓട്ടോറിക്ഷ ഡ്രൈവർ ആയ ഭർത്താവിന് ചിന്തിക്കാൻ പോലും കഴിയാത്ത തുകയാണ്.അതിനാൽ എന്റെ നല്ലവരായ സുഹൃത്തുക്കൾ ആ കുടുംബത്തെ സഹായിക്കുക.

ഈ പോസ്റ്റ് share ചെയ്യുക മനുഷ്യസ്നേഹികളായ സാമൂഹിക പ്രവർത്തകരുടെ സ്രെദ്ദയിലേക്ക് ഈ പോസ്റ്റ് എത്തിക്കുക സുമിതയുടെ അസിസിഡന്റു നടന്ന സമയത്തുള്ള ഫോട്ടോയും ഇപ്പോഴത്തെ ഫോട്ടോയും ഭർത്താവിന്റെയും അമ്മയുടെയും ഫോൺ നമ്പരും ഇതിനോടൊപ്പം ചേർക്കുന്നു. വിളിച്ചു അന്വേഷിച്ചു ബോധ്യപ്പെട്ടത്തിനു ശേഷം മാത്രം സഹായിക്കുക. ഈ സഹായത്തോടെ ഒരു 8 വയസുകാരന് അവന്റെ അമ്മയെ തിരികെ കൊടുക്കാൻ നമുക്ക് സാധിക്കട്ടെ. പ്രാർത്ഥനകളോടെ അവളുടെ ഒരു സുഹൃത്ത് രാജീവ്‌ 9400001003,സുനിത 9961721543

സഹായിക്കാൻ കഴിയാത്തവർ ഈ വാർത്ത പരമാവധി ഗ്രൂപ്പുകളിലേക്ക് ഷെയർ ചെയ്യുക.. ഇതൊരപേക്ഷയാണ്.

Continue Reading

Malayalam Article

37കാരിയായ പ്രിയങ്കയും 27കാരനായ നിക്കും വിവാഹ മോചനത്തിലേക്ക്

Published

on

By

ബോളിവുഡ് വളരെ അധികം ആഘോഷിച്ച താര വിവാഹങ്ങളിൽ ഒന്നായിരുന്നു പ്രിയങ്കയും നിക്ക് ജോണാസും തമ്മിലുള്ള വിവാഹം. ഡിസംബറിൽ വിവാഹിതരായ ഇവർ വിവാഹ ശേഷം കടുത്ത വിമർശനങ്ങളാണ് നേരിട്ടത്. ഇവർ തമ്മിലുള്ള പ്രായവത്യാസം തന്നെയാണ് പ്രദാന വിഷയവും. നിക്കിനെക്കാൾ 10 വയസ് കൂടുതലാണ് പ്രിയങ്കയ്ക്ക്. ഇപ്പോൾ ഇതാ  വിവാഹം കഴിഞ്ഞു നാല് മാസങ്ങൾക്ക് ശേഷം പുറത്തു വന്നിരിക്കുന്ന വാർത്ത ഇരുവരും വിവാഹ മോചനം തേടുന്നു എന്നതാണ്. ഒരു മാസിക ആണ് ഈ വാർത്ത റിപ്പോർട്ട് ചെയ്തിരിക്കുന്നത്. എന്നാൽ ഇത് ശരിവക്കും വിധമുള്ള പ്രതികരണങ്ങൾ ഒന്നും താര ദമ്പതികളുടെ ഭഗത് നിന്നും ഉണ്ടായിട്ടില്ല.

എന്നാൽ നിക്കിന്റെ വീട്ടുകാരാണ് വിവാഹ മോചനത്തിന് മുൻകൈ എടുത്തിരിക്കുന്നതെന്നാണ് റിപ്പോർട്ട് പറയുന്നത്. പ്രിയങ്കയ്ക്ക് 36 വയസ് ഉണ്ടന്നും എന്നാൽ അതിന്റെ പക്വോത കാണിക്കേണ്ടതിനു പകരം 21 വയസുള്ള പെൺകുട്ടിയെ പോലെയാണ് പെരുമാറുന്നതെന്നും നിക്കിന്റെ വീട്ടുകാർ പറഞ്ഞുവെന്നും റിപ്പോർട്ടിലുണ്ട്. ഇരുവരും വിവാഹം കഴിക്കുന്നതിനായി തയാറെടുത്തില്ലായിരുന്നുവെന്നും ഇപ്പോൾ ജോലിയിലും ഒന്നിച്ചുള്ള സമയം കണ്ടെത്തുന്നതിലും എപ്പഴും അഭിപ്രായ വ്യത്യാസം ആണെന്നും ഇരുവരും ആലോചിച്ചെടുത്ത തീരുമാനം ആണ് ഇതെന്നും നിക്കിന്റെ കുടുംബം പറയുന്നു.

Continue Reading
“KeralaJobUpdates”

Writeups

Malayalam Article2 weeks ago

യുട്യൂബിൽ ലൈവ് ആയി പ്രസവിച്ചു യുവതി. ലൈവ് പ്രസവം കണ്ടത് പത്ത് ലക്ഷം പേർ

സാറാ സ്റ്റീവന്‍സൺ എന്നാ 26 കാരിയാണ് തന്റെ പ്രസവം യൂട്യൂബിലൂടെ ലൈവ് ആയി കാണിച്ചത്. 13 ലക്ഷത്തോളം ഫോള്ളോവെഴ്‌സ് ഉള്ള യുവതിയുടെ യൂട്യൂബ് ചാനലിലൂടെയാണ് പ്രസവം ആളുകളുടെ...

Malayalam Article2 weeks ago

നമുക്ക് ഈ പെൺകുട്ടിയെ ജീവിതത്തിലേക്ക് തിരികെ കൊണ്ടുവരാൻ സാധിച്ചാൽ ഒരു എട്ടുവയസുകാരന് അവന്റെ അമ്മയെ കൂടെ തിരികെ കിട്ടും

ഇത് സുമിത,കൊല്ലം ജില്ലയിലെ അയൂർ അമ്പലംകുന്നു സ്വദേശി ആണ്. കഴിഞ്ഞ രണ്ടര വർഷത്തിനു മുൻപ് കൊട്ടിയം ഇത്തിക്കര പാലത്തിനു സമീപം വെച്ചുണ്ടായ അക്സിഡന്റിൽ സുമിത സഞ്ചരിച്ച സ്കൂട്ടർ...

Malayalam Article3 weeks ago

37കാരിയായ പ്രിയങ്കയും 27കാരനായ നിക്കും വിവാഹ മോചനത്തിലേക്ക്

ബോളിവുഡ് വളരെ അധികം ആഘോഷിച്ച താര വിവാഹങ്ങളിൽ ഒന്നായിരുന്നു പ്രിയങ്കയും നിക്ക് ജോണാസും തമ്മിലുള്ള വിവാഹം. ഡിസംബറിൽ വിവാഹിതരായ ഇവർ വിവാഹ ശേഷം കടുത്ത വിമർശനങ്ങളാണ് നേരിട്ടത്....

Malayalam Article3 weeks ago

ഇനിയെങ്കിലും വലിച്ചുകീറപ്പെടണം എസ് ബി ഐ ബാങ്കിന്റെ ഈ കപട മുഖം

ഇന്ത്യയുടെ അഭിമാനമായ ബാങ്ക് എസ്. ബി. ഐ മൂന്നു മാസം കൊണ്ട് പിഴയായി ഈടാക്കിയത് എത്രയാണെന്ന് അറിയാമോ? ഏകദേശം  235 കോടി രൂപ. സംഭവം തകര്‍ത്തെന്ന് തോന്നുന്നവര്‍ക്ക്...

Malayalam Article3 weeks ago

മോട്ടോർ വാഹന വകുപ്പിന്റെ പുതിയ നിയമം വന്നു. ഇനി നിയമം തെറ്റിക്കുന്നവർ കുറച്ച് വിയർക്കും

മോട്ടോർ വാഹന വകുപ്പിന്റെ പുതിയ നിയമം വന്നു. ഇനി നിയമം തെറ്റിക്കുന്നവർ കുറച്ച് വിയർക്കും. ഫൈനുകൾ പുനഃക്രമീകരിച്ചുകൊണ്ടുള്ള നിയമമാണ് പുറത്തിറങ്ങിയിരിക്കുന്നത്. കേരളത്തിൽ അടുത്ത കാലത്തായി അപകടങ്ങളുടെ നിരക്ക്...

Malayalam Article3 weeks ago

ലൈസൻസും ഇൻഷുറൻസുമില്ലാതെ ബൈക്ക് ഓടിച്ചുള്ള അപകടം. സ്വത്ത് ജപ്‌തി ചെയ്ത് നഷ്ടപരിഹാരം നൽകാൻ കോടതി

ലൈസൻസും ഇൻഷുറൻസുമില്ലാതെ ബൈക്ക് ഓടിച്ചുണ്ടായ അപകത്തിനു നഷ്ടപരിഹാരമായി നിയമവിരുദ്ധമായി വണ്ടി ഓടിച്ചയാളുടെ സ്വത്ത് ജപ്‌തി ചെയ്ത് നഷ്ടപരിഹാരം നൽകാൻ കോടതി ഉത്തരവായി. 2011 ഏപ്രിൽ 14 നു...

Malayalam Article3 weeks ago

എന്തിനാ അച്ഛാ അവർ ലാലേട്ടനെ അറസ്റ്റ് ചെയ്‌തത്‌? സങ്കടം സഹിക്കാനാവാതെ തിയേറ്ററിൽ പൊട്ടിക്കരഞ്ഞു കുഞ്ഞു ആരാധിക

കേരളത്തിന് അകത്തും പുറത്തുമായി മോഹൻലാൽ-പൃഥ്വിരാജ് കൂട്ടുകെട്ടിൽ പിറന്ന ചിത്രം ലൂസിഫർ തരംഗമായി കൊണ്ടിരിക്കുകയാണ്. ഇത് വരെയുള്ള റെക്കോർഡുകളെല്ലാം തകർത്തെറിഞ്ഞു കൊണ്ടാണ് സിനിമയുടെ മുന്നേറ്റം.  കുട്ടികളും യുവാക്കളും  പ്രായമേറിയവരുമെല്ലാം...

Malayalam Article3 weeks ago

കൊല്ലം സ്ത്രീധന പീഡന കൊലപാതകം. പുറത്തു വരുന്നത് ഞെട്ടിപ്പിക്കുന്ന പീഡന കഥകൾ

യുവതിയെ പട്ടിണിക്കിട്ട് കൊന്ന കേസിൽ ഭർത്താവായ ഓയൂര്‍ ചെങ്കുളം കുരിശിന്‍മൂട് പറണ്ടോട് ചരുവിളവീട്ടില്‍ ചന്തുലാല്‍ (30), മാതാവ് ഗീതാലാല്‍ (55) എന്നിവരെ പോലീസ് കസ്റ്റഡിയിൽ എടുത്തു. കരുനാഗപ്പള്ളി അയണിവേലികുളങ്ങര...

Malayalam Article3 weeks ago

കോഴിക്കോട് നഗരത്തിൽ ട്രാൻസ്‌ജെൻഡർ യുവതി മരിച്ച നിലയിൽ

കോഴിക്കോട് നഗരത്തിൽ ട്രാൻസ്‌ജെൻഡർ യുവതി മരിച്ച നിലയിൽ.  കോഴിക്കോട്കെ എസ്‌ആര്‍ടിസി ബസ് സ്റ്റാന്റിന് സമീപത്തെ ശങ്കുണ്ണി നായര്‍ റോഡിനോട് ചേർന്നാണ്  മൃതദേഹം കണ്ടെത്തിയത്. ഇടുങ്ങിയ വഴി ആയത്...

Malayalam Article4 weeks ago

കേരളത്തിൽ വീണ്ടും സ്ത്രീധനത്തിന്റെ പേരിൽ കൊലപാതകം. യുവതിയെ കൊന്നത് പട്ടിണിക്കിട്ട്

യുവതിയെ പട്ടിണിക്കിട്ട് കൊന്ന കേസിൽ ഭർത്താവായ ഓയൂര്‍ ചെങ്കുളം കുരിശിന്‍മൂട് പറണ്ടോട് ചരുവിളവീട്ടില്‍ ചന്തുലാല്‍ (30), മാതാവ് ഗീതാലാല്‍ (55) എന്നിവരെ പോലീസ് കസ്റ്റഡിയിൽ എടുത്തു. കരുനാഗപ്പള്ളി അയണിവേലികുളങ്ങര...

Trending

Copyright © 2019 B4blaze Malayalam

Don`t copy text!