Connect with us

Malayalam Article

അപ്പാ ….. വായിക്കുമല്ലോ!!!

Published

on

നല്ല മഴയുള്ള ഒരു ദിവസം. ഞാനന്ന് രണ്ടിൽ പഠിക്കുന്നു. കുടയുണ്ടെങ്കിലും അതെടുക്കാതെ മഴ നനഞ്ഞു വരികയെന്നത് പണ്ടേ ഒരു ശീലമായിരുന്നു. രാകി പറത്തിയ മുടി തോർത്തി തരുന്നതിനിടയിൽ അപ്പ എന്നോട്‌ ചോദിച്ചു, “കുഞ്ഞീ…… നിനക്ക് കൂടെ കളിക്കാൻ ഒരു കുഞ്ഞാവയെ തരട്ടെ?? ” ഒറ്റയ്ക്ക് കളിച്ചു മടുത്ത ഞാൻ സന്തോഷത്തോടെ തലയാട്ടി. വേഗം തായോ അപ്പാ എനിച്ച്‌ കൊതിയാവണു എന്ന് കൊഞ്ചി..16523999-c792-48f3-ab8a-2631ad82e93c

ബാഗ് വെയ്ക്കാൻ അകത്ത് ചെന്നപ്പോൾ കട്ടിലിൽ എന്തോ ഒരു അനക്കം. അതെ… അപ്പ വാക്ക്‌ പാലിച്ചു.. കുഞ്ഞാവയാണ്.. സന്തോഷം കൊണ്ട്‌ ഞാൻ തുള്ളിച്ചാടി. നല്ലൊരു സുന്ദരൻ വാവ. ഇവൻ ആരുടെയാ എവിടുന്നാ എന്നൊന്നും അറിയാനുള്ള തിരിച്ചറിവ് ആയിട്ടില്ലാത്തത് കൊണ്ടാകണം അവനെ സ്നേഹിക്കാനും ലാളിക്കാനും എനിക്കതൊന്നും വിഷയമല്ലായിരുന്നു.. പക്ഷേ അമ്മയ്ക്ക് അതൊരു ചോദ്യം തന്നെയായിരുന്നു.

പെരുമ്പാവൂരിൽ നിന്ന്‌ വരുന്ന വഴി ചൊവ്വരയ്ക്ക്‌ സമീപമുള്ള ഒരു അമ്മതൊട്ടിലിൽ ആരോ ഉപേക്ഷിച്ചതാണ്‌ ..
ജന്മം നൽകിയവരോട് അതിന്റെ കാരണം ചോദിക്കാൻ അറിയാത്തത് കൊണ്ട്‌ അവൻ കിടത്തിയേടത്ത് കിടന്നു.. തിരിച്ചു വരും എന്ന പ്രതീക്ഷയോടെ.. പക്ഷേ ഈ കഥയും ന്യായങ്ങളും അമ്മയെന്ന കോടതിക്ക് മുന്നിൽ വിലപ്പോയില്ല.. സ്വന്തം ചോരയിൽ പിറക്കാത്ത ആരാന്റെ ഉച്ചിഷ്ടം ചുമക്കാൻ എനിക്കാവില്ല എന്ന് പറഞ്ഞമ്മ ശക്തമായി ആഞ്ഞടിച്ചു..

പക്ഷേ അമ്മയുടെ എതിർപ്പ് അപ്പയുടെ തീരുമാനത്തിൽ ഒരു മാറ്റവും വരുത്തിയില്ല.

പിന്നീടുള്ള ഓരോ ദിവസവും സ്വർഗമായിരുന്നു. അവന്റെ കരച്ചിലും കളിയും കൊണ്ട്‌ വീടൊരു ഉത്സവപ്പറമ്പ് പോലെയായി.. സ്കൂൾ വിട്ട് വീട്ടിലേക്കെത്താൻ എനിക്ക് എന്തെന്നില്ലാത്ത തിടുക്കമായിരുന്നു.. ഞാൻ വരും വരെ മുത്തശ്ശി അവനെ താഴത്തും തറയിലും വെയ്ക്കാതെ കൊണ്ടു നടന്നു. ഞാനെത്തിയാൽ പിന്നെ അവന്റെ പൂർണ്ണ അവകാശി ഞാനാണ്. തൊടാൻ പോലും സമ്മതിക്കില്ല മറ്റാരെയും.. ഒരിക്കൽ അവനുമായി കളിച്ചു കൊണ്ടിരിക്കുമ്പോൾ അപ്പ വന്നെന്നോട് ചോദിച്ചു ഇവനൊരു പേരിടണ്ടേ എന്ന്.b64792a8-d22e-4157-a5b4-ffed97081a25

ഓർമ്മ വെച്ച നാൾ മുതൽ മുത്തശ്ശി ചൊല്ലി തന്ന ജ്ഞാനപ്പാന ഓർത്ത് കൊണ്ട്‌ “കണ്ണൻ ” എന്ന് ഞാനുച്ചത്തിൽ പറഞ്ഞു.. അങ്ങനെ ദേവാനന്ദ്‌ എന്ന് അപ്പ നൽകിയ പേരിനൊപ്പം അവനെനിക്ക് കണ്ണനായി.. ഏറെ പ്രിയപ്പെട്ട എന്റെ കണ്ണൻ..

നാളുകൾ ആഴ്ച്ചകളും ആഴ്ച്ചകൾ മാസങ്ങളുമായി നീങ്ങി കൊണ്ടേയിരുന്നു. എന്നിട്ടും അവനെ തൊടില്ല എന്ന അമ്മയുടെ തീരുമാനം മാത്രം മാറിയില്ല. അങ്ങനെ ഏകദേശം ഒന്നര വർഷം കഴിഞ്ഞു.. അവൻ അവന്റേതായ ഭാഷയിൽ എന്തൊക്കെയോ സംസാരിച്ചു തുടങ്ങിയിരുന്നു. ഈ അവധിക്കാലം കഴിയും മുമ്പ് അപ്പ അമ്മ എന്നൊക്കെ അവൻ പറയുമായിരിക്കും.. എങ്കിലും ആദ്യം അവനെ ഇച്ചേച്ചി എന്ന് വിളിപ്പിക്കണം എന്നൊക്കെ ആഗ്രഹിച്ചാണ് അന്ന് ഞാൻ വീട്ടിലെത്തിയത്‌ പക്ഷേ …..

മുത്തശ്ശി കരഞ്ഞു കൊണ്ട് ഇറയത്തിരിക്കുന്നു. അടുക്കളയിൽ കലി തുളളി നിൽക്കുന്ന അമ്മ. കണ്ണനെയാണെങ്കിൽ അകത്ത് കാണാനുമില്ല.. അവനെവിടെ എന്ന ചോദ്യത്തിന്‌ മുത്തശ്ശി തേങ്ങി കൊണ്ടേയിരുന്നു..

“ഇനിയവനെ കാണാമെന്ന് നീ വിചാരിക്കണ്ട.. അവനെ ഞാൻ ഒരു അനാഥാലയത്തിൽ കൊണ്ടെയാക്കി. നാട്ടുകാരുടെ മുന്നിലിനിയും നാണം കെടാൻ വയ്യ.. “

കേട്ടു നിൽക്കാൻ കഴിയുന്നതല്ലായിരുന്നു അമ്മയുടെ ആ വാക്കുകൾ. ചങ്ക്‌ പൊളിഞ്ഞ് പോകുന്നത് പോലെ തോന്നി. .. കരയാൻ പോലും പറ്റുന്നില്ല… എല്ലാ മുറിയിലും അവന്റെ ശ്വാസം അപ്പോഴും തങ്ങി നിന്നിരുന്നു..

ഇതറിഞ്ഞ ആ നിമിഷം അപ്പ ആദ്യമായി അമ്മയെ തല്ലുന്നത് ഞാൻ കണ്ടു.. അവന്റെ കുപ്പായം നെഞ്ചോട്‌ ചേർത്തു പിടിച്ചു കരയുന്നത് ഒരു മറയുമില്ലാതെ വ്യകതമായി തന്നെ കണ്ടു… അവൻ ഞങ്ങൾക്ക് എല്ലാമായിരുന്നു… കഴിഞ്ഞ ഒന്നര വർഷം കൊണ്ട്‌ അവൻ പിടിച്ചു വാങ്ങിയ സ്‌നേഹം ചില്ലറയല്ല.. അവന്‌ വേണ്ടി കാവിലെ പൂരത്തിന് വാങ്ങിയ കളിക്കോപ്പുകൾ അകത്തളത്തിൽ അവകാശികളില്ലാതെ അലഞ്ഞു നടന്നു..

ഇനിയും ഉറച്ചിട്ടില്ലാത്ത കാലുകളും കൊണ്ടവൻ പടിയിറങ്ങിയത് ഞങ്ങളുടെ പ്രാണനും കൊണ്ടാണ്.. അവിടെ അവനെ ആരാ കളിപ്പിക്ക്യാ??? ആരാ കുളിപ്പിക്യാ??? കുളിപ്പിക്കുമ്പോൾ കരഞ്ഞാൽ അവനെയിനി ആരാ ചിരിപ്പിക്ക്യാ?? ഇനിയെന്നെ ഇച്ചേച്ചിയെന്നു ആരാ വിളിക്ക്യാ??? എവിടെയെങ്കിലും വെച്ചു കണ്ടാൽ അവനെന്നെ മനസിലാകുവോ??? എനിക്കവനെ മനസിലാകുവോ??? അറിയില്ല…. കുറേ ചോദ്യങ്ങൾ ബാക്കിയാക്കിയാണല്ലോ കണ്ണാ നീ പോയത്‌ …..

കുറച്ചു കാലത്തേക്കെങ്കിലും ഒരു ചേച്ചിയായി വിലസാൻ എന്നെ അനുവദിച്ച അപ്പാ ഒരുപാട് നന്ദി….. ഒരു വ്യാഴവട്ട കാലത്തിനിപ്പുറം അപ്പയെ കുറിച്ചോർക്കാൻ ഇതിലും നല്ലൊരു ഓർമ്മയില്ല….

-Jayasree Sadasivan

Jayasree Sadasivan

Jayasree Sadasivan

Advertisement
Click to comment

You must be logged in to post a comment Login

Leave a Reply

Malayalam Article

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം.

Published

on

By

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം. 4500 രൂപ അടച്ച് സൈറ്റിൽ തത്സമയം കാണാൻ സൗകര്യം ലഭ്യമാക്കിയത് നൂറിലധികം പേര്.  കൊറിയയിൽ ഹോട്ടലുകളിൽ മുറിയെടുത്ത് താമസിച്ച 1700 ൽ അധികം പേരുടെ സ്വകാര്യ നിമിഷങ്ങളാണ് തത്സമയ സംപ്രേഷണമായി ഇന്റർനെറ്റ് സൈറ്റിൽ ചോർന്നതെന്ന പോലീസിന്റെ ഞെട്ടിപ്പിക്കുന്ന കണ്ടെത്തൽ. മുറിയെടുക്കുന്നവർ ശ്രദ്ധിക്കാത്ത തരത്തിൽ മുറിയുടെ പലഭാഗങ്ങളിലായാണ് സംഗം ഒളിക്യാമറകൾ സ്ഥാപിച്ചത്. സൈറ്റിൽ മുൻകൂറായി പണമടയ്ക്കുന്നവർക്ക് തത്സമയം രംഗങ്ങൾ കാണാനുള്ള സൗകര്യവും സംഗം ലഭ്യമാക്കിയിരുന്നു. നഗരത്തിലെ 35 ഓളം ഹോട്ടലുകളിലായി ഏകദേശം 50 ഓളം ഒളിക്യാമറകൾ ആയിരുന്നു ഇതിനായി ഉപയോഗിച്ച് പോന്നിരുന്നത്. 100 അധികം പേരാണ് മാസം 4500 രൂപ അടച്ച് സൈറ്റിൽ തത്സമയം കാഴ്ചകൾ കണ്ടുകൊണ്ടിരുന്നത്. 2018 നവംബര്‍ മുതല്‍ ഈ മാര്‍ച്ച്‌ വരെ ഏഴ് ലക്ഷത്തോളം രൂപ ഇതുവഴി സംഗം സമ്ബാദിച്ചതായും പൊലീസ് കണ്ടെത്തി. ഒളിക്യാമറകൾ വഴി നേരുത്തേ ദൃശ്യങ്ങൾ പകർത്തിയിരുന്നു സംഭവങ്ങൾ ഉണ്ടായിട്ടുണ്ടെങ്കിലും സൈറ്റിൽ തത്സമയ സംപ്രേഷണം ചെയ്യുന്നത് ആദ്യമായാണ്.

Continue Reading

Malayalam Article

കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിനക്കുണ്ടായി? നിന്നെ ഒന്നറിയാൻ, ഒന്ന് തിരുത്താൻ ആരും ഉണ്ടായില്ലല്ലോ..

Published

on

By

സാധാരണക്കാരായ മാതാപിതാക്കളെക്കാൾ ഒരുപക്ഷെ , എന്നെപോലെ കൗമാരക്കാരായ കുട്ടികളുടെ ഇടയിൽ നിൽക്കുന്ന കൗൺസിലർ കൂടി ആയ വ്യക്തികൾ കൂടുതൽ ആശങ്കപ്പെടുന്ന കാലമാണ് ഇത്… കാരണം , ഞങ്ങളുടെ കുഞ്ഞുങ്ങളെ പോലെ അനേകം കുട്ടികളെ കാണുക ആണ്.. അവരുടെ പ്രശ്നങ്ങൾ കേൾക്കുക ആണ്.. അവരുടെ മനസ്സിലെ അടിയൊഴുക്കുകൾ അറിയുക ആണ്.. എന്റെ പതിനാറു കാരിയായ മകളോട് എന്ന പോലെ അനേകം കുഞ്ഞുങ്ങളോടും പറഞ്ഞു കൊടുക്കുന്ന ഒരു കാര്യമാണ് ” അരുത് എന്ന് പറയാനുള്ള പ്രാപ്തി ഉണ്ടാക്കുക എന്നത്..’ പക്ഷെ അതങ്ങു ചുമ്മാ പറഞ്ഞാൽ പോരാ..എന്ന് ഇപ്പൊ ചൂണ്ടി കാട്ടാറുണ്ട്.. അപ്പുറത്തെ ആളെ അപമാനിക്കാതെ വേണം , അരുത് എന്ന് പറയാൻ.. വാക്കുകളെ ക്കാൾ വാക്കുകൾ കോർക്കുന്ന ഭാവത്തിനു പ്രാധാന്യം ഉണ്ട് എന്നും.. തിരുവല്ലയിൽ നടന്ന സംഭവം പോലെ എത്രയോ നടന്നിരിക്കുന്നു മുൻപും..! സോഷ്യൽ മീഡിയ യുടെ സഹായം കൊണ്ട് ഇപ്പോൾ കൂടുതൽ കാര്യങ്ങൾ അറിയുന്നു എന്ന് മാത്രം.. ആൺകുട്ടികൾ മയക്കു മരുന്ന് ഉപയോഗിക്കുന്നു , അവർ ക്രിമിനലുകൾ ആകുന്നു എന്നതാണ് വാർത്തകൾ മുഴുവൻ.. പെണ്കുട്ടികളൂം ഒപ്പം ഉണ്ട് എന്ന് സാമൂഹിക പ്രവർത്തക കൂടി ആയ ഞാൻ പറയുന്നു..!

ഈ അടുത്ത് ഒരു പ്രൊജക്റ്റ് ഇന്റെ ഭാഗമായി അറ്റൻകുളങ്ങര വനിതാ ജയിൽ സന്ദർശിച്ചു.. റിപ്പോർട്ട് പുറത്ത് വിടാൻ അനുമതി ഇല്ല.. എങ്കിലും ഒന്ന് പറയട്ടെ.. കുറ്റകൃത്യങ്ങളിൽ ആണ് പെണ്ണ് മനസ്സ് തമ്മിൽ വ്യത്യാസം ഇല്ല.. കുറ്റവാളികൾക്ക് ഒരേ ഒരു മനസ്സാണ്. ഉപേക്ഷിക്കപെടുക എന്നത് പോലെ അപമാനകരമായ ഒന്ന് മനുഷ്യജീവിതത്തിൽ നേരിടാനില്ല..അതുക്കും മേലെ ആണ്.., എന്റെ എന്ന് വിശ്വസിച്ച ഒരാൾ, അയാളുടെ ജീവിതത്തിൽ താൻ അറിയാതെ , തന്നിലും മേലെ മറ്റൊരാൾ ഉണ്ട് എന്ന ഞെട്ടിപ്പിക്കുന്ന നോവ്.. അതിന്റെ ആഴം.. മുറിവ് ക്രമേണ വൃണം ആയി, അതിൽ നിന്നും ദുർഗന്ധം വമിക്കാൻ തുടങ്ങും.. പകയുടെ വൃത്തികെട്ട മനം മടുപ്പിക്കുന്ന ഒന്ന്.. അതിന്റെ തീവ്രതയിൽ പെട്ട് കഴിഞ്ഞാൽ പിന്നെ ഇരുട്ടാണ്.. ഭ്രാന്തിന്റെ അങ്ങേ അറ്റത് മനസ്സിൽ നടക്കുന്ന വേലിയേറ്റവും വേലിയിറക്കവും ,വിഭ്രാന്തികളും ലഹരി മരുന്നിന്റെ പൈശാചിക ചിന്തകളെ വെല്ലും.. എന്നെ ചതിച്ചു..!! ഞാൻ ഉപേക്ഷിക്കപ്പെട്ടു..!!! ഇതിനെ വെല്ലാൻ മറ്റൊരു നഷ്‌ടത്തിനും സാധ്യമല്ല.. ഇര സ്വയം ആണ്.. പക്ഷെ പ്രത്യക്ഷ്യത്തിൽ വില്ലനും.. കുത്തികീറാൻ ഉള്ള വൈരാഗ്യം , കത്തിച്ചു കളയാനുള്ള പക ഒക്കെ കൊണ്ട് സൃഷ്‌ടിക്കപെടുന്ന മനസ്സിനെ നിയന്ത്രിക്കാൻ ആരെങ്കിലും തക്ക സമയത്ത് അത് തിരിച്ചറിയണം.. അല്ലേൽ , ഇനിയും എത്രയോ ദുരന്തങ്ങൾ ആവർത്തിക്കപെടും… ലഹരി മരുന്നിനു അടിമ ആയിരുന്നോ ആ പയ്യൻ എന്നറിയില്ല.. ഓരോ കുറിപ്പുകളും എഴുതുമ്പോൾ ഓർക്കാറുണ്ട്,ഇതൊക്കെ വായിച്ചിട്ടു കൗമാരക്കാർ മുഴുവൻ മയക്കു മരുന്ന് ഉപയോഗിക്കുന്നു എന്ന് ആണോ വായിക്കുന്നവർ കരുതുക എന്ന്.. അല്ല കേട്ടോ.. പക്ഷെ , നമ്മുടെ നാട്ടിൽ ടെക്നോളജി വളരും പോലെ കുത്തനെ വളരുന്ന ഒന്ന് മയക്കുമരുന്നിന്റെ മേഖല തന്നെ ആണ്.. ഇതൊക്കെ വേണ്ടപ്പെട്ട അധികാരികളുടെ ശ്രദ്ധയിൽ പെടുത്തി മടുത്തു.. ആരെയും കുറ്റം പറയാൻ വയ്യ.. സിനിമയിൽ കാണുന്ന മാഫിയ യെക്കാൾ എത്രയോ വലുതാണ് നമ്മുടെ നാട്ടിൽ .. അതിന്റെ വേരുകൾ തേടി പോകാനുളള ആർജ്ജവവും സമയവും അധികാരം ഉളള ഭരണാധികാരികൾ നേടേണ്ടതാണ്.. കുട്ടികളെ ബോധവൽക്കരിക്കുന്നതിനു പകരം മാതാപിതാക്കളെയും അധ്യാപകരെയും ചേർത്ത് ഒരു ചർച്ച സംഘടിപ്പിക്കാമോ എന്ന് ഓരോ വട്ടവും ക്ലാസ് എടുക്കാൻ വിളിക്കുന്ന സ്കൂൾ ,കോളേജ് , അധികാരികാരികളോട് പറയാറുണ്ട്.. ഫലം ഉണ്ടാകാറില്ല.. അഥവാ അവർ തയ്യാറായാൽ തന്നെ മാതാപിതാക്കൾക്ക് സമയം ഇല്ല വരാൻ..! ഒന്നേ ഉള്ളു അത്തരം ക്ലാസുകൾ കൊണ്ട് ,നേടാൻ.. നിങ്ങൾ നിങ്ങളുടെ മാത്രം കുഞ്ഞുങ്ങളെ അറിയുന്നു.. അല്ലേൽ ഇങ്ങനെ ഒരു ദുരന്തം വരുമ്പോൾ കേൾക്കുന്നു.. പൊതുവായ കാര്യങ്ങൾ ചർച്ച ചെയ്യുമ്പോൾ എങ്ങനെ കുട്ടികളെ കൈകാര്യം ചെയ്യാം എന്നതിന് ഓരോ അമ്മയ്ക്കും അച്ഛനും വ്യക്തമായ ഉത്തരം കിട്ടും.. അല്ലാതെ ഒരു പ്രശ്നം ഉണ്ടാകുമ്പോൾ , ഓടി സൈക്കോളജിസ്റ് ന്റെ അടുത്ത് കൊണ്ട് പോയിട്ട് കാര്യം ഇല്ല.. കതിരുമ്മേൽ വളം വെയ്ക്കുന്നത് കൊണ്ട് എന്ത് ഗുണം..?

നിങ്ങളുടെ മക്കളുടെ കൗൺസിലർ നിങ്ങൾ തന്നെ ആകണം..! നിങ്ങൾ ഇരുപത്തിനാലു മണികൂറു മക്കളുടെ കൂടെ ഇരിക്കേണ്ട.. പക്ഷെ ഇരിക്കുന്ന സമയം ,അവരോടു തുറന്നു ഇടപെടണം.. ചതിയിൽ പെടാതെ നോക്കാൻ മാത്രമല്ല.. ചതിക്കരുത് എന്ന് കൂടി ഉൾകാഴ്ച ഉണ്ടാക്കി കൊടുക്കണം.. സ്നേഹത്തെ ക്കാൾ വലുതാണ് വിശ്വാസം.. തലയുയർത്തി പിടിച്ചു ചങ്കുറ്റത്തോടെ മരണം വരെ ജീവിക്കാൻ, ഞാൻ ആരെയും ചതിച്ചിട്ടില്ല എന്നൊരു അഹങ്കാരം സ്വയം നേടിയെടുത്താൽ മാത്രം മതി.. എത്ര കോടി കാശിനെ ക്കാളും അതിനു മതിപ്പുണ്ട്..ഇല്ലേ..? അവൻ ശിക്ഷിക്കപ്പെടണം എന്ന് ആഗ്രഹിക്കുന്ന ഒരാളാണ് ഞാൻ..എന്നിരുന്നാലും , പെൺകുട്ടിയുടെ അമ്മയെ പോലെ അവനും ഉണ്ട് ഒരമ്മ..അച്ഛൻ..വേണ്ടപ്പെട്ടവർ.. അവരെ ഓർക്കുമ്പോൾ സഹിക്കുന്നില്ല.. കരയാൻ അവർക്കു ആയിട്ടുണ്ടാകുമോ..? നൂറായിരം വിരലുകൾ അവന്റെ കുടുംബത്തിന് നേർക്ക് നീളുക സ്വാഭാവികം.. അവന്റെ ഈ മാനസിക തകർച്ച അവരുടെ കണ്മുന്നിൽ വെച്ചാണോ എന്നറിയില്ല.. അവർ അറിഞ്ഞതാണോ അതോ അവനെ അറിയാൻ കഴിയാഞ്ഞതാണോ..? കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിന്നിൽ ഉണ്ടായി എന്ന് ഓർക്കുമ്പോൾ സങ്കടം ഉണ്ടാകുന്നു.. നിന്നെ ഒന്നറിയാൻ , ഒന്ന് തിരുത്താൻ ആരും ഉണ്ടായില്ലല്ലോ എന്നൊരു കുറ്റബോധവും..

കടപ്പാട്: Kala Shibu

Continue Reading

Malayalam Article

ആരാണ് ചരിത്രമെഴുതാൻ പോകുന്നത്? രാജയോ അതോ ലുസിഫെറോ?

Published

on

By

മലയാള സിനിമയുടെ എക്കാലത്തെയും മികച്ച സൂപ്പർ താരങ്ങളാണ് മോഹൻലാലും മമ്മൂട്ടിയും. മോഹൻലാൽ കേന്ദ്രകഥാപാത്രമായി എത്തുന്ന ലൂസിഫറിന്റെ ട്രെയ്‌ലറും മമ്മൂട്ടി കേന്ദ്ര കഥാപാത്രമായി എത്തുന്ന മധുര രാജയുടെ ടീസറും ഒരേ ദിവസമാണ് ഇറങ്ങിയത്. ഇന്നലെയാണ് രണ്ടും സിനിമകളുടെ അണിയറ പ്രവർത്തകർ പുറത്ത് വിട്ടത്. മമ്മൂട്ടിയുടെയും മോഹന്‍ലാലിന്റെയും ഫേസ്ബുക്ക് പേജുകള്‍ വഴി മുന്‍കൂട്ടി ആരാധകരെ അറിയിച്ച്‌, യുട്യൂബ് വഴി പ്രീമിയര്‍ ചെയ്യുകയായിരുന്നു ഇരുചിത്രങ്ങളുടെയും പ്രചരണ വീഡിയോകള്‍. ഇതുപ്രകാരം ആദ്യമെത്തിയത് മധുരരാജയുടെ ടീസര്‍ ആയിരുന്നു. വൈകിട്ട് ആറിന് ടീസറെത്തി. രാത്രി ഒന്‍പതിനായിരുന്നു ലൂസിഫറിന്റെ ട്രെയ്‌ലര്‍.

വന്‍ പ്രതികരണമാണ് ഇരുചിത്രങ്ങളുടെയും വീഡിയോകള്‍ക്ക് ലഭിച്ചത്. മൂന്ന് മണിക്കൂര്‍ മുന്‍പെത്തിയതിനാല്‍ മധുരരാജയുടെ ടീസറായിരുന്നു യുട്യൂബ് കാഴ്ചകാരുടെ എണ്ണത്തില്‍ രാത്രി മുന്നില്‍. എന്നാല്‍ പിന്നീട് ലൂസിഫര്‍ ഈ കണക്കുകളെ മറികടന്നു. യുട്യൂബ് പ്രീമിയറിലും ലൂസിഫര്‍ റെക്കോര്‍ഡ് സൃഷ്ടിച്ചു. 2.47 മിനിറ്റ് ദൈര്‍ഘ്യമുള്ള ട്രെയ്‌ലര്‍ പ്രീമിയര്‍ പ്രദര്‍ശനത്തിന്റെ ഒരു ഘട്ടത്തില്‍ ഒരേസമയം 57,000 പേര്‍ വരെ കണ്ടു. ഇപ്പോഴത്തെ കണക്കനുസരിച്ച്‌ 1,428,429ലധികം കാഴ്ചക്കാരാണ് മധുരരാജയുടെ ടീസറിന് ലഭിച്ചിരിക്കുന്നത്. ലൂസിഫറിന്റെ ട്രെയ്‌ലറിന് ലഭിച്ചിരിക്കുന്നത് 2,515,215 ലേറെ കാഴ്ചകാരും.

ലൂസിഫർ ട്രൈലെർ 

സോഴ്സ്:  GOODWILL ENTERTAINMENTS

മധുരരാജാ ട്രൈലെർ 

സോഴ്സ്: Vysakh Entertainments

Continue Reading
“KeralaJobUpdates”

Writeups

Malayalam Article15 hours ago

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം.

ഹോട്ടലുകളിൽ മുറിയെടുത്തവരുടെ സ്വകാര്യ നിമിഷങ്ങൾ ഒളി ക്യാമറയിൽ പകർത്തി തത്സമയം സംപ്രേഷണം. 4500 രൂപ അടച്ച് സൈറ്റിൽ തത്സമയം കാണാൻ സൗകര്യം ലഭ്യമാക്കിയത് നൂറിലധികം പേര്.  കൊറിയയിൽ...

Malayalam Article2 days ago

കുഞ്ഞേ.., ഒരു മനുഷ്യ ശരീരം കത്തിക്കാൻ തക്ക മനസ്സ് എങ്ങനെ നിനക്കുണ്ടായി? നിന്നെ ഒന്നറിയാൻ, ഒന്ന് തിരുത്താൻ ആരും ഉണ്ടായില്ലല്ലോ..

സാധാരണക്കാരായ മാതാപിതാക്കളെക്കാൾ ഒരുപക്ഷെ , എന്നെപോലെ കൗമാരക്കാരായ കുട്ടികളുടെ ഇടയിൽ നിൽക്കുന്ന കൗൺസിലർ കൂടി ആയ വ്യക്തികൾ കൂടുതൽ ആശങ്കപ്പെടുന്ന കാലമാണ് ഇത്… കാരണം , ഞങ്ങളുടെ...

Malayalam Article2 days ago

ആരാണ് ചരിത്രമെഴുതാൻ പോകുന്നത്? രാജയോ അതോ ലുസിഫെറോ?

മലയാള സിനിമയുടെ എക്കാലത്തെയും മികച്ച സൂപ്പർ താരങ്ങളാണ് മോഹൻലാലും മമ്മൂട്ടിയും. മോഹൻലാൽ കേന്ദ്രകഥാപാത്രമായി എത്തുന്ന ലൂസിഫറിന്റെ ട്രെയ്‌ലറും മമ്മൂട്ടി കേന്ദ്ര കഥാപാത്രമായി എത്തുന്ന മധുര രാജയുടെ ടീസറും...

Malayalam Article3 days ago

ഇന്ത്യാമഹാരാജ്യത്തെ ചായക്കടക്കാരെല്ലാം ഇന്ന് ഭയത്തോടെയാണ് ജീവിക്കുന്നത്. പ്രസംഗവേദിയിൽ മോദിക്കെതിരെ തുറന്നടിച്ച് മമതാ ബാനർജി.

ഇന്ത്യൻ പ്രധാനമന്ത്രി നരേന്ദ്രമോദിക്കെതിരെ ഇത്തവണ പരിഹാസവുമായി എത്തിയിരിക്കുന്നത് മമത ബാനര്‍ജിയാണ്. കോണ്‍ഗ്രസ് സഖ്യം പൊളിഞ്ഞതോടെ ബംഗാളിലെ ഇലക്ഷൻ പോരാട്ടം തൃണമൂല്‍ കോണ്‍ഗ്രസിനും ബിജെപിക്കും ഇടയിലാവുമെന്ന ഭയത്തിലാണ് ഇന്ത്യയിലെ ചായ വില്പനക്കാരെല്ലാം ജീവിക്കുന്നതെന്നുമാണ് മമത...

Malayalam Article3 days ago

അമ്മായിഅമ്മ മരിച്ചതിന്റെ ദുഃഖം താങ്ങാനാവാതെ മരുമകളുടെ ആത്മഹത്യ. സംഭവത്തിന്റെ യഥാർത്ത ട്വിസ്റ്റ് തുറന്നുപറഞ്ഞു മകൻ.

മുംബയിൽ ഈ കഴിഞ്ഞ ശനിയാഴ്ച പ്രാദേശിക മാധ്യമങ്ങളെല്ലാം ഒരു പോലെ റിപ്പോർട്ട് ചെയ്ത ഒരു വാർത്ത ആയിരുന്നു അമ്മായി അമ്മയുടെ മരണത്തിൽ മനം നൊന്ത് മരുമകൾ ആത്മഹത്യാ...

Malayalam Article3 days ago

അമ്മയുൾപ്പെടെ പലരും എന്നോട് പറഞ്ഞിട്ടുണ്ട് “കമ്യൂണിസ്റ്റ് പാർട്ടിയെ കുറ്റം പറയരുത്. ശ്രീലക്ഷ്മിയുടെ കുറിപ്പ് വയറലാകുന്നു

അമ്മയുൾപ്പെടെ പലരും എന്നോട് പറഞ്ഞിട്ടുണ്ട് “കമ്യൂണിസ്റ്റ് പാർട്ടിയെ കുറ്റം പറയരുത്, എന്തെങ്കിലും നിനക്ക് പറയാൻ ഉണ്ടെങ്കിൽ അത് വീട്ടിൽ പറഞ്ഞ് തീർത്തോണം, അല്ലാതെ നാടുനീളെ പാർട്ടിയെ കുറ്റം...

Malayalam Article4 days ago

പ്രിത്വിരാജിന് ശേഷം കേരളത്തിലേക്കുള്ള അടുത്ത ലംബോർഗിനി കോട്ടയത്ത് എത്തി മക്കളേ..

ലംബോർഗിനി! ഏതൊരു വാഹനപ്രേമിയുടെയും സ്വപ്ന വാഹനം. രൂപത്തിലും ഭാവത്തിലും വ്യത്യസ്തത നില നിർത്തുന്ന ഈ വാഹനം സ്വന്തമാക്കാൻ ആരാണ് കൊതിക്കാത്തത്? എന്നാൽ കേരളത്തിലെ റോഡുകൾ ലംബോർഗിനിയുടെ ഘടനയ്ക്ക്...

Malayalam Article4 days ago

ബ്രെസ്റ്റ് കാൻസർ പരിശോധിക്കാൻ പോയ യുവതിക്കുണ്ടായ മനസ്സ് മരവിപ്പിക്കുന്ന ഒരു അനുഭവം.സ്ത്രീകൾ മാത്രമല്ല പുരുഷന്മാരും ഈ പോസ്റ്റ് ഒന്ന് വായിക്കുക.

ഇന്ന് സ്ത്രീകളിൽ സർവ്വ സാദാരണമായി കാണുന്ന ഒരു രോഗമാണ് ബ്രെസ്റ്റ് കാൻസർ. സിനിമ താരങ്ങൾ ഉൾപ്പടെ നിരവധി പേരെയാണ് ഈ അസുഖം കാർന്നുതിന്നത്. ചിലരൊക്കെ ജീവിതത്തിലേക്ക് തിരിച്ചു...

Malayalam Article4 days ago

“നീയൊരു വേശ്യയാണ്, വേശ്യ മാത്രം…നാസിർ ഹുസൈന്റെ പോസ്റ്റ് വൈറലാകുന്നു

“നീയൊരു വേശ്യയാണ്, വേശ്യ മാത്രം…ഞാൻ ഒരിക്കലും നിന്നെക്കുറിച്ചു ഇങ്ങനെ വിചാരിച്ചില്ല… നിന്നെ ഒരിക്കലും ഇനിയെൻറെ കൺമുമ്പിൽ കണ്ടുപോകരുത്… ” അവൾ അന്നുവരെ കാണാത്ത ഭാവമായിരുന്നു അവൻറെ മുഖത്ത്…...

Malayalam Article5 days ago

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഹൃദയ സ്പർശിയായ ഒരു വീഡിയോ.

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഇന്നത്തെ കാലത്ത് അച്ഛനെയും അമ്മയെയും ഉപേക്ഷിക്കാൻ മടിയില്ലാത്ത മക്കളാണ് ഉള്ളത്. കുറച്ച് പേർ വൃദ്ധസദനത്തിൽ കൊണ്ടാക്കുന്നു, കുറച്ചുപേർ ആൾക്കൂട്ടത്തിൽ ഉപേക്ഷിക്കുന്നു. മറ്റുചിലരാകട്ടെ...

Trending

Copyright © 2019 B4blaze Malayalam