കറുപ്പിന് ഏഴഴക് ‘അൺഫെയർ ആൻഡ് ലൗലി’

0
743

കറുപ്പിന് ഏഴഴകാണെന്ന പ്രഖ്യാപനവുമായി ഇന്‍റർനെറ്റിൽ തരംഗമാവുകയാണ് #unfairandlovely കാംപയിൻ. രണ്ട് ഇന്ത്യൻ വംശജ‍ർ ഉൾപ്പെടെയുള്ള മൂന്ന് യുവതികൾ ചേർന്നാരംഭിച്ച ഈ കാംപയിൻ ഇതിനകം സോഷ്യൽ മീഡിയയിൽ വൈറലായി കഴിഞ്ഞു. #unfairandlovely എന്ന ഹാഷ് ടാഗിലാണ് പ്രചാരണം. ഏഷ്യയിൽ നിന്നുള്ളവരടക്കം ആയിരക്കണക്കിന് സ്ത്രീകൾ ഇപ്പോൾ കാംപിയന്ർറെ ഭാഗമാണ്.

വെളുപ്പുനിറമുള്ള ശരീരത്തെ മാത്രം സൗന്ദര്യത്തിന്‍റെ പര്യായമാക്കുന്ന പൊതുബോധത്തിനെതിരെയുള്ള കടന്നാക്രമണമാണ് പ്രചാരണം കൊണ്ട് ഉദ്ദേശിക്കുന്നത്. പരസ്യക്കാരും മാധ്യമങ്ങളും സിനിമയും ടിവിയുമൊക്കെ അവതരിപ്പിക്കുന്ന വെളുപ്പ് സുന്ദരമെന്ന ബോധം പൊളിക്കുകയാണിവർ. ടെക്സാസ് സർവ്വകലാശാലയിലെ മൂന്ന് വിദ്യാര്‍ത്ഥിനികളാണ് ഇതിനുപിന്നിൽ. മിനുഷ യോഗ രാജ, യാനുഷ യോഗ രാജ എന്നീ ഇന്ത്യൻ വംശജരായ സഹോദരികളും സഹപാഠി പാക്സ് ജോൺസുമാണത്.

ഫെയർ ആൻഡ് ലൗലി എന്ന ഇന്ത്യൻ കോസ്മെറ്റിക് ബ്രാന്‍ഡിന്‍റെ പേരിൽ നിന്നാണ് അണഫെയര്‍ആന്‍ഡ് ലൗലി എന്ന ആശയമുണ്ടായിരിക്കുന്നത്. ആദ്യം ഇതോടനുബന്ധിച്ച് ഇവർ ഇരുണ്ടനിറത്തിലെ ലിപ്സിറ്റിക് വരെയണിഞ്ഞ് ഫോട്ടോ പരമ്പര ചെയ്തു.അതിനു തുടര്‍ച്ചയായി കാംപയിന് നടത്തി.നിറത്തിന്‍റെ പേരിലുള്ള സ്വന്തം അനുഭവങ്ങളും ഫോട്ടകളും ഇത്തരം സ്ത്രീകൾക്കും പുരുഷന്മാർക്കും ഈ ഹാഷ് ടാഗിൽ പങ്കുവയ്ക്കാൻ വേദിയൊരുക്കിയായിരുന്നു അത്. ഏതാനും നിമിഷങ്ങൾക്കകം നിരവധിപേരുടെ പിന്തുണ ഇതിനു ലഭിച്ചു.