Connect with us

Malayalam Poem

സംഗീതം

Published

on

സംഗീതം

നിന്‍ ചുണ്ടുകളില്‍ എന്‍ ഗാനത്തിന്‍ സംഗീതമോ,
അതോതേന്‍മൊഴിയോ ?
നിന്‍ കൊലുസുകളില്‍ ഞാന്‍ പാടിയ പാട്ടിന്റെ സ്വരലയനങ്ങളോ ?
ഞാന്‍ പാടിയ പാട്ടിന്റെ സംഗീതം മീട്ടുകയില്ലേ നീ ?

താളമിടാന്‍ നിന്‍ കൈകള്‍,
ഈണമിടാന്‍ നിന്‍ നയനങ്ങള്‍,
കേട്ടിരിക്കാന്‍ നമ്മുടെ
ജീവിതങ്ങള്‍ മാത്രം.

സംഗീതം നിലക്കുകയില്ല ,
നിന്‍ നറു വെണ്‍ചിരി പോലെ.

ഞാന്‍ പാടിയ പാട്ടിന്റെ പല്ലവി നീയല്ലേ ?
ഞാന്‍ മീട്ടിയ സംഗീതത്തിന്‍ താളം നീയല്ലേ ?
ഏഴുനിറങ്ങളും ഏഴുസ്വരങ്ങളും,
നിന്നെ കാണാന്‍ മാത്രം

ഈ ഭൂമിയില്‍ വന്നു നില്‍പ്പു,
എന്‍ ചാരെ വന്നൊന്നു നില്‍ക്കൂ………

പ്രിയതമേ…………

-Vishnu Sasidharan

Vishnu Sasidharan

Vishnu Sasidharan

Advertisement
Click to comment

You must be logged in to post a comment Login

Leave a Reply

Malayalam Poem

മരണം പോലും വകവെക്കാതെ രാജ്യ സ്നേഹം; മേജർ സന്ദീപ് ഉണ്ണികൃഷ്ണന്റെ ഓർമകൾക്ക് പത്ത് വയസ്സ്..!!

Published

on

By

ഇന്ത്യയെ നടുക്കിയ മുംബൈ ഭീകരാക്രമണത്തിൽ ഇന്ന് 10 വയസ്സ്. മുംബൈയിലെ നിരവധി ഇടങ്ങളിൽ സ്ഫോടനങ്ങൾ. ഛത്രപതി ശിവാജി ടെർമിനസ് റെയിൽവേ സ്റ്റേഷനിൽ, താജ് ഹോട്ടലിൽ, നരിമാൻ ഹൗസ്, തുടങ്ങിയ പലയിടത്തുമായി സ്‌ഫോടനത്തിൽ മരിച്ചത് 166 പേർ. അതിൽ ഒമ്പത് ഭീകരർ.

ഇന്നും മരിക്കാത്ത സ്മരണകളിൽ ഒന്നാണ് മേജർ സന്ദീപ് ഉണ്ണികൃഷ്ണൻ. ഇന്ത്യൻ ക്രിക്കറ്റ് ടീം തോക്കുമ്പോൾ പോലും അസ്വസ്ഥനാകുന്ന മനുഷ്യൻ. കോഴിക്കോട് ഫാറൂക്ക് സ്വദേശിയായ സന്ദീപ് കൊല്ലപ്പെടുന്നത് ഹോട്ടലിൽ വെച്ചുള്ള ഏറ്റുമുട്ടലിൽ ആണ്. സന്ദീപ് ഉണ്ണികൃഷ്ണന്റെ ബംഗളൂരുവിലെ അദ്ദേഹത്തിന്റെ വീട്ടിൽ നിറയെ ഓർമ്മ ചിത്രങ്ങളും, കുറിപ്പുകളുമാണ്. സ്വന്തം രാജ്യത്തിനായി പോരാടിയ ആ ധീര സൈനികന്റെ ജീവിതം വരും തലമുറയ്ക്ക് കാണാനായി സൂക്ഷിക്കുകയാണ് കുടുംബം.

അശോക് ചക്ര നൽകി ആദരിച്ച ഇന്ത്യയുടെ വീര നായകൻ എൻ എസ് ജി കമാൻഡോ സംഘത്തിന്റെ തലവനായിരുന്ന സമയത്താണ് മുംബൈ താജ് ഹോട്ടലിൽ ഭീകരാക്രമണം ഉണ്ടാകുന്നത്. തന്റെ ജീവൻ നഷ്ടപ്പെട്ടാലും, രാജ്യത്തിനു വേണ്ടി പോരാടാൻ സൈനികർ ഉണ്ടാകണമെന്ന ഉറച്ച വിശ്വാസത്തിലായിരുന്നു അദ്ദേഹം. അതുകൊണ്ട് തന്നെ ആരും അടുത്തേയ്ക്ക് വരരുതെന്നും, ഭീകരരുടെ കാര്യം താൻ നോക്കി കൊള്ളാമെന്നുമാണ് അദ്ദേഹം സഹപ്രവർത്തകർക്ക് നൽകിയ അവസാന സന്ദേശം.

ഇന്നും ജീവിക്കുന്ന ധീരതയുണ്ട് മുംബൈ ആക്രമണത്തിന്റെ ഓർമകളുമായി… ഇന്ത്യൻ കമാൻഡോ സംഘത്തിലെ അംഗമായ കണ്ണൂർ അഴീക്കൽ സ്വദേശിയായ മനീഷ്. മുംബൈ ഒബ്രോയ്‌ ഹോട്ടലിൽ നടന്ന ഭീകരാക്രമണത്തിൽ മൂന്ന് ഗ്രനേഡ് ചീളുകൾ ആണ് അദ്ദേഹത്തിന്റെ തലയിൽ തുളച്ചു കയറിയത്, അതിൽ രണ്ടെണ്ണം മാത്രമാണ് നീക്കം ചെയ്യാൻ കഴിഞ്ഞത്, ഇപ്പോഴും ഒരു ചീൾ തലയോട്ടിയിൽ അവശേഷിക്കുന്നു.

കൂടാതെ, മുംബൈ പോലീസിന്റെ ഭീകരവിരുദ്ധ സ്‌ക്വാഡ് തലവൻ ഹേമന്ദ് കർക്കറെ താജ് ഹോട്ടലിലും ഏറ്റുമുട്ടൽ വിദഗ്ധൻ വിജയ് സല്സകർ, അശോക് കാംതെ എന്നിവർ മെട്രോ സിനിമക്ക് സമീപം ഉള്ള ഏറ്റുമുട്ടലിൽ കൊല്ലപ്പെട്ടു.

Continue Reading

Malayalam Poem

പട്ടിണികിടന്ന നാളുകളിൽ ഭക്ഷണം കഴിക്കാൻ കൂട്ടുകാരന്റെ വീട്ടിലെ പട്ടിയാകാൻ കൊതിച്ച കുട്ടി ഇന്ത്യയുടെ പരമാധികാരിയായ കഥ

Published

on

By

1920 ഒക്ടോബർ 27 – 2005 നവംബർ 9ന് പഴയ തിരുവിതാംകൂർ സംസ്ഥനത്തെ ഉഴവൂർ എന്ന സ്ഥലത്ത് ഉഴവൂർ വില്ലേജിലെ പെരുംതാനം എന്ന സ്ഥലത്താണ് അവൻ ജനിച്ചത്. കോച്ചേരിൽ രാമൻ വൈദ്യരുടേയും പാപ്പിയമ്മയുടെയും ഏഴു മക്കളിൽ നാലാമനായി . കൊടിയ ദാരിദ്ര്യത്തോടും പട്ടിണിയോടും പടവെട്ടി അവൻ വളർന്നു. ഒരു നേരം പോലും ഭക്ഷണം ഇല്ലാതിരുന്ന ദിവസങ്ങൾക്ക് പോലും പഠിക്കണം എന്ന കുട്ടന്റെ ആഗ്രഹത്തെ തളർത്താനായില്ല . ഉഴവൂർ ലോവർ പ്രൈമറി സ്കൂളിൽ പഠിക്കുന്ന കാലത്ത് കുട്ടന് ബാബു എന്ന ഒരു ചങ്ങാതിയെ കിട്ടി.

ബാബു സമ്പന്നമായ ഒരു കുടുംബത്തിൽ നിന്നും വരുന്ന കുട്ടിയായിരുന്നു. അക്കാലത്ത് നാട്ടിൽ വളരെ അപൂർവ്വമായിരുന്ന ടെറസ്സ് വീടായിരുന്നു ബാബുവിന്റേത്. ആ വീട്ടിൽ ഒന്ന് കയറാൻ കുട്ടന് അതിയായ മോഹം തോന്നി . ഏറെ മടിച്ചിട്ടാണെങ്കിലും കുട്ടൻ ആ മോഹം ബാബുവിനോട് പറഞ്ഞു. അവന് കുട്ടന്റെ മോഹം സാധിച്ചു കൊടുക്കണം എന്നുണ്ടായിരുന്നു എങ്കിലും കുട്ടനെ വീട്ടിൽ കയറ്റാൻ തന്റെ മാതാപിതാക്കൾ അനുവദിക്കില്ല എന്ന സത്യം ബാബുവിന് അറിയാമായിരുന്നു. അതിനാൽ ബാബു മാതാപിതാക്കൾ വീട്ടിലില്ലാത്ത ഞായറാഴ്ച്ച കുട്ടനെ വീട്ടിലേക്ക് ക്ഷണിച്ചു.

വീട്ടിലെ കലത്തിൽ കഞ്ഞി വെള്ളത്തോടൊപ്പം കിട്ടിയ കുറച്ചു വറ്റ് പെറുക്കി കഴിച്ച് പാതി വിശപ്പുപോലും മാറാതെ ആ ഞായറാഴ്ച്ച കുട്ടൻ ബാബുവിന്റെ വീട്ടിലെത്തി . വീട്ടിനുള്ളിൽ കയറിയ കുട്ടനെ സംബന്ധിച്ച് ആ വീട് കഥകളിൽ വായിച്ചറിഞ്ഞ ഒരു സ്വർഗ്ഗമായിരുന്നു. വലിയ മുറികളും അലങ്കാരപ്പണികളും ആഡംബരവും ഒത്തിണങ്ങിയ അകത്തളവും കുട്ടനെ ഒരു വിസ്മയ ലോകത്തിലേക്ക് നയിച്ചു. കുറച്ചു നേരത്തെ കാഴ്ചക്ക് ശേഷം ഇഷ്ടമില്ലാതിരുന്നെങ്കിലും, ബാബുവിന്റെ രക്ഷിതാക്കളെ പേടിച്ച് കുട്ടൻ തിരിച്ചു പോകാൻ ഇറങ്ങി. അപ്പോഴാണ് അവൻ മുറ്റത്തുള്ള പട്ടിക്കൂട് ശ്രദ്ധിക്കുന്നത് . പട്ടിക്കൂട്ടിൽ കിടക്കുന്ന പട്ടിയല്ല കുട്ടന്റെ കാഴ്ച്ചയെ പിടിച്ചു വലിച്ചത് മറിച്ച് ബാബുവിന്റെ വീട്ടുകാർ പട്ടിക്ക് നൽകിയിരുന്ന വിഭവ സമൃദ്ധമായ ഭക്ഷണമായിരുന്നു ആ പട്ടിണി പാവത്തെ ആകർഷിച്ചത്. കുട്ടൻ ബാബുവിനോട് യാത്ര പറഞ്ഞിറങ്ങി. പട്ടിക്കൂട്ടിലെ വിഭവ സമൃദ്ധി അപ്പോഴും അവന്റെ മനസ്സിൽ നിന്നും മാഞ്ഞിരുന്നില്ല.

പിറ്റേ ദിവസം പതിവുപോലെ കുട്ടൻ സ്കൂളിലെത്തി . ക്ലാസ് തുടങ്ങി ടീച്ചർ ക്ലാസ് എടുത്തുകൊണ്ടിരിക്കെ പെട്ടെന്ന് A E O പരിശോധക്കായി ക്ലാസ്സിൽ എത്തി. കുട്ടികളോട് പല ചോദ്യങ്ങൾ ചോദിച്ച് ഒടുവിൽ അദ്ദേഹം ഓരോ കുട്ടികളോടും ഭാവിയിൽ ആരാകണം എന്ന ചോദ്യം ചോദിച്ചു. പലരും പലതരത്തിലുള്ള അവരുടെ ആഗ്രഹങ്ങൾ പറഞ്ഞു . അതിൽ ഡോക്റ്ററും പട്ടാളക്കാരനും സിനിമാ നടനും പൈലറ്റും മറ്റും ഉണ്ടായിരുന്നു. അവസാനം A E O കുട്ടനോട് ചോദിച്ചു, ” തനിക്ക് ആരാവണം ” എന്ന് ? ഒട്ടും സംശയമില്ലാതെ കുട്ടൻ പറഞ്ഞും “എനിക്ക് ബാബുവിന്റെ വീട്ടിലെ പട്ടിയായാൽ മതി ” ക്ലാസ്സിൽ ചിരി പടർന്നു അതിൽ A E O യും പങ്കു ചേർന്നു. കൗതുകത്തോടെ A E O കുട്ടന്റെ ആഗ്രഹത്തിന്റെ കാരണം ചോദിച്ചു. കുട്ടൻ കാരണവും പറഞ്ഞു. അത് കേട്ടപാടെ ക്ലാസ്സിലെ ചിരി മാഞ്ഞു. കാരണം ആരുടേയും ഹൃദയം തകർക്കാൻ മാത്രം ശേഷിയുണ്ടായിരുന്നു ആ കാരണത്തിന്. ആ കാരണം ഇതായിരുന്നു ” ബാബുവിന്റെ വീട്ടിലെ പട്ടിയായാൽ ഒരു നേരമെങ്കിലും വയറുനിറയെ ഭക്ഷണം കഴിക്കാമല്ലോ “

ക്ലാസ് മുറിയെ കണ്ണീരിലാഴ്ത്തിയ ആ സംഭവത്തിന് ശേഷം കാലം ഒരുപാട് കടന്നു പോയി . പട്ടിണിയോടും പ്രാരാബ്ദങ്ങളോടും പടവെട്ടി കുട്ടൻ എന്ന നാരായണൻ പഠിച്ചു. കുറവിലങ്ങാട് സ്‌കൂളില്‍ നിന്ന് ഇ.എസ്.എല്‍.സിയില്‍ ഉയര്‍ന്നമാര്‍ക്കോടെ വിജയം. തുടര്‍ന്ന് ഇന്റര്‍മീഡിയറ്റിന് കോട്ടയം സി.എം.എസ് കോളേജില്‍ പ്രവേശനം. സാമ്പത്തിക പരാധീനതകള്‍ മനസിലാക്കിയ കോളേജ് പ്രിന്‍സിപ്പല്‍, നാരായണന് ഫീസ് ഇളവ് അനുവദിച്ചിരുന്നു. അന്ന് തിരുനക്കര ക്ഷേത്രത്തിനടുത്ത് പാലാക്കാരനായ ഒരു വക്കീലിന്റെ ഓഫീസ് മുറിയിലായിരുന്നു അദ്ദേഹം താമസിച്ചിരുന്നത്. മണ്ണെണ്ണ വിളക്കിന്റെ വെളിച്ചത്തില്‍ ഇരുന്ന് പഠിച്ച് ഇന്റര്‍മീഡിയറ്റ് ഒന്നാം ക്ലാസോടെ ആ മിടുക്കന്‍ പാസായി. തുടര്‍ന്ന് തിരുവനന്തപുരം യൂണിവേഴ്‌സിറ്റി കോളേജില്‍ ബി.എ. ഓണേഴ്‌സിന് പ്രവേശനം ലഭിച്ച നാരായണന്‍ പഠനം പൂര്‍ത്തിയാക്കിയത് ഒന്നാം റാങ്കോടെയും. തിരുവിതാംകൂറിന്റെ ചരിത്രത്തിലാദ്യമായി ഒരു ഹരിജൻ യുവാവ് ഉയർന്ന മാർക്കോടെ ബി.എ. പാസായത് പത്രങ്ങളിൽ വലിയ വാർത്തയായിരുന്നു.

പഠനശേഷം തൊഴിൽതേടി ഡൽഹിക്കുപോയ നാരായണൻ പത്രപ്രവർത്തകനായി. തുടർന്ന് 1944 ഏപ്രിൽ പത്തിന് മാഹാത്മാഗാന്ധിയെ അഭിമുഖം ചെയ്യാനുള്ള അവസരം ലഭിച്ചു. ഉപരിപഠനത്തിനുള്ള സ്‌കോളർഷിപ്പ് ലഭിച്ചതിനെ തുടർന്ന് 1945-ൽ നാരായണൻ ലണ്ടൻ സ്‌കൂൾ ഓഫ് ഇക്കണോമിക്‌സിൽ ചേർന്നു. സ്‌കൂൾ ഓഫ് ഇക്കണോമിക്‌സിൽ വിഖ്യാത ചിന്തകനായ ഹരോൾഡ് ലാസ്‌കിയുടെ അരുമശിഷ്യനായി.

ഇന്ത്യയിൽ മടങ്ങിയെത്തിയ നാരായണനെ ജവഹർലാൽ നെഹ്രു ഇന്ത്യൻ വിദേശകാര്യ സർവീസിലെടുത്തു. ബർമ( ഇപ്പോൾ മ്യാൻമർ)യിലായിരുന്നു ആദ്യ നിയമനം. അവിടെ വെച്ചാണ് മാടിന്റ ടിന്റ എന്ന യുവതിയെ പരിചയപ്പെടുന്നത്. 1951 ജൂൺ എട്ടിന് നാരായണൻ മാടിന്റ് ടിന്റുവിനെ വിവാഹം കഴിച്ചു. ടിന്റ അങ്ങനെ ഉഷ നാരായണനായി. നാരായണൻ – ഉഷ ദമ്പതിമാർക്ക് രണ്ടു പുത്രിമാരാണുള്ളത്; ചിത്രയും അമൃതയും. ലോകമെമ്പാടും ഭാരതത്തിന്റെ സന്ദേശവാഹകനായി ആ മലയാളി വളർന്നു. കെ.ആർ. നാരായണനെ സ്വതന്ത്ര ചുമതലയുള്ള അംബാസിഡറായി നിയമിക്കുന്നത് 1967-ൽ തായ്ലന്റിലാണ്. 1973-ൽ നയതന്ത്രപ്രതിനിധിയായി ടർക്കിയിൽ നിയോഗിക്കപ്പെട്ടു. പിന്നീട് ചൈനീസ് അംബാസിഡർ ചൈനയിലെ അംബാസിഡറായിരിക്കെ 1978-ൽ അദ്ദേഹം വിദേശകാര്യ സർവീസിൽ നിന്നും വിരമിച്ചു.

ജനതാ പാർട്ടി ഗവൺമെന്റ് നാരായണനെ 1978 ൽ ജവഹർലാൽ നെഹ്റു യൂണിവേഴ്സിറ്റിയിൽ വൈസ് ചാൻസലറായി നിയമിച്ചു. ഉത്തവാദിത്വവും നയതന്ത്ര മികവും ഒരുപോലെ പ്രകടമാക്കേണ്ട ഒരു പാടൊരുപാട് ഔദ്യോഗിക സ്ഥാനങ്ങളിൽ പിന്നീട് നാരായണൻ സ്തുത്യർഹമായ സേവനം അനുഷ്ടിച്ചു. ലോകസഭയിലേക്കുള്ള തെരഞ്ഞെടുപ്പിൽ കോൺഗ്രസ് സ്ഥാനാർത്ഥിയായി അദ്ദേഹം ഒറ്റപ്പാലത്തു നിന്നു മത്സരിച്ച് വൻ ഭൂരിപക്ഷത്തിൽ വിജയിച്ചു. രാജീവ്ഗാന്ധി മന്ത്രിസഭയിൽ 1985 ഫെബ്രുവരി ഒന്നാം തീയതി നാരായണൻ മന്ത്രിയായി. ഒടുവിൽ ‘പട്ടിണി മാറ്റാൻ കൂട്ടുകാരന്റെ വീട്ടിലെ പട്ടിയാകാൻ ആഗ്രഹിച്ച’ കുട്ടൻ എന്ന കെ ആർ നാരായണൻ 1992, ഓഗസ്റ്റ് 21-ന് ഇന്ത്യയുടെ ഒമ്പതാമത്തെ ഉപരാഷ്ട്രപതിയായി കെ.ആർ. നാരായണൻ അവരോധിക്കപ്പെട്ടു.
ഏതൊരു വ്യക്തിയുടെയും ജീവിതത്തിന്റെ വഴിമാറ്റി വിടാൻ പര്യാപ്തമായ ഈ ജീവിത കഥ നമ്മുടെ കുട്ടികൾക്കെന്നും ഒരു പാഠമായിരിക്കട്ടെ.

Continue Reading

Malayalam Poem

എന്നെ കള്ളിയെന്നു വിളിക്കല്ലേ ; കണ്ണുകളെ ഈറനണിയിക്കും ഈ കുഞ്ഞു മോളുടെ കഥ കേട്ടാല്‍

Published

on

By

ചെറുപ്പം മുതലേ കുട്ടികളെ നല്ല കാര്യങ്ങള്‍ നമ്മള്‍ ശീലിപ്പിക്കണം ജീവിത മൂല്യങ്ങള്‍ പകര്‍ന്നു നല്‍കണം. അതവരുടെ മുന്നെട്ടുള്ള ജീവിതത്തില്‍ സഹായിക്കും. കുട്ടികള്‍ക്ക് നാം പറഞ്ഞു കൊടുക്കന്ന നല്ല കാര്യങ്ങളില്‍ ഒന്നാണ് കളവ് പാടില്ല. അതായത് മറ്റൊരാളുടെ സാധനം നമ്മള്‍ കൈക്കലാക്കാന്‍ പാടില്ല എന്നുള്ളത്. അഥവാ നമുക്ക് നിലത്ത് കിടന്ന് എന്തെങ്കിലും കിട്ടിയാലോ അത് നമ്മള്‍ അതിന്റെ അവകാശികളെ ഏല്‍പ്പിക്കണം.

ജിഎംബി ആകാശ് എന്നാ ഫോട്ടോഗ്രാഫര്‍ സോഷ്യല്‍ മീഡിയയില്‍ ഷെയര്‍ ചെയ്ത മിം എന്നാ പത്തു വയസ്സ്കാരിയുടെയും അവളുടെ അമ്മയുടെയും ചെറിയ ജീവിതം എല്ലാ മാതാപിതാക്കള്‍ക്കും പാഠമാകേണ്ടവയാണ്.

മിംന്‍റെ വാക്കുകള്‍ നമുക്ക് കേള്‍ക്കാം “ഞാന്‍ ഇന്നലെ ഭക്ഷണം കഴിക്കുന്ന സ്ഥലത്ത് നിന്ന് ഒരു പിങ്ക് ടിഫിന്‍ ബോക്സ്‌ മോഷ്ടിച്ച്. അത് കാണാന്‍ നല്ല രസമുള്ള ടിഫിന്‍ ബോക്സ്‌ ആയിരുന്നു. ഏതാണ്കിലും കുട്ടി മറന്നു വച്ച് പോയ ടിഫിന്‍ ബോക്സ്‌ ആകാം അത്.ആരെങ്കിലും ആ ബോക്സ്‌ എടുക്കാന്‍ തിരക്കി വരുന്നുണ്ടോ എന്നറിയാന്‍ ഒരു മണിക്കൂറോളം ഞാന്‍ അവിടെ ഇരുന്നു. പിന്നെ പതിയെ അതിനടുത്തെത്തി അതെടുത്തു.

ഇത് വരെ ഞാന്‍ ഇങ്ങനെയൊന്നും ചെയ്തട്ടില്ല. ഞാനതുമായി പോയപ്പോള്‍ തെരുവിലെ കുട്ടികള്‍ എന്നോട് ചോദിച്ചു ഇതെവിടെ നിന്നാണ് കിട്ടിയതെന്ന് ഞാന്‍ മറുപടി ഒന്നും പറഞ്ഞില്ല. നീ ഇത് മോഷ്ടിച്ചതല്ലേ എന്ന് ഫലാന്‍ ചോദിച്ചപ്പോള്‍ ഞാന്‍ അവനോട് ദേഷ്യപ്പെട്ടു.

അമ്മയുടെ കൂടെ വീട്ടിലേയ്ക്ക് പോകുമ്പോള്‍ എന്‍റെ കുഞ്ഞനുജന്‍ ഭക്ഷണത്തിനായി കരയുകയായിരുന്നു അന്ന് നല്ല മഴയായതിനാല്‍ അമ്മയ്ക്ക് ഭിക്ഷയൊന്നും കിട്ടിയില്ലായിരുന്നു. എന്‍റെ കയ്യിലെ ടിഫിന്‍ ബോക്സ്‌ കണ്ടയുടനെ അമ്മ ചോദിച്ചു ഇതെവിടെ നിന്ന് കിട്ടിയതാണെന്ന്, അമ്മ എന്നെ കള്ളിയെന്ന് വിളിച്ചപ്പോള്‍ ഞാന്‍ കരയാന്‍ തുടങ്ങി. അത് വളരെ മനോഹരമായ ടിഫിന്‍ ബോക്സ്‌ ആയിരുന്നു.

സ്കൂളില്‍ പോകുന്ന കുട്ടികള്‍ കൊണ്ട് പോകുന്നതായിരിക്കാം. പക്ഷെ എനിക്കുത്തരം ഒന്നുമില്ലായിരുന്നു. എന്‍റെ അച്ഛന്‍ മരിച്ചു പോയതാണ് എനിക്ക് വാങ്ങി തരാന്‍ ആയി ആരുമില്ല. അച്ഛന്‍ മരിച്ചതില്‍ പിന്നെ സ്കൂളില്‍ പോകാന്‍ കഴിയാതെയായി. അമ്മ ഭിക്ഷ യാചിക്കാന്‍ പോകും ആരെങ്കിലും എന്തെങ്കിലും ഓടുതല്‍ കിട്ടി.

ഇന്നലെ രാത്രി എനിക്ക് ഉറങ്ങാന്‍ കഴിഞ്ഞില്ല. അച്ഛനെ വളരെയധികം മിസ്സ്‌ ചെയ്യുന്നു. അച്ഛന്‍ ഉണ്ടായിരുന്നെങ്കില്‍ എനിക്ക് ടിഫിന്‍ ബോക്സ്‌ വാങ്ങി തന്നേനെ, അപ്പോള്‍ എനിക്ക് മോഷ്ടിക്കെണ്ടാതായി വരില്ലായിരുന്നു. ഇന്നലെ അമ്മ പിന്നെ എന്നോട് മിണ്ടിയിട്ടെയില്ല. ഇന്ന രാവിലെ തന്നെ ആ ടിഫിന്‍ ബോക്സ്‌ ഇരുന്ന ബെഞ്ചില്‍ തന്നെ കൊണ്ട് വച്ചു.

എന്നാലും തെരുവിലെ കുട്ടിഅല്‍ എന്നെ നോക്കി ചിരിക്കുകയാണ്. അത് സാരമില്ല, ഞാന്‍ വലുതായിട്ട് തുണി ഫാക്ടറിയില്‍ ജോലിക്ക് പോയി അനിയനെയും അനിയത്തിയെയും പഠിപ്പിക്കും ഞാനവര്‍ക്ക് ഒരുപാട് സാധനങ്ങള്‍ വാങ്ങിച്ചു കൊടുക്കും മനോഹരമായ അത് പോലത്തെ ടിഫിന്‍ ബോക്സും.

Continue Reading

Writeups

Malayalam Article14 hours ago

സൗമ്യ കൊലക്കേസില്‍ പ്രതി അജാസിന്റെ ഞെട്ടിപ്പിക്കുന്ന വെളിപ്പെടുത്തൽ

വനിതാ പൊലീസ് ഉദ്യോഗസ്ഥ സൗമ്യയെ വെട്ടി തീ വച്ച്‌ കൊന്ന കേസില്‍ പ്രതി അജാസിന്‍റെ മൊഴി രേഖപ്പെടുത്തി. സൗമ്യയെ കൊന്ന ശേഷം താനും ആത്മഹത്യ ചെയ്യുകയായിരുന്നു ലക്ഷ്യമെന്ന് അജാസ് മജിസ്ട്രേറ്റിന്...

Malayalam Article4 days ago

അന്ന് പുഴു, ഇന്ന് രക്തവും മരുന്നും കലർന്ന ബാൻഡേജ്; രംഗോലി അടപ്പിച്ചു

തിരുവനന്തപുരത്തെ ടെക്നോപാർക്കോനോട് ചേർന്ന് പ്രവർത്തിക്കുന്ന റെസ്‌റ്റോറന്റ് ആയ രംഗോലിയിൽ നിന്ന് വാങ്ങിയ ബിരിയാണിയിൽ രക്തം കലർന്ന ബാൻഡേജ് കണ്ടുകിട്ടി.  ടെക്നോപാർക്കിലെ ജീവനക്കാരിൽ ഒരാൾ വാങ്ങിയ ബിരിയാണിയിൽ ആയിരുന്നു...

Malayalam Article6 days ago

‘എ ഫോർ ആപ്പിൾ’ ലൂടെ വർഷങ്ങൾക്ക് ശേഷം നെടുമുടി വേണുവും ഷീലയും ഒന്നിക്കുന്നു.

കന്നി സംവിധായകരായ മധുസൂദനൻ നായരും സി. ശ്രീകുമാരനും ചേർന്നൊരുക്കുന്ന ചിത്രം എ ഫോർ ആപ്പിൾ ലൂടെ വർഷങ്ങൾക്ക് ശേഷം നെടുമുടി വേണുവും ഷീലയും ഒരുമിക്കുകയാണ്. സ്വർണാലയ ഗ്രൂപ്പ്...

Malayalam Article6 days ago

അമ്മയുടെ രണ്ടാംവിവാഹദിവസം മകൻ എഴുതിയ വികാരഭരിതമായ കുറിപ്പ് വയറൽ ആകുന്നു!

അമ്മയുടെ രണ്ടാംവിവാഹദിവസം മകൻ എഴുതിയ വികാരഭരിതമായ കുറിപ്പ് വയറൽ ആകുന്നു! ഗോകുൽ ശ്രീധർ ആണ് തന്റെ അമ്മയുടെ രണ്ടാംവിവാഹ വാർത്ത തന്റെ ഫേസ്ബുക്കിലൂടെ അറിയിച്ചത്. തനിക്ക് വേണ്ടി...

Malayalam Article6 days ago

രണ്ടുമാസം പ്രായമുള്ളപ്പോൾ മകളെ ഉപേക്ഷിച്ചു അമ്മ മറ്റൊരാൾക്കൊപ്പം പോയി. ശേഷം മക്കൾക്കുവേണ്ടി മാത്രം ജീവിച്ചൊരു അച്ഛന്റെ കഥ!

രണ്ടുമാസം പ്രായമുള്ളപ്പോൾ തന്റെ മകളെയും ഉപേക്ഷിച്ചു അന്ന് വരെയുള്ള തന്റെ സമ്പാദ്യവുമായി ഭാര്യ മറ്റൊരാൾക്കൊപ്പം പോയപ്പോൾ ആ അച്ഛൻ തളരാതെ പിടിച്ചു നിന്നത് തന്റെ മകളെ പൊന്നുപോലെ...

Malayalam Article6 days ago

കൊല്ലം കടൽത്തീരത്ത് വ്യാപകമായി പത അടിയുന്നു. എന്താണ് ഈ പ്രതിഭാസമെന്നു മനസിലാകാതെ പ്രദേശ വാസികൾ. വീഡിയോ കാണാം

വായു ചുഴലിക്കാറ്റ് ശക്തിപ്പെട്ടതിനു പിന്നാലെ കൊല്ലം തീരത്തേക്ക് തിരമാലകൾക്കൊപ്പം വലിയതോതിൽ പത അടിയുകയാണ്. എന്നാൽ എന്താണ് ഈ പ്രതിഭാസമെന്നു മനസിലാകാതെ പ്രദേശവാസികളും അത്ഭുതപ്പെടുകയാണ്. തീരത്തേക്ക് വളരെ വലിയ...

Malayalam Article6 days ago

വായു ചുഴലിക്കാറ്റ് ഇന്ന് വൈകുന്നേരത്തോടെ തീരത്തോടടുക്കും; കേരളത്തിൽ കനത്ത ജാഗ്രത

130 മുതല്‍ 140 കിലോ മീറ്റര്‍ വരെ വേഗത്തിൽ വായു ചുഴലിക്കാറ്റ് എന്ന് വൈകുന്നേരത്തോടുകൂടി ഗുജറാത്ത് തീരത്തോടടുക്കും. എപ്പോൾ പതിനായിരത്തിൽ അതികം പേരെയാണ് മാറ്റിപാർപ്പിച്ചിരിക്കുന്നത്. വൈകുന്നേരത്തിനു മുന്പായി...

Malayalam Article1 week ago

അഭിനയമായാലും സംവിധാനമായാലും ആഷിത അരവിന്ദിന്റെ കൈകളിൽ ഭദ്രം

പ്രഗൽഭരായ കലാകാരന്മാരുടെ നാടാണ് കാസർഗോഡ്. അതെ കാസർഗോഡ് നിന്നും തന്റേതായ രീതിയിൽ കഴിവ് തെളിയിച്ചു ഉയരങ്ങളിലേക്ക് പറന്നുകൊണ്ടിരിക്കുന്ന കലാകാരിയാണ് ആഷിത അരവിന്ദ് .എന്നാൽ നമ്മളിൽ പൂരിഭാഗം പേർക്കും ഈ...

3 year old girl died in Uttarpradesh 3 year old girl died in Uttarpradesh
Malayalam Article1 week ago

മരിക്കും മുൻപ് രണ്ടര വയസുകാരി അനുഭവിച്ചത്; മനഃസാക്ഷിയുള്ളവർക്ക് സഹിക്കാൻ കഴിയില്ല ഈ വാർത്ത

ഉത്തര്‍പ്രദേശിലെ അലിഗഡില്‍ രണ്ടര വയസ്സുകാരി അതി ക്രൂരമായി കൊല്ലപ്പെട്ട സംഭവത്തിൽ പ്രതിക്ഷേധം ശക്തമാകുകയാണ്. ഒരു കുഞ്ഞും ഇന്ന് വരെ അനുഭവിച്ചിട്ടില്ലാത്ത യാതനകൾ അനുഭവിചാണ് ആ രണ്ടര വയസുകാരി...

Nithin Balaji explained her experience when escape from dubai bus accident Nithin Balaji explained her experience when escape from dubai bus accident
Malayalam Article1 week ago

ദുബായ് 17 പേരുടെ മരണത്തിനിടയാക്കിയ ബസ് അപകടത്തിൽ നിന്ന് അത്ഭുതകരമായി രക്ഷപെട്ട മലയാളി തന്റെ അനുഭവം പറയുന്നു

കഴിഞ്ഞ ദിവസം ദുബായിയെ ഞെട്ടിച്ചുകൊണ്ടാണ് ആ വാർത്ത എത്തിയത്. പുലർച്ചെ ദുബായ്, റാ​ഷി​ദി​യ മെ​ട്രോ​സ്റ്റേ​ഷനടുത്തുവെച്ചുണ്ടായ ബസ് അപകടത്തിൽ 17 പേരാണ് മരണപ്പെട്ടത്. ഇതിൽ 8മലയാളികളും ഉണ്ടായിരുന്നു. എന്നാൽ ബസിൽ...

Trending

Don`t copy text!