Connect with us

Malayalam Article

വേശ്യകളുടെ വിപ്ലവം

Published

on

രണ്ടായിരം വർഷത്തെ ചരിത്രമുണ്ട് ജനീവക്ക്. പക്ഷെ ഇക്കാലത്തൊന്നും ഇവിടെ ഒരു രാജാവുണ്ടായിട്ടില്ല. അതുകൊണ്ടുതന്നെ ഇവിടുത്തെ ‘രാജാക്കാൻമാരുടെ സെമിത്തേരി’ ( Cemetery of the Kings ) എന്നൊരു സ്ഥലം ഉണ്ടെന്നത് എന്നെ അതിശയപ്പെടുത്തി. മറ്റു രാജ്യത്തുനിന്ന് നേരിട്ട മാർഗ്ഗത്തിലൂടെയും അല്ലാതേയും കാശുണ്ടാക്കുന്ന പലരും സ്വിറ്റ്സർലാന്റിൽ ജീവിക്കാൻ വരുന്നതുപോലെ വല്ല രാജാക്കാൻമാരും ഇവിടെ ചത്തുകിടക്കാനും വരാറുണ്ടോ? എന്നാൽ അതൊന്നു കണ്ടു കളയാമെന്നു കരുതി.

വെങ്ങോലയിൽ ഞാൻ പഠിച്ച ശാലോംസ്കൂളിന്റെ തൊട്ടടുത്ത് ഒരു പള്ളിയുണ്ടായിരുന്നു. അതിന്റെ തൊട്ടുപുറകിൽ ഒരു സെമിത്തേരിയും. പക്ഷെ ശവക്കോട്ട പ്രേതങ്ങളുടെ വിഹാരകേന്ദ്രമായി ചിന്തിച്ചിരുന്നകാലത്ത് അവിടേക്ക് എത്തിനോക്കാൻ പോലും ധൈര്യമുണ്ടായിരുന്നില്ല.

ജനീവയിലെ സെമിത്തേരി പക്ഷെ അങ്ങനെയല്ല. വിശാലമായ ഒരു പൂന്തോട്ടം പോലെയാണ് ഈ രാജാക്കാൻമാരുടെ ശവക്കോട്ട. വൻമരങ്ങൾ, പുൽത്തകിടി, ചെറിയ കൂട്ടം പൂച്ചെടികൾ, ഇരിക്കാൻ ചാരുബെഞ്ചുകൾ, അതിന്റെ ഇടക്ക് കുറെ ശവക്കല്ലറകൾ. ഇതിന്റെ ഇടക്ക് പുസ്തകം വായിക്കാനായി ആളുകൾ വന്നു കിടക്കുന്നതു കണ്ടു ഞാൻ അതിശയപ്പെട്ടു. നായൻമാർക്ക് കുഴിമാടം ഒന്നും പറഞ്ഞിട്ടില്ലെങ്കിലും ഇവിടെവന്ന് ഇവരുടെ ശാന്തമായ കിടപ്പു കണ്ടപ്പോൾ തട്ടിപ്പോയാൽ ഇവിടെത്തന്നെ കൂടിയാലോ എന്നൊരു ചിന്ത ഉണ്ടാകാതിരുന്നില്ല.

രാജാക്കാൻമാരുടെ സെമിത്തേരി പക്ഷെ രാജാക്കൻമാർക്ക് വേണ്ടിട്ടുള്ളതല്ല. ഒരു രാജാവും ഇവിടെ കിടക്കുന്നുമില്ല. അതേസമയം, ജനീവയിലെ രാഷ്ട്രീയ സാമൂഹ്യ സാഹിത്യരംഗങ്ങളിലെ എല്ലാം മഹാന്മാരും മഹതികളും ഇവിടെയാണ് അന്ത്യവിശ്രമം കൊള്ളുന്നത്. പ്രൊട്ടസ്റ്റന്റ് റിഫോർമർ ആയ കാൽവിൻ ആണ് ഇവരിൽ പ്രശസ്തൻ. ഐക്യരാഷ്ട്രസഭയുടെ സേവനത്തിനിടെ ഇറാക്കിൽ ബോംബിംഗിൽ മരിച്ച സെർജിയോ ഡിമെല്ലോയും ഇവിടെയുണ്ട്. ഇവിടുത്തെ മന്ത്രിമാർ, പേരുകേട്ട എഴുത്തുകാർ, ചിത്രം വരക്കുന്നവർ, ബാങ്കർമാർ എല്ലാമുണ്ട്. നല്ല കമ്പനിയാണ്.

ഇവരുടെയെല്ലാം നടുക്ക് പുതിയ ഒരു അതിഥി വന്നിട്ടുണ്ട്. രണ്ടായിരത്തി ഒൻപതിൽ ജനീവ സിറ്റി കൗൺസിൽ, ജനീവയിലെ ഏറ്റവും പേരുകേട്ട വേശ്യയായിരുന്ന ഗ്രിസൽഡിസ് റിയാലിന്റെ ഭൗതിക അവശിഷ്ടം രാജാക്കൻമാരുടെ ശവക്കോട്ടയിലേക്ക് മാറ്റാൻ തീരുമാനിച്ചു. സ്ത്രീ പ്രസ്ഥാനങ്ങളിൽ നിന്നുൾപ്പെടെ ഏറെ എതിർപ്പുണ്ടായി. പക്ഷെ കൗൺസിൽ വകവച്ചില്ല. മറ്റെന്തുംപോലെ വേശ്യവൃത്തിയും സാംസ്കാരിക പൈതൃകത്തിന്റെ ഭാഗമാണെന്നു പ്രഖ്യാപിച്ച കൗൺസിൽ റിയാലിന് പുതിയ ശവകുടീരം ഉണ്ടാക്കി.

‘രാജാക്കൻമാരുടെ സെമിത്തേരി’യിൽ ഗ്രിസൽഡിസ് റിയാലിന്റെ അന്ത്യവിശ്രമസ്ഥാനം.

അതിശയകരമായ കഥയാണ് റിയാലിന്റേത്. അധ്യാപകരുടെ ഒരു കുടുംബത്തിൽ ആണ് 1929 ൽ റിയാൽ ജനിക്കുന്നത് ഈജിപ്റ്റിലെ അലക്സാൺഡ്രിയയിൽ. കുട്ടിക്കാലം ഗ്രീസിലെ ഏതൻസിൽ. പെയിന്റിംഗിൽ മിടുക്കിയായിരുന്നു. സ്വിറ്റ്സർലാന്റിൽനിന്നും ബിരുദം കരസ്ഥമാക്കി. 1951 ൽ വിവാഹജീവിതം ആരംഭിച്ചു. പക്ഷെ അതത്ര ശരിയായില്ല. മൂന്നു കുട്ടികൾ ആയിക്കഴിഞ്ഞപ്പോൾ വിവാഹമോചനത്തിൽ കലാശിച്ചു. പുതിയ ഒരു പങ്കാളിയുമായി റിയാൽ ജർമനിയിലേക്ക് പോയി. അതിനിടെ ഒരു കുട്ടി കൂടി ഉണ്ടായി.

പക്ഷെ ഇന്നത്തെപ്പോലെ യൂറോപ്യൻ യൂണിയനൊന്നും ഇല്ലാത്തതിനാൽ സ്വിസ്സ് പൗരത്വത്തിൽ റിയാലിന് ജർമനിയിൽ ജോലി ചെയ്‌യാനുള്ള വർക്ക്പെർമിറ്റ് ഇല്ല. യുദ്ധാനന്തര ജർമനിയിൽ പെയിന്റിംഗിന് ഒന്നും ഒരു ഡിമാന്റും ഇല്ല. ലക്ഷക്കണക്കിന് അമേരിക്കൻ പട്ടാളക്കാർ ബർലിനിൽ ഉണ്ട്. ലോകത്തെവിടെയും എക്കാലത്തേയുംപോലെ ഏറെ ആണുങ്ങൾ കുടുംബത്തിൽനിന്ന് അകന്ന് കഴിയുന്നിടത്തൊക്കെ കൊമേർഷ്യൽ സെക്സിന് വലിയ ഡിമാന്റുണ്ട്. ഈ രംഗത്ത് ജോലിപരിചയവും വർക്ക്പെർമിറ്റും ഒന്നും പ്രശ്നമല്ല. ശേഷം ചിന്ത്യം.

ഈ രംഗത്തേക്ക് തിരിയുന്ന മറ്റു പലരിൽനിന്നും റിയാലിനെ വ്യത്യസ്തമാക്കിയത്, അവർ ഒരിക്കലും സ്വയം ഒരു ‘ഇര’ ആയി കണ്ടില്ല എന്നതാണ്. വേശ്യാവൃത്തി സ്വീകരിക്കുക എന്നത് അവർ സ്വന്തം ഇഷ്ടപ്രകാരം ചെയ്തതാണ്. വേശ്യാവൃത്തി ഒരു കലയും ശാസ്ത്രവും മനുഷ്യസേവനവും ആണെന്ന് അവർ ഉറച്ചു വിശ്വസിച്ചു. ‘കറുപ്പും ഒരു നിറമാണ്’ എന്ന അവരുടെ ആത്മകഥയിൽ ഒരിക്കൽപോലും അവർ സ്വന്തം പ്രവർത്തികൾക്കും അവസ്ഥക്കും ആരെയും കുറ്റം പറഞ്ഞില്ല. വേശ്യകളുടെ ഉന്നമനത്തിനായി പ്രവർത്തിച്ചും പുസ്തകം എഴുതിയും ഏറെ പണവും പ്രശസ്തിയും ഉണ്ടായിട്ടും തൊള്ളായിരത്തി എഴുപതുകളിൽ സ്വിറ്റ്സർലാന്റിൽ തിരിച്ചെത്തിയ അവർ വേശ്യാവൃത്തി ഉപേക്ഷില്ല.

ആയിരത്തിതൊള്ളായിരത്തി എഴുപതുകൾവരെ യൂറോപ്പിലെ വേശ്യകളുടെ സ്ഥിതി കഷ്ടമായിരുന്നു. വേശ്യാലയം നടത്തുന്നവരുടേയും പിമ്പുകളുടേയും ചൂഷണം ഒരു വശത്ത്, പോലീസിന്റെ ശല്യം മറുവശത്ത്. സ്വന്തം ഇഷ്ടപ്രകാരമാണെങ്കിൽപോലും സ്വയം വേശ്യാവൃത്തിയിൽ ഏർപ്പെടാൻ പിമ്പുകളും പോലീസും അവരെ സമ്മതിക്കില്ല. വേശ്യകൾക്കെതിരെ പിമ്പുകൾ അക്രമം പ്രയോഗിക്കുമ്പോൾ പോലീസ് എന്തെങ്കിലും നിസാര കുറ്റം ചുമത്തി പിഴയിടും. പറ്റിയാൽ ജയിലിലടക്കും. സമൂഹത്തിലെ ചീത്തപ്പേര് വേറെയും. ഇപ്പോഴും ഇന്ത്യയിൽ കൊമേഴ്സ്യൽ സെക്സ് രംഗത്തുള്ളവരുടെ സ്ഥിതി ഇതുപോലെ ആണല്ലോ.

യൂറോപ്പിലെ സാമ്പത്തിക വിദ്യാഭ്യാസരംഗങ്ങളിലുള്ള പുരോഗതിയും മനുഷ്യാവകാശങ്ങളെപ്പറ്റിയുമുള്ള ബോധവും വർദ്ധിച്ചതോടെ വേശ്യകളിലും സ്വന്തം അവകാശങ്ങളെപ്പറ്റി ബോധം വന്നു. 1975 ജൂൺ മാസം രണ്ടാം തീയതി ഫ്രാൻസിലെ ലിയോണിൽ വേശ്യകൾ സെന്റ് നിനിസീറിന്റെ പള്ളിക്കകത്തു കയറി സമരം ആരംഭിച്ചു. ഇവരെ അറസ്റ്റ് ചെയ്‌യാതിരിക്കാൻ പ്രദേശത്തുള്ള മറ്റു സ്ത്രീകൾ ഇവർക്കിടയിൽ വന്നിരുന്നു. സമരം പെട്ടെന്നുതന്നെ മറ്റിടങ്ങളിലേക്കും വ്യാപിച്ചു.

Commons പാരീസിൽ നടന്ന ‘വേശ്യകളുടെ വിപ്ലവത്തിൽ’ ഗ്രിസൽഡിൽ റിയലും സംബന്ധിച്ചു. സമരം പോലീസ് പൊളിച്ചെങ്കിലും അതോടെ വേശ്യാവൃത്തിയിൽ ഉള്ളവർ സംഘടിതരായി. അവരുടെ അവകാശങ്ങൾക്കുവേണ്ടി ചർച്ച നടത്താൻ സർക്കാർ നിർബന്ധിതരായി. യൂറോപ്പിൽ മിക്കവാറും സ്ഥലത്ത് വേശ്യാവൃത്തിയിലെ നിരോധനം പഴങ്കഥയായി. ഇന്റർനെറ്റിന്റെ വരവോടെ സ്വതന്ത്രമായും സ്വകാര്യമായും സെക്സിന്റെ വാണിജ്യവിനിമയം എളുപ്പമായി.

സർക്കാർ നിയമങ്ങളും പോലീസിന്റെ ഇടപെടലും സ്വന്തം ഇഷ്ടത്തിനെതിരെ ഈ തൊഴിലിലേക്ക് എത്തിക്കുന്നവരെ സംരക്ഷിക്കാനും ഈ തൊഴിലിൽ ഉള്ളവരെ ഇടനിലക്കാർ ചൂഷണം ചെയ്‌യുന്നത് തടയാനും ആയി. ഇതിനു പറ്റിയ നിയമങ്ങളാണ് യൂറോപ്യൻരാജ്യങ്ങൾ ഇപ്പോൾ പരീക്ഷിക്കുന്നത്.

സെക്സ് വാങ്ങുന്നത് മാത്രം കുറ്റകരമായ നോർവെയിലെ രീതിയാണ് ഇതിൽ ഏറ്റവും മികച്ചതായി ഇപ്പോൾ പരിഗണിക്കപ്പെടുന്നത്. അതായത് എവിടെയെങ്കിലും റെയിഡ് നടത്തി വാണിജ്യമായ സെക്സ് കണ്ടെത്തിയാൽ സെക്സ് വർക്കറിന് യാതൊരു ശിക്ഷയും ഇല്ല, മറിച്ച് കാശു കൊടുത്ത് സെക്സ് വാങ്ങാൻ വരുന്നവർക്കാണ് ശിക്ഷ മുഴുവൻ. യൂറോപ്പിൽ ഏറ്റവും കുറവ് കൊമേഴ്സ്യൽ സെക്സ് നടക്കുന്നത് നോർവേയിൽ ആണെന്നുള്ളത് നാം കൂടി വായിക്കണം.

ചരിത്രമുള്ള കാലത്തെല്ലാം വേശ്യാവൃത്തിയും ഉണ്ടായിട്ടുണ്ട്. തല വെട്ടിക്കളയുന്നത് ഉൾപ്പടെയുള്ള ശിക്ഷയുടെ കാലത്തും ലോകത്ത് ഇതെല്ലാം രഹസ്യമായി പോയതല്ലാതെ ഇല്ലാതെയായിട്ടില്ല. ഇന്ത്യയിലാകട്ടെ വിക്രമാദിത്യ ചക്രവർത്തിയുടെ കാലം മുതൽ വേശ്യാവൃത്തി ഉണ്ടായിരുന്നു. അതിനോട് സമൂഹം അത്ര മോശമായ സമീപനം അല്ല പുലർത്തിയിരുന്നതും. പക്ഷെ ഇടക്കാലത്ത് എപ്പോഴോ നമ്മളും ഈ വിഷയം സദാചാരത്തിന്റെ പുതിയ നിർവചനത്തിനിടയിൽ കൊണ്ടുവന്ന് രഹസ്യമാക്കി.

പക്ഷെ കാലം മാറുകയാണ്. വേശ്യാവൃത്തിയോടുള്ള സമീപനം കേരളത്തിലും മാറേണ്ട കാലം കഴിഞ്ഞു. കാരണം കൊമേർഷ്യൽ സെക്സ് എന്നത് കേരളത്തിൽ പുതുമയൊന്നും അല്ലെങ്കിലും അതിന്റെ വ്യാപ്തി അതിവേഗം വളരുകയാണ്. എന്റെ ചെറുപ്പകാലത്ത് പെരുമ്പാവൂരിലും ചുറ്റുവട്ടത്തും വിരലിൽ എണ്ണാവുന്നവരേ ഈ രംഗത്തുള്ളൂ. പക്ഷെ അടുത്തയിടക്ക് കേരള എയ്‌ഡ്സ് കൺട്രോൾ സൊസൈറ്റി നടത്തിയ പഠനത്തിൽ കണ്ടത് പെരുമ്പാവൂരിൽ മാത്രം ഇവരുടെ എണ്ണം എഴുന്നൂറിലും മുകളിലായി എന്നാണ്.

പ്രവാസി തൊഴിലാളികളുടെ വരവ് ഇതിനൊരു കാരണം ആണ്. ഇതു ഞാൻ കേരളത്തിൽ എത്തുന്ന പ്രവാസി തൊഴിലാളികളുടെ കുറ്റമായി പറയുന്നതല്ല. കൊമേഴ്സ്യൽ സെക്സിനു പോയാൽ തല പോകുന്നയത്ര റിസ്ക് ഉള്ള ഗൾഫ് നാടുകളിൽ എത്രയോ മലയാളികളാണ് സെക്സ് വിൽക്കുകയും വാങ്ങുകയും ചെയ്‌യുന്നത്.

ചെറുപ്പക്കാരായ ആണുങ്ങൾ കുടുംബത്തിൽനിന്നകന്ന് ജീവിക്കുന്ന എല്ലായിടത്തും (പട്ടാള ക്യാമ്പുകളുടെ ചുറ്റുവട്ടം, ഓയിൽ കമ്പനികളുടെ പിന്നാമ്പുറം, കപ്പലിൽനിന്ന് നാവികർ ഇറങ്ങുന്ന തുറമുഖങ്ങൾ) കൊമേർഷ്യൽ സെക്സ് ലോകത്ത് എല്ലാക്കാലത്തും ഉണ്ടായിരുന്നു. വേശ്യാവൃത്തിയെപ്പറ്റിയുള്ള നമ്മുടെ സദാചാര നിലപാട് ( moral position ) എന്തുതന്നെ ആയാലും കയ്‌യിൽ ചെലവാക്കാൻ കാശുള്ള ഇരുപതു ലക്ഷം പയ്‌യൻമാർ ഉള്ള നാട്ടിൽ കൊമേർഷ്യൽ സെക്സിന് വലിയ മാർക്കറ്റുണ്ടാകും എന്നത് വാസ്തവമാണ്.

സെക്സിന്റെ സാധ്യതകളെ പറ്റിയുള്ള ബോധം ഇന്റർനെറ്റുവഴി കൂടി വരികയും അതെല്ലാം സമൂഹത്തിന്റെ പരിധിക്കുള്ളിൽ സാധ്യമാകാതെ വരികയും ചെയ്‌യുന്നതിനാൽ നാട്ടിലെ ഡിമാൻഡും കൂടി വരികയാണ്. ഡിമാൻഡുള്ള വസ്തു അതു സ്വർണ്ണമായാലും കഞ്ചാവായാലും സപ്ലൈ ചെയ്‌യാൻ ആളുകൾ ഉണ്ടാകും. ഇതൊരു അടിസ്ഥാന മാർക്കറ്റ് വിജ്ഞാനമാണ്. ഇതിനെതിരെ തല പൂഴ്ത്തിയിരുന്നിട്ട് കാര്യമില്ല.

മദ്യനിരോധനമല്ല മദ്യവർജനമാണ് സർക്കാരിന്റെ നയം എന്നു പറയാറുണ്ടല്ലോ. അതുപോലെ കൊമേർഷ്യൽ സെക്സിന്റെ കാര്യത്തിലും നമുക്കൊരു നയം ഉണ്ടാകണം. ഇടക്കിടക്ക് റെയിഡ് നടത്തി ആരെയെങ്കിലുമൊക്കെ അറസ്റ് ചെയ്തതുകൊണ്ടും നാണം കെടുത്തിയത് കൊണ്ടും തീരുന്ന പ്രശ്നമല്ലിത്. പുതിയ നയം പ്രായോഗികവും ഈ നൂറ്റാണ്ടിലെ മനുഷ്യാവകാശ ചിന്തകൾക്ക് അനുസരിച്ചതും ആകണം. അതിനുമുൻപ് അതിനെപ്പറ്റി സമൂഹത്തിൽ തുറന്ന ചർച്ചകൾ നടക്കണം.

സദാചാര പോലീസുകാരുടെ ഇഷ്ടത്തിനും മതമൗലികവാദികൾ പറയുന്നപോലെയുമൊക്കെ ഈ വിഷയത്തെ സമീപിച്ചാൽ മാഫിയകളും അക്രമങ്ങളും അടിമപ്പണിയും ഒക്കെയുള്ള ഒരു അധോലോകമാകും കൊമേഴ്സ്യൽ സെക്സിന്റെ ലോകം കേരളത്തിൽ നിയന്ത്രിക്കുന്നത്. അതു കൂടുതൽ കുറ്റകൃത്യങ്ങളിലേക്കും രോഗങ്ങളിലേക്കും മനുഷ്യാവകാശ ലംഘനങ്ങളിലേക്കും നയിക്കും എന്നതിൽ സംശയം വേണ്ട. (അഭിപ്രായങ്ങൾ വ്യക്തിപരം ആണ്).- Courtesy: Murali Thummarukudi

 

Click to comment

You must be logged in to post a comment Login

Leave a Reply

Malayalam Article

“നീയൊരു വേശ്യയാണ്, വേശ്യ മാത്രം…നാസിർ ഹുസൈന്റെ പോസ്റ്റ് വൈറലാകുന്നു

Published

on

By

“നീയൊരു വേശ്യയാണ്, വേശ്യ മാത്രം…ഞാൻ ഒരിക്കലും നിന്നെക്കുറിച്ചു ഇങ്ങനെ വിചാരിച്ചില്ല… നിന്നെ ഒരിക്കലും ഇനിയെൻറെ കൺമുമ്പിൽ കണ്ടുപോകരുത്… ” അവൾ അന്നുവരെ കാണാത്ത ഭാവമായിരുന്നു അവൻറെ മുഖത്ത്… ഒരു മിനിറ്റ് മുൻപ് വരെ നീയെൻറെ എല്ലാമാണ് എന്ന് പറഞ്ഞ മനുഷ്യൻ തന്നെയായോ ഇതെന്ന് അവൾ അത്ഭുതപ്പെട്ടു. ‘അയ്യോ അങ്ങനെ ഒന്നും പറയല്ലേ, ഞാൻ പറയട്ടെ…” മുറിയിൽ നിന്ന് ഇറങ്ങി പോകാൻ തയ്യാറെടുക്കുന്ന അയാളുടെ കൈകളിൽ പിടിച്ച് അപേക്ഷിക്കാൻ അവളൊരു ശ്രമം നടത്തി. പക്ഷെ അവളുടെ കൈ തട്ടിമാറ്റിക്കൊണ്ട് അയാൾ ഒരു കൊടുങ്കാറ്റുപോലെ മുറിയിൽ നിന്നിറങ്ങി പോയി… അവൾക്ക് തല കറങ്ങുന്ന പോലെ തോന്നി. അടുത്തുള്ള ജനാലയുടെ പിടിയിൽ പിടിച്ച് അവൾ കുറച്ചു നേരം നിന്നു. നഗരത്തിലെ പ്രശസ്തമായ ഒരു ഹോട്ടലിലെ കായലിനോട് അഭിമുഖമായി നിൽക്കുന്ന മുറിയിൽ ആയിരുന്നു അവൾ. കുളിച്ച് ഈറൻ മാറാതെ ഒരു വെളുത്ത ടവൽ മാത്രമാണ് അവൾ ദേഹത്ത് ചുറ്റിയിരുന്നത്.

ഈ സംഗമം പ്ലാൻ ചെയ്യുമ്പോൾ അവൻ തന്നെയാണ് അവളോട് പറഞ്ഞത് കായലിനരികെ ഒരു മുറി എടുക്കണമെന്ന്. “ഈ കായൽ കണ്ടു കൊണ്ട്, അതിലെ കാറ്റേറ്റുകൊണ്ട് നിനക്ക് എൻറെ പ്രേമം തരണം.. ” രണ്ടു മണിക്കൂർ മുൻപ് മാത്രമാണ് അവർ ഈ ഹോട്ടലിൽ മുറിയെടുത്തത്. രാത്രി മുഴുവൻ ഇവിടെ തങ്ങാനായിരുന്നു അവരുടെ പ്ലാൻ. രണ്ടു മണിക്കൂറിൽ തന്നെ അവർ രണ്ടു തവണ ബന്ധപെട്ടു കഴിഞ്ഞിരുന്നു. വർഷങ്ങളായി സമൂഹത്തെ ബോധ്യപ്പെടുത്താൻ താൻ അടക്കിപ്പിടിച്ചു വച്ച എല്ലാ കെട്ടുപാടുകളും അവൾ കഴിഞ്ഞ രണ്ടു മണിക്കൂറിൽ പൊട്ടിച്ചെറിഞ്ഞിരുന്നു. “നിന്നെ എനിക്ക് കിട്ടിയത് എൻറെ ഭാഗ്യമാണ്… എൻറെ ഭാര്യ എന്തൊരു ബോറാണെന്നു അറിയാമോ? കിടക്കയിൽ ഒരു പെണ്ണ് എന്തൊക്കെ ചെയ്തു കൊടുക്കണം എന്ന് അവൾക്ക് ഒരു രൂപവുമില്ല, നീ എന്നെ എങ്ങിനെയൊക്കെ സന്തോഷിപ്പിക്കുന്നു? ” രണ്ടു വർഷം മുൻപായിരുന്നു അവൻ അവളോട് അടുക്കാൻ ശ്രമം തുടങ്ങിയത്. അവളുടെ കൂടെ ഒരേ കമ്പനിയിൽ ജോലി ചെയ്യുക ആയിരുന്നു അവൻ. ഒരു വിവാഹമോചനം കഴിഞ്ഞു നിൽക്കുന്നവൾ ആണെന്ന് അവൾ ഓഫീസിൽ ആരോടും പറഞ്ഞിരുന്നില്ല. പക്ഷെ വീടിനടുത്തു താമസിക്കുന്ന ഒരു പൊതു സുഹൃത്തിൽ നിന്നാണ് അവൻ ആ കാര്യം അറിഞ്ഞത്. അതിനു ശേഷമാണു അവൻ അവളോട് അടുത്ത് ഇടപഴകാൻ തുടങ്ങിയതും, പതുക്കെ പതുക്കെ ഭാര്യയെ കുറിച്ച് കുറ്റം പറയാൻ തുടങ്ങിയതും മറ്റും.

ഒരു ഓഫീസിൽ പാർട്ടിയിൽ വച്ച് രണ്ടു കുട്ടികളുടെ പിറകെ ഓടിനടക്കുന്ന, മേക്കപ്പ് ചെയ്യാതെ അലങ്കോലമായി ഒരു സാരിയും ചുറ്റി വന്ന അവൻറെ ഭാര്യയെ കണ്ടപ്പോൾ അവൾക്ക് അവൻ പറഞ്ഞതിൽ കുറച്ചൊക്കെ കാര്യമുണ്ടെന്ന് തോന്നാതിരുന്നില്ല. പക്ഷെ ഭാര്യയും രണ്ടു കുട്ടികളും ഉള്ള ഒരാളോട് കിടക്ക പങ്കിടുന്നത് അവൾക്ക് ഓർക്കാൻ പോലും കഴിഞ്ഞില്ല. “രണ്ടു കുട്ടികൾ ഉണ്ടായതിൽ പിന്നെ എൻറെ ഭാര്യയുടെ ലോകം അവർ മാത്രമാണ്, വേറെ ഒന്നിലും ഒരു താല്പര്യവും ഇല്ല, എപ്പോൾ അടുത്ത് ചെന്നാലും തലവേദന എന്ന് പറഞ്ഞു ഒഴിയും. എനിക്ക് ജീവിതം തന്നെ മതിയായി. പിന്നെ ഇതൊക്കെ എല്ലാവരും ചെയ്യുന്നതാണ്, നമ്മളെ പോലെ ചില മധ്യ വർഗ കുടുംബങ്ങളിൽ പെട്ടവർ മാത്രമാണ് സദാചാരം എന്നൊക്കെ പറഞ്ഞു ജീവിതം കളയുന്നത്” രണ്ടു വർഷത്തോളം അവൻ സമയം കിട്ടുമ്പോഴൊക്കെ അവളെ നിർബന്ധിച്ചു കൊണ്ടിരുന്നു. അങ്ങിനെ ഒരിക്കലാണ് അവൾ അതിനു സമ്മതിച്ചത്. “ഒരിക്കൽ , ഒരിക്കൽ മാത്രം ഞാൻ വരാം, പക്ഷെ അത് കഴിഞ്ഞു ഇതൊരു ശീലം ആക്കരുത്. പിന്നെ ആരെങ്കിലും അറിഞ്ഞാൽ എനിക്കും നിനക്കും പ്രശ്‌നമാണ്, അതുകൊണ്ട് ആരും അറിയാതെ വേണം ചെയ്യാൻ” അങ്ങിനെയാണ് നഗരത്തിലെ ഒരു പഞ്ച നക്ഷത്ര ഹോട്ടലിൽ അവർ ഒത്തുകൂടിയത്. രണ്ടു മണിക്കൂറിൽ അവൾ അന്നുവരെ അനുഭവിക്കാത്ത സുഖം അനുഭവിച്ചു. അവർ ഒരുമിച്ചു കുളിച്ചു. അത് കഴിഞ്ഞ് അവൻ അവളെ കസേരയിൽ ഇരുത്തി മുടി കെട്ടികൊടുത്തു, മുടിയിൽ മുല്ലപ്പൂ ചൂടിച്ചു. എന്നിട്ട് തോളിൽ മൃദുവായി മസ്സാജ് ചെയ്തു. അപ്പോൾ അവൾ പറഞ്ഞു. “എനിക്കൊരു കാര്യം പറയാനുണ്ട്. എനിക്കൊരാളെ ഇഷ്ടമാണ്…കുറച്ച് വർഷങ്ങളായി …” “എന്ത്? നീ ഡൈവോഴ്സ് ചെയ്തതല്ലേ…”

“അതെ, അത് ഞാൻ മറക്കാൻ ശ്രമിക്കുന്ന ഒരു കാര്യമാണ്. ഇത് വേറൊരാളാണ്…” “നീ തമാശ പറയാതെ…” “അല്ല സീരിയസ് ആണ്, എൻറെ മുൻ ഭർത്താവിന്റെ കൂട്ടുകാരനാണ്. അമ്മ പറഞ്ഞിട്ട് സ്ത്രീധനത്തിന് വേണ്ടി മാത്രം എന്നെ കല്യാണം കഴിച്ച ഒരാളായിരുന്നു എന്റെ ഭർത്താവ്. പ്രണയം ഇല്ലാത്ത ഒരു കല്യാണം സഹിക്കാൻ കഴിയാത്ത കൊണ്ടാണ് അത് ഡൈവോഴ്സിൽ കലാശിച്ചത്. അങ്ങിനെയാണ് ഞാൻ വിവേകിനെ പരിചയപ്പെടുന്നത്. അവൻ പക്ഷെ എന്നേക്കാൾ വളരെ ഇളയതാണ്. എന്നെ വിവാഹം കഴിക്കണം എന്നൊക്കെ അവൻ വീട്ടിൽ പറഞ്ഞിരുന്നു, പക്ഷെ അവന്റെ അമ്മ സമ്മതിച്ചില്ല. അങ്ങിനെയാണ് ആ ബന്ധം അവസാനിച്ചത്, പക്ഷെ അവനോട് എനിക്ക് ഇന്നും കടുത്ത പ്രണയമാണ്. അവൻ വേറെ വിവാഹം കഴിഞ്ഞു കുടുംബമായി താമസിക്കുന്നു, വിവാഹം കഴിഞ്ഞിട്ട് എന്നോട് ഒരിക്കലും സംസാരിച്ചിട്ടില്ല. പിന്നെ നമ്മൾ ബന്ധപ്പെട്ടപ്പോൾ ചിലപ്പോഴൊക്കെ മനസ്സിൽ അവൻ എൻറെ മനസ്സിൽ കയറി വന്നു. ഒരിക്കൽ ഞാൻ വിവേക് എന്ന് വിളിച്ചത് നീ ശ്രദ്ധിക്കാതിരുന്നതാണ്…” അത് കേട്ടതോടെ അവൻറെ ഭാവം മാറി, രണ്ടു തോളിലും പിടിച്ചു കൊണ്ട് , അവൻറെ മുഖം എന്റെ മുഖത്തോട് അടുപ്പിച്ചു കൊണ്ട് അവൻ അലറി “നീയൊരു വേശ്യയാണ്, വേശ്യ മാത്രം…ഞാൻ ഒരിക്കലും നിന്നെക്കുറിച്ചു ഇങ്ങനെ വിചാരിച്ചില്ല… നിന്നെ ഒരിക്കലും ഇനിയെന്റെ കണ്മുൻപിൽ കണ്ടുപോകരുത്… ” മുറിയിൽ നിന്നിറങ്ങി പോകുന്ന വഴിക്ക് പല്ലിറുമ്മി കൊണ്ട് അവൻ ഒന്നുകൂടി പറഞ്ഞു “എൻറെ ഭാര്യ എന്നോട് പറഞ്ഞതാണ്, നിന്നോട് അധികം അടുക്കേണ്ടെന്ന്, അവൾ പറഞ്ഞതായിരുന്നു ശരി. അടക്കവും ഒതുക്കവും ഉള്ള പെണ്ണുങ്ങളെ അവൾക്ക് കണ്ടാൽ മനസിലാവും…” ആദ്യത്തെ അമ്പരപ്പും തലകറക്കവും മാറിക്കഴിഞ്ഞപ്പോൾ കുളിമുറിയിൽ കയറി അവൻ തൊട്ട ദേഹത്തെ അറപ്പു മാറുന്നത് വരെ അവൾ വിസ്തരിച്ചൊന്നു കുളിച്ചു…

കടപ്പാട് : നാസിർ ഹുസൈൻ 

Continue Reading

Malayalam Article

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഹൃദയ സ്പർശിയായ ഒരു വീഡിയോ.

Published

on

By

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഇന്നത്തെ കാലത്ത് അച്ഛനെയും അമ്മയെയും ഉപേക്ഷിക്കാൻ മടിയില്ലാത്ത മക്കളാണ് ഉള്ളത്. കുറച്ച് പേർ വൃദ്ധസദനത്തിൽ കൊണ്ടാക്കുന്നു, കുറച്ചുപേർ ആൾക്കൂട്ടത്തിൽ ഉപേക്ഷിക്കുന്നു. മറ്റുചിലരാകട്ടെ വീടുകളിൽ പട്ടിയെപ്പോലെ നോക്കുന്നു. അങ്ങനെ ഉള്ള ഈ കാലത്ത് മനോഹരമായ ഒരു സന്ദേശവുമായാണ് റെഡ് ലേബൽ ടീ യുടെ പരസ്യമെത്തുന്നത്. സംഗതി പരസ്യമാണെങ്ക്ൽ പോലും വളരെ ഹൃദയസ്പർശിയായാണ് ആവിഷ്കരിച്ചിരിക്കുന്നത്. ഇത് പോലുള്ള ഇമോഷണൽ പരസ്യങ്ങൾ വളരെ വിരളമായ ഈ സമയത്ത് അതിമനോഹരമായ ഒരു പ്രമേയവുമായാണ് ഇവർ വന്നിരിക്കുന്നത്. 

അച്ഛനെ ഉപേഷിക്കാനായി ധാരാളം ആളുകൾ ഉള്ള ഒരു ഉത്സവ സ്ഥലത്തേക്ക് അച്ഛനുമായി എത്തുന്ന മകൻ തിരക്ക് കൂടിയ സ്ഥലതെത്തിയപ്പോൾ അച്ഛന്റെ കൈ വിട്ട് ദൂരേക്കെ മറഞ്ഞു. അച്ഛൻ ഇടറിയ സ്വരത്തിൽ മകനെ വിളിക്കുന്നുണ്ടെങ്കിലും മകൻ അത് കേൾക്കാത്ത ഭാവത്തിൽ നടന്നകന്നു. ഒടുവിൽ അച്ഛനെ ഉപേക്ഷിച്ചു എന്ന ആശ്വാസത്തിൽ മകൻ ഇരിക്കുമ്പോൾ അവിടെ അടുത്തായി ഒരു അച്ഛന്റെയും മകന്റെയും സ്നേഹപ്രകടനം കാണാൻ ഇടയായി. തന്റെ പ്രവർത്തിയിൽ കുറ്റബോധം തോന്നിയ മകൻ താൻ ഉപേക്ഷിച്ച അച്ഛനെ അന്വേഷിക്കുന്നതും കണ്ടെത്തുന്നതും ഇരുവരും ചേർന്ന് ചായ കുടിക്കുന്നതുമാണ് പ്രേമേയമെങ്കിലും വല്ലാത്ത ഒരുതരം ആത്മ ബന്ധം ആ പരസ്യം കാണുന്ന ഓരോരുത്തർക്കും അതിനോട് തോന്നിപോകും.

source: Vanilla Films

Continue Reading

Malayalam Article

ഒരുപാട് സ്വപ്‌നങ്ങൾ ഒന്നുമില്ല എനിക്ക്. പട്ടിണി മാറ്റാൻ ഒരു ജോലി മാത്രം മതി. പക്ഷെ…

Published

on

By

ഇതാണ് പ്രീതി. തൃശ്ശൂര്‍ ചേലക്കര സ്വദേശി. ജന്മനാ ലഭിച്ച തന്റെ രൂപത്തോടു പോരാടുകയാണ് മുപ്പതു കാരിയായ ഈ പെൺകുട്ടി. ഏതൊരു പെൺകുട്ടിയുടെയും മനസ്സിൽ ഉണ്ടാകാവുന്ന ആഗ്രഹങ്ങളും സ്വപനങ്ങളുമെല്ലാം പ്രീതിക്കുമുണ്ട്. എന്നാൽ തന്റെ വിരൂപം കാരണം എല്ലാവരിൽ നിന്നും ഒറ്റപ്പെട്ട ജീവിക്കാനാണ് എന്റെ വിധി എന്നാണ് അവൾ പറയുന്നത്. ഇന്ന് അവൾക്ക് വേണ്ടത് പട്ടിണി മാറ്റുന്നതിനായുള്ള ഒരു ജോലി ആണ്. പക്ഷെ അവൾക്കു അവളുടെ രൂപം തന്നെയാണ് വില്ലനായി മാറിയിരിക്കുന്നത്. ജനിച്ച നാളുമുതൽ നിരവധി ചികിത്സകൾ നടത്തിയെങ്കിലും പറയത്തക്ക ഫലമൊന്നും ഉണ്ടായില്ല.

അമ്മയും സഹോദരനും അടങ്ങുന്നതാണ് പ്രീതിയുടെ ജീവിതം. അവളുടെ രോഗം കാരണം ആളുകളുടെ മുന്നിൽ പോകാൻ പോലും അവൾക്ക് മടിയാണ്. പലതവണ ജോലികൾക്ക് ശ്രമിച്ചെങ്കിലും അവിടെയും വില്ലൻ അവളുടെ രോഗമായിരുന്നു. അവളെ കാണുന്നത് പേടിയായിരുന്നു പലർക്കും.  സാമ്പത്തികമായി പിന്നോക്കം നിൽക്കുന്ന പ്രീതിയുടെ കുടുംബത്തിന് പറയത്തക്ക വരുമാനം ഒന്നും ഇല്ല. സുശാന്ത് നിലമ്പൂർ എന്ന സാമൂഹിക പ്രവർത്തകൻ തന്റെ ഫേസ്ബുക് പേജ് വഴിയാണ് പ്രീതിയുടെ അവസ്ഥ ആളുകളുമായി പങ്കുവെച്ചത്.

സുശാന്തിന്റെ കുറിപ്പ് ഇങ്ങനെ.

സോഷ്യൽ മീഡിയ അതൊരു ഭാഗ്യ നിർഭാഗ്യ ങ്ങളുടെ വേദിയാണ്.
ഭാഗ്യം കൂടെയുണ്ടാകട്ടെ എന്ന് പ്രാർത്ഥിക്കുന്നു.

സ്വപ്നങ്ങൾക്ക് ജീവനുണ്ടായിരുന്നെങ്കിൽ എന്ന് ആഗ്രഹിച്ച പോകുന്ന നിമിഷങ്ങൾ .. 30 വയസ്സുകാരിയുടെ മനസ്സിൽ എന്തൊക്കെ സ്വപ്നങ്ങൾ ഉണ്ടാകും … എല്ലാം സ്വപ്നം കാണാനും അതെല്ലാം സാധിക്കാനും കഴിയുന്നവർ ചെറുതായി ഒന്ന് കനിഞ്ഞാൽ രക്ഷപ്പെടുന്ന എത്ര ജീവിതങ്ങളാണ് ചുറ്റിനും ….

പ്രീതി ,30 വയസ്സുള്ള തൃശ്ശൂർകാരി.. ദശലക്ഷത്തിൽ ഒരാൾക്ക് മാത്രമേ ഈ രോഗാവസ്ഥ ഉണ്ടാകുള്ളൂ !ജീവനോടെ തൊലിയുരിഞ്ഞു പോകുന്ന വേദന സങ്കൽപ്പിക്കാൻ പോലും വയ്യ😭 ചൂട് കൂടുമ്പോൾ ശരീരം വിണ്ടു കീറും, അതിനാൽ കൂടുതൽ സമയവും ബാത്‌റൂമിൽ കേറി ശരീരത്തിൽ വെള്ളം ഒഴിച്ച് തണുപ്പിക്കും…

പ്രീതയ്ക്ക് കൂലിവേല എടുക്കുന്ന അമ്മയും ഒരനിയനും പണിതീരാത്ത ഒരു ചെറിയ വീടുമാണ് സ്വന്തമായുള്ളത്.

വര്ഷങ്ങളായി പ്രീതിക്ക് ചികിത്സ നടക്കുന്നുണ്ട്. ചികിത്സ ചിലവിനായി നാട്ടുകാർ പ്രീതയെ ആവുന്നത് പോലെ സഹായിക്കുന്നു. എന്നാൽ തുടർന്നുള്ള ചികിത്സക്ക് ഒരുപാട് പണം വേണം.അത്രയും വല്യ തുക ആ അമ്മയോ നാട്ടുകാരോ വിചാരിച്ചാൽ കൂടില്ല.

കൂടെ ഉണ്ടാകണം നമ്മൾ.

https://www.facebook.com/SushanthNilambur7/videos/970767696646383/?t=3

Addrsse
Preethi.K.V, Karuvankunnath.H Pangarappilly P.O
Chelakkara, Thrissur Dist,
Kerala.
Account Detaisl
Preethi. Kv
A/C No: 38326191119
IFSC CODE: SBIN0012891.

Continue Reading

Writeups

Malayalam Article14 hours ago

“നീയൊരു വേശ്യയാണ്, വേശ്യ മാത്രം…നാസിർ ഹുസൈന്റെ പോസ്റ്റ് വൈറലാകുന്നു

“നീയൊരു വേശ്യയാണ്, വേശ്യ മാത്രം…ഞാൻ ഒരിക്കലും നിന്നെക്കുറിച്ചു ഇങ്ങനെ വിചാരിച്ചില്ല… നിന്നെ ഒരിക്കലും ഇനിയെൻറെ കൺമുമ്പിൽ കണ്ടുപോകരുത്… ” അവൾ അന്നുവരെ കാണാത്ത ഭാവമായിരുന്നു അവൻറെ മുഖത്ത്…...

Malayalam Article16 hours ago

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഹൃദയ സ്പർശിയായ ഒരു വീഡിയോ.

അച്ഛനെ ആൾകൂട്ടത്തിൽ ഉപേക്ഷിക്കുന്ന മകൻ. ഇന്നത്തെ കാലത്ത് അച്ഛനെയും അമ്മയെയും ഉപേക്ഷിക്കാൻ മടിയില്ലാത്ത മക്കളാണ് ഉള്ളത്. കുറച്ച് പേർ വൃദ്ധസദനത്തിൽ കൊണ്ടാക്കുന്നു, കുറച്ചുപേർ ആൾക്കൂട്ടത്തിൽ ഉപേക്ഷിക്കുന്നു. മറ്റുചിലരാകട്ടെ...

Malayalam Article17 hours ago

ഒരുപാട് സ്വപ്‌നങ്ങൾ ഒന്നുമില്ല എനിക്ക്. പട്ടിണി മാറ്റാൻ ഒരു ജോലി മാത്രം മതി. പക്ഷെ…

ഇതാണ് പ്രീതി. തൃശ്ശൂര്‍ ചേലക്കര സ്വദേശി. ജന്മനാ ലഭിച്ച തന്റെ രൂപത്തോടു പോരാടുകയാണ് മുപ്പതു കാരിയായ ഈ പെൺകുട്ടി. ഏതൊരു പെൺകുട്ടിയുടെയും മനസ്സിൽ ഉണ്ടാകാവുന്ന ആഗ്രഹങ്ങളും സ്വപനങ്ങളുമെല്ലാം പ്രീതിക്കുമുണ്ട്....

Malayalam Article17 hours ago

എങ്ങും തരംഗമായി പാറുക്കുട്ടി. പ്രേഷകരുടെ മനം കവർന്ന ഈ കൊച്ചുമിടുക്കി ആരാണെന്നറിയണ്ടേ?

ഉപ്പും മുളകും എന്ന പരിപാടിയിലൂടെ പ്രേക്ഷക മനസ് കീഴടക്കിയ കൊച്ചു സുന്ദരിയാണ് പാറുകുട്ടിയെന്നു വിളിക്കുന്ന അമേയ. വളരെ ചെറിയ പ്രായത്തിനുള്ളിൽ തന്നെ ലക്ഷകണക്കിന് ആരാധകരാണ് പാറുകുട്ടിക്കുള്ളത്. സീരിയലിൽ...

Malayalam Article18 hours ago

ലൈവിൽ വന്ന ലാലേട്ടനോട് കുറച്ച് കഞ്ഞിയെടുക്കട്ടെയെന്നു മഞ്ജു വാര്യർ; ലാലേട്ടന്റെ മറുപടിക്ക് ഒന്നടങ്കം കൈയടിച്ച് സോഷ്യൽ മീഡിയ.

കഴിഞ്ഞ ദിവസം മോഹൻലാൽ കുറച്ച് നാളുകൾക്ക് ശേഷം തന്റെ ഫേസ്ബുക് പേജിൽ ലൈവ് വന്നിരുന്നു. ഇതിൽ നിരവധി താരങ്ങളാണ് മോഹൻലാലിൻറെ വിശേഷങ്ങൾ തിരക്കാൻ ലൈവിൽ എത്തിയത്. തമിഴ്...

Malayalam Article3 days ago

ബുള്ളറ്റിൽ എക്സ്ട്രാഎക്സ്ട്രാ ഫിറ്റിങ്‌സുകൾ കുത്തികയറ്റുന്ന ബുള്ളറ്റ് ഭ്രാന്തന്മാർ ഒരു നിമിഷം ഈ പോസ്റ്റ് ഒന്ന് വായിച്ചാൽ കൊള്ളാം..

പണ്ട് മുതലേ യുവതലമുറയുടെ ഹരമാണ് റോയൽ എൻഫീൽഡ്. നമ്മുടെ നിരക്കുകളിൽ എവിടെ നോക്കിയാലും ബുള്ളറ്റ് കാണാം. ഇരുചക്രം ആണെങ്കിൽ പോലും നമ്മളാരും ബൈക്ക് എന്ന് വിളിക്കാറില്ല. നമ്മുടെ...

Malayalam Article3 days ago

എന്റെ അടിവയറിന്റെ നിഗൂഢമായ ഉള്ളറകളിൽ നീ സമ്മാനിച്ച പ്രണയം തുടിച്ച് തുടങ്ങിയിരിക്കുന്നു. പ്രജീഷ് കോട്ടക്കലിന്റെ ഫേസ്ബുക് പോസ്റ്റ് വൈറലാകുന്നു.

സമൂഹത്തിൽ  നടന്നുകൊണ്ടിരിക്കുന്ന സംഭവങ്ങളുടെ നേർകാഴ്ചകളാണ് പ്രജീഷ് കോട്ടക്കൽ തന്നെ ഫേസ്ബുക് പേജിൽ കുറിക്കുന്നത്.  അതിൽ ഒന്നാണ് വിരൽ ആയിക്കൊണ്ടിരിക്കുന്ന ഈ പോസ്റ്റ്. ഒരുപാട് അർഥങ്ങൾ നിറഞ്ഞ ഈ...

Malayalam Article3 days ago

എന്താണിത്? കല്യാണമോ അതോ കോപ്രായങ്ങളോ?

കല്ല്യാണ ചെക്കനെ ശവപ്പെട്ടിയിൽ സുഹൃത്തുക്കൾ ആനയിച്ചുകൊണ്ടു വരുന്നതും നാട്ടുകാരുടെ പ്രതിഷേധത്തിന് വഴങ്ങി ശവപ്പെട്ടി ഉപേക്ഷിക്കേണ്ടി വന്നതും കേരളത്തിന് കാണേണ്ടിവന്നു. കല്ല്യാണ തമാശകൾ ശവപ്പെട്ടി വരെയെത്തി എന്നത് നമ്മുടെയൊക്കെ...

Malayalam Article5 days ago

കോപ്പി അടിച്ചെന്നുള്ള സംശയത്തെ തുടർന്ന് വസ്ത്രമഴിച്ചുള്ള പരിശോധന. വിദ്യാർത്ഥി ആത്‍മഹത്യ ചെയ്തു

കോപ്പി അടിച്ചെന്നുള്ള സംശയത്തെ തുടർന്ന് വസ്ത്രമഴിച്ചുള്ള പരിശോധനയിൽ മനം നൊന്ത് ആദിവാസി വിദ്യാർത്ഥി ആത്‍മഹത്യ ചെയ്തു. ഛത്തി​സ്ഗ​ഡി​ലെ ജ​ഷ്പു​ര്‍ ജില്ലയിലാണ് സംഭവം നടന്നത്.  പത്താം ക്ലാസ് വിദ്യാർത്ഥിനി ആയിരുന്ന പെൺകുട്ടി...

Malayalam Article5 days ago

അച്ഛനും ആദ്യ ഭാര്യയും ചേർന്നു ഭീക്ഷണിപ്പെടുത്തി അമ്മയെക്കൊണ്ട് മക്കളെ കൊല്ലിച്ചു. സംഭവത്തിനു പിന്നിലെ കാരണം കേട്ട് ഞെട്ടി പോലീസുകാർ

അച്ഛനും ആദ്യ ഭാര്യയും ചേർന്നു ഭീക്ഷണിപ്പെടുത്തി അമ്മയെക്കൊണ്ട് മക്കളെ കൊല്ലിച്ചു. സംഭവത്തിനു പിന്നിലെ കാരണം കേട്ട് ഞെട്ടി പോലീസുകാർ. കൊയ്‌റോയിൽ കഴിഞ്ഞ 2017 ൽ ആണ് കേസിനു...

Trending

Copyright © 2019 B4blaze Malayalam