Connect with us

Health

ഗര്‍ഭിണികള്‍ ശ്രദ്ധിക്കാന്‍ 84 കാര്യങ്ങള്‍!!!

Published

on

1-ാം മാസം
1. ശാരീരികമായ മാറ്റങ്ങള്‍ അധികമൊന്നും പ്രകടമാകാത്ത മാസമാണ്‌ ഒന്നാം മാസം. ഗര്‍ഭിണിയായിട്ടും ശാരീരിക മാറ്റങ്ങള്‍ ഉണ്ടാകാത്തതില്‍ ആകുലപ്പെടേണ്ടതില്ല.

2. ശരീരത്തിന്റെ താപനില ഇടയ്‌ക്കിടെ ഉയര്‍ന്നുവന്നേക്കാം. എന്നാല്‍ ഇതില്‍ ഭയപ്പെടേണ്ടതായി ഒന്നുമില്ല. ഇതു പലപ്പോഴും പനിയാണെന്ന്‌ തെറ്റിദ്ധരിക്കാറുണ്ട്‌. ഡോക്‌ടറെ കാണേണ്ട ആവശ്യമില്ല. മരുന്നിന്റെയും ആവശ്യമില്ല.

3. അടിക്കടി മൂത്രമൊഴിക്കുന്നത്‌ ഗര്‍ഭകാലത്തിന്റെ പ്രത്യേകതയാണ്‌. ശരീരത്തിലുണ്ടാകുന്ന ഹോര്‍മോണ്‍ വ്യതിയാനം മൂലമാണ്‌ ഇങ്ങനെ സംഭവിക്കുന്നത്‌.

4. ഗര്‍ഭം ധരിച്ചു എന്ന കാര്യം പല സ്‌ത്രീള്‍ക്കും തിരിച്ചറിയാന്‍ കഴിഞ്ഞെന്നു വരില്ല. ആര്‍ത്തവം നിലച്ചാല്‍ പ്രത്യേക ഗര്‍ഭപരിശോധനയിലൂടെ ഗര്‍ഭം സ്‌ഥിരീകരിക്കാം.

5. ഗര്‍ഭധാരണം നടന്നശേഷം പതിനഞ്ച്‌ മുതല്‍ ഇരുപതുശതമാനം പേരില്‍ അബോര്‍ഷന്‍ ഉണ്ടാകാന്‍ സാധ്യതയുണ്ട്‌. ആദ്യത്തെ പത്ത്‌ ആഴ്‌ചയ്‌ക്കുള്ളിലുണ്ടാകുന്ന ഈ അബോര്‍ഷനെ ക്ലിനിക്കല്‍ അബോര്‍ഷന്‍ എ
ന്നാണ്‌ പറയുന്നത്‌.

6. ഗര്‍ഭിണിയാണെന്ന്‌ തിരിച്ചറിഞ്ഞതുമുതല്‍ ആദ്യത്തെ മൂന്നു മാസം ലൈംഗിക ബന്ധം പാടില്ല. അവസാനത്തെ മാസവും ശാരീരിക ബന്ധം ഒഴിവാക്കണം. ലൈംഗിക ബന്ധത്തിലേര്‍പ്പെടുന്നതുമൂലം രോഗസംക്രമണം നടക്കാന്‍ സാധ്യതയുള്ളതിനാലാണിത്‌. ഇക്കാലത്ത്‌ സ്‌നേഹലാളനകള്‍കൊണ്ട്‌ ഭാര്യാ ഭര്‍ത്താക്കന്മാര്‍ തൃപ്‌തിപ്പെടേണ്ടി വരും.

7. ക്ലേശകരമായ യാത്രകള്‍ പരമാവധി ഒഴിവാക്കേണ്ടതാണ്‌. ശരീരത്തിന്‌ യാത്രകള്‍കൊണ്ട്‌ ഒരു വിധത്തിലും ആയാസമുണ്ടാകരുത്‌. ഓട്ടോറിക്ഷയിലും സ്‌കൂട്ടറിലുമുള്ള യാത്രകള്‍ പാടില്ല.

8. ഗര്‍ഭിണിയായാല്‍ ജീവിത ശൈലിയില്‍ മാറ്റം വരുത്തുന്നത്‌ നന്നായിരിക്കും. ദിനചര്യകളില്‍ അടുക്കും ചിട്ടയും ശുചിത്വവും പാലിക്കേണ്ടതാണ്‌. നടപ്പിലും യാത്രകളിലും കൂടുതല്‍ ശ്രദ്ധകൊടുക്കേണ്ടത്‌ ഇക്കാലത്താണ്‌. എന്നുകരുതി സാധാരണ ചെയ്യുന്ന ജോലികള്‍ ചെയ്യുന്നതുകൊണ്ടു കുഴപ്പവുമില്ല.

9. മൂന്നാഴ്‌ച പിന്നിടുന്നതോടെ ഭ്രൂണം ദ്രുതഗതിയില്‍ വളര്‍ച്ച പ്രാപിക്കുന്നു. അതോടെ ശക്‌തിയായ വയര്‍ വേദന, യോനി ഭാഗത്തുകൂടിയുള്ള രക്‌തസ്രാവം, ഛര്‍ദി എന്നിവ ഉണ്ടായെന്നു വരും. ഇവയെല്ലാം അസഹനീയമായി തുടരുകയാണെങ്കില്‍ മാത്രം ഡോക്‌ടറുടെ സഹായം തേടിയാല്‍ മതിയാവും.

10. വൈകാരിക മാറ്റങ്ങള്‍ ഉണ്ടാകാന്‍ ഒന്നാം മാസം സാധ്യതയുണ്ട്‌. താനൊരു അമ്മയാകാന്‍ പോകുന്നു എന്ന ചിന്ത ചില സ്‌ത്രീകളില്‍ ഉത്‌കണ്‌ഠനിറയ്‌ക്കും. ഭര്‍ത്താവ്‌ വേണം ഇക്കാര്യത്തില്‍ ഭാര്യയെ സഹായിക്കാന്‍. ദേഷ്യം, സങ്കടം തുടങ്ങിയവ ചിലരില്‍ ഇക്കാലത്ത്‌ കൂടുതലായി കാണപ്പെടും.
അതിശ്രദ്ധയോടെ (2-ാം മാസം)

11. മൂത്രം ഒഴിക്കുന്നതിന്റെ ഇടവേളകള്‍ കുറഞ്ഞുവരും. മൂത്രം കൂടെക്കൂടെ ഒഴിക്കുന്നു എന്ന കാരണത്താല്‍ വെള്ളം കുടിയ്‌ക്കുന്നത്‌ ഒഴിവാക്കരുത്‌. ഒരു ദിവസം ശരാശരി പതിനാറ്‌ മുതല്‍ പതിനെട്ട്‌ ഗ്ലാസ്‌ വെള്ളം കുടിയ്‌ക്കണം.

12. ഗര്‍ഭകാലത്ത്‌ മൂത്രം പിടിച്ചു നിര്‍ത്തരുത്‌. മൂത്രാശയത്തില്‍ അണുബാധയുണ്ടാകാന്‍ ഇതിടയാക്കും. അതിനാല്‍ വീട്ടിലായാലും ഓഫീസിലായാലും മൂത്രാശങ്കയുണ്ടായാല്‍ തടഞ്ഞുനിര്‍ത്തരുത്‌.

13. രണ്ടാം മാസം മുതല്‍ ഓക്കാനവും ഛര്‍ദിയും വര്‍ദ്ധിക്കും. ശരീരത്തില്‍ ഹോര്‍മോണിന്റെ ഉദ്‌പാദനം കൂടുന്നതാണ്‌ ഛര്‍ദിയുണ്ടാകാന്‍ കാരണം. സാധാരണ രാവിലെ ഉണരുമ്പോഴാണ്‌ ഛര്‍ദി അനുഭവപ്പെടുക. അനിയന്ത്രിതമായ ഛര്‍ദിയുണ്ടെങ്കില്‍ മാത്രം ഡോക്‌ടറെ കാണുക.

14. അനിയന്ത്രിതമായ ഛര്‍ദി ശമിക്കാന്‍ തിളപ്പിച്ചാറിയ വെള്ളം കുടിയ്‌ക്കുന്നത്‌ നല്ലതാണ്‌. ആഹാരം ഒന്നിച്ച്‌ കഴിക്കാതെ പല തവണയായി കഴിക്കുന്നതാണ്‌ ഉത്തമം. അതിനായി യാത്രയിലും മറ്റും കഴിക്കാന്‍ പഴം, ബിസ്‌ക്കറ്റ്‌ തുടങ്ങിയവ കരുതുന്നത്‌ നല്ലതാണ്‌.

15. രണ്ടാം മാസം മുതല്‍ ആഹാരത്തില്‍ ഉപ്പിന്റെ ഉപയോഗം പരമാവധി കുറയ്‌ക്കുക. ശരീരത്തില്‍ നീര്‍ക്കെട്ട്‌ ഉണ്ടാകാന്‍ ഇതു കാരണമാകുന്നു.

16. പുറത്തു നിന്നും ഭക്ഷണങ്ങള്‍ വാങ്ങി കഴിക്കുന്നത്‌ നന്നല്ല. പലതരത്തിലുമുള്ള മാലിന്യങ്ങളും വിഷവസ്‌തുക്കളും അവയില്‍ അടങ്ങിയിരിക്കാനിടയുണ്ട്‌. ഭക്ഷണ സാധനങ്ങള്‍ക്ക്‌ രുചി വര്‍ദ്ധിപ്പിക്കാനും ഭംഗിക്കുമായി രാസവസ്‌തുക്കളും കൃത്രിമ നിറങ്ങളും ചേര്‍ക്കാറുണ്ട്‌. ഇത്‌ ഗര്‍ഭിണിയുടെ ആരോഗ്യത്തിന്‌ ദോഷം ചെയ്യും.
17. രണ്ടാം മാസം ഗര്‍ഭിണികള്‍ക്ക്‌ നെഞ്ചെരിച്ചിലും ക്ഷീണവും അനുഭവപ്പെടും. ക്ഷീണം മാറാന്‍ പോഷകമൂല്യമുള്ള ഭക്ഷണം ധാരാളമായി കഴിക്കുക. രാത്രിഭഷണം നേരത്തേയാക്കുന്നതും അച്ചാറുകള്‍ കഴിക്കാതിരിക്കുന്നതും നെഞ്ചെരിച്ചില്‍ ഒഴിവാക്കാന്‍ സഹായിക്കും.

18. ഗ്യാസിന്റെ ഉപദ്രവമുള്ളവര്‍ ഗ്യാസ്‌ ഉണ്ടാകാന്‍ സാധ്യതയുള്ള ഭക്ഷണ സാധനങ്ങള്‍ കഴിക്കരുത്‌. വയറില്‍ ഗ്യാസ്‌കെട്ടിയാല്‍ ഛര്‍ദിയും വയര്‍ വേദനയുമുണ്ടാകും.

19. മധുരം, മധുര പലഹാരങ്ങള്‍ എന്നിവ കഴിക്കുന്നത്‌ ക്രമേണ കുറച്ചുകൊണ്ടുവരിക. മധുരപലഹാരങ്ങള്‍ ഗര്‍ഭിണികള്‍ക്ക്‌ ഒരുവിധ പോഷകവും പ്രദാനം ചെയ്യുന്നില്ല. മാത്രമല്ല അവ പല്ലിന്റെ ആരോഗ്യം നശിപ്പിക്കുകയും ചെയ്യും.

20. സ്‌തനങ്ങള്‍ക്ക്‌ മാറ്റങ്ങള്‍ രണ്ടാം മാസം മുതല്‍ വ്യക്‌തമാകും. സ്‌തനങ്ങള്‍ തടിച്ചു തുടങ്ങും. ക്ഷീരഗ്രന്ഥികളില്‍ ഒരു നേര്‍ത്ത ദ്രാവകം ഉത്‌പാദിപ്പിക്കപ്പെടുകയും ചെയ്യുന്നു. ചെറിയ തോതില്‍ വേദന അനുഭവപ്പെടും. സ്‌തനത്തില്‍ നേരിയ സ്‌പര്‍ശം പോലും ചില സ്‌ത്രീകളില്‍ വേദനയുണ്ടാക്കും.
സ്‌കാനിംങ്‌ (3-ാം മാസം)

21. ആദ്യത്തെ സ്‌കാനിംഗ്‌ മൂന്നാം മാസം നടത്താം. ഡോക്‌ടര്‍മാരുടെ നിര്‍ദേശത്തോടെ നടത്തുന്ന അള്‍ട്രാസൗണ്ട്‌ സ്‌കാനിംഗിലൂടെ ഗര്‍ഭസ്‌ഥ ശിശുവിന്റെ ചലനം, ആരോഗ്യനില തുടങ്ങിയവയെല്ലാം അറിയാനാവും. കൂടാതെ കുഞ്ഞിന്‌ ഏതെങ്കിലും തരത്തിലുള്ള വൈകല്യങ്ങള്‍ ഉണ്ടോ എന്നും സ്‌കാനിംഗിലൂടെ അറിയാം.

22. ഹീലുള്ള ചെരുപ്പ്‌ ഉപയോഗിക്കുന്നവര്‍ അത്‌ ഉപേക്ഷിക്കുക. ഹീലുള്ള ചെരുപ്പ്‌ ഗര്‍ഭിണികളില്‍ പരതരത്തിലുള്ള ദോഷങ്ങളുണ്ടാക്കുന്നു. പ്രസവശേഷം വിട്ടുമാറാത്ത നടുവേദനയ്‌ക്കും കാരണമായേക്കാം.

23. രക്‌തവും മൂത്രവും ഇതിനൊപ്പം പരിശോധിക്കാം. ഗര്‍ഭിണിയുടെ ശരീരത്തിലെ ഹീമോഗ്ലോബിന്റെ അളവ്‌, പഞ്ചസാരയുടെ അളവ്‌ എന്നിവ സാധാരണ നിലയിലാണോ എന്നും മഞ്ഞപ്പിത്തം പോലുള്ള രോഗങ്ങളില്ലെന്നും സ്‌ഥിരീകരിക്കാനും ഈ പരിശോധനകള്‍ സഹായിക്കും.

24. മലബന്ധം അനുഭവപ്പെട്ടു തുടങ്ങും. ശരീരത്തില്‍ പ്രൊജസ്‌റ്ററോണ്‍ ഹോര്‍മോണ്‍ കൂടുതലായി ഉത്‌പാദിപ്പിക്കുന്നതുകൊണ്ടാണിത്‌. മലബന്ധം ഒഴിവാക്കാന്‍ പഴങ്ങള്‍, പച്ചക്കറികള്‍ തുടങ്ങിയവ ധാരാളമായി ഭക്ഷണത്തില്‍ ഉള്‍പ്പെടുത്തിയാല്‍ മതിയാവും. മലബന്ധം കൂടുതലായി അനുഭവപ്പെടുന്നുണ്ടെങ്കില്‍ ഉടന്‍ ഡോക്‌ടറെ സമീപിക്കേണ്ടതാണ്‌.

25. തലവേദന, തലചുറ്റല്‍ തുടങ്ങിയ അസ്വസ്‌ഥതകള്‍ അടിക്കടിയുണ്ടാകും. മൂന്നുമാസം പിന്നിടുന്നതോടെ ഇവ മാറുകയും ചെയ്യും. പ്രത്യേക മരുന്നിന്റെ ആവശ്യം വരുന്നില്ല.

26. മുലക്കണ്ണുകള്‍ക്കു ചുറ്റും ഇരുണ്ട നിറത്തിലുള്ള വൃത്തം കൂടുതല്‍ കറുപ്പു നിറമാവുകയും ചര്‍മം കൂടുതല്‍ മാര്‍ദവമേറിയതാവുകയും ചെയ്യുന്നു. തുടര്‍ന്ന്‌ മുലക്കണ്ണുകള്‍ക്കു ചുറ്റും ചെറിയ കുരുക്കള്‍ രൂപപ്പെടുന്നു.

27. സ്‌തനങ്ങളിലേക്കുള്ള രക്‌തപ്രവാഹം വര്‍ദ്ധിക്കുന്നതിനാല്‍ നീലഞരമ്പുകള്‍ തെളിഞ്ഞുവരുന്നു. കുഞ്ഞിന്‌ മുലയൂട്ടുന്നതിന്‌ അമ്മയുടെ സ്‌തനങ്ങള്‍ പാകമാകുന്നതിന്റെ ലക്ഷണമാണിത്‌.

28. ആഹാരത്തിന്‌ രുചിക്കുറവ്‌ അനുഭവപ്പെടാം. എന്നാല്‍ പോഷകാഹാരങ്ങള്‍ കഴിക്കാതിരിക്കുകയുമരുത്‌. അതേസമയം ചില പ്രത്യേക ആഹാരസാധനങ്ങളോട്‌ താല്‍പര്യം കൂടുകയും ചെയ്യും. പ്രത്യേകിച്ച്‌ പുളിയുള്ള സാധനങ്ങളോട്‌്.

29. മൂക്കില്‍ നിന്നും വെള്ളം ഒലിക്കുന്നത്‌ ഗര്‍ഭകാലലക്ഷണമായി കണക്കാക്കാറുണ്ട്‌. എന്നാല്‍ ഇതിന്‌ ശാസ്‌ത്രീയമായ വിശദീകരണമില്ല. ഇത്‌ മൂന്നു മാസം കഴിയുന്നതോടെ തനിയേ മാറും.

30. ഓഫീസ്‌ ജോലി ചെയ്യുന്നവര്‍ ദീര്‍ഘനേരം ഒരേയിരുപ്പില്‍ ഇരുന്ന്‌ ജോലി ചെയ്യരുത്‌. ഒരു മണിക്കൂര്‍ ഇടവിട്ട്‌ അല്‍പം നടക്കുന്നത്‌ ഉത്തമമാണ്‌. ഗര്‍ഭിണികള്‍ക്ക്‌ സാധാരണയുണ്ടാകാനിടയുള്ള നടുവേദന ഒഴിവാക്കാന്‍ ഇതു സഹായിക്കും.

ശാരീരികവ്യതിയാനം (4-ാം മാസം)

31. ചെറിയ തോതിലുള്ള പനിയുണ്ടാകാം. എന്നാല്‍ കടുത്തപനിയുണ്ടെങ്കില്‍ ഡോക്‌ടറെ ഉടന്‍ കാണേണ്ടിവരും. ഇതോടൊപ്പം ശക്‌തിയായ തലവേദന, തലകറക്കം, കിതപ്പ്‌, മൂത്രമൊഴിക്കുമ്പോള്‍ വേദന, ബ്ലീഡിംഗ്‌ എന്നിവ കണ്ടാല്‍ ശ്രദ്ധിക്കണം. ഇക്കാര്യം ഡോക്‌ടറെ അറിയിക്കണം.

32. ഗര്‍ഭാശയം വളരുന്നതിന്‌ അനുസരിച്ച്‌ വയറിന്റെ വലുപ്പം കൂടിവരുന്നു. അതിനാല്‍ അയഞ്ഞ വസ്‌ത്രങ്ങള്‍ വേണം ധരിക്കാന്‍. ശരീരത്തില്‍ ഇറുകിക്കിടക്കുന്ന വസ്‌ത്രങ്ങള്‍ ധരിക്കരുത്‌. കോട്ടണ്‍ വസ്‌ത്രങ്ങളാവുന്നതാണ്‌ ഉത്തമം.

33. ഗര്‍ഭിണി ആയതുമുതലുള്ള ശാരീരീക അസ്വസ്‌ഥകള്‍ക്ക്‌ നാലാംമാസമെത്തുന്നതോടെ ആശ്വാസം ലഭിക്കും. അതോടൊപ്പം ശരീരം തടിക്കാനും തുടങ്ങും.

34. ഗര്‍ഭിണിയുടെ വയറില്‍ സമ്മര്‍ദം ഉണ്ടാകാത്ത വിധത്തിലുള്ള ലൈംഗിക ബന്ധം നാലാം മാസം മുതല്‍ സാധ്യമാണ്‌. ഇതിനായി പ്രത്യേക സംഭോഗ രീതികള്‍ സ്വീകരിക്കേണ്ടതാണ്‌. ഇക്കാര്യത്തില്‍ ഡോക്‌ടറുടെ നിര്‍ദേശം തേടാന്‍ മടിക്കേണ്ടതില്ല.

35. വയര്‍ വലുതാകുന്നതോടെ സ്‌തനങ്ങള്‍ക്കും വലുപ്പം വച്ചുതുടങ്ങും. സ്‌തനങ്ങള്‍ തൂങ്ങാന്‍ ആരംഭിക്കുന്നു. സ്‌തനത്തില്‍ സ്‌ട്രച്ച്‌ മാര്‍ക്കുകള്‍ ഉണ്ടാകാനും തുടങ്ങും. ഇതൊഴിവാക്കാനായി അനുയോജ്യമായ ബ്രേസിയറുകള്‍ വേണം തെരഞ്ഞെടുക്കാന്‍. ഗര്‍ഭത്തിന്റെ ഓരോഘട്ടത്തിലും സ്‌തനത്തിന്റെ വലിപ്പം മാറുന്നതിനനുസരിച്ച്‌ ബ്രേസിയര്‍ മാറ്റുന്നതും നല്ലതാണ്‌.

36. ഗര്‍ഭിണി ഉറക്കമിളയ്‌ക്കുന്നത്‌ ഒഴിവാക്കണം. ഉറങ്ങാതിരിക്കുന്നത്‌ ശരീരത്തിന്‌ ക്ഷീണം ഉണ്ടാകുന്നതിനും കുഞ്ഞിന്റെ ആരോഗ്യത്തെയും ബാധിക്കും.

37. ശരീരത്തിന്റെ തൂക്കം അമിതമായി വര്‍ദ്ധിക്കാതിരിക്കാന്‍ പ്രത്യേകം ശ്രദ്ധിക്കണം. ശരാശരി പത്തുമുതല്‍ പന്ത്രണ്ടു കിലോ വരെയാണ്‌ ഗര്‍ഭകാലത്ത്‌ ഉണ്ടാകേണ്ട ശരാശരി തുക്ക വര്‍ദ്ധനവ്‌. ആദ്യത്തെ മൂന്നു മാസം തൂക്കം വളരെകുറച്ചു മാത്രമേ വര്‍ദ്ധിക്കാവു.

38. ആവശ്യത്തില്‍ കവിഞ്ഞ തുക്കം മുതുകിനും കാലിനും ഭാരമാവുകയും ഗര്‍ഭിണിക്ക്‌ ക്ഷീണവും നടുവേദനയും കാല്‍മുട്ടുവേദനയും അനുഭവപ്പെടുകയും ചെയ്യുന്നു. പ്രസവസമയത്തും പ്രശ്‌നങ്ങള്‍ ഉണ്ടാകാം. അത്‌ കുഞ്ഞിന്‌ അപകടകരമാണ്‌. കൂടാതെ അമിത തൂക്കം പ്രസവത്തിനുശേഷം കുറയ്‌ക്കാനും ബുദ്ധിമുട്ടാണ്‌.

39. ഡോക്‌ടറെ കാണേണ്ടതെപ്പോഴെന്നും എത്രതവണ കാണണമെന്നും പലര്‍ക്കും നിശ്‌ചയമില്ല. ആദ്യത്തെ ആറുമാസം, മാസത്തില്‍ ഒരു തവണയും പിന്നീട്‌ രണ്ടാഴ്‌ചയിലൊരിക്കലും ഒന്‍പതാം മാസം മുതല്‍ എല്ലാ ആഴ്‌ചയിലും ഡോക്‌ടറെ കാണണം. എന്നാല്‍ ഇക്കാര്യം തീരുമാനിക്കുന്നത്‌ ഡോക്‌ടറായിരിക്കും.

40. നെല്ലുകുത്തുക, ഭാരം ചുമക്കുക, വെള്ളം കോരുക തുടങ്ങിയ ഭാരിച്ച ജോലികള്‍ ചെയ്യുന്നതില്‍ നിന്നും വിട്ടു നില്‍ക്കുക.
കരുതലോടെ (5-ാം മാസം)

41. ദീര്‍ഘനേരം നിന്നുകൊണ്ടുള്ള ജോലി ഒഴിവാക്കണം. അടുക്കളയിലാണെങ്കില്‍ ഇടയ്‌ക്ക് ഇരിക്കാന്‍ സൗകര്യത്തിന്‌ ഉറപ്പുള്ള കസേരയോ സ്‌റ്റൂളോ ഒരുക്കുന്നത്‌ നന്നായിരിക്കും. വീട്ടുജോലികള്‍ ഒറളറയടിക്ക്‌ ചെയ്‌തുതീര്‍ക്കരുത്‌. ഇടവിട്ട്‌ ചെയ്‌തു തീര്‍ക്കണം.

42. വിശ്രമിക്കുമ്പോള്‍ കാലുകള്‍ ഉയര്‍ത്തി വയ്‌ക്കാന്‍ പ്രത്രേ്യകം ശ്രദ്ധിക്കണം. കസേരയില്‍ ഇരിക്കുമ്പോള്‍ മുന്നില്‍ മറ്റൊരു ചെറിയ സ്‌റ്റൂളോ കസേരയോ വച്ച്‌ കാലുകള്‍ അതില്‍ വയ്‌ക്കാവുന്നതാണ്‌. എന്തായാലും കാലുകള്‍ തൂക്കിയിട്ട്‌ ഇരിക്കരുത്‌.

43. ഗര്‍ഭിണികളുടെ ശരീരത്തിന്റെ മുന്‍ ഭാഗത്തിന്‌ ഭാരം കൂടുതലായതിനാല്‍ നടക്കുമ്പോള്‍ ബാലന്‍സ്‌ തെറ്റി വീഴാനുള്ള സാധ്യത കൂടുതലാണ്‌. അതിനാല്‍ നിരപ്പായ സ്‌ഥലത്തു കൂടിയാണെങ്കിലും നടക്കുമ്പോള്‍ സൂക്ഷിക്കണം.

44. കട്ടിലില്‍ നിന്നും പെട്ടെന്ന്‌ എഴുന്നേല്‍ക്കാതിരിക്കുക. പെട്ടെന്ന്‌ എഴുന്നേല്‍ക്കുമ്പോള്‍ വയറിന്‌ ആയാസമുണ്ടാവുകയും കുഞ്ഞിന്‌ അത്‌ ദോഷം ചെയ്‌തെന്നും വരാം. അതിനാല്‍ സാവകാശം സമയമെടുത്ത്‌ വേണം എഴുന്നേല്‍ക്കാന്‍. ആദ്യം കൈ കുത്തി പിന്നീട്‌ ചരിഞ്ഞു എഴുന്നേല്‍ക്കുക.

45. ഗര്‍ഭകാലത്ത്‌ ചര്‍മം വലിയുകയും പ്രസവത്തിനുശേഷം ചര്‍മത്തില്‍ വര വീഴുകയും ചെയ്യുന്നത്‌ പതിവാണ്‌. ഇതിനെതിരെ മുന്‍കരുതലുകളൊന്നും എടുക്കാനാവില്ല. എണ്ണ ചെറുതായി ചൂടാക്കി പതിവായി തേക്കുന്നത്‌ വരകളുടെ നിറം മങ്ങാന്‍ സഹായകരമാകും.

46. നടത്തം ഒരു ശീലമാക്കുക. രാവിലെയും വൈകിട്ടും മുറ്റത്ത്‌ അല്‍പനേരം നടന്നാല്‍ ശരീരത്തിന്‌ നല്ല വ്യായാമമാകും. ശരീരത്തിലെ മുഴുവന്‍ മസിലുകളും പ്രസവസമയത്തു പ്രവര്‍ത്തിക്കുന്ന പ്രത്യേക മസിലുകളും ആരോഗ്യത്തോടെയിരിക്കാന്‍ ഇതു സഹായിക്കുന്നു. എന്നാല്‍ വിയര്‍ത്തൊലിക്കുന്നതുവരെ നടക്കാതിരിക്കാനും ശ്രദ്ധിക്കണം.

47. കൂടെകൂടെ മൂത്രമൊഴിക്കുന്ന പ്രവണ കുറഞ്ഞു വരുന്നു. ഗര്‍ഭസ്‌ഥശിശു ഉള്‍പ്പെടുന്ന ഗര്‍ഭപാത്രത്തെ ശരീരം ഒരു അവയവമായിത്തന്നെ അംഗീകരിക്കുന്നതുകൊണ്ടാണിത്‌. എന്നാല്‍ എല്ലാവരിലും മൂത്രം പോക്ക്‌ നിലയ്‌ക്കണമെന്നുമില്ല.

48. മോണയില്‍ ചെറിയതോതില്‍ രക്‌തം പൊടിയാന്‍ സാധ്യതയുണ്ട്‌. ഇതില്‍ ഭയപ്പെടേണ്ടതില്ല. പക്ഷേ അമിതമാണെങ്കില്‍ ഡോക്‌ടറുടെ സേവനം തേടണം. ചിലരില്‍ മൂക്കില്‍ നിന്നും രക്‌തം വരാം. വളരെ വിരളമായെ ഇത്തരത്തില്‍ കണ്ടുവരാറുള്ളു.

49. ചെറിയ രോഗങ്ങള്‍ ഗര്‍ഭകാലത്ത്‌ ഉണ്ടാകാറുണ്ട്‌. എന്നാല്‍ ഇതിനെല്ലാം മരുന്നു സേവിക്കുന്ന ശീലം പാടില്ല. സ്വയം ചികിത്സ നന്നല്ല. മരുന്നു കഴിക്കുന്നുണ്ടെങ്കില്‍ അത്‌ ഡോക്‌ടറുടെ നിര്‍ദേശപ്രകാരം മാത്രം മതി.

50. ഗര്‍ഭകാലത്ത്‌ ചിലരില്‍ മുടികൊഴിച്ചിലുണ്ടാകും. മറ്റുചിലരില്‍ മുടി തഴച്ചുവളരുന്നതായും കാണാറുണ്ട്‌. തലയോട്ടിയില്‍ ത്വക്‌രോഗങ്ങള്‍ ബാധിച്ചിട്ടില്ലെങ്കില്‍ മുടികൊഴിച്ചില്‍ അത്ര കാര്യമാക്കേണ്ടതില്ല. എന്നാല്‍ കുളിക്കുമ്പോള്‍ തലയും മുടിയും നന്നായി തേച്ചുകഴുകി വൃത്തിയാക്കണം.

ചലനങ്ങളറിയുക (6-ാം മാസം)

51. ആറാം മാസം മുതല്‍ കുഞ്ഞിന്റെ ചലനങ്ങള്‍ അറിയാന്‍ കഴിയും. വയറില്‍ ചെവി ചേര്‍ത്തു വച്ചാല്‍ കുഞ്ഞിന്റെ ഹൃദയമിടിപ്പ്‌ കേള്‍ക്കാന്‍ക്കാം. ആറാം മാസവും ഗര്‍ഭസ്‌ഥശിശുവിന്റെ ചലനം അനുഭവപ്പെടുന്നില്ലെങ്കില്‍ ഡോക്‌ടറെ അക്കാര്യം അറിയിക്കണം. ഇത്‌ ഗൗരവമായി കാണേണ്ട വിഷയമാണ്‌. കുഞ്ഞിന്‌ അനക്കമില്ലാത്തതിന്‌ കാരണങ്ങള്‍ പലതാണ്‌.

52. വിശദമായ അള്‍ട്രാ സൗണ്ട്‌ സ്‌കാനിംഗ്‌ ഈ മാസം ആവശ്യമാണ്‌. കുഞ്ഞിന്‌ ഏതെങ്കിലും തരത്തിലുള്ള വൈകല്യങ്ങളോ മറ്റോ ഉണ്ടോ എന്ന്‌ ഈ പരിശോധനയില്‍ നിന്നും അറിയാന്‍ സാധിക്കും. കുഞ്ഞിന്റെ ആമാശയം, മുഖം എന്നിവ ഈ ടെസ്‌റ്റില്‍ കാണാന്‍ കഴിയും.

53. ഉറക്കമില്ലായ്‌മ അനുഭവപ്പെടും. അങ്ങനെയുണ്ടെങ്കില്‍ കിടക്കുമ്പോള്‍ പുറകില്‍, ആമാശയത്തിനുതാഴെ തലയിണ വച്ചു കിടന്നു നോക്കുക. അല്ലെങ്കില്‍ കാലുകള്‍ക്കിടയില്‍ തലയിണ വച്ചു പരീക്ഷിച്ചു നോക്കുക. ഉറങ്ങാന്‍ കിടക്കുന്നതിന്‌ മുമ്പ്‌ ഒരു ഗ്ലാസ്‌ വെള്ളം കുടിയ്‌ക്കുക.

54. ഗര്‍ഭകാലത്ത്‌ പല്ലുകള്‍ ദ്രവിക്കുന്നതായി ചിലര്‍ പരാതിപെടാറുണ്ട്‌. മറ്റു കാലത്തെ അപേക്ഷിച്ച്‌ ഈ കാലത്ത്‌ ദന്ത രോഗങ്ങള്‍ കൂടുതലായി കണ്ടു വരുന്നു. അതിനാല്‍ പല്ല്‌ പല്ല്‌ വൃത്തിയായി സൂക്ഷിക്കുക.

55. അമ്മയുടെ ഉദരത്തില്‍ വച്ചു തന്നെ ശിശുക്കളുടെ ദന്ത പരിചരണം ആരംഭിക്കണം. ഗര്‍ഭിണി ദിവസവും രാവിലെ പല്ലു തേയ്‌ക്കണം. രാത്രി ഭക്ഷണത്തിനു ശേഷവും പല്ലുതേയ്‌ക്കണം.

56. സാധാരണയില്‍ കവിഞ്ഞ ഹൃദയമിടിപ്പ്‌ ഗര്‍ഭിണികള്‍ക്ക്‌ ഉണ്ടാകാം. ഇതില്‍ ഭയപ്പെടേണ്ടതില്ല. അല്‍പസമയത്തിനു ശേഷം ശമിക്കും. ശ്വാസതടസം അനുഭവപ്പെടുന്നുണ്ടെങ്കില്‍ നീണ്ടു നിവര്‍ന്നിരിക്കുക.

57. ആറാം മാസത്തിലും യോനിയില്‍ നിന്നും രക്‌തസ്രാവം ഉണ്ടാകുന്നുവെങ്കില്‍ ഡോക്‌ടറെ സമീപിക്കണം. പ്ലാസന്റെയുടെ തകരാറും അണുബാധയുമൊക്കെ രക്‌തസ്രാവത്തിന്‌ കാരണമാകാം.

58. കുനിഞ്ഞു നിന്നുള്ള ജോലികള്‍ ചെയ്യരുത്‌. കഴിയുന്നതും യൂറോപ്യന്‍ ക്ലോസറ്റ്‌ ഉപയോഗിക്കുക. സാധാരണ ക്ലോസറ്റിലിരിക്കുന്നത്‌ വയറിന്‌ കൂടുതല്‍ ആയാസമുണ്ടാക്കും.

59. അയണിന്റെ ആവശ്യം ഗര്‍ഭിണികള്‍ക്ക്‌ ഈ സമയത്ത്‌ കൂടുതലാണ്‌. അയണ്‍ ഗുളികകള്‍ കഴിക്കുന്നതുകൊണ്ടു കുഴപ്പമില്ല. എന്നാല്‍ അത്‌ തന്നിഷ്‌ടപ്രകാരമാകാന്‍ പാടില്ല. ഡോക്‌ടറുടെ നിര്‍ദേശപ്രകാരം ഡോക്‌ടര്‍ നിര്‍ദേശിക്കുന്ന ഗുളിക മാത്രം വാങ്ങിക്കഴിക്കുക.

60. ഹോര്‍മോണിന്റെ പ്രവര്‍ത്തനഫലമായി ഗര്‍ഭിണികളില്‍ ചൂട്‌ കൂടുതലാവും. ഇതില്‍ നിന്നും രക്ഷനേടാനായി ഇടയ്‌ക്കിടെ ദേഹം തുടയ്‌ക്കുന്നത്‌ നന്നായിരിക്കും. രാവിലെയും വൈകിട്ടും കുളിക്കുകയുമാവാം. രണ്ടുനേരം കുളി ശീലമില്ലാത്തവര്‍ അത്‌ പ്രസവം കഴിയുന്നതുവരെയെങ്കിലും ശീലമാക്കുക.

ശുചിത്ത്വം മറക്കാതെ (7-ാം മാസം)

61. കൂടുതല്‍ വായു സഞ്ചാരമുള്ള മുറി ഗര്‍ഭിണിക്ക്‌ നല്‍കുക. അടച്ച്‌മൂടിയ മുറി ഗര്‍ഭിണി ഉപയോഗിക്കരുത്‌.അധികം ഉയരമില്ലാത്ത കട്ടില്‍ ഉപയോഗിക്കുന്നതാണ്‌ ഉത്തമം. കട്ടിലില്‍ ഇരുന്നാല്‍ കാല്‍ തറയില്‍ ചവിട്ടാന്‍ കഴിയണം.

62. യോനീ സ്രവങ്ങള്‍ കൂടുതലായതിനാല്‍ പാഡ്‌ ഉപയോഗിക്കാം. ഗര്‍ഭകാലത്ത്‌ പാഡുകള്‍ കൂടുതല്‍ കരുതുന്നതും നല്ലതാണ്‌. നനഞ്ഞ പാഡുകള്‍ എത്രയും വേഗം മാറ്റുകയും വേണം. യോനിഭാഗത്ത്‌ തങ്ങിനില്‍ക്കുന്ന ചെറിയ നനവുപോലും അണുബാധയ്‌ക്ക് കാരണമാകും.

63. യോനി ഭാഗം വൃത്തിയായി സൂക്ഷിക്കണം. കോട്ടണ്‍ അടിവസ്‌ത്രങ്ങള്‍ വേണം ഉപയോഗിക്കാന്‍. യോനീഭാഗം ഷേവ്‌ ചെയ്യുന്നത്‌ യോനീ സ്രവവും മറ്റും കെട്ടിക്കിടന്ന്‌ ദുര്‍ഗന്ധമുണ്ടാകാതിരിക്കാന്‍ സഹായിക്കും.

64. കരിക്ക്‌, വാഴപ്പഴം മുതലായാവ കൂടുതലായി കഴിക്കുക. ഗര്‍ഭിണികള്‍ക്ക്‌ ആവശ്യമുള്ള ധാരാളം പോഷകങ്ങള്‍ ഇവയില്‍ അടങ്ങിയിരിക്കുന്നു.

65. അനീമിയ ഇല്ലെന്ന്‌ ഉറപ്പുവരുത്താന്‍ ഹീമോഗ്ലോബിന്‍ പരിശോധനയും ഗര്‍ഭകാല പ്രമേഹമുണ്ടോ എന്നറിയാന്‍ രക്‌ത പരിശോധനയും നടത്തണം.

66. അന്റാസിഡ്‌ മെഡിക്കല്‍ സ്‌റ്റോറുകളില്‍ നിന്നും വാങ്ങി ഉപയോഗിക്കുന്നത്‌ നല്ലതല്ല. ഡോക്‌ടറുടെ നിര്‍ദേശപ്രകാരം മാത്രം അന്റാസിഡ്‌ കഴിക്കുക.

67. സ്‌തനങ്ങളില്‍ നിന്നും ചില സ്രവങ്ങള്‍ ഊറിവരും. ഇവ മുലക്കണ്ണില്‍ പറ്റിപ്പിടിച്ചിരിക്കും. കുളിക്കുമ്പോള്‍ മുലക്കണ്ണു വൃത്തിയാക്കുന്നതിനൊപ്പം മുലയുടെ അടിഭാഗവും സോപ്പ്‌ ഉപയോഗിച്ച്‌ വൃത്തിയാക്കണം.

68. സ്‌തനങ്ങളില്‍ നിന്നും ഊറിവരുന്ന ദ്രാവകം ദിവസേന പിഴിഞ്ഞുകളയുന്നത്‌ പ്രസവശേഷം കൂടുതല്‍ പാല്‍ ഉത്‌പാദിപ്പിക്കുന്നതിനും സ്‌തനത്തില്‍ കൂടുതല്‍ പാല്‍ ഉള്‍ക്കൊള്ളുന്നതിനും മുലവീക്കം, നീര്‍ക്കെട്ട്‌ എന്നിവ ഒഴിവാക്കുന്നതിനും സഹായിക്കും.

69. വീട്ടില്‍ ധരിക്കാന്‍ നൈറ്റി ഉപയോഗിക്കുക. സല്‍വാര്‍ ഉപയോഗിക്കുന്നവര്‍ പാന്റില്‍ ഇലാസ്‌റ്റിക്‌ പിടിപ്പിക്കുക. വയര്‍ ഭാഗത്ത്‌ കൂടുതല്‍ മുറുകെയുള്ള കെട്ട്‌ വരാതിരിക്കാന്‍ ഇതു സഹായിക്കും.

70. ഗര്‍ഭിണികള്‍ക്ക്‌ പുറംവേദന അനുഭവപ്പെടാം. ഇതിനായി ചെറുചൂടില്‍ പുറത്ത്‌ ആവി പിടിക്കുന്നത്‌ നല്ലതാണ്‌. ഇവിടം മൃദുവായി തടവുന്നതും പുറംവേദന മാറാന്‍ ഉത്തമമാണ്‌.

വളര്‍ച്ചയെത്തുന്നു (8-ാം മാസം)

71. അമ്മയുടെ വയര്‍ വീര്‍ത്ത്‌ പൊക്കിള്‍ പുറത്തേക്കു തള്ളിവരും. കുഞ്ഞ്‌ വളര്‍ച്ചയെത്തുന്നതുകൊണ്ടാണിത്‌്. കൂടാതെ കുഞ്ഞ്‌ ഈ സമയത്ത്‌ ഒന്നു മുതല്‍ ഒന്നേമുക്കാല്‍ കിലോയോളം ഭാരം വയ്‌ക്കും. കുഞ്ഞ്‌ പൂര്‍ണമായും മനുഷ്യരൂപത്തിലെത്തുകയും ചെയ്യും.

72. ഇരിക്കുമ്പോള്‍ കാലുകള്‍ പിണച്ചുവച്ച്‌ ഇരിക്കരുത്‌. കാലുകള്‍ കോച്ചിപ്പിടിക്കാന്‍ സാധ്യതയുണ്ട്‌്. ചെറിയതോതിലുള്ള വ്യായാമങ്ങള്‍ ചെയ്‌താല്‍ ഈ പ്രശ്‌നം പരിഹരിക്കാനാകും. രാത്രികാലങ്ങളിലാണ്‌ കോച്ചിപ്പിടുത്തമുണ്ടാവുക.

73. ഗര്‍ഭിണികള്‍ മാനസികമായി കൂടുതല്‍ സന്തോഷത്തിലായിരിക്കേണ്ട കാലമാണ്‌ ഇനിയുള്ളത്‌്. മനസിന്‌ സന്തോഷം നല്‍കുന്ന കാര്യങ്ങള്‍ കേള്‍ക്കുകയും ചെയ്യുകയും വേണം. ഭയപ്പെടുത്തുന്ന ടിവിസീരിയലുകളോ സിനിമകളോ കാണാതിരിക്കുക. നല്ല പുസ്‌തകങ്ങള്‍ വായിക്കുന്നതും മസിന്‌ സന്തോഷം നല്‍കും.

74. വിശ്രമം ആവശ്യത്തിന്‌ മാത്രം മതി. ഡോക്‌ടറുടെ നിര്‍ദേശം കുടാതെ ബഡ്‌റെസ്‌റ്റ് എടുക്കേണ്ടതില്ല. അിമിതവിശ്രമം ആപത്താണ്‌. ശരീരത്തില്‍ രക്‌തയോട്ടം നിലയ്‌ക്കാനും മരവിപ്പ്‌ അനുഭവപ്പെടാനും ഇതു കാരണമാകും.

75. നഖം പൊട്ടിപ്പോകാനോ നിറം മങ്ങാനോ സാധ്യതയുണ്ട്‌. ഭക്ഷണത്തില്‍ കാല്‍സ്യത്തിന്റെ കുറവുമൂലം ഇത്തരത്തില്‍ സംഭവിക്കാറുണ്ട്‌. കാല്‍സ്യം കൂടുതല്‍ കിട്ടുന്ന ഭക്ഷണം കഴിക്കാന്‍ ശ്രമിക്കണം.

76. ചിലസമയത്ത്‌ അടിവയറില്‍ കടുത്ത വേദന അനുഭവപ്പെടാം. ഇത്‌ പ്രസവ വേദനയാണെന്ന്‌ തെറ്റിദ്ധരിച്ച്‌ ആശുപത്രിയിലേക്ക്‌ ഓടേണ്ടതില്ല. ഗര്‍ഭപാത്രത്തിന്‌ പെട്ടെന്നുണ്ടാകുന്ന സങ്കോചവികാസമാണ്‌ ഇത്‌. അല്‍പസമയത്തിനുള്ളില്‍ മാറുകയും ചെയ്യും.

77. ദൂരെയാത്രകള്‍ ഒഴിവാക്കണം. ഫ്‌ളൈറ്റ്‌ യാത്രയും ട്രെയിന്‍ യാത്രയും പാടില്ല. നീണ്ട യാത്രകള്‍ നേരത്തേയുള്ള പ്രസവത്തിന്‌ കാരണമാകാം.

78. രക്‌തത്തിന്റെ അളവ്‌ കൂടുന്നതുകൊണ്ട്‌ രക്‌താദി സമ്മര്‍ദം ഉണ്ടാകാം. തലകറക്കം ഉണ്ടായാല്‍ ശ്രദ്ധിക്കണം.

79. ശാരീരികമായ ക്ഷീണം ഗര്‍ഭകാലങ്ങളില്‍ എപ്പോഴും ഉണ്ടായിരിക്കുന്നതാണ്‌. ക്ഷീണമുള്ളപ്പോള്‍ നേരത്തേ ഉറങ്ങുവാന്‍ ശ്രമിക്കേണ്ടതാണ്‌. ഉറക്കം മതിയാവുന്നതുവരെ ഉറങ്ങുക.

80. രാത്രിയില്‍ കുറഞ്ഞത്‌ ഒന്‍പതു മണിക്കൂറെങ്കിലും വിശ്രമം എടുക്കാന്‍ ശ്രമിക്കണം. ഗര്‍ഭകാലത്തിന്റെ ആരംഭത്തിലും ഒടുവിലത്തെ മാസങ്ങളിലുമാണ്‌ വിശ്രമം ആവശ്യമായി വരുന്നത്‌.

നിര്‍ണായകം (9-ാം മാസം)

81. ഉറക്കക്കുറവ്‌ അനുഭവപ്പെടുന്നത്‌ സാധാരണമാണ്‌്. ഗര്‍ഭകാലത്ത്‌ ഉറക്കമില്ലെന്ന്‌ പരാതിപ്പെടാറുണ്ട്‌. ചിലര്‍ ഉറക്കഗുളികകള്‍ കഴിക്കാറുണ്ട്‌. രാത്രി ഉറക്കം കിട്ടുന്നില്ല എന്ന കാരണത്താല്‍ ഉറക്കഗുളികള്‍ കഴിക്കരുത്‌.

82. ചില സ്‌ത്രീകളില്‍ മുലക്കണ്ണുകള്‍ അകത്തേക്കു വലിഞ്ഞാണിരിക്കുന്നത്‌. ഇങ്ങനെ മുലകണ്ണുകള്‍ പരന്നതോ ഉള്ളിലേക്ക്‌ വലിഞ്ഞോ ഇരുന്നാല്‍ പ്രസവ ശേഷം ശിശുവിന്‌ മുലകുടിക്കാന്‍ പ്രയാസം നേരിടും. പതിവായി മുലക്കണ്ണില്‍ എണ്ണപുരട്ടിയാല്‍ ഇതൊഴിവാക്കാനാവും.

83. കാപ്പികുടി പൂര്‍ണമായും നിര്‍ത്തുക. കാപ്പിയില്‍ അടങ്ങിയിരിക്കുന്ന കഫീന്‍ ഗര്‍ഭസ്‌ഥശിശുവിന്റെ ആരോഗ്യത്തിന്‌ ഹാനികരമാണ്‌. തിളപ്പിച്ചാറിയ ദാഹശമിനി കുടിക്കുന്നതാണ്‌ ഉത്തമം.

84. വയര്‍ വലിപ്പം വച്ചതിനാല്‍ കട്ടിലില്‍ കിടക്കാനും ഉറങ്ങാനും ബുദ്ധിമുട്ടാവും. ചില സ്‌ത്രീകള്‍ കമിഴ്‌ന്നു കിടന്ന്‌ ഉറങ്ങിയാവും ശീലം. എന്നാല്‍ ഗര്‍ഭിണി ആയാല്‍ കമിഴ്‌ന്നു കിടന്നുറങ്ങാന്‍ പാടില്ല. അതിനാല്‍ ഉറക്കം വരുന്നില്ലെങ്കില്‍ കിടപ്പിന്റെ രീതികള്‍ മാറ്റിനോക്കാം.

Advertisement

Current Affairs

പ്രായം 60 കഴിഞ്ഞിട്ടും യൗവത്വത്തിന്റെ രഹസ്യം വെളിപ്പെടുത്തി നടൻ അനിൽ കപൂർ

Published

on

By

പല ബോളിവുഡ് നടൻമാരെ നോക്കിയാലും  ഇപ്പോളും നമ്മളെ അതിശയിപ്പിക്കുന്ന ഒരു കാര്യം അവരുടെ യുവത്വം തന്നെ ആണ്.പ്രായം 62 എത്തി നിൽക്കുമ്പോളും ഇപ്പോളും 30 കാരനായി നടക്കുന്ന അനിൽ കപൂർ അദ്ദേഹത്തിന്റെ ആരോഗ്യ രഹസ്യം വെളിപ്പെടുത്തുന്നു.ദക്ഷിണഇന്ത്യൻ ഭക്ഷണങ്ങളാണ് തന്റെ യുവത്വത്തിന്റെ പിന്നിലുള്ളതെന്നാണ് താരം പറയുന്നത്. ” കാലാകാലങ്ങളായി ഞാൻ കഴിക്കുന്നത് ദക്ഷിണേഇന്ത്യൻ ഭക്ഷണങ്ങളാണ്.ഏറ്റവും പ്രിയം ഇഡ്‌ലി ,സാമ്പാർ ,ദോശ ,ചട്‌നി ,ചോറ്,രസം,തൈര്”…..ദക്ഷിണേഇന്ത്യൻ ഭക്ഷണങ്ങൾ ഏറെയും വളരെ ആരോഗ്യപ്രദമാണെന്നാണ് അദ്ദേഹം പറയുന്നത്.

“സാധാരണയായി രോഗികൾക്കുള്ള ഭക്ഷണത്തിൽ കാണുന്നതാണ് ഇഡലിയും സാമ്പാറും ചട്‌നിയും . ഏവും സുരക്ഷിതമായ ആഹാരമാണ് ഇത്. അതുതന്നെയാണ് എന്റെ ആരോഗ്യത്തിന്റെ സീക്രെട്ടും.എന്റെ യൂത്ത് ലൂക്കിനെ കുറിച്ച് വന്ന പല ട്രോളുകളും ഞാൻ ആസ്വദിച്ചിട്ടുണ്ട്.80 കളിലും 90 കളിലും എൻ്റെ നെഞ്ചിനെ പറ്റി വന്ന ട്രോളുകൾ പലപ്പോഴും എന്നെ വല്ലാതെ സന്തോഷിപ്പിച്ചിട്ടുണ്ട്.രാവിലെ 6 മണിക്ക് ഉണർന്നാൽ നിത്യവും ഒരു ഏത്തപ്പഴം കഴിക്കും,ഇത് കാർബോഹൈഡ്രേറ്റ് ,പൊട്ടാസ്യം,അയൺ എന്നിവയുടെ ഒരു കലവറയാണ്.രണ്ടരമണിക്കൂർ ഇടവിട്ട് ഇടക്ക് മീൽസ് കഴിക്കും, ഇത് കൃത്യമായ അളവിൽ അതിന്റെ കലോറിയും കണക്കാക്കിയാണ് കഴിക്കുന്നത്.ധാരാളം മൽസ്യം കഴിക്കുന്നത് കൊണ്ട് ശരീരത്തിനാവശ്യമായ പ്രോട്ടീനും ലഭിക്കും.കൂടാതെ ധാരാളം വെള്ളം കുടിക്കും.ആഹാരക്രമങ്ങളിൽ കൃത്യത എനിക്ക് നിർബന്ധമാണ്.”

കൂടാതെ വ്യായാമത്തിലും ഞാൻ എൻറെതായ രീതിയിൽ മാറ്റം വരുത്താറുണ്ട്.സ്ഥിരമായി ഒരു ബോഡിപാർട്ടിന് മാത്രം പ്രാധാന്യം നൽകി ഒരു വ്യായാമവും ചെയ്യാറില്ല.ദിനം പ്രതി  മാറ്റം വരുത്തും.എന്നും രാവിലെ എഴുന്നേൽറ്റ് 10 മിനിറ്റ് കാർഡിയോ വ്യായാമം ചെയ്യാറുണ്ട്.ആഴ്ചയിൽ 3 ദിവസം ജിമ്മിലും ബാക്കി ദിവസങ്ങളിൽ പുറത്തുമാണ് വർക്ഔട് ചെയ്യുന്നത്.ഇതൊക്കെയാണ് എൻ്റെ ശരീരത്തിൻറ്റെ രഹസ്യം.

Continue Reading

Current Affairs

തൊണ്ടയിൽ എന്തെങ്കിലും കുടുങ്ങിയാൽ എങ്ങനെ നമുക്ക് രോഗിയെ സ്വയം ചികിത്സകൊണ്ട് രക്ഷിക്കാം ?

Published

on

കൊച്ചുകുട്ടികളുടെ അല്ലങ്കിൽ മുതിർന്നവരുടെ തൊണ്ടയിൽ എന്തെങ്കിലും കുടുങ്ങിയാൽ എന്തൊക്കെക്കാര്യങ്ങളാണ് ചെയ്യേണ്ടതെന്ന് നോക്കാം.പലപ്പോഴും കൊച്ചു കുട്ടികളിലാണ് ഇങനെ കണ്ടുവരുന്നത്.ഫലപ്രദമായ രീതിയിൽ നമ്മൾ പ്രേവര്തിച്ചില്ലെങ്കിൽ കുട്ടിക്ക് മരണം വരെ സംഭവിക്കാം.കുട്ടികൾ കഴിച്ചുകൊണ്ടിരിക്കുമ്പോളോ അല്ലെങ്കിൽ കളിക്കുമ്പോളോ ഇങനെ സംഭവിക്കാറുണ്ട്.ഇങ്ങനെ സംഭവിച്ചാൽ ആദ്യം തന്നെ ശ്രെദ്ധിക്കെണ്ട കാര്യം പേടിക്കാതിരിക്കുക,കുട്ടിയെ പേടിപ്പിക്കരുത്. ധൈര്യമായി കുട്ടിയെ അല്ലങ്കിൽ ആർക്കാണോ ഇത് സംഭവിച്ചിരിക്കുന്നെ ആ ആളെ സമാധാനിപ്പിക്കുക.

അതിനുശേഷം ആദ്യമായി ചെയ്യേണ്ട കാര്യം കുട്ടിയോട് ശക്തിയായി ചുമക്കാൻ പറയുക.കാരണം നമ്മൾ ചുമക്കുമ്പോൾ വായിലൂടെ വരുന്ന വായു 80 KM വേഗതയിലാണ് പുറത്തേക്ക് വരുന്നത്.ആയതിനാൽ ചുമക്കുമ്പോൾ കുടുങ്ങിയ പദാർത്ഥം പുറത്തേക്ക് വരാനുള്ള ചാൻസ് വളരെ കൂടുതലാണ്.ഇനിചുമച്ചുകളയാൻ പറ്റുന്നില്ല എങ്കിൽ ചെയ്യേണ്ടതാണ് ഹെയ്‌മിലിക് മെന്യൂവേർ.തൊണ്ടയിൽ കുടുങ്ങിയിരിക്കുന്ന സാധനം പുറത്തേക്ക് കളയുന്നതിനാണ് ഹെയ്‌മിലിക് മെന്യൂവേർ എന്നുപറയുന്നത്.ഇതിലൂടെ ചെയ്യുന്നത് നമ്മൾ രോഗിയുടെ പുറകിലിടെ വയറിൽ പൊക്കിളിന്റെ ഭാഗത്തു ഒരു കൈ മുഷ്ടിചുരുട്ടിപിടിച്ചതുപോലെയും മറ്റേ കൈകൊണ്ട് ആ കൈ കവർ ചെയ്യുക,അതിനുശേഷം പതിയെ ശക്തിയായി വയറിൽ അമർത്തി മുകളിലോട്ട് പ്രസ് ചെയ്യുക, ഇതിനെ ഇംഗ്ലീഷ് അക്ഷരം J തിരിച്ചു എഴുതുന്നതുപോലെ എന്നാണ് ഡോക്ടർസ് പറയുന്നത്.ഇങ്ങനെ പല പ്രാവശ്യം ചെയ്യുകഇങ്ങനെ തൊണ്ടയിൽ കുടുങ്ങിയ സാധനം വെളിയിൽ വരുന്നത് വരെ ചെയ്യുക.ഇനിയും നിങ്ങൾ ഒറ്റക്കാണെകിൽ ആദ്യം ശക്തിയായി ചുമച്ചു നോക്കുക,പറ്റുന്നില്ലെകിൽ താനിനി കമഴ്ന്നു നിന്നുകൊണ്ട് കൈ വെച്ച് മുൻപ് പറഞ്ഞതുപോലെ പൊക്കിളിൽ അമർത്തുക,അല്ലെങ്കിൽ ഒരു കസേരയോ ടേബിളിന്റെയോ സൈഡ് വയറിനോട് ചേർത്ത് വെച്ച് അമർത്തുക.തീർച്ചയായും ഇത് ഫലപ്രദമാണ് നിങ്ങൾ ശ്രെമിച്ചു നോക്കുക.


സർേധിക്കേണ്ട കാര്യം ഒരു കാരണവശാലും നിങ്ങൾ രോഗിയുടെ പുത്തൻ കൈ കൊണ്ട് അടിക്കാക്കരുത്,അത് തെറ്റാണു.അതുപോലെ വാരിയെല്ലിൽ അമർത്തരുത്,വാരിയെൽ പൊട്ടാനുള്ള സാധ്യത ഉണ്ട്.

Continue Reading

Current Affairs

ഈ 5 കാര്യങ്ങൾ ശ്രെദ്ധിച്ചാൽ കാൻസർ പോലുള്ള രോഗങ്ങൾ നിങ്ങൾക്ക് മറികടക്കാം

Published

on

നമ്മുടെ ജീവിത ശൈലി

നമ്മുടെ ഇപ്പോളുള്ള ജീവിത രീതികൾ കൊണ്ട് പലതരം മാറ്റങ്ങളാണ് നമ്മുടെ ചുറ്റുപാടും നടക്കുന്നത്. പ്രകൃതിയെ ദിനംപ്രതി ചൂഷണം ചെയ്തു ചെയ്തു ഇപ്പോൾ മനുഷ്യന് തടയാൻ പറ്റാത്ത വിധം ദുരന്തങ്ങൾ ഉണ്ടായികൊണ്ടേ ഇരിക്കുന്നു, പ്രളയം,വരൾച്ച,കാലാവസ്ഥ വ്യതിയാനങ്ങൾ,പകർച്ച വ്യാധികൾ …അങനെ നീളുന്നു ദുരന്തങ്ങൾ!

അടുക്കളയിലെ പ്രധാന വില്ലൻമാർ:

നിങ്ങളിൽ എത്ര പേർക്കറിയാം അടുക്കളയിൽ നമ്മൾ പാചകം ചെയ്യാൻ ഉപയോഗിക്കുന്ന വസ്തുക്കളിൽ നിന്ന് എന്തൊക്കെ മാരക രോഗങ്ങളാണ് പിടിപെടുന്നതെന്ന് ?എന്നാൽ ഇപ്പോൾ സർവസാധാരണയായി കണ്ടുവരുന്ന കുറച്ചു രോഗങ്ങളെ നമുക്ക് പരിചയപ്പെടാം.ഇവയൊക്കെ പൂർണമായും അടുക്കളയിൽ നിന്നാണ് ഉണ്ടാവുന്നതെന്നു പറയാൻ പറ്റില്ല. എങ്കിലും ഒരു പരിധിവരെ ശ്രെദ്ധിച്ചാൽ നിങ്ങൾക്ക് ദുഖിക്കേണ്ടി വരില്ല.

1 പിസിഒഡി, 2 തൈറോയിഡ്, 3 ലിവർ പ്രോബ്ലെംസ്, 4 ക്യാൻസർ, 5 ഹാർട്ട് പ്രോബ്ലെംസ്.  ഇനിയും എന്തൊക്കെ കാരണങ്ങൾ കൊണടാണ് ഈ രോഗലകൾ അടുക്കളയിൽ നിന്ന് നമുക്ക് പകരുന്നതെന്നു നോക്കാം

1 നോൺ സ്റ്റിക് കുക്ക് വെയർ

നമ്മുടെ എല്ലാവരുടെയും വീട്ടിൽ കുക്കിംഗ്നു ഉപയോഗിക്കുന്ന പത്രങ്ങളാണ് ഇവ.പലർക്കും അതിലൂടെ ആഹാരം വെച്ചുണ്ടാക്കി കഴിക്കുന്നതാണ് ഇഷ്ടം, കാരണം ടേസ്റ്റി ആണ്,വളരെ ലാഭം ആണ് എണ്ണ കുറച്ചുമതി,ഈസി,ടൈം വളരെ കുറച്ചു മതി…അങ്ങനെ നീളുന്നു.എന്നാൽ ഇതിൽ വെച്ച് പാചകം ചെയ്യുമ്പോൾ നമ്മുടെ ശരീരത്തു എത്തുന്നത് മാരക വിഷം ആണ്.ഇത്തരം പത്രങ്ങളിൽ അടങ്ങിയിരിക്കുന്ന പദാർത്ഥമാണ് PTFE( Poly Tetra Fluoro Ethylene) അതായതു ടെഫ്ലോൺ കോട്ടിങ്.ഇത് നമ്മുടെ തലച്ചോറിനെയും ലങ്സ് നെയും ബാധിക്കുന്ന വിഷപദാർത്ഥമാണ്.നമ്മൾ ഈ പത്രങ്ങൾ അമിതമായ തീയിൽ വെച്ച് ചൂടാക്കുമ്പോൾ അതിൽനിന്നു പുറത്തേക്കുവരുന്ന വാതകത്തിൽ കാഡ്‌മിയം,മെർക്കുറി എന്നിവ അടങ്ങിയിരിക്കുന്നു.ഈ വാതകങ്ങൾ നമ്മുടെ പല ശരീര അവയവങ്ങളുടെയും പ്രവർത്തനത്തെ സാരമായ ബാധിക്കും.അതുകൊണ്ട് ഇതിൽ സ്‌ഥിരമായി പാചകം ചെയ്യുന്നവർ ശ്രെദ്ധിക്കുക,രോഗങ്ങളെ നിങൾ വിളിച്ചുവരുത്തുകയാണ്.

2 അലൂമിനിയം പത്രങ്ങൾ

അലൂമിനിയം പത്രങ്ങൾ നമ്മുടെ എല്ലാവരുടെയും വീട്ടിൽ പാചകം ചെയ്യാൻ ഉപയോഗിക്കുന്നതാണ്.കാരണം ഇത് പെട്ടാണ് ചൂടാവും ആഹാരം വേഗം വെക്കാം,വളരെ വിലക്കുറവാണ്,പിന്നെ ഉപയോഗിക്കാനും സൗകര്യമാണ്.നിങ്ങൾ കേട്ടിട്ടുണ്ടാവും ബ്രിട്ടീഷ്കാർ ജയിൽ തേടവുകാർക്ക് ആഹാരം കൊടുത്തിരുന്നത് അലൂമിനിയം പത്രങ്ങളിൽ ആയിരുന്നു.കാരണം ഇത് ഒരു സ്ലോ പോയ്സൺ ആണ്.നിരന്തരം ഈ പത്രങ്ങൾ ആഹാരം പാചകം ചെയ്യാൻ ഉപയോഗിക്കുന്നത് മൂലം പതിയെ പതിയെ അലൂമിനിയം നമ്മുടെ  ആഹാരത്തിലേക്ക് വ്യാപിക്കുന്നു.നമുക്കറിയാം ചൂടക്കുന്തോറും അലുമിനിയത്തിന്റെ ഭാരം കുറയും. അത് ആഹാരത്തിലൂടെ നമ്മുടെ ശരീരത്തിൽ എത്തുന്നു.പിന്നീട് അത് നമ്മുടെ ലങ്സ്,കിഡ്നി ഒക്കെ ബാധിക്കും.അതുകൊണ്ട് നിങ്ങൾ ഇനി മുതൽ ഇങ്ങനെ ഉള്ള പത്രങ്ങൾ പൂർണമായും അടുക്കളയിൽനിന്നും മാറ്റുക.പകരം നല്ല സ്റ്റീൽ പത്രങ്ങൾ ഉപയോഗിക്കുക.

3 ഭക്ഷ്യവസ്തുക്കൾ പൊതിയാനുപയോഗിക്കുന്ന അലൂമിനിയം പേപ്പർ

നമ്മുടെ വീടുകളിലൊക്കെ ചൂടോടെ ഭക്ഷണസാധനങ്ങൾ ഇരിക്കാൻ വേണ്ടി പൊതിഞ്ഞു വെക്കുന്ന അലൂമിനിയം ഫോയിലും ഒരു വിഷവസ്തു തന്നെയാണ്.WHO യുടെ കണക്കുപ്രകാരം ശരാശരി ഒരു മനുഷ്യന്റെ ശരീരത്തിൽ 50 mg അലൂമിനിയം മതി,പക്ഷെ ദിനവും നമ്മൾ ഉപയോഗിക്കുന്ന അലൂമിനിയം പേപ്പറിലൂടെ 1-2 mg അലൂമിനിയം ആണ് നമ്മുടെ ശരീരത്തു എത്തുന്നത്.ഇങ്ങനെ അലുമിനിയത്തിന്റെ അളവ് നമ്മുടെ ശരീരത്തു കൂടിക്കഴിഞ്ഞാൽ നമ്മുടെ ബോഡിക്ക് സിങ്ക് നെ വലിച്ചെടുക്കാനുള്ള കഴിവ് കുറയും.സിങ്ക് നമ്മുടെ എല്ലുകളുടെ വളർച്ചക്കും ആരോഗ്യത്തിനും പിന്നെ ശരീരത്തിന്റെ ഉന്മേഷത്തിനും ഒക്കെ ആവശ്യമായ ഘടകം ആണ്.അലൂമിനിയം ഇതിന്റെ അളവ് നമ്മുടെ ശരീരത്തിൽ കുറക്കുന്നു,അതുകൊണ്ട് ഇങ്ങനെയുള്ള സാധനങ്ങൾ ഉപയോഗിക്കാതിരിക്കുക. അതിനുപകരം വാഴയിലയോ ബട്ടർ പേപ്പറോ ഉപയോഗിക്കുക.

4 പ്ലാസ്റ്റിക് പത്രങ്ങളും കുപ്പികളും

ഓരോദിവസവും നമ്മൾ എന്തൊക്കെ ആവശ്യങ്ങൾക്കാണ്‌ പ്ലാസ്റ്റിക് ബോട്ടിലുകളും പത്രങ്ങളും ഉപയോഗിക്കുന്നതെന്ന് നമുക്കുതന്നെ അറിയില്ല.വെള്ളം കുടിക്കാൻ ഉപയോഗിക്കുന്ന കുപ്പി മുതൽ അടുക്കളയിൽ മുളകുപൊടി,മഞ്ഞൾപൊടി,പിന്നെ ഫ്രിഡ്ജിൽ ആഹാരസാധനങ്ങൾ ചീത്തയാവാതെ എടുത്തു വെക്കാൻ അങ്ങനെ പല പല ആവശ്യങ്ങൾക്കാണ്‌ നമ്മൾ പ്ലാസ്റ്റിക് പത്രങ്ങൾ ഉപയോഗിക്കുന്നത്.എന്നാൽ ഈ പ്ലാസ്റ്റിക്കുകൾ ഉണ്ടാക്കിയിരിക്കുന്നത് BPA എന്ന് പറയപ്പെടുന്ന ബിസ്‌ഫിനോയിൽ എ കൂടാതെ BPS എന്നുപറയപ്പെടുന്ന ബിസ്‌ഫിനോയിൽ S എന്ന പദാർത്ഥം ഉപയോഗിച്ചാണ്.ചൂടോടെ ഉള്ള ആഹാരപദാർത്ഥങ്ങൾ പ്ലാസ്റ്റിക് പത്രങ്ങളിൽ അടച്ചു വെച്ച് സൂക്ഷിക്കുമ്പോൾ ആരും അറിയുന്നില്ല എന്തൊക്കെ ആരോഗ്യ പ്രശ്നങ്ങളാണ് നമുക്ക് ഉണ്ടാകാൻ പോകുന്നതെന്ന്.സ്ഥിരമായി പ്ലാസ്റ്റിക് പത്രങ്ങൾ ഉപയോഗിക്കുന്നത് വഴി നമ്മുടെ ഇമ്മ്യൂണിറ്റി പവർ കുറയുന്നു,ഹോർമോൺ ഇമ്പാലൻസ് ഉണ്ടാകുന്നു,ഒബീസിറ്റി ഉണ്ടാകാൻ സാധ്യത കൂടുന്നു.ഇതിനു കാരണം ചൂടുള്ള ആഹാരം പ്ലാസ്റ്റിക് പാത്രത്തിൽ വെച്ച് ഉപഗോഗിക്കുമ്പോൾ ഉണ്ടാകുന്ന ടോക്സിക് നമ്മുടെ ഇൻസുലിൻ സെസിറ്റിവിറ്റിയെ ബാധിക്കുന്നു,അതായതു നമ്മുടെ ബ്ലഡ്/ഷുഗർ കൗണ്ടിനെ ഇമ്പാലൻസ് ചെയ്യുന്നു. ഇതിന്റെ കൗണ്ട് കൂടാൻ കാരണമാകുന്നു, ഇത് നമ്മുടെ ശരീരത്തിൽ ബാഡ് ഫാറ്റ് ഉണ്ടാകാൻ കാരണമാകുന്നു.അതുകൊണ്ട് സ്ഥിരമായ പ്ലാസ്റ്റിക് പത്രങ്ങൾ ഉപയോഗിക്കുന്നവർ ശ്രെദ്ധിക്കുക,നിങ്ങൾക്ക് ഹാർട്ട് പ്രോബ്ലെംസും ഡയബറ്റിക് അസുഖങ്ങളും ഉണ്ടാകാൻ സാധ്യത കൂടുതലാണ്.നിങ്ങൾ പരമാവധി പ്ലാസ്റ്റിക് ഉപത്പന്നങ്ങളുടെ ഉപയോഗം കുറക്കുക,പകരം സ്റ്റീൽ/ഗ്ലാസ് പത്രങ്ങൾ ഉപയോഗിക്കുക.

5 ശുദ്ധീകരിച്ച എണ്ണ

പലർക്കും അറിയാവുന്നതാണ് നമ്മൾ എപ്പോളും സ്നാക്ക്സ് ഒക്കെ ഉണ്ടാക്കി ബാക്കി വരുന്ന എണ്ണ കളയാതെ മറ്റു ഉപയോഗങ്ങൾക്കു എടുക്കാറുണ്ട്.എന്നാൽ ഈ എണ്ണ ശുദ്ധീകരിക്കുമ്പോൾ നമ്മൾ പാകം ചെയ്യാനായി ചൂടാക്കുമ്പോൾ തന്നെ നല്ല മണം വരാറുണ്ട് ഇതിലൂടെ പുറത്തേക്ക് വരുന്നത് ഹെക്ക്സനോൾ ആസിഡാണ്.ഇത് എങനെ യാണ് നമ്മുക്ക് ആരോഗ്യ പ്രസങ്ങൾ ഉണ്ടാക്കുന്നതെന്ന് നോക്കാം.ആഹാരങ്ങൾ പാചകം ചെയ്യുന്ന സമയത്തു അമിത അളവിൽ എണ്ണ ചൂടാവരുണ്ട്,ഇങ്ങനെ അമിത അളവിൽ എണ്ണ ചൂടാവുമ്പോൾ അത് ഒഅമിതമായ ഓക്സിഡൈസ് ആയി ട്രാൻസ് ഫാറ്റ് ഉണ്ടാകുന്നു.ഇത് നമുക്ക് ഹാർട്ട് അറ്റാക്, ഹാർട്ട് പ്രോബ്ലെംസ്, കാൻസർ എന്നി രോഗങ്ങൾ സമ്മാനിക്കുന്നു.അതുകൊണ്ട് ഇങനെ ഉള്ള എണ്ണ ഉപയോഗിക്കുന്ന ശീലം ഇപ്പോൾ തന്നെ മാറ്റുക.പകരം കടുകെണ്ണ ഉപയോഗിച്ച് പാചകം ചെയ്യുക, ഇത് നമ്മുടെ ശരീരത്തിലെ കൊളസ്‌ട്രോളിന്റെ അളവിനെ കുറക്കാൻ സഹായിക്കുന്നു.ഇതിലെ ആന്റിഓക്സിഡന്റ്സ്, കുറഞ്ഞ അളവിലുള്ള സാച്വറേറ്റഡ് ഫാറ്റ് നമ്മുടെ ശരീരത്തിൽ ആവശ്യമാണ്.മുകളിൽ പറഞ്ഞിട്ടുള്ള പല കാര്യങ്ങളും നിങ്ങൾക്ക് അറിയാവുന്നതാരിക്കും, എങ്കിലും ചെറിയ കാര്യങ്ങൾ ആണെന്ന് കരുതി തള്ളിക്കളയരുത്.ആരോഗ്യകാര്യങ്ങൾ നമുക്ക് വളരെ പ്രധാനപെട്ടതാണ്.പരമാവധി നിങ്ങൾ നിങ്ങളെ ശ്രെദ്ധിക്കുക.നല്ല ആരോഗ്യമുള്ള പുതിയ തലമുറക്കുവേണ്ടി നമ്മൾ തന്നെയാണീ ആദ്യം മാറേണ്ടത്.

Continue Reading

Writeups

Malayalam Article3 days ago

പ്രതീക്ഷിക്കാതെ വന്ന പ്രസവവേദന; ഒടുവിൽ നടുറോഡിൽ വെച്ച് യുവതിക്ക് സംഭവിച്ചത്.. [Video]

ആയിരം ശിശുക്കൾ മരിച്ചാലും ഒരു പശു പോലും മരിക്കാൻ പാടില്ല എന്നതാണ്  ഇന്ത്യയുടെ ഇപ്പോഴത്തെ ഭരണം.  പ്രസവവേദനയെ തുടർന്ന് എത്തിയ യുവതിക്ക് തന്റെ കുഞ്ഞിനെ പ്രസവിക്കേണ്ടി  വന്നത്...

Malayalam Article3 days ago

പൂണൂല് അണിഞ്ഞ് മുസ്ലിം സഹോദരങ്ങൾ, കണ്ണീരണിഞ്ഞ് സാക്ഷിയായി ഒര് ഗ്രാമം

മുസ്ലീം സഹോദരങ്ങള്‍ “പൂണൂല്” അണിഞ്ഞു. മതത്തിന്റെ വേലിക്കെട്ടുകൾ വലിച്ചെറിഞ്ഞു രണ്ടു മുസ്ലിം സഹോദരന്മാർ പൂണൂലിഞ്ഞു ഹിന്ദു വിശ്വാസ പ്രകാരമുള്ള മന്ദ്രങ്ങള്‍ ചൊല്ലി. നാല് പതിറ്റാണ്ടുകളായി മുസ്ലീം സഹോദരങ്ങളുടെ...

Malayalam Article4 days ago

അച്ഛനും മകളും തമ്മിലുള്ള സ്‌നേഹം മറ്റുള്ളവര്‍ക്ക് മനസ്സിലാകില്ല; ബാല

കഴിഞ്ഞ ദിവസം മകള്‍ അവന്തികയ്ക്ക് ഒപ്പം ഓണം ആഘോഷിക്കുന്നതിന്റെ വീഡിയോ ബാല പുറത്തുവിട്ടിരുന്നു. ഇതുവരെ ആഘോഷിച്ചതില്‍ വച്ചേറ്റവും നല്ല ഓണമാണ് ഇത്തവണത്തേത് എന്ന തലക്കെട്ടോടെയാണ് മകള്‍ക്കൊപ്പമുള്ള വീഡിയോ...

Malayalam Article5 days ago

പി.വി സിന്ധുവിനെ വിവാഹം കഴിക്കണം, വിവാഹത്തിന് ആവശ്യമായ ക്രമീകരണങ്ങള്‍ ചെയ്തില്ലെങ്കില്‍ സിന്ധുവിനെ തട്ടിക്കൊണ്ടുപോയി വിവാഹം കഴിക്കും

പി.വി സിന്ധുവിനെ വിവാഹം കഴിക്കണം, ഇല്ലെങ്കില്‍ തട്ടിക്കൊണ്ടു പോകും. ബാഡ്മിന്റണ്‍ താരം പി.വി സിന്ധുവിനെ വിവാഹം കഴിക്കണമെന്ന ആവശ്യവുമായി 70കാരന്‍ രംഗത്തെത്തി. ലോക ബാഡ്മിന്റണ്‍ ചാമ്ബ്യന്‍ പി.വി...

Malayalam Article5 days ago

74ആം വയസിൽ ഇരട്ടകുട്ടികൾക് ജന്മം നൽകിയ മാതാവ് സ്ട്രോക്ക് വന്നു ആശുപത്രിയിൽ..

സെപ്റ്റംബര്‍ അഞ്ചിനു ആന്ധ്ര സ്വദേശികളായ രാജറാവു-മങ്കയമ്മ  ദമ്ബതികള്‍ക്ക് ആണ് ഐ വി എഫ് ചികിത്സയിലൂടെ ഇരട്ട പെണ്‍കുട്ടികള്‍ ജനിച്ചത്. ഇവരുടെ ജനനത്തോടെ ലോകത്തിലെ ഏറ്റവും പ്രായം കൂടിയ...

Tiger Attack Pet Dog Tiger Attack Pet Dog
Malayalam Article5 days ago

പുലി വീട്ടിൽ നിന്നും വളർത്തുനായയെ കടിച്ചെടുത്തുകൊണ്ട് ഓടുന്നു. വീഡിയോ കാണാം.

പുള്ളിപുലി വീട്ടിൽ കെട്ടിയിട്ടിരുന്ന വളർത്തുനായയെ പിടിച്ചുകൊണ്ട് കടന്നു കളഞ്ഞു. ഷിവമോഗയിലുള്ള തീർത്ഥഹള്ളി ഗ്രാമത്തിൽ ആണ് സംഭവം ഉണ്ടായത്. വെള്ളിയാഴ്ച രാത്രിയോടെയാണ് പുലി നായയെ പിടികൂടിയത്. മതിൽ ചാടിക്കടന്നു...

Jijo's Robbery Style Jijo's Robbery Style
Malayalam Article5 days ago

അയൽവീടുകളിലെ ചെരുപ്പുകൾ മാറ്റിയിടുന്ന കള്ളൻ; തകർന്നത് നിരവധി ബന്ധങ്ങൾ!

ഒരുപാട് ഹോബികൾ ഉള്ള കള്ളന്മാരെപ്പറ്റി നമ്മൾ ദാരാളം കേട്ടിട്ടുണ്ട്. മോഷണം നടത്തിയ വീട്ടിൽ നിന്നും ഭക്ഷണം കഴിക്കുക, മോഷണം നടത്തിയത്തിനു ശേഷം കുളിക്കുക തുടങ്ങി നിരവധി ഹോബികൾ...

Malayalam Article5 days ago

പതിനാറാം വയസില്‍ സെസ്‌ന 172 എന്ന ചെറുവിമാനവും പറത്തി റെക്കോര്‍ഡിട്ടു കഴിഞ്ഞു ഈ മലയാളി പെൺകുട്ടി നിലോഫര്‍.

പതിനാറാം വയസില്‍ പൈലറ്റ് ലൈസന്‍സ് സ്വന്തമാക്കി നാടിന് അഭിമാനം, വിമാനം പറത്തുന്ന ഏറ്റവും പ്രായം കുറഞ്ഞ മലയാളിയെന്ന റെക്കോര്‍ഡും സ്വന്തം. ഡന്റ് പൈലറ്റ് ലൈസന്‍സ് സ്വന്തമാക്കുന്ന ഏറ്റവും...

Thief Trapped by Phone Call Thief Trapped by Phone Call
Malayalam Article5 days ago

നിങ്ങളുടെ കട തുറന്നു കിടക്കുകയാണ് എന്ന് മോഷണശേഷം ഉടമയെ വിളിച്ചു പറഞ്ഞു കള്ളൻ മാതൃകയായി!

മോഷണശേഷം ഉടമയെ വിളിച്ചു കട അടയ്ക്കാൻ നിർദേശിച്ച കള്ളൻ കെണിയിലായി. മലപ്പുറത്തിന് സംഭവം അരങ്ങേറിയത്. കഴിഞ്ഞ ദിവസം അർദ്ധ രാത്രിയിൽ മോഷണം നടത്താനായി കള്ളൻ ബസ് സ്റ്റോപ്പിന്റെ...

Man Eating Glass Pieces Man Eating Glass Pieces
Malayalam Article1 week ago

രുചിയോടെ കടിച്ചു മുറിച്ചു കഴിക്കുന്നത് സ്വാദിഷ്ടമായ വിഭവം അല്ല. നല്ല മൂർച്ചയേറിയ ചില്ലു കഷ്ണങ്ങൾ! വീഡിയോ കാണാം..

മധ്യപ്രദേശിലെ ദിണ്ടോരി സ്വദേശിയായ അഭിഭാഷകൻ ദയറാം സാഹുവാണ് ആരെയും അത്ഭുതപ്പെടുത്തുന്ന ആഹാര രീതി നടത്തി വരുന്നത്. മൂർച്ചയേറിയ ചില്ലുകഷ്ണങ്ങൾ ചവച്ചരച്ചു കഴിക്കുന്നതാണ് സാഹുവിന്റെ രീതി. താൻ ഇത്...

Trending

Don`t copy text!