നടി മലൈക അറോറയുമായുള്ള ബന്ധത്തെക്കുറിച്ച് മനസുതുക്കുന്നതിന് ഇടയില് ഇന്ത്യക്കാരുടെ സദാചാര ബോധത്തിന് എതിരെ പരിഹാസമെറിഞ്ഞ് നടന് അര്ജ്ജുന് കപൂര്. കാമുകി മലൈകയ്ക്ക് അര്ജുനേക്കാള് പന്ത്രണ്ട് വയസ്സ് പ്രായക്കൂടുതലുണ്ട്. അതിന്റെ പേരില് നിരവധി പരിഹാസങ്ങളാണ് സോഷ്യല്മീഡിയയില് ഇവര്ക്ക് ഏറ്റുവാങ്ങേണ്ടി വരുന്നത്. ഈ സാഹചര്യത്തിനിടെയാണ് അഭിമുഖത്തില് താനും കാമുകിയും നേരിടുന്ന മാനസിക സമ്മര്ദ്ദത്തെക്കുറിച്ചും പരിഹസിക്കുന്നവര്ക്കുള്ള മറുപടിയും താരം നല്കിയത്.
അര്ജ്ജുന് കപൂറിന്റെ വാക്കുകള്
‘ഇന്ത്യയില്, ആളുകള്ക്ക് പരദൂഷണം പറയാന് ഇഷ്ടമാണ്. അവരെപ്പോള് വിവാഹം കഴിക്കും, അവരെ ഒരുമിച്ച് കാണാന് രസമില്ലല്ലോ, ഓ ഇത് എത്രകാലം പോകുമെന്ന് കണ്ടറിയാം, അവള് അവനില് എന്ത് ഗുണമാണ് കണ്ടത്? തുടങ്ങിയ കാര്യങ്ങളൊക്കെ ചര്ച്ച ചെയ്യും. കരിയര് നശിക്കുമെന്നൊക്കെ ഉപദേശിക്കും. ഈ കാഴ്ചപ്പാടുകള് മാറാന് സമയമെടുക്കും’ – അര്ജുന് പറഞ്ഞു.
നടന് അര്ബാസ് ഖാനുമായുള്ള വിവാഹമോചനത്തിന് ശേഷമാണ് മലൈക അര്ജുനുമായി പ്രണയത്തിലാകുന്നത്.