ജോസഫിലൂടെ ജനശ്രദ്ധ പിടിച്ച് പറ്റിയ താരമാണ് ആത്മീയ രാജൻ, നിരവധി ആരാധകരാണ് ആത്മീയ രാജന് ഉള്ളത്, ഒരൊറ്റ സിനിമയിൽ കൂടി തന്നെ ജന ഹൃദയം കീഴടക്കുവാൻ കഴിഞ്ഞത് ആത്മീയയുടെ അഭിനയമുഹൂർത്തം കൊണ്ട് മാത്രമാണ്, തമിഴിലും മലയാളത്തിലുമായി ആത്മീയ നിരവധി ചിത്രങ്ങൾ ചെയ്തു, നടി എന്നതിലുപരി നഴ്സിംഗ് ബിരുദ ധാരി കൂടിയാണ് ആത്മീയ. ഇപ്പോൾ കണ്ണൂരില് ജില്ലാ ഭരണകൂടത്തിനു കീഴിലുള്ള കോൾ സെന്ററിൽ കോവിഡ് വോളന്റിയർ ആയി പ്രവർത്തിക്കുകയാണ് താരം,
വെള്ളിയാഴ്ച രാവിലെ 10 മണിയോടു കോള് സെന്ററില് എത്തിയ താരം ആവശ്യക്കാരുടെ കോളുകള് സ്വീകരിക്കുകയും തുടര്ന്ന് വീടുകളില് സാധനങ്ങള് എത്തിച്ചു നല്കുകയും ചെയ്തു. തന്റെ സഹപാഠികളൊക്കെ വിവിധ ആശുപത്രികളിലും സന്നദ്ധസേവന മേഖലയിലും സജീവമായപ്പോള് തനിക്കും തന്റെ കടമ നിറവേറ്റണമെന്ന ആഗ്രഹത്തെത്തുടര്ന്നാണ് കോള് സെന്ററിലെത്തിയതെന്നും ലോക്ഡൗണ് സമയത്ത് കള്സെന്ററിന്റെ പ്രവര്ത്തനം പൊതുജനങ്ങള്ക്ക് ഏറെ ഉപകാരപ്രദമാണെന്നും ആത്മീയ പറഞ്ഞു.