നൃത്ത പരിപാടികള്‍ മുതല്‍ വധുവിന്റെ പ്രവേശനം വരെയുള്ള വിവാഹ വീഡിയോകള്‍ സോഷ്യല്‍ മീഡിയയില്‍ വൈറാലാകാറുണ്ട്. ഇന്ത്യന്‍ വിവാഹങ്ങള്‍ വിനോദവും പ്രണയവും നിറങ്ങളും സംഗീതവും പാരമ്പര്യങ്ങളും ചിരിയും നിറഞ്ഞതാണ്. അത്തരത്തിലുള്ള ഒരു വീഡിയോയാണ് സോഷ്യല്‍ മീഡിയയില്‍ വൈറലാകുന്നത്. വിവാഹ ഉടമ്പടിയില്‍ ഒപ്പുവയ്ക്കുന്ന വധൂവരന്മാരുടെ ഒരു വീഡിയോയാണ് ശ്രദ്ധ നേടുകയാണ്. അസമിലെ ഗുവാഹത്തി സ്വദേശികളായ ഈ വധൂവരന്മാര്‍ ഉടമ്പടിയില്‍ എട്ടു നിബന്ധനകള്‍ കൂട്ടിച്ചേര്‍ത്തു. ആ നിബന്ധനകള്‍ സോഷ്യല്‍ മീഡിയയില്‍ ചിരി പടര്‍ത്തുകയാണ്.
‘wedlock_photography_assam’ എന്ന പേജാണ് വീഡിയോ അപ്ലോഡ് ചെയ്തത്, ഇതിന് 1.8 ദശലക്ഷത്തിലധികം ലൈക്കുകള്‍ ലഭിച്ചു. വിവാഹശേഷം വരന്‍ പാലിക്കേണ്ട വാഗ്ദാനങ്ങള്‍ ഉള്‍പ്പെടുന്ന ഒരു കൂറ്റന്‍ ഷീറ്റില്‍ അച്ചടിച്ച ഒരു പ്രത്യേക കരാര്‍ ഒപ്പിടാന്‍ അവള്‍ വരനോട് ആവശ്യപ്പെടുന്നു.
വധുവിനെ സന്തോഷിപ്പിക്കാന്‍ വരന്‍ പാലിക്കേണ്ട ചില വ്യവസ്ഥകളുടെ ഒരു പട്ടികയാണ് കരാര്‍. മാസത്തില്‍ ഒരു പിസ മാത്രമേ അവര്‍ക്ക് ലഭിക്കൂ എന്നതാണ് ആദ്യത്തെ വ്യവസ്ഥ. വീട്ടിലെ ഭക്ഷണം എപ്പോഴും അതെ, രാത്രി വൈകിയുള്ള പാര്‍ട്ടികള്‍ അനുവദനീയമാണെങ്കിലും വധുവിനൊപ്പം മാത്രമേ അനുവദിക്കൂ എന്നതാണ് അടുത്ത വ്യവസ്ഥ.
ചടങ്ങുകള്‍ പൂര്‍ത്തിയാക്കിയ ശേഷം, വധു വരനോട് ഈ പ്രത്യേക കരാറില്‍ ഒപ്പുവച്ചു. 15 ദിവസം കൂടുമ്പോള്‍ വധുവിനെ ഷോപ്പിംഗിന് കൊണ്ടുപോകുകയും പാര്‍ട്ടികളില്‍ അവളുടെ നല്ല ചിത്രങ്ങള്‍ എടുക്കുകയും ചെയ്യുമെന്നായിരുന്നു മറ്റ് വാഗ്ദാനങ്ങള്‍. ഞായറാഴ്ചകളില്‍ വരന്‍ പ്രഭാതഭക്ഷണം ഉണ്ടാക്കണമെന്ന് കരാറിലെ മറ്റൊരു വ്യവസ്ഥ.
രസകരമായ വിവാഹ ഉടമ്പടി കണ്ട് രസിച്ച നെറ്റിസണ്‍മാരില്‍ നിന്ന് വീഡിയോയ്ക്ക് വലിയ കമന്റുകളാണ് ലഭിച്ചത്. മികച്ച കരാര്‍ ആണെന്നും നടപ്പാക്കാന്‍ സാധിക്കട്ടേ എന്നും കമന്റുകളുണ്ട്.
