മനുഷ്യ ജീവനേക്കാൾ വലുതല്ല താരത്തിനോടുള്ള ആരാധന !! രജിത് ഫാൻസിനെതിരെ കേസെടുത്തു

രാജ്യം മുഴുവൻ കൊറോണ ഭീതിയിലാണ്. പാരമാവധി ആളുകൾക്ക് രോഗം പകരാതെ നോക്കുകയാണ് നമ്മുടെ സർക്കാരും ആരോഗ്യ വകുപ്പും, പരമാവധി ജാഗ്രത നിർദ്ദേശം എല്ലാവര്ക്കും കൊടുത്തിട്ടുമുണ്ട്. അതിനിടെ ആണ് കഴിഞ്ഞ ദിവസം കൊച്ചി ഇന്റർനാഷണൽ എയർപോർട്ടിൽ രെജിത്തിനെ സ്വീകരിക്കാൻ കഴിഞ്ഞ ദിവസം ജനങ്ങൾ തടിച്ച് കൂടിയത്.

കഴിഞ്ഞ ദിവസം ബിഗ്‌ബോസിൽ നിന്നും പുറത്താക്കുകയായിരുന്നു രജിത്തിനെ . ബിഗ്‌ബോസിൽ നിന്നും പുറത്തായ  രെജിത്തിനെ സ്വീകരിക്കുവാൻ വേണ്ടി കനത്ത ജന പ്രവാഹം ആയിരുന്നു.സംഭവത്തില്‍ പേരറിയാവുന്ന നാല് പേര്‍ക്കെതിരെയും കണ്ടാലറിയാവുന്ന 75 പേര്‍ക്കെതിരെയും നിയമലംഘനത്തിന് കേസ് എടുത്തതായി എറണാകുളം ജില്ലാ കളക്ടര്‍ അറിയിച്ചു.

കളക്ടറുടെ ഫേസ്‍ബുക് പോസ്റ്റ് ഇങ്ങനെ 

കേസ് എടുത്തു !
കോവിഡ് 19 പശ്ചാത്തലത്തിൽ ലോകം മുഴുവൻ ജാഗ്രതയിൽ നിൽകുമ്പോൾ ഒരു TV ഷോയിലെ മത്സരാർഥിയും ഫാൻസ്‌ അസോസിയേഷനും ചേർന്ന് കൊച്ചി എയർപോർട്ട് പരിസരത്തു ഇന്നലെ രാത്രി നടത്തിയ പ്രകടനങ്ങൾ അക്ഷരാർഥത്തിൽ ഓരോ മലയാളിയെയും നാണിപ്പിക്കുന്നതാണ്. ജാഗ്രതയുടെ ഭാഗമായി മത-രാഷ്ട്രീയ- സാമുദായിക സംഘടനങ്ങൾ പോലും എല്ലാ വിധ സംഘം ചേർന്ന പ്രവർത്തനങ്ങളും ഉപേക്ഷിച്ചു ജനങളുടെ സുരക്ഷക്കായി നിലകൊള്ളുമ്പോൾ ഇങ്ങനെയുള്ള നിയമലംഘനങ്ങൾക്കു മുൻപിൽ കണ്ണടക്കാൻ നിയമപാലകർക്കു കഴിയില്ല. പേരറിയാവുന്ന 4 പേരും , കണ്ടാലറിയാവുന്ന മറ്റു 75 പേർക്കെതിരെയും നിയമലംഘനത്തിന് കേസ് എടുത്തു .
മനുഷ്യ ജീവനെക്കാളും വില താരാരാധനക്കു കല്പിക്കുന്ന സ്വഭാവം മലയാളിക്കില്ല , ഇങ്ങനെ ചില ആളുകൾ നടത്തുന്ന കാര്യങ്ങൾ കേരള സമൂഹത്തിനു തന്നെ ലോകത്തിന്റെ മുൻപിൽ അവമതിപ്പുണ്ടാക്കാൻ കാരണമാകും.