മലയാളത്തിലെ മുന്നിര നായകന്മാരില് ഒരുപാട് ആരാധകരുള്ള നടനാണ് ഉണ്ണി മുകുന്ദന്. താരത്തിന്റെ സിനിമാ ജീവിതത്തിലെ തന്നെ മികച്ച ഒരു ചിത്രമായി പ്രേക്ഷകര് മേപ്പടിയാനെ വിലയിരുത്തുകയാണ്. ചിത്രത്തില് നായകനായി തിളങ്ങിയ ഉണ്ണി തന്നെയാണ് ചിത്രത്തിന്റെ നിര്മ്മാണവും ചെയ്തിരിക്കുന്നത്. സ്വന്തം നിര്മ്മാണത്തില് ഉണ്ണി മുകുന്ദന് ഒരുക്കുന്ന ആദ്യ ചിത്രം കൂടിയാണ് മേപ്പടിയാന്. ചിത്രത്തിന് മികച്ച പ്രതികരണം തന്നെയാണ് ലഭിച്ചുകൊണ്ടിരിക്കുന്നത്. അതേസമയം ഉണ്ണിയെ അധിക്ഷേപിച്ചും രംഗത്ത് വരുന്നവരും വിരളമല്ല.
ഇപ്പോഴിതാ കഴിഞ്ഞ ദിവസം റിലീസ് ചെയ്ത ഉണ്ണി മുകുന്ദന്റെ മേപ്പടിയാന് എന്ന ചിത്രത്തെ പ്രശംസിച്ച് നാദിര്ഷ പങ്കുവച്ച പോസ്റ്റിന് താഴെ വന്ന ഒരു അധിക്ഷേപ കമന്റും അതിന് നാദിര്ഷ നല്കിയ മറുപടിയുമാണ് വൈറലായി മാറിയിരിക്കുന്നത്.
നാദിര്ഷ പങ്കുവച്ച പോസ്റ്റിന് താഴെയാണ് നടനെ അധിക്ഷേപിച്ചു കൊണ്ട് കമന്റ് എത്തിയത്. ആ കമന്റിലെ വാക്കുകള് ഇങ്ങനെയായിരുന്നു…. ഞാനും നിങ്ങളും അടങ്ങുന്ന ഒരു വിഭാഗം ഇന്ത്യയില് ജീവിക്കേണ്ട എന്ന അജണ്ട നടപ്പാക്കാന് ഇറങ്ങിപ്പുറപ്പെട്ട ഇന്ന് ഭരണം കയ്യാളുന്ന ആര്എസ്എസ് എന്ന ഭീകര സംഘടനയുടെ പക്ഷം പിടിച്ചു ജീവിക്കുന്ന ഉണ്ണി മുകുന്ദന് എന്ന ആര്എസ്എസുകാരന്റെ പടം കാണാനും കൊട്ടിഘോഷിക്കാനും നിങ്ങള്ക്കാവും കാരണം അബ്ദുള്ളക്കുട്ടിയും അലി അക്ബറെന്ന രോമ സിംഹനും ഇവിടെ കണ്മുന്നില് ഉള്ളതാണല്ലോ.. ഞാനും എന്നെപ്പോലെ ചിന്തിക്കുന്നവരും കാണില്ല കലയില് വര്ഗീയതയുണ്ട് അല്ലെങ്കില് ഇവര് ആര്എസ്എസ് എന്ന ഭീകര സംഘടനയോടു സ്നേഹം കാണിക്കില്ല.
ഇന്ത്യയില് ജനിച്ചു വളര്ന്ന എനിക്കും എന്നെപ്പോലുള്ളവര്ക്കും ഇയാളെപ്പോലുള്ള ഭീകരരോട് വെറുപ്പ് തന്നെയാണ് മിസ്റ്റര്..കുട്ടിക്കാലം മുതല് അനുകരിച്ചിരുന്ന ഇഷ്ടപ്പെട്ടിരുന്ന സുരേഷ് ഗോപിയെ വെറുത്തു.. പിന്നെയാണോ ഇയാളും ഇവര്ക്ക് റാന് മൂളുന്ന നിങ്ങളും.. മിന്നല് മുരളിയുടെ സെറ്റും ഈശോ എന്ന പേരും.. ഒക്കെ ഒന്ന് ഓര്ക്കുന്നതും നല്ലതാണ്.. ഈ കമന്റിന് നാദിര്ഷയുടെ മറുപടി ഇങ്ങനെയായിരുന്നു… ലോകത്തു ഒരു യഥാര്ത്ഥ കലാകാരനും വര്ഗീയമായി ചിന്തിക്കില്ല സഹോദരാ, ഉണ്ണിയെ എനിക്കറിയാം.. ”മേപ്പടിയാന്’ കണ്ടു. കുടുംബം എന്താണെന്നും, ജീവിതം എന്താണെന്നും, പ്രാരാബ്ധം എന്താണെന്നും അറിയാവുന്നവന് ഈ സിനിമ ഇഷ്ടപ്പെടാതെ പോകില്ല. ജീവിതത്തില് ഇതൊന്നും ബാധിക്കാത്തവന്റെ അഭിപ്രായം എങ്ങനെയായിരിക്കും എന്നെനിക്കറിയില്ല. അഭിപ്രായ വ്യത്യാസമുള്ളവര് ക്ഷമിക്കണം” എന്നായിരുന്നു നാദിര്ഷയുടെ കുറിപ്പ് ഇതിലാണ് മറ്റൊരു വ്യക്തി വന്ന് ഉണ്ണി മുകുന്ദനെ അധിക്ഷേപിച്ച് കമന്റിട്ടത്.