ബോളിവുഡ് അസൂയയോടെ നോക്കി കാണുന്ന താരദമ്പതികളാണ് രണ്വീര് സിംഗും ദീപിക പദുകോണും. ഇരുവരുടെയും പരസ്പര ബഹുമാനവും സ്നേഹവും എപ്പോഴും പ്രശംസിക്കപ്പെടാറുണ്ട്. ഇപ്പോഴിതാ രണ്വീറിന്റെ പുതിയ സിനിമയില് തനിക്ക് തന്നെ നായിക ആവണം എന്ന് ദീപിക പറഞ്ഞിരിക്കുകയാണ് എന്ന തരത്തിലാണ് വാര്ത്തകള് പുറത്ത് വരുന്നത്. ദീപകയുടെ കരിയര് തന്നെ മാറ്റിമറിച്ച് കൊടുത്ത സംവിധായകന് സഞ്ജയ് ലീല ബന്സാലിയുടെ ചിത്രത്തിലാണ് രണ്വീര് നായകനായി എത്തുന്നത്.
സിനിമയില് സഞ്ജയ് ലീല ബന്സാലിയോടൊപ്പം വീണ്ടും പ്രവര്ത്തിക്കാനുള്ള തന്റെ ആഗ്രഹം അറിയിച്ചിരിക്കുകയാണ് ദീപിക. സഞ്ജയുടെ ചിത്രത്തില് നായികയാക്കണം എന്നാണ് ദീപിക ആവശ്യപ്പെടുന്നത്. എന്നാല് സംവിധായകന് ഇതില് താല്പര്യമില്ലെന്ന തരത്തിലാണ് വാര്ത്തകള് പുറത്ത് വരുന്നത്. ഇന്ത്യന് സിനിമയിലെ തന്നെ ഏറ്റവും തിരക്കേറിയ നായികമാരില് ഒരാളാണ് ദീപിക. എന്നാല് ബന്സാലി രണ്വീറിന്റെ നായികയായി മനസില് കണ്ടിരിക്കുന്നത് ആലിയ ഭട്ടിനെയാണ്. ആലിയയെ നായികയാക്കി ഗംഗുഭായ് കത്തിയവാഡി എന്ന ചിത്രം ചെയ്ത് കഴിഞ്ഞിരിക്കുകയാണ് ബന്സാലി. അടുത്ത ചിത്രത്തിലും ബന്സാലി നായികയായി മനസില് കാണുന്നത് ആലിയയെയാണ്.
ദീപിക ഗംഗുബായ് ചെയ്യാനും ആഗ്രഹം പ്രകടിപ്പിച്ചിരുന്നു. പക്ഷെ ആലിയ മതിയെന്ന നിര്ബന്ധത്തിലായിരുന്നു ബന്സാലി. ഇപ്പോള് ദീപിക നോക്കുന്നത് ബൈജു ബാവ്രയാണ്. ഒറിജിനലില് മീന കുമാരി ചെയ്ത വേഷം തനിക്ക് മാത്രമാണ് ചെയ്യാനാവുക എന്നാണ് ദീപിക പറയുന്നത്” എന്നായിരുന്നു ചിത്രവുമായി അടുത്ത വൃത്തങ്ങളില് നിന്നുമുള്ളൊരാള് പറഞ്ഞത്. ഇതില് സംവിധായകന്റെ അവസാന തീരുമാനം എന്തായിരിക്കുമെന്ന് കാത്തിരിക്കുകയാണ് ബോളിവുഡ് സിനിമാ ലോകം.