ഏറ്റവും ജനപ്രീതിയുള്ള ഇന്ത്യൻ താരങ്ങളുടെ പട്ടിക പുറത്ത് വിട്ടി ഐഎംഡിബി(ഇന്റർനെറ്റ് മൂവി ഡാറ്റാബേസ്) തമിഴ് നടൻ ധനുഷാണ് 2022ലെ ഏറ്റവും ജനപ്രിയ ഇന്ത്യൻ താരമായി ഐഎംഡിബി തെരഞ്ഞെടുത്തത്. ഈ വർഷം റുസ്സോ ബ്രദേഴ്‌സിന്റെ ഹോളിവുഡ് ചിത്രമായ ദ ഗ്രേ മാനിൽ താരം അഭിനയിച്ചിരിന്നു.
പട്ടികയിൽ രണ്ടാം സ്ഥാനത്ത് എത്തിയിരിക്കുന്നത് ബോളിവുഡ് താരം ആലിയ ഭട്ടാണ്. ഐശ്വര്യ റായ്‌യാണ് ഐഎംഡിബിയുടെ പട്ടികയിൽ മൂന്നാം സ്ഥാനത്ത് എത്തിയത് രാം ചരണാണ് പട്ടികയിൽ നാലാം സ്ഥാനത്ത്. മാരൻ, തിരുച്ചിത്രമ്പലം, നാനേ വരുവേൻ എന്നി സിനിമകളാണ് ധനുഷിന്റേതായി ഈ വർഷം പുറത്തിറങ്ങിയത്. വെങ്കി അറ്റ്‌ലൂരി സംവിധാനം ചെയ്യുന്ന വാത്തിയാണ് ധനുഷിന്‌റെ റിലീസിനൊരുങ്ങുന്ന പുതിയ സിനിമ.
മലയാളികളുടെ പ്രിയ താരമായ സംയുക്ത മേനോനാണ് ചിത്രത്തിലെ നായിക.സംവിധായകൻ വെങ്കി അറ്റ്‌ലൂരി തന്നെയാണ് ചിത്രത്തിന്റെ തിരക്കഥ എഴുതിയിരിക്കുന്നത്. ഫെബ്രുവരി 17ന് റിലീസ് ചെയ്യുന്ന ചിത്രത്തിന്റെ രണ്ടാമത്തെ ഗാനത്തിന്റെ റെക്കോർഡിംഗ് നടക്കുകയാണ്. ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത് ജി വി പ്രകാശ് കുമാറാണ്.സായ് സൗജന്യയും ഗവംശി എസും ചേർന്നാണ് സിനിമ നിർമിക്കുന്നത്.