ബിഗ് ബോസ് മലയാളം സീസണ്‍ ഫോറിലൂടെ പ്രേക്ഷക ലക്ഷങ്ങളുടെ ഇഷ്ടതാരമായി മാറിയ വ്യക്തിയാണ് ഡോക്ടര്‍ റോബിന്‍ രാധാകൃഷ്ണന്‍. ഇതിനോടകം തന്നെ സിനിമാ അഭിനയത്തിലും തുടക്കം കുറിയ്ക്കാന്‍ ഒരുങ്ങുന്ന താരത്തിന്റെ ഏറ്റവും പുതിയ ഫോട്ടോഷൂട്ട് ചിത്രങ്ങളാണ് ഇപ്പോള്‍ ശ്രദ്ധ നേടുന്നത്. ഇത്തവണയും കട്ട കലിപ്പ് ലുക്കിലാണ് റോബിന്‍ എത്തിയിരിക്കുന്നത്. കറുപ്പ് വസ്ത്രമാണ് താരം അണിഞ്ഞിരിക്കുന്നത്. ക്യാമിയോ ഫാഷന്‍ ഫോട്ടോഗ്രാഫിയാണ് താരത്തിന്റെ ഫോട്ടോകള്‍ എടുത്ത് നല്‍കിയിരിക്കുന്നത്.
റോബിന്റെ ഫോട്ടോഷൂട്ട് ചിത്രങ്ങള്‍ ആരാധകര്‍ ഏറ്റെടുത്ത് കഴിഞ്ഞു. പ്രിയപ്പെട്ട ഡോക്ടറേ കലിപ്പ് ലുക്ക് മാറ്റി ഒന്ന് ചിരിക്കുന്ന മുഖത്തോടെ ഒരു ഫോട്ടോഷൂട്ട് പങ്കുവെയ്ക്കൂ എന്നാണ് ആരാധകര്‍ കമന്റുകളായി കുറിയ്ക്കുന്നത്. ഏറെയും മാസ് ആറ്റിറ്റിയൂട് ഇട്ടുള്ള ഫോട്ടോകളാണ് ഡോക്ടര്‍ പങ്കുവെയ്ക്കാറുള്ളത്. അതേസമയം, ഏത് പ്രതിസന്ധി സാഹചര്യത്തിലും ഡോക്ടറിന് കട്ട സപ്പോര്‍ട്ടുമായി ഞങ്ങള്‍ കൂടെയുണ്ട് എന്നാണ് ഭൂരിഭാഗം കമന്റുകളും ഇപ്പോള്‍ ഫോട്ടോയ്ക്ക് വരുന്നത്.
കഴിഞ്ഞ ദിവസം ദില്‍ഷ തന്റെ സോഷ്യല്‍ മീഡിയ പോസ്റ്റില്‍ പങ്കുവെച്ച കാര്യങ്ങളാണ് ഇതിന് ആധാരം. ബ്ലെസ്സ്‌ലിയുടേയും റോബിന്റേയും നടുവിലിട്ട് തന്നെ ഒരു പാവയെ പോലെ പലരും തട്ടിക്കളിക്കുക ആണെന്നും.. ഒരുപാട് കുറ്റപ്പെടുത്തലുകള്‍ ഇത് കാരണം കേട്ടു എന്നും വളരെ വിഷമത്തോടെയാണ് ദില്‍ഷ വീഡിയോ പങ്കുവെച്ച് പറഞ്ഞത്.
ഇനി തനിക്ക് ഡോക്ടറുമായോ ബ്ലെസ്സ്‌ലിയുമായോ ഒരു ബന്ധവും ഉണ്ടാവില്ലെന്നും താരം പറഞ്ഞിരുന്നു. ദില്‍ഷയുടെ തീരുമാനം അംഗീകരിച്ച് ഡോക്ടറും ഒരു കുറിപ്പ് പങ്കുവെച്ചിരുന്നു. ദില്‍ഷയ്ക്ക് നല്ലത് മാത്രം വരട്ടെ.. സന്തോഷമായിരിക്കൂ എല്ലാത്തിനും നന്ദി എന്നുമാണ് ഡോക്ടര്‍ റോബിന്‍ തന്റെ സോഷ്യല്‍ മീഡിയ പോസ്റ്റില്‍ കുറിച്ചിരുന്നത്.