Malayalam Article

യാത്രകളെ പ്രണയിക്കുന്നവർക്ക് വേണ്ടി !! ഡ്രീം വാക്കറിന്റെ രാമക്കൽ മേട്ടിലേക്കുള്ള ഒരടിപൊളി വീഡിയോ കാണാം

യാത്രയെ പ്രണയിക്കാത്തവർ ചുരുക്കമാണ്, വ്യത്യസ്ത സ്ഥലങ്ങൾ കണ്ടെത്തി അവിടേക്ക് യാത്ര പോകാൻ ആഗ്രഹിക്കുന്നവർ ആണ് നമ്മളെല്ലാവരും,  ഇത്തരം യാത്രകളുടെ വിവരണവും വീഡിയോയും ഒക്കെ സമൂഹ മാധ്യമങ്ങളിൽ പ്രത്യക്ഷപെടാറുമുണ്ട്. വ്യത്യസ്ത സ്ഥലങ്ങളെ പറ്റി അറിയുവാനും അവിടേക്ക് പോകുവാനും നമുക്ക് ഏറെ ആകാംഷയാണ്. യാത്രയെ പ്രണയിക്കുന്നവർക്ക് വേണ്ടി വളരെ വ്യത്യസ്തമായ അനുഭവങ്ങളുമായി ഡ്രീം വാക്കർ എത്താറുണ്ട്, ആസ്വാദകരെ പെട്ടെന്ന് ആകർഷിക്കുന്നതും അവരിൽ പുത്തൻ അനുഭവങ്ങൾ ഉണർത്തുന്നതുമായ വീഡിയോകളാണ് ഡ്രീം വാക്കർ പങ്കു വെക്കാറുള്ളത്.

അതുകൊണ്ട് തന്നെ ഡ്രീം വാക്കർ ചാനലിന്  ഏറെ ആസ്വാദകരാണുള്ളത്, ഈ തവണ രാമക്കൽ മേട്ടിലേക്കുള്ള യാത്രയുടെ വീഡിയോയുമായിട്ടാണ് ഡ്രീം വാക്കർ എത്തിയിരിക്കുന്നത്. യാത്രയുടെ ഭംഗിയും സൗന്ദര്യവുമെല്ലാം അതിമനോഹരമായി ഇഴചേര്‍ത്താണ് ഈ വീഡിയോ ഒരുക്കിയിരിക്കുന്നത്. ഇടുക്കി ജില്ലയിലെ തേക്കടയിൽ നിന്നും 40 കിലോമീറ്റർ അകലെ ആയിട്ടാണ് രാമക്കൽ മേഡ് സ്ഥിതി ചെയ്യുന്നത്.

കേരളത്തിനെയും തമിഴ്‌നാടിനെയും തമ്മില്‍ വേര്‍തിരിക്കുന്ന രാമക്കല്‍മേട്ടില്‍ ഇടുക്കി ജില്ലയിലെ നെടുങ്കണ്ടത്ത് നിന്നും 15 കിലോമീറ്റര്‍ യാത്ര ചെയ്ത് എത്താനാകും. മഞ്ഞും കാറ്റും മലനിരയും പ്രകൃതി സൌന്ദര്യവും കൌതുകം വിതയ്‌ക്കുന്ന രാമക്കല്‍ മേട്ടിലെ മറ്റൊരു സൌന്ദര്യക്കാഴ്ച സൂര്യാസ്തമയമാണ്. മഞ്ഞും കാറ്റും സംഗമിക്കുന്ന മലനിരയില്‍ തമിഴ്‌നാട് വീക്ഷിക്കുന്ന കുറവന്‍റെയും കുറത്തിയുടേയും കുട്ടിയുടേയും പ്രതിമ സ്ഥാപിച്ചിട്ടുണ്ട്. രാമക്കൽ മേട്ടിലെ സൗന്ദര്യ കാഴ്ചകൾ ഒട്ടും മാറ്റു കുറയാതെ തന്നെ നമുക്ക് ഈ വീഡിയോയിൽ കാണുവാൻ സാധിക്കും.

അഖില്‍ കൃഷ്ണയാണ് ഈ മ്യൂസിക്കല്‍ സഞ്ചാര വീഡിയോയുടെ സംവിധാനവും ഛായാഗ്രഹണവും നിര്‍വ്വഹിച്ചിരിക്കുന്നത്. അമല്‍ പുരുഷോത്തമന്‍ ആണ് ചിത്രസംയോജനം.

കടപ്പാട് : Dream Walker

 

Trending

To Top
Don`t copy text!