‘അഞ്ചു സ്ത്രീകളും അവരുടെ വരുമാനത്തിന്റെ ഒരു ഭാഗം കൊണ്ട് കാട് കയറിയിരിക്കുന്നു’ കുറിപ്പ്

ഒരുപാട് ആരാധകരുള്ള ഒരു താരകുടുംബമാണ് നടന്‍ കൃഷ്ണകുമാറിന്റേത്. കഴിഞ്ഞ ദിവസം ഇവര്‍ ഒരു സന്തോഷവാര്‍ത്ത ആരാധകരുമായി പങ്കുവെച്ചിരുന്നു. അഹദിശിക ഫൗണ്ടേഷന്‍ വഴി തിരുവനന്തപുരം ജില്ലയിലെ വിതുര പഞ്ചായത്തിലെ വലിയകാല ട്രൈബല്‍ ഏരിയയിലെ കുടുംബങ്ങള്‍ക്ക് 9 ടോയ്ലറ്റുകള്‍ പണിതുനല്കി. ഇവരെ പ്രശംസിച്ച് ഡബ്ബിങ് ആര്‍ടിസ്റ്റ് നിഷ പി രംഗത്തെത്തിയിരിക്കുകയാണ്. 20 വര്‍ഷമായി കാത്തിരിക്കുന്ന കുടുംബങ്ങള്‍ക്ക് ഇടയിലേക്ക്..പ്രായപൂര്‍ത്തി ആയ പെണ്‍കുട്ടികള്‍ ഉള്ളതും ശാരീരിക ആസ്വാസ്ഥ്യം ഉള്ള ആളുകള്‍ ഉള്ള വീടുകള്‍ തിരഞ്ഞെടുത്തു അവര്‍ 9 ശൗചാലയങ്ങള്‍ നിര്‍മിച്ചു കൊടുത്തു കഴിഞ്ഞു.. ‘നിങ്ങളെ കാണുന്നത് തന്നെ ഒരു ആനന്ദമാണ്, എന്തിനാണ് പെണ്മക്കള്‍ എന്നതിന് ഉത്തരമാണ്’ എന്ന് നിഷ കുറിക്കുന്നു.