# ആശിര്‍വാദ് സിനിമാസിന്റെ ദുബായിലെ തുടക്കം! മോഹന്‍ലാലിന് അരികില്‍ തൊഴുകൈയ്യോടെ ആന്റണി പെരുമ്പാവൂര്‍!

- Link: https://ml.b4blaze.com/film-news/aashirvad-cinemas-dubai-office-inauguration
- Published: 2022-08-28T14:36:15+05:30
- Author: Sreekumar

ഒരുപാട് സിനിമകള്‍ കൂട്ടായ പരിശ്രമത്തിലൂടെ വിജയിപ്പിച്ചെടുത്ത സിനിമാ നിര്‍മ്മാണ കമ്പനിയാണ്
ആശിര്‍വാദ് സിനിമാസ്. ഇന്ന് മലയാള സിനിമാ രംഗത്തെ തന്നെ ഏറ്റവും വലിയ സിനിമാ നിര്‍മ്മാണ
കമ്പനിയായി വളര്‍ന്ന ആശിര്‍വാദുമായി ബന്ധപ്പെട്ട പുതിയ സന്തോഷം പങ്കുവെച്ച് എത്തിയിരിക്കുകയാണ്
ആരാധകരുടെ പ്രിയനടന്‍ മോഹന്‍ലാല്‍. മോഹന്‍ലാലും ആന്റണി പെരുമ്പാവൂരും ആണ് ആശിര്‍വാദ്
സിനിമാസിന്റെ നെടുംതൂണ്്. നരസിംഹം എന്ന സിനിമ തൊട്ടുള്ള ഒരു കൂട്ടായ്മയുടെ മറ്റൊരു 
വിജയമാണ് ഇപ്പോള്‍ ദുബായില്‍ സംഭവിച്ചിരിക്കുന്നത്.

![](https://i0.wp.com/ml.b4blaze.com/wp-content/uploads/2022/08/aashirvaad1.jpg?
resize=801%2C491&ssl=1)

ദുബായിയിലും ആശിര്‍വാദ് സിനിമാസിന്റെ ഓഫീസ് തുറന്നിരിക്കുകയാണ്. ഈ സന്തോഷം ആരാധകരെ 
അറിയിച്ച് സോഷ്യല്‍ മീഡിയയില്‍ വീഡിയോ പങ്കുവെച്ചിരിക്കുകയാണ് മോഹന്‍ലാല്‍. 23 വര്‍ഷത്തെ
സ്‌ക്രീനില്‍ മാജിക് മെനയുകയും ലോകമെമ്പാടുമുള്ള പ്രേക്ഷകരെ ആകര്‍ഷിക്കുകയും ചെയ്യുന്ന
പ്രൊഡക്ഷന്‍ കമ്പനിയാണ് ആശിര്‍വാദ് സിനിമാസ്. ഉദ്ഘാടനത്തിന്റെ വീഡിയോ പങ്കുവെച്ച് 
ബന്ധപ്പെട്ടവര്‍ കുറിച്ച വാക്കുകള്‍ ഇതായിരുന്നു..

![](https://i0.wp.com/ml.b4blaze.com/wp-content/uploads/2022/08/Aashirvad-Cinemas-
Dubai-Office-Inauguration1.jpg?resize=720%2C418&ssl=1)

2022 ഓഗസ്റ്റ് 27 ന് യുഎഇയിലെ ദുബായില്‍ ആശിര്‍വാദ് സിനിമാസ് ഓഫീസ് ഞങ്ങള്‍ ഉദ്ഘാടനം
ചെയ്യുകയും തുറക്കുകയും ചെയ്ത വിവരം നിങ്ങളെ അറിയിക്കുന്നതില്‍ ഞങ്ങള്‍ക്ക് അതിയായ 
സന്തോഷമുണ്ട്. മോഹന്‍ലാല്‍ സാറിനോട് ഞങ്ങള്‍ കടപ്പെട്ടിരിക്കുന്നു, എന്നേക്കും നന്ദിയുള്ളവരാണ്.

> Aashirvad Cinemas now in Dubai! Sharing with you our happiness.[https://t.co/cCNxzJ5WVM](https://t.co/cCNxzJ5WVM)
> [@antonypbvr](https://twitter.com/antonypbvr?ref_src=twsrc%5Etfw) [@aashirvadcine](https://twitter.com/aashirvadcine?ref_src=twsrc%5Etfw)
> — Mohanlal (@Mohanlal) [August 28, 2022](https://twitter.com/Mohanlal/status/1563763022727745536?ref_src=twsrc%5Etfw)

അദ്ദേഹത്തിന്റെ അനുഗ്രഹവും മഹാമനസ്‌കതയും പിന്തുണയും മാര്‍ഗനിര്‍ദേശവും ആശിര്‍വാദ് 
സിനിമാസ് കുടുംബത്തിന് നല്‍കി. വരും വര്‍ഷങ്ങളില്‍ കൂടുതല്‍ മാന്ത്രിക കഥകളും കലയും
നിങ്ങള്‍ക്കായി കൊണ്ടുവരാന്‍ ഞങ്ങള്‍ ആരംഭിക്കുമ്പോള്‍ ആശിര്‍വാദ് സിനിമാസ് നിങ്ങളുടെ
തുടര്‍ച്ചയായ പിന്തുണ പ്രതീക്ഷിക്കുന്നു.