# രജനിക്കും, മോഹൻലാലിനുമൊപ്പം ‘ജയിലറിൽ’ ഇനിയും അന്നരാജനും; സന്തോഷവാർത്ത പങ്കുവെച്ചു നടി

- Link: https://ml.b4blaze.com/film-news/annarajan-to-join-rajinikanth-and-mohanlal-in-jailer-actress-shares-the-happy-news
- Published: 2025-05-14T14:09:11+05:30
- Author: Suji

രജനികാന്തിനെ നായകനാക്കി നെൽസൺ സംവിധാനം ചെയ്യുന്ന ‘ജയിലർ 2’വിൽ ഇനിയും അന്ന രേഷ്മ 
രാജനും .നടി തന്നെയാണ് ഈ സന്തോഷവാർത്ത പങ്കുവച്ചത്. കോഴിക്കോട് ചെറുവണ്ണൂരിൽ സിനിമയുടെ
ചിത്രീകരണം പുരോഗമിക്കുകയാണ്. ചിത്രത്തിന്റെ കേരളത്തിലെ മുഖ്യ ലൊക്കേഷനാണ് ഇത്, ഇതിഹാസ
താരമായ രജനികാന്തിനെ നേരിട്ടു കണ്ടുവെന്നും അദ്ദേഹത്തിനൊപ്പം ‘ജയിലർ2’വിൽ അഭിനയിക്കാൻ
സാധിക്കുന്നത് വലിയ ഭാഗ്യമാണെന്നും നടി പറഞ്ഞു. ഈ ചിത്രത്തിനായി ആറുദിവസം രജനികാന്ത്
കോഴിക്കോട്ട് തന്നെ ഉണ്ടാകും.

![](https://i0.wp.com/images.b4blaze.com/2025/05/anna1.jpg?resize=1056%2C516&ssl
=1)

ശനിയാഴ്ച്ച ബിസി റോഡിലുള്ള സുദർശൻ ബംഗ്ലാവിലാണ് സിനിമയുടെ കോഴിക്കോട് ഷെഡ്യൂൾ ആരംഭിച്ചത്,
20 ദിവസത്തെ ചിത്രീകരണമാണ് ഇവിടെ നടക്കുക. കോഴിക്കോട്ടെ മറ്റു ചില ലൊക്കേഷനുകളിലും 
ചിത്രീകരണമുണ്ടാകുമെന്ന സൂചനയുണ്ട്. കനത്ത സുരക്ഷാസജ്ജീകരണങ്ങളോടെയാണ് ചിത്രീകരണം. 
അനിരുദ്ധ് രവിചന്ദർ തന്നെയാണ് ഈ ജയിലർ 2 വിനും സംഗീതം നിർവഹിക്കുന്നത്. ജയിലറിലെ താരങ്ങൾക്കൊപ്പം
പുതിയ കുറച്ച് ആളുകളും ഇത്തവണ എത്തുന്നുണ്ട്.

മോഹൻലാൽ, ശിവരാജ്കുമാർ, ജാക്കി ഷ്റോഫ് തുടങ്ങിയവരും രണ്ടാം ഭാഗത്തിൽ അണിനിരക്കുന്നു.
തെലുങ്ക് സൂപ്പര്‍താരം ബാലകൃഷ്ണയാണ് പുതിയ അതിഥി. സുരാജ് വെഞ്ഞാറമ്മൂട് ആകും ഇത്തവണ
വില്ലനായി എത്തുക. എന്നാൽ ആദ്യത്തേതിൽ വിനായകൻ ആയിരുന്നു വില്ലനായി എത്തിയിരുന്നത്ചിത്രത്തിന്റെ
ആദ്യ ഘട്ട ചിത്രീകരണം മാർച്ചിൽ തുടങ്ങിയിരുന്നു.2023ൽ ആയിരുന്നു ‘ജയിലർ’ റിലീസ് ചെയ്തത്.
ആഗോള ബോക്സ് ഓഫിസില്‍ നിന്ന് 600 കോടിയിലേറെ ചിത്രം വാരി.