# തെറ്റ് പറ്റിപ്പോയി…!! എന്ന് ഭാമയും തുറന്ന് പറയുന്നു..!

- Link: https://ml.b4blaze.com/film-news/bhama-about-a-mistake-in-her-life
- Published: 2022-01-10T09:00:05+05:30
- Author: Rahul

പ്രിയപ്പെട്ട താരങ്ങള്‍ വിവാഹശേഷം അഭിനയത്തില്‍ നിന്ന് മാറി നില്‍ക്കുന്നത് ആരാധകര്‍ക്ക്
എന്നും സങ്കടം ഉളവാക്കുന്ന കാര്യമാണ്. അങ്ങനെ സിനിമാ മേഖലയില്‍ നിന്ന് വിട്ട് നില്‍ക്കുന്ന
താരമാണ് ഭാമ. ഒരുപാട് കഥാപാത്രങ്ങളിലൂടെ പ്രേക്ഷകര്‍ക്ക് മുന്നില്‍ എത്തിയ ഭാമ ഇപ്പോള്‍
അഭിനയ മേഖലയില്‍ നിന്ന് വിട്ടു നില്‍ക്കുകയാണ്. ശ്രദ്ധേയവും പ്രാധാന്യവുമായ അതികം കഥാപാത്രങ്ങള്‍
ഒന്നും താരത്തെ തേടി വരാത്തത് കൊണ്ട് തന്നെ ഭാമ സ്വയം സിനിമയില്‍ നിന്ന് വിട്ട് നില്‍ക്കുകയായിരുന്നു.
സിനിമയില്‍ നിന്നും ഇടവേള എടുത്ത സമയത്ത് ആയിരുന്നു താരം വിവാഹിത ആയത്. വിവാഹത്തോടെ
താരം പൂര്‍ണമായി സിനിമയില്‍ നിന്ന് വിട്ട് നില്‍ക്കുകയാണ് ഇപ്പോള്‍.

![Bhamaa.actress](https://i0.wp.com/ml.b4blaze.com/wp-content/uploads/2021/10/Bhamaa.
actress-300x169.jpg?resize=1005%2C566&ssl=1)

എന്നാല്‍ തന്റെ ആരാധകരെ വിട്ടുപോകാന്‍ ഭാമയ്ക്ക് കഴിയുമായിരുന്നില്ല. സോഷ്യല്‍ മീഡിയയില്‍
സജീവമായ താരം തന്റെ വിശേഷങ്ങള്‍ എല്ലാം ആരാധകരുമായി മുടങ്ങാതെ പങ്കുവെക്കാറുണ്ട്. എന്നാല്‍
തന്റെ ഗര്‍ഭകാലും പിന്നീട് കുഞ്ഞുണ്ടായപ്പോഴുള്ള വിശേഷങ്ങളും മീഡിയയില്‍ നിന്ന് മറച്ചുപിടിച്ചു.
ഇതിന്റെ പരിഭവം ആരാധകര്‍ പ്രകടിപ്പിച്ചിരുന്നു. കുറച്ച് ദിവസം മുന്‍പാണ് കുഞ്ഞിന് ഒരു
വയസ്സ് പൂര്‍ത്തി ആയ സന്തോഷം താരം ആരാധകരുമായി പങ്കുവെച്ചത്. എന്നാലിപ്പോള്‍ ഇതാ തന്റെ
ജീവിതത്തില്‍ പറ്റിപ്പോയ ഒരു തെറ്റിനെ കുറിച്ച് തുറന്ന് പറഞ്ഞിരിക്കുകയാണ് ഭാമ.

![](https://i0.wp.com/ml.b4blaze.com/wp-content/uploads/2021/11/bhama-300x169.jpg?
resize=941%2C530&ssl=1)

താരത്തിന്റെ വാക്കുകളിലേക്ക്…
 ഓരോ പ്രായത്തില്‍ നമ്മുടെ ചിന്തകള്‍ക്കും മാറ്റം ഉണ്ടാകാറുണ്ടല്ലോ.
ഇപ്പോഴാണ് ഞാന്‍ എന്റെ കരിയര്‍ തുടങ്ങിയത് എങ്കില്‍ അത് മറ്റൊരു രീതിയില്‍ ഡിസൈന്‍ 
ചെയ്യാമായിരുന്നു എന്ന് എനിക്ക് തോന്നാറുണ്ട്. അത് പോലെ തന്നെ ഞാന്‍ അഭിനയിച്ച ചില 
ചിത്രങ്ങള്‍ കാണുമ്പോള്‍ ഈ ചിത്രത്തില്‍ ഞാന്‍ അഭിനയിക്കേണ്ടായിരുന്നു എന്ന് ഇപ്പോള്‍
തോന്നാറുണ്ട്. കരിയറിന്റെ തുടക്കത്തില്‍ തിരക്കഥ തിരഞ്ഞെടുക്കുന്നതില്‍ പറ്റിയ വീഴ്ചകള്‍
ആയിരുന്നു അതെല്ലാം. കുറച്ച് കാലങ്ങള്‍ ആയിട്ട് ഞാന്‍ സിനിമകള്‍ ചെയ്യുന്നില്ല എന്നത്
ശരിയാണ്.

![](https://i0.wp.com/ml.b4blaze.com/wp-content/uploads/2021/11/bhama-hus-300x169.
jpg?resize=932%2C525&ssl=1)

എന്നാല്‍ ഞാന്‍ അഭിനയം നിര്‍ത്തി എന്നത് തീര്‍ത്തും തെറ്റായ കാര്യം ആണ്. നല്ല തിരക്കഥകള്‍
ലഭിക്കാതിരുന്നത് കൊണ്ടാണ് ഞാന്‍ സിനിമയില്‍ നിന്നും വിട്ട് നിന്നത്. വിവാഹത്തിന് മൂന്ന്
വര്‍ഷങ്ങള്‍ക്ക് മുന്‍പ് തന്നെ ഞാന്‍ സിനിമയില്‍ നിന്നും ഇടവേള എടുത്തിരുന്നു. നല്ല
ചിത്രങ്ങള്‍ ലഭിക്കുകയാണെങ്കില്‍ ഉറപ്പായും തിരിച്ച് വരുമെന്നും അത് കുടുംബത്തെയും 
ഇപ്പോഴത്തെ ജീവിതത്തെയും ബാധിക്കാത്ത തരത്തില്‍ കൊണ്ട് പോകാന്‍ ശ്രമിക്കുമെന്നും ഭാമ
പറഞ്ഞു.