# ഡെനിം ഔട്ട്ഫിറ്റില്‍ തിളങ്ങി ദീപിക; നടിയുടെ സിംപിള്‍ ലുക്ക് വൈറലായി

- Link: https://ml.b4blaze.com/film-news/deepika-padukone-slays-in-denim-on-denim-smile-at-mumbai-airport
- Published: 2023-03-04T17:18:27+05:30
- Author: Gargi

95ാമത് ഓസ്‌കര്‍ പുരസ്‌കാര വേദിയില്‍ ചടങ്ങുകള്‍ നയിക്കുന്ന അവതാരകരില്‍ ഒരാളായി എത്തുന്നത്
ബോളിവുഡ് നടി ദീപിക പദുക്കോണാണ്. അക്കാദമി പുറത്തുവിട്ട ചടങ്ങിലെ അവതാരകരുടെ പട്ടികയില്‍
ദീപികയും ഇടംപിടിച്ചിട്ടുണ്ട്. 16 പേരാണ് അവതാരകരായുണ്ടാവുക. റിസ് അഹമ്മദ്, എമിലി ബ്ലണ്ട്,
ഗ്ലെന്‍ ക്ലോസ്, ജെന്നിഫര്‍ കോനെല്ലി, അരിയാന ഡിബോസ്, സാമുവല്‍ എല്‍ ജാക്‌സണ്‍, ഡ്വെയ്ന്‍
ജോണ്‍സണ്‍, മൈക്കല്‍ ബി ജോര്‍ഡന്‍, ട്രോയ് കോട്‌സൂര്‍, ജോനാഥന്‍ മേജേഴ്‌സ്, മെലിസ 
മക്കാര്‍ത്തി, ജാനെല്‍ മോനെ, സോ സാല്‍ഡാന, ക്വസ്റ്റ്‌ലോവ്, ഡോണി യെന്‍ എന്നിവരാണ് പുരസ്‌കാര
ചടങ്ങിനെ നയിക്കുന്ന മറ്റ് താരങ്ങള്‍.

>  
> View this post on Instagram
>  
> [A post shared by @varindertchawla](https://www.instagram.com/reel/CpVrQ7OgsTC/?utm_source=ig_embed&utm_campaign=loading)

ഇപ്പോഴിതാ ദീപികയുടെ പുതിയ ചിത്രങ്ങളാണ് സോഷ്യല്‍ മീഡിയയില്‍ വൈറലാകുന്നത്. മുംബൈ വിമാനത്താവളത്തില്‍
സിംപിള്‍ ലുക്കിലെത്തിയ താരത്തിന്റെ ചിത്രങ്ങളാണ് സോഷ്യല്‍മീഡിയ ഏറ്റെടുത്തത്. ഡെനിം
ഔട്ട്ഫിറ്റിലാണ് താരമെത്തിയത്.

കടും നീല ടൈ-ഡൈ പ്രിന്റ് പാറ്റേണ്‍, ലോങ് സ്ലീവ്, മടക്കിയ കഫുകള്‍, ഫ്രണ്ട് പാച്ച് 
പോക്കറ്റുകള്‍, കോളര്‍ നെക്ക്ലൈന്‍, ബട്ടണ്‍ ക്ലോഷറുകളുള്ള തുറന്ന മുന്‍ഭാഗം, അനുയോജ്യമായ
ഫിറ്റിംഗ് എന്നിവയോടെയാണ് ദീപികയുടെ ഇളം നീല ഡെനിം ജാക്കറ്റ് വരുന്നത്. അയഞ്ഞ സില്‍ഹൗട്ടും
വൃത്താകൃതിയിലുള്ള നെക്ലൈനും ഫീച്ചര്‍ ചെയ്യുന്ന ഒരു ക്ലാസിക് വെളുത്ത ടി-ഷര്‍ട്ടിന്
മുകളിലൂടെയാണ് നടി അത് ധരിച്ചത്.

![](https://i0.wp.com/ml.b4blaze.com/wp-content/uploads/2023/03/814640194_deepika-
1_1280_720.webp?resize=1280%2C720&ssl=1)

മിഡ്-റൈസ് അരക്കെട്ട്, മടക്കിയ ഹെം, ടൈ-ഡൈ പ്രിന്റ് പാറ്റേണ്‍, സൈഡ് പോക്കറ്റുകള്‍,
ബാഗി ഫിറ്റിംഗ് എന്നിവ ഉള്‍ക്കൊള്ളുന്ന സ്‌റ്റൈലിഷ് ഡെനിം ബോയ്ഫ്രണ്ട് ജീന്‍സാണ് പെയര്‍
ചെയ്തത്. ഗോള്‍ഡന്‍ വളകള്‍, മെറ്റാലിക് സില്‍വര്‍ വാച്ച്, ബ്രോഡ്-ടിന്റഡ് സണ്‍ഗ്ലാസുകള്‍,
സ്വര്‍ണ്ണ മോതിരങ്ങള്‍ എന്നിവ ആക്സസറൈസ് ചെയ്തു.