# ‘ധുരന്ധർ 2’ ദൃശ്യവിസ്മയം ,ദൃശ്യങ്ങൾ കണ്ട് ഞെട്ടി രൂപാലി ഗാംഗുലി

- Link: https://ml.b4blaze.com/film-news/dhurandhar-2-is-visually-stunning-rupali-ganguly-was-shocked-to-see-the-visuals
- Published: 2026-02-12T11:02:03+05:30
- Author: Soorya S

ബോളിവുഡ് താരം രൺവീർ സിംഗിനെ നായകനാക്കി ആദിത്യ ധർ സംവിധാനം ചെയ്യുന്ന ‘ധുരന്ധർ: ദ 
റിവഞ്ച്’ എന്ന ചിത്രത്തിന്റെ വിശേഷങ്ങൾ പങ്കുവെച്ച് ടെലിവിഷൻ താരം രൂപാലി ഗാംഗുലി. 
ചിത്രത്തിന്റെ ചില ദൃശ്യങ്ങൾ (Bits and Pieces) കാണാൻ തനിക്ക് അവസരം ലഭിച്ചുവെന്നും
ഓരോ ഫ്രെയിമും അത്ഭുതപ്പെടുത്തുന്നതാണെന്നും രൂപാലി പറഞ്ഞു. ചിത്രത്തിന്റെ കൊറിയോഗ്രാഫറായ
തന്റെ സഹോദരൻ വിജയ് ഗാംഗുലിയുമായുള്ള വീഡിയോ കോളിനിടയിലാണ് താരം ഈ സസ്പെൻസ് ദൃശ്യങ്ങൾ
കണ്ടത്.

ധുരന്ധറിന്റെ ആദ്യ ഭാഗത്തിന്റെ വലിയ ആരാധകിയാണ് താനെന്ന് രൂപാലി വെളിപ്പെടുത്തി. വിജയ്
ഗാംഗുലി എഡിറ്റിംഗ് ജോലികളിൽ മുഴുകിയിരിക്കുമ്പോഴാണ് രൂപാലിയെ വീഡിയോ കോൾ ചെയ്തത്. 
ചിത്രത്തിലെ പ്രധാനപ്പെട്ട ചില ദൃശ്യങ്ങൾ വിജയ് സ്ക്രീനിലൂടെ കാണിച്ചുകൊടുത്തു. ആ ദൃശ്യങ്ങൾ
തന്നെ ശരിക്കും വിസ്മയിപ്പിച്ചുവെന്നും ആവേശത്തോടെ വീണ്ടും റീവൈൻഡ് ചെയ്ത് കാണാൻ താൻ
ആവശ്യപ്പെട്ടുവെന്നും രൂപാലി പറഞ്ഞു. വലിയ ക്യാൻവാസിൽ ഒരുങ്ങുന്ന ഈ ചിത്രം കാണാൻ താൻ
ആകാംക്ഷയോടെ കാത്തിരിക്കുകയാണെന്നും താരം കൂട്ടിച്ചേർത്തു.

ആദ്യ ഭാഗം നേടിയ വൻ വിജയത്തിന് ശേഷം എത്തുന്ന ‘ധുരന്ധർ 2’ മാർച്ച് 19-ന് തിയേറ്ററുകളിൽ
എത്തും. രൺവീർ സിംഗിനൊപ്പം സഞ്ജയ് ദത്ത്, അക്ഷയ് ഖന്ന, ആർ. മാധവൻ, അർജുൻ രാംപാൽ തുടങ്ങിയ
വൻ താരനിരയാണ് അണിനിരക്കുന്നത്. ചിത്രത്തിന്റെ ട്രെയിലർ മാർച്ച് അഞ്ചിന് ഹോളിക്ക് ശേഷം
പുറത്തിറങ്ങുമെന്നാണ് റിപ്പോർട്ടുകൾ. മലയാളം ഉൾപ്പെടെ അഞ്ച് ഭാഷകളിലായാണ് ചിത്രം റിലീസ്
ചെയ്യുന്നത്.