# പൊലീസ് വാനിലേക്ക് വലിച്ചിഴച്ച് കയറ്റി; ഇമ്രാൻ ഖാന്റെ സെൽഫിയും വീഡിയോയും സോഷ്യൽ മീഡിയയിൽ വൈറൽ

- Link: https://ml.b4blaze.com/film-news/dragged-into-the-police-van-imran-khans-selfie-and-video-go-viral-on-social-media
- Published: 2026-10-11T19:11:27+05:30
- Author: Soorya S

മുഖ്യതെരഞ്ഞെടുപ്പ് കമ്മീഷണർക്കെതിരെയുള്ള പ്രതിഷേധങ്ങളുടെ ഭാഗമായി ദില്ലിയിൽ നടന്ന
മാർച്ചിൽ പങ്കെടുത്ത ബോളിവുഡ് താരം ഇമ്രാൻ ഖാനെ പൊലീസ് കസ്റ്റഡിയിലെടുത്ത ദൃശ്യങ്ങൾ
സമൂഹ മാധ്യമങ്ങളിൽ തരംഗമാകുന്നു. പ്രതിഷേധ സ്ഥലത്ത് നിന്നും പൊലീസുകാർ തന്നെ ബലമായി
പിടിച്ച് വാാനിലേക്ക് കയറ്റാൻ ശ്രമിക്കുന്നതിനിടയിലും ക്യാമറ നോക്കി പുഞ്ചിരിച്ചുകൊണ്ട്
സെൽഫി എടുത്ത താരത്തിന്റെ വീഡിയോയും ചിത്രങ്ങളുമാണ് ഇപ്പോൾ വലിയ ചർച്ചയായിരിക്കുന്നത്.

രാജ്യത്തെ ജനങ്ങളുടെ അവകാശങ്ങൾക്കായി നിലകൊള്ളാൻ ധൈര്യം കാണിച്ച താരത്തിന് കയ്യടിയുമായി
നിരവധി ആരാധകരാണ് സോഷ്യൽ മീഡിയയിലൂടെ രംഗത്തെത്തിയിരിക്കുന്നത്. പ്രതിസന്ധി ഘട്ടത്തിലും
ഒട്ടും പതറാതെ പുഞ്ചിരിയോടെ നേരിട്ട ഇമ്രാൻ ഖാന്റെ ആത്മവിശ്വാസത്തെ പലരും പ്രശംസിച്ചു.
പ്രതിഷേധങ്ങൾക്ക് പിന്തുണയുമായി പ്രമുഖ സിനിമാ താരങ്ങളും സാമൂഹിക പ്രവർത്തകരും അടക്കം
നിരവധിപേരാണ് തെരുവിൽ ഇറങ്ങിയത്.

സർക്കാരിന്റെയും പൊലീസിന്റെയും നടപടികളെ ചോദ്യം ചെയ്ത് നിരവധിപേർ പ്രതിഷേധവുമായി മുന്നോട്ട്
വരുമ്പോൾ, ഇമ്രാൻ ഖാന്റെ ഈ വൈറൽ ദൃശ്യങ്ങൾ സമരത്തിന് കൂടുതൽ ശ്രദ്ധ നേടിക്കൊടുത്തിട്ടുണ്ട്.
ജനാധിപത്യപരമായ വിയോജിപ്പുകളെ അടിച്ചമർത്താനുള്ള ശ്രമങ്ങൾക്കെതിരെ കലാകാരന്മാരും സജീവമായി
രംഗത്തുവരുന്നത് വലിയ ചർച്ചകൾക്കാണ് വഴിവെച്ചിരിക്കുന്നത്.
