# ഓൺലൈൻ ടിക്കറ്റ് ബുക്കിംഗ് സൈറ്റ് ആയ ബുക്ക് മൈ ഷോയിൽ ഒരുമണിക്കൂറിൽ ഏറ്റവുമധികം ടിക്കറ്റുകൾ ബുക്ക് ചെയ്യപ്പെട്ട ആദ്യ  ഇന്ത്യൻ ചിത്രം ‘എമ്പുരാൻ’, ഇത് ചരിത്ര റെക്കോർഡ്

- Link: https://ml.b4blaze.com/film-news/empuran-is-the-first-indian-film-to-have-the-highest-number-of-tickets-booked-in-an-hour-on-online-ticket-booking-site-bookmyshow
- Published: 2025-03-21T14:55:43+05:30
- Author: Suji

ഓൺലൈൻ ടിക്കറ്റ് ബുക്കിങ് സൈറ്റ് ആയ ബുക്ക് മൈ ഷോയിൽ ആദ്യ ഒരു മണിക്കൂറില്‍ ഏറ്റവുമധികം
ടിക്കറ്റുകൾ ബുക്ക് ചെയ്യപ്പെട്ട ആദ്യ ഇന്ത്യൻ ചിത്രമായി ‘എമ്പുരാൻ’, ഒരുലക്ഷത്തിനടുത്ത്
ടിക്കറ്റുകളാണ് ആദ്യ മണിക്കൂറിൽ വിറ്റുപോയത്. ഇന്ത്യൻ സിനിമയിൽ തന്നെ ഇതു ചരിത്ര റെക്കോർഡ്
ആണ്,വിജയ്‌യുടെ ലിയോ, അല്ലു അർജുന്റെ പുഷ്പ 2 എന്നിവയുടെ റെക്കോർഡ് ആണ് ‘എമ്പുരാൻ’ 
ഇപ്പോൾ നിസ്സാര നിമിഷങ്ങൾകൊണ്ട് തകർത്തു കളഞ്ഞത്, മാർച്ച് 21 രാവിലെ ഒൻപത് മണിക്കാണ്
ഓൺലൈൻ ടിക്കറ്റ് ബുക്കിങ് ആരംഭിച്ചത്.

![](https://images.b4blaze.com/2025/03/empuran.avif)

ഇപ്പോൾ ടിക്കറ്റുകൾ ചൂടപ്പം പോലെ വിറ്റഴിയുന്ന കാഴ്ചയാണ് കാണാൻ കഴിയുന്നത്. പല തിയറ്ററുകളിലും
റിലീസ് ദിവസത്തെ ടിക്കറ്റുകൾ തീർന്ന അവസ്ഥയാണ്.എന്തിന് ഒരു സമയത്ത് ടിക്കറ്റ് ബുക്കിങ്
സൈറ്റ് ആയ ബുക്ക് മൈ ഷോയും നിലച്ചുപോയ അവസ്ഥ ഉണ്ടായി. ഇതോടെ സകല കലക്‌ഷൻ റെക്കോർഡുകളും
എമ്പുരാൻ തകർത്തെറിയുമെന്ന് ഏതാണ്ട് ഉറപ്പായി കഴിഞ്ഞു.

ഇപ്പോൾ ഒട്ടുമിക്ക ജില്ലകളിലെയും എല്ലാ തിയറ്ററുകളിലും എമ്പുരാൻ ആണ് ചാർട്ട് ചെയ്തിരിക്കുന്നത്.
എന്നാൽ ആറു മണിക്കുള്ള ഫാൻസ് ഷോയുടെ ടിക്കറ്റുകൾ രണ്ടാഴ്ചയ്ക്കു മുമ്പേ തീർന്നിരുന്നു,
മോഹൻലാൽ , പൃഥ്വിരാജ് കോംബോയിലുള്ള എമ്പുരാൻ മാർച്ച് 27 നാണ് ചിത്രം ആഗോള റിലീസായി 
തിയറ്ററുകളിലെത്തുന്നത്, ഇപ്പോൾ ലോകം മുഴുവനുള്ള സിനിമാ പ്രേമികൾ ആകാംക്ഷയോടെയും ആവേശത്തോടെയും
കാത്തിരിക്കുകയാണ് എമ്പുരാനുവേണ്ടി.

![](https://i0.wp.com/images.b4blaze.com/2025/03/empuraan.jpg?resize=900%2C504&ssl
=1)