# കാൽ തടവാൻ ഹൻസിക സമ്മതിച്ചില്ല, ഹീറോ ഹീറോയാണെന്ന് അപ്പോഴാണ് മനസ്സിലായത് ; ഹൻസികയെ വേദിയിലിരുത്തി അപമാനിച്ചു

- Link: https://ml.b4blaze.com/film-news/hansika-motwani-latest-news
- Published: 2023-07-03T17:52:06+05:30
- Author: Shilpa

ബാലതാരമായി എത്തി ഏവരുടെയും മനം കവർന്ന താരമാണ് ഹൻസിക മോത്‌വാനി. തുടർന്ന് നായികയായും
താരം ഉയർന്നു. തെന്നിന്ത്യൻ സിനിമ പ്രേമികളുടെ ഇഷ്ട താരമായ ഹന്സികയ്ക്ക് ഒട്ടനവധി ആരാധകരെയും
സ്വന്തമാക്കുവാൻ സാധിച്ചിട്ടുണ്ട്. അതുകൊണ്ട് തന്നെ താരത്തിന്റെ വിശേഷങ്ങൾ എല്ലാം ആരാധകർ
ഏറ്റെടുക്കാറുമുണ്ട്.

![](https://i0.wp.com/ml.b4blaze.com/wp-content/uploads/2023/07/Screenshot-2023-
07-03-174929-300x227.png?resize=726%2C549&ssl=1)

ഇന്നിപ്പോൾ റോബോ ശങ്കർ ഹൻസികയെ വേദിയിലിരുത്തി അപമാനിച്ച സംഭവത്തിൽ പല ഭാഗങ്ങളിൽ നിന്നായി
വിമർശനം ഉയരുകയാണ്. ‘‘സിനിമയില്‍ ഒരു രംഗമുണ്ട്. ഹന്‍സികയുടെ കാല്‍ ഞാന്‍ തടവണം. ആ 
സീന്‍ ചെയ്യാന്‍ ഹന്‍സിക അനുവദിച്ചില്ല. ഞാനും ഡയറക്ടറും കെഞ്ചി ചോദിച്ചു. കാല്‍വിരല്‍
മാത്രമേ തടവൂ എന്ന് പറഞ്ഞു. പക്ഷേ പറ്റില്ലെന്ന് ഹന്‍സിക തീര്‍ത്ത് പറഞ്ഞു. ഹീറോ ആദി
മാത്രമേ എന്നെ തൊടാവൂ. മറ്റാര്‍ക്കും പറ്റില്ലെന്ന് പറഞ്ഞു. ഹീറോ ഹീറോയാണെന്ന് അപ്പോഴാണ്
മനസ്സിലായത്.’’ എന്നായിരുന്നു ഹന്സികയ്ക്കെതിരെ റോബോ ശങ്കറിന്റെ പ്രസ്താവന.

![](https://i0.wp.com/ml.b4blaze.com/wp-content/uploads/2023/07/Screenshot-2023-
07-03-175034-217x300.png?resize=843%2C1165&ssl=1)

തമാശയായി മാത്രമേ ഇത് കാണാവൂ എന്നും റോബോ ശങ്കർ പറഞ്ഞിരുന്നു. എന്നാൽ ഇത് തമാശയായി 
എടുക്കുവാൻ താരത്തിന്റെ ആരാധകർ തയ്യാറായിട്ടില്ല. റോബോ ശങ്കറിന്റെ വാക്കുകള്‍ കേട്ട്
വേദിയിലിരുന്ന ഹന്‍സിക അസ്വസ്ഥയായി. ചിരിക്കാൻ ശ്രമിക്കുന്ന നടി ഇടയ്ക്ക് ഒപ്പമിരിക്കുന്ന
നടൻ ആദി പിനിഷെട്ടിയോട് കാര്യമായി സംസാരിക്കുന്നുമുണ്ട്. ആദി പിനിഷെട്ടിയും ഹന്‍സികയും
കേന്ദ്രകഥാപാത്രങ്ങളാകുന്ന പാര്‍ട്ണര്‍ സിനിമയുടെ ട്രെയിലർ ലോഞ്ചിനിടെയാണ് സംഭവം.

![](https://i0.wp.com/ml.b4blaze.com/wp-content/uploads/2023/07/Screenshot-2023-
07-03-174946-300x185.png?resize=782%2C482&ssl=1)