# കേരളത്തിലും തരംഗമാകാന്‍… കാര്‍ത്തിയുടെ ഈ ഇരട്ട വേഷം!

- Link: https://ml.b4blaze.com/film-news/karthi-sardar-tamil-movie-kerala-rights-to
- Published: 2022-09-01T10:58:58+05:30
- Author: B4blaze News Desk

തമിഴ് നടന്‍ കാര്‍ത്തിയുടെ സിനിമ കൈതി കേരളത്തില്‍ തീര്‍ത്ത തരംഗം ചെറുതല്ലായിരുന്നു..
ഇപ്പോഴിതാ വീണ്ടും ആവേശം ഉണര്‍ത്താന്‍ അദ്ദേഹത്തിന്റെ ഏറ്റവും പുതിയ സിനിമയും എത്തുകയാണ്.
സര്‍ദാര്‍ എന്ന് പേരിട്ടിരിക്കുന്ന ഏറ്റവും പുതിയ കാര്‍ത്തിയുടെ സിനിമയാണ് ആരാധകര്‍ക്ക്
മുന്നിലേക്ക് എത്തുന്നത്. കാര്‍ത്തിയുടെ സിനിമാജീവിതത്തിലെ ഏറ്റവും ഉയര്‍ന്ന ബജറ്റ്
ഉള്ള ചിത്രമാണ് സര്‍ദാര്‍. അതുകൊണ്ട് തന്നെ ചിത്രത്തില്‍ ഒരു നടന്‍ എന്ന നിലയില്‍ അദ്ദേഹത്തിനുള്ള
പ്രതീക്ഷയും ഏറെയാണ്.

![karthik](https://i0.wp.com/ml.b4blaze.com/wp-content/uploads/2022/08/karthik.jpg?
resize=500%2C500&ssl=1)

ഇപ്പോഴിതാ സര്‍ദാര്‍ ചിത്രത്തിന്റെ കേരള റൈറ്റ്‌സ് വില്‍പ്പനയായ വിവരമാണ് പുറത്ത് വരുന്നത്.
ഫോര്‍ച്യൂണ്‍ സിനിമാസ് ആണ് സര്‍ദാറിന്റെ കേരള വിതരണാവകാശം നേടിയിരിക്കുന്നത്. നേരത്തെയും
ഹിറ്റായ തമിഴ് സിനിമകളുടെ വിതരണാവകാശം സ്വന്തമാക്കിയതും ഫോര്‍ച്യൂണ്‍ സിനിമാസ് ആയിരുന്നു.
കാര്‍ത്തിയെ നായകനാക്കി ലോകേഷ് കനകരാജ് ഒരുക്കിയ കൈതി കേരളത്തില്‍ വലിയ വിജയം ആയിരുന്നു.
ആ വിജയം തന്നെയാണ് സര്‍ദാറിനും കേരളത്തിലെ കളക്ഷനില്‍ നിന്ന് പ്രതീക്ഷിക്കുന്നത്.

![](https://i0.wp.com/ml.b4blaze.com/wp-content/uploads/2022/09/sardar-1.jpg?resize
=1200%2C630&ssl=1)

കേരളത്തില്‍ ഫോര്‍ച്യൂണ്‍ സിനിമാസ് കാര്‍ത്തി സിനിമയുടെ വിതരണം ഏറ്റെടുത്തപ്പോള്‍ തമിഴ്‌നാട്ടില്‍
ഉദയനിധി സ്റ്റാലിന്റെ റെഡ് ജയാന്റ് മൂവീസ് ആണ് തിയറ്റര്‍ റൈറ്റ്‌സ് സ്വന്തമാക്കിയത്.
സ്‌പൈ ആക്ഷന്‍ ത്രില്ലര്‍ വിഭാഗത്തില്‍ ഒരുക്കിയ ഈ സിനിമയുടെ ഷൂട്ടിംഗ് വിദേശരാജ്യങ്ങളില്‍
വെച്ചാണ് നടന്നത്. കതിരവന്‍ ഐപിഎസ്, സര്‍ദാര്‍ ശക്തി എന്നിങ്ങനെയാണ് രണ്ട് ശക്തമായ 
കഥാപാത്രങ്ങളെ

![](https://i0.wp.com/ml.b4blaze.com/wp-content/uploads/2022/09/sardar2.jpg?resize
=1600%2C900&ssl=1)

അവതരിപ്പിച്ചാണ് കാര്‍ത്തി ചിത്രത്തില്‍ എത്തുന്നത്. റാഷി ഖന്നെ നായികയാവുന്ന ചിത്രത്തില്‍
മലയാള സിനിമാ താരം രജീഷ വിജയനും ഒരു പ്രധാന കഥാപാത്രത്തെ അവതരിപ്പിച്ച് എത്തുന്നുണ്ട്.
ദീപാവലിക്ക് ചിത്രം പ്രദര്‍ശനത്തിന് എത്തുമെന്നാണ് കരുതുന്നത്.