# ഇസുക്കുട്ടന്‍ മിടുക്കനാണ് !! ബാഡ്മിന്റന്റെ ആദ്യ പാഠങ്ങൾ പഠിച്ച് ചാക്കോച്ചന്റെ മകൻ

- Link: https://ml.b4blaze.com/film-news/kujakko-boban-son
- Published: 2020-03-30T15:04:51+05:30
- Author: Rahul

ഒരുപാടു നാളത്തെ കാത്തിരിപ്പിന് ശേഷം ഇസഹാക്ക് ജീവിത്തിലേക്ക് വന്നപ്പോള്‍ ലോകം കീഴടക്കിയ
സന്തോഷത്തിലാണ് മലയാളികളുടെ ഇഷ്ട നായകൻ കുഞ്ചാക്കോ ബോബന്‍. ഇസഹാക്കിന്റെ കുഞ്ഞു കുഞ്ഞ്
വിശേഷങ്ങളും അവന്റെ ചിരികളും കുസൃതികളുമാണ് ഇപ്പോള്‍ ചാക്കോച്ചന്റേയും പ്രിയയുടേയും
ലോകം.

![kunjakko boban son](https://i0.wp.com/ml.b4blaze.com/wp-content/uploads/2020/03/
kunjakko-boban-son.jpg?resize=960%2C720&ssl=1)

ഈ കൊറോണക്കാലത്ത് ഇരുവരും വീട്ടിനുള്ളില്‍ കുഞ്ഞുമായി സമയം ചെലവഴിക്കുകയാണ്. കുഞ്ഞിനൊപ്പമുള്ള
ചിത്രം പങ്കുവെച്ചുകൊണ്ട് കുഞ്ചാക്കോ ബോബന്‍ കഴിഞ്ഞ ആഴ്ച ഫെയ്‌സ്ബുക്കില്‍ ഒരു കുറിപ്പ്
പങ്കുവെച്ചിരുന്നു. ഭൂമി തന്നെ സ്വര്‍ഗീയമാക്കാന്‍ വീട്ടില്‍ തന്നെ ഒരു കുഞ്ഞു സ്വര്‍ഗമുണ്ടാക്കൂ
എന്നായിരുന്നു അത്.ഇപ്പോഴിതാ ഇസുക്കുട്ടന്റെ പുതിയ കളിയുടെ ചിത്രം ഇന്‍സ്റ്റഗ്രാമിലൂടെ
പങ്കുവെച്ചിരിക്കുകയാണ് ചാക്കോച്ചനും പ്രിയയും. കൊറോണക്കാലത്ത് വീട്ടില്‍ ബാഡ്മിന്റണ്‍
കളിക്കുകയാണ് ചാക്കോച്ചന്റെ ഇസുക്കുട്ടന്‍.

![kunjakko intervew](https://i0.wp.com/ml.b4blaze.com/wp-content/uploads/2020/01/
kunjakko-intervew.jpg?resize=894%2C622&ssl=1)

കൊറോണക്കാലത്ത് വീട്ടിനുള്ളില്‍ കഴിയുമ്ബോള്‍ അത് ഗെയിം ടൈമാക്കി മാറ്റുകയാണെന്നും 
ഇസുക്കുട്ടന്‍ ബാഡ്മിന്റന്റെ ആദ്യ പാഠങ്ങള്‍ പഠിക്കുകയുമാണെന്നാണ് ഇരുവരും കുഞ്ഞിന്റെ
ചിത്രം പങ്കുവെച്ചുകൊണ്ട് കുറിച്ചിരിക്കുന്നത്.അടുത്ത മാസമാണ് ഇസഹാക്കിന്റെ ഒന്നാം 
പിറന്നാളെത്തുന്നത്. കൊറോണക്കാലം കഴിഞ്ഞെത്തുന്നതിനാല്‍ പിറന്നാള്‍ ആഘോഷമായി തന്നെയാകും
നടത്തുക എന്നാണ് ആരാധകര്‍ പറയുന്നത്.നടന്‍ കുഞ്ചാക്കോ ബോബന്റെ ഇഷ്ട കായിക ഇനമാണ് ബാഡ്മിന്റണെന്ന്
താരം വിവിധ അഭിമുഖങ്ങളില്‍ പലപ്പോഴായി പറഞ്ഞിട്ടുണ്ട്. അതേ താത്പര്യം തന്നെയാണ് ഇസുവിനെന്നും
ചൂണ്ടിക്കാട്ടുകയാണ് ഇപ്പോള്‍ ആരാധകരും.