# ലോകമെമ്പാടുമുള്ള ഒരുപാട് പേരുടെ പ്രാർത്ഥനയ്ക്ക് ഫലം കണ്ടു, നന്ദി അറിയിച്ച് ആന്‍റോ ജോസഫ്; മമ്മൂക്ക തിരിച്ചുവരുന്നുവെന്ന് ആരാധകർ

- Link: https://ml.b4blaze.com/film-news/mammootty-is-completely-healthy-anto-joseph-thanks-them-for-the-prayers
- Published: 2025-08-19T15:20:36+05:30
- Author: Sruthi S

ലോകമെമ്പാടുമുള്ള ഒരുപാട് പേരുടെ പ്രാർത്ഥനയ്ക്ക് ഫലം കണ്ടെന്ന് നിർമാതാവ് ആന്റോ ജോസഫ്.
ഫേസ്ബുക് കുറിപ്പിലൂടെയാണ് ആന്റോ ജോസഫ് ഇക്കാര്യം പറഞ്ഞത്. എന്താണ് ആന്റോ ഉദ്ദേശിച്ചതെന്ന്
ചിലർക്ക് മനസിലായില്ലെങ്കിലും പോസ്റ്റിന് താഴെ വരുന്ന കമന്റുകളിൽ മുഴുവൻ മമ്മൂട്ടിയാണ്.
മലയാള സിനിമയിലെ പ്രമുഖർ ആന്റോ ജോസഫിന്റെ പോസ്റ്റിന് താഴെ ആശംസകളും പ്രാർത്ഥനയുമായി
എത്തിയിട്ടുണ്ട്.

കൂടാതെ മമ്മൂട്ടിയുടെ പേർസണൽ അസിസ്റ്റന്റ് ആയ ജോർജും ഫേസ്ബുക്ക് പോസ്റ്റ് പങ്കുവച്ചിരുന്നു.
സന്തോഷത്തിൽ നിറഞ്ഞ കണ്ണുകളോടെ കൈകൂപ്പി നിങ്ങളുടെ മുന്നിൽ ഞാൻ നിൽക്കുന്നു. പ്രാർത്ഥിച്ചവർക്കും,
കൂടെ നിന്നവർക്കും, ഒന്നുമുണ്ടാവില്ല എന്ന് പറഞ്ഞു ആശ്വസിപ്പിച്ചവർക്കും പറഞ്ഞാൽ തീരാത്ത
സ്നേഹത്തോടെ പ്രിയപ്പെട്ടവരെ നന്ദി എന്നായിരുന്നു മമ്മൂട്ടിയുടെ ചിത്രം പങ്കുവച്ച് 
ജോർജ്  ഫേസ്ബുക്കിൽ കുറിച്ചത്.

ഏറെ കാലമായി സിനിമയിൽ നിന്ന് ഒരു ഇടവേള എടുത്ത് മാറി നിൽക്കുകയായിരുന്നു മമ്മൂട്ടി.
ഇപ്പോൾ വന്ന ഈ വാർത്ത എല്ലാ ആരാധകരെയും ഒരുപാട് സന്തോഷത്തിൽ ആകുകയാണ് ചെയ്തിരിക്കുന്നത്.