# ലവ് യൂ ദാസേട്ടാ ഗാനഗന്ധർവനൊപ്പം എം ജി ശ്രീകുമാർ

- Link: https://ml.b4blaze.com/film-news/mgsreekumar-and-yesudas-news
- Published: 2023-07-16T15:32:08+05:30
- Author: Aswathy

മലയാളികളുടെ പ്രിയപ്പെട്ട ഗായകരാണ് യേശുദാസും എം ജി ശ്രീകുമാറും. ഇപ്പോൾ അമേരിക്കൻ 
യാത്രയ്ക്കിടെ സംഭവിച്ചൊരു മനോഹര കൂടിക്കാഴ്ചയുടെ വിശേഷങ്ങള്‍ പങ്കിട്ടെത്തിയിരിക്കുകയാണ്
എം.ജി ശ്രീകുമാര്‍. ഇടയ്ക്കിടെ അമേരിക്കൻ യാത്ര നടത്തുന്നവരാണ് ഗായകൻ എം.ജി ശ്രീകുമാറും
ഭാര്യ ലേഖയും. ഇപ്പോള്‍ ഇരുവരും അമേരിക്കൻ യാത്രയിലാണ്. ഈ യാത്രക്കിടയിലാണ് ഇവർ ഗാനഗന്ധർവനെ
കണ്ടു മുട്ടിയത്.മലയാളത്തിന്റെ മുത്തുകൾ എന്ന് വിശേഷിപ്പിക്കാവുന്ന ഗായകരാണ് യേശുദാസും
എം.ജി ശ്രീകുമാറും. അതുകൊണ്ട് തന്നെ വളരെ നാളുകള്‍ക്ക് ശേഷം ഇരു കുടുംബങ്ങളും ഒന്നിച്ചുള്ള
ചിത്രം സോഷ്യല്‍മീഡിയയില്‍ പ്രത്യക്ഷപ്പെട്ടപ്പോള്‍ വളരെ വേഗത്തിലാണ്‌ വൈറലായത്.യേശുദാസ്
ഭാര്യയ്‌ക്കൊപ്പം അമേരിക്കയിലാണ് സ്ഥിരതാമസം. യേശുദാസിനെയും കുടുംബത്തെയും സന്ദര്‍ശിച്ച
നിമിഷത്തെ ധന്യ നിമിഷമെന്നാണ് എം.ജി ശ്രീകുമാര്‍ വിശേഷിപ്പിച്ചത്. ‘ധന്യമാം നിമിഷങ്ങള്‍.
അമേരിക്കയില്‍ ദാസേട്ടന്റെ വീട്ടില്‍ ഏകദേശം മൂന്ന് മണിക്കൂറോളം സംഗീതത്തെ കുറിച്ച്‌
മാത്രം സംസാരിച്ചു.’എന്റെ അച്ഛൻ മലബാര്‍ ഗോപാലൻ നായരും ദാസേട്ടന്റെ അച്ഛൻ അഗസ്റ്റിൻ
ജോസഫ് സാറും സമകാലീനരും ഒരുമിച്ച്‌ നാടകത്തില്‍ പാടി അഭിനയിച്ചവരും ആയിരുന്നു. അങ്ങനെ
കുടുംബവുമായുള്ള ബന്ധം. ഒപ്പം പ്രഭ ചേച്ചിയും ലേഖയും.

![](https://i0.wp.com/ml.b4blaze.com/wp-content/uploads/2023/07/Vijay-Yesudas.jpg?
resize=1000%2C563&ssl=1)

ലവ് യൂ ദാസേട്ടാ..’, എന്നാണ് എം.ജി ശ്രീകുമാര്‍ യേശുദാസിനൊപ്പമുള്ള ചിത്രം പങ്കുവെച്ച്‌
കുറിച്ചത്. ഫോട്ടോ ശ്രദ്ധിക്കപ്പെട്ടതോടെ നിരവധിപേര്‍ കമന്റുകളുമായി എത്തി. ഏറെയും 
കമന്റുകള്‍ എം.ജി ശ്രീകുമാറിനെയും യേശുദാസിനെയും കുറിച്ചായിരുന്നു. ചിലര്‍ യേശുദാസിന്റെ
ഭാര്യ പ്രഭയുടെ ആരോഗ്യത്തെ കുറിച്ചും അന്വേഷിച്ചെത്തി. പ്രഭേച്ചിക്ക് എന്തുപറ്റി… ആളാകെ
മാറിപ്പോയി എന്നായിരുന്നു ഒരു കമന്റ്. പഴയ രൂപത്തില്‍ നിന്നും മാറി ശരീരഭാരം കുറ‌ഞ്ഞാണ്
എം.ജി ശ്രീകുമാര്‍ പങ്കുവെച്ച ചിത്രത്തില്‍ പ്രഭ യേശുദാസിനുള്ളത്. അതുകൊണ്ട് തന്നെയാണ്
പെട്ടെന്നുള്ള രൂപമാറ്റത്തെ കുറിച്ച്‌ ആരാധകരും കമന്റിലൂടെ ചോദിച്ചത്. ചിലരുടെ പരാതി
ദാസേട്ടന്റെ മുഖത്ത് ഒരു ചിരിപോലും ഇല്ല എന്നതായിരുന്നു. മലയാളത്തിന്റെ പുണ്യങ്ങളാണ്
എം.ജി ശ്രീകുമാറും യേശുദാസുമെന്നാണ് മറ്റൊരാള്‍ കുറിച്ചത്. മലയാളത്തിന്റെ പുണ്യങ്ങള്‍.
ചിലയാളുകളോട് എത്ര ഇഷ്ടം എന്ന് ചോദിച്ചാല്‍ ആകാശത്തേക്ക് ചൂണ്ടിക്കാട്ടിക്കാണിക്കേണ്ടിവരും.
അത്തരം രണ്ടുപേര്‍. രണ്ടുപേരുടെയും ശബ്ദം മലയാളികളുടെ രക്തത്തില്‍ അലിഞ്ഞ് ചേര്‍ന്നിരിക്കുന്നു.
ദാസ് സാറിന് എന്റെ നാടുമായി ആത്മബന്ധമുണ്ട്. വയലാര്‍. ആത്മാവും ആത്മബന്ധവും സത്യമാണ്.’
ഒരേ തൂവല്‍ പക്ഷികള്‍ ഒരുമിച്ച്‌ പറക്കും എന്ന് പറയുന്നത് പോലെയാണത്.

വയലാറിന്റെ വരികള്‍ക്ക് ദേവരാജൻ മാഷിന്റെ സംഗീതം തന്നെ വേണം. അതിന് ജീവൻ നല്‍കാൻ ദാസ്
സാറിന്റെ ശബ്ദം തന്നെ വേണം. ഇവര്‍ ഒരേ കാലഘട്ടത്തില്‍ ജനിച്ച്‌ ഒരുമിച്ച്‌ വന്നത് ആത്മബന്ധമല്ലാതെ
മറ്റെന്താണ്?’, എന്നായിരുന്നു ഒരു ആരാധകൻ കുറിച്ചത്.ചിലര്‍‌ അമേരിക്കൻ ജീവിതം അവസാനിപ്പിച്ച്‌
യേശുദാസ് കേരളത്തിലേക്ക് വന്ന് താമസമാക്കണമെന്നും കമന്റുകളിലൂടെ ആവശ്യപ്പെട്ടിട്ടുണ്ട്.‘
ദാസേട്ടന് കേരളത്തില്‍ കൊച്ചിയില്‍ തന്നെ താമസിക്കുന്നതല്ലേ നല്ലത്?. കേരളത്തിന്റെ 
മുത്ത് കേരളത്തില്‍ തന്നെ ഉള്ളതല്ലേ ഞങ്ങള്‍ക്കും സന്തോഷം, ദാസേട്ടൻ അമേരിക്ക വിട്ട്
കേരളത്തിലേക്ക് വരണം.’ഈ മലയാള മണ്ണ് ആണല്ലോ ദാസേട്ടനെ ദാസേട്ടൻ ആക്കിയത്…’, എന്നിങ്ങനെയാണ്.
ചില കമന്റുകള്‍‌. അമേരിക്കയിലെ ഡാലസിലെ മകന്റെ വസതിയിലാണ് യേശുദാസും ഭാര്യയും വിശ്രമ
ജീവിതം ആസ്വദിക്കുന്നത്.