# ഭൂതകാലം ഒരിക്കലും നിശബ്‍ദമല്ല! മലയാള സിനിമയുടെ തന്നെ ഗതി മാറ്റിയ ദൃശ്യത്തിന്റെ മൂന്നാം ഭാഗം എത്തുന്നു, ‘ദൃശ്യം3’ പ്രഖ്യാപിച്ചു മോഹൻലാൽ

- Link: https://ml.b4blaze.com/film-news/mohanlal-announced-the-third-part-of-drishyam
- Published: 2025-02-20T16:35:55+05:30
- Author: Suji

മലയാള സിനിമയുടെ ഗതി മാറ്റിയ ത്രില്ലര്‍ ചിത്രം ദൃശ്യത്തിന്റെ മൂന്നാം ഭാഗം ‘ദൃശ്യം
3’ ഔദ്യോഗികമായി പ്രഖ്യാപിച്ച് മോഹൻലാൽ. മോഹൻലാൽ തന്നെയാണ് ഇക്കാര്യം സോഷ്യൽ മീഡിയയിലൂടെ
സ്ഥിരീകരിച്ചത്. ‘ഭൂതകാലം ഒരിക്കലും നിശബ്ദമല്ല’ എന്ന വാക്കുകളോടെയാണ് മൂന്നാം ഭാഗമെത്തുന്നുവെന്ന
കാര്യം നടൻ പങ്കുവെച്ചത്. മലയാളത്തിലെ ആദ്യ 50 കോടി ചിത്രമായിരുന്നു ദൃശ്യം. മൊത്തം
75 കോടിയായിരുന്നു ആദ്യ ഭാഗം തിയേറ്ററില്‍ നിന്നും നേടിയത്. ചൈനീസില്‍ അടക്കം ആറ് ബാഷകളിലേക്ക്
ചിത്രം റീമേക്ക് ചെയ്യപ്പെട്ടിട്ടുണ്ട്.

![](https://i0.wp.com/images.b4blaze.com/2025/02/socialmedia.jpg?resize=1069%2C548&
ssl=1)

സിനിമയുടെ രണ്ടാം ഭാഗത്തിന് ശേഷം മൂന്നാം ഭാഗം എത്തുമെന്ന് നേരത്തെ പ്രഖ്യാപിച്ചിരുന്നു.
എന്നാല്‍ പിന്നീട് അതിനെ കുറിച്ചുള്ള വിവരങ്ങളോ അപ്‌ഡേറ്റുകളോ ഒന്നും ഉണ്ടായിരുന്നില്ല.
2021 ഫെബ്രുവരി 19 നാണ് ദൃശ്യം രണ്ടാം ഭാഗം പുറത്തിറങ്ങിയത്. സിനിമയെ കുറിച്ച് മോഹൻലാൽ
ഒരു അഭിമുഖത്തിൽ പറഞ്ഞിരുന്നത് , ദൃശ്യം 2 സൂപ്പർഹിറ്റായതിനുശേഷം ഏറ്റവും കൂടുതൽ തവണ
പ്രേക്ഷകർ ആവർത്തിച്ചു ചോദിച്ചിട്ടുള്ള കാര്യമാണ് ആ സിനിമയ്ക്ക് ഒരു മൂന്നാം ഭാഗം ഉണ്ടാകുമോ
എന്ന്.

സംവിധായകൻ ജീത്തു ജോസഫ് അക്കാര്യം ആലോചനയിലുണ്ടെന്ന് പറഞ്ഞെങ്കിലും എപ്പോഴുണ്ടാകും 
എന്നതു സംബന്ധിച്ച് വിവരങ്ങൾ തന്നിരുന്നില്ല , മോഹൻലാൽ പറഞ്ഞു, എന്നാൽ ചിത്രത്തിന്റെ
മൂന്നാം ഭാഗം ഉണ്ടാകുമെന്ന മോഹൻലാലിന്റെ വാക്കുകൾ പ്രേക്ഷകർ ഇപ്പോൾ ആഘോഷമാക്കുകയാണ്.
മലയാളത്തിന് ഒരു പാന്‍ ഇന്ത്യന്‍ റീച്ച് കൊണ്ടുവന്ന സിനിമയാണ് ദൃശ്യം.

![](https://i0.wp.com/images.b4blaze.com/2025/02/drishyam1.jpg?resize=686%2C386&
ssl=1)